قصة الشيخ نور التميمي

بارت 41

دسم مامتعودة هيج

فارس:بخدمتج بت عمي شوكت ماتردين لا تستحين منه وهاي الولد شما تردين..ها ياولد شتكولون

وخالد وهيثم طلعو اسنانهم بأبتسامة وكالو اي عمي صار...

خالد:اكلكم تؤمتي ماكو الليلة شنو وينها بالعادة مدوختنه بسوالفها

نورسين حست بيها شي زهراء..وكلبها نقزها وتكول اتمنه شكي غلط...

نورسين:زهراء تسهر عالقصص والروايات مابيها شي وامس درستها انكلش وسهرت وياي

نور سمع ادرسها نورسين ماعجبته السالفة....وكام راح صعد لبته يشوف شبيها حتى لو تسهر متنام هيج وقت واليوم شافها تبجي انشغل باله...

نواف:ولكم افتقدت ادريس مكانه فارغ والله

نورسين:واني همين والله مامتعودة افارق اخوي سويه دوم مانفترق

شهد:الله لا يجيب الفراك ان شاء الله يخلص دراسته ويرجع

نواف:ويوم لألي اخلص حتى الشيخ نور ياخذلي سيارة

مشتاق:ماتريد مرة وياها

نواف ضحك: لاء اتزوج انته اول وبعدين انه افكر اعرس...

نور كعد زهراء من نومها وكلها كومي بويه حالج ماعجبني..وهي كلتله مابيه شي بابا بس سهرت ومانمت نعسانة ومابيه افتح عيوني...

وهو كلها اشوف كافي نوم وكومي غسلي وتعاي يمنه وكومي تعشي لا غده ولا عشه..وخلاها تنزل وياه وهي بالكوة مفتحة...

وتحس روحها مخنوك نفسها ماتكدر تحجي واذا حجت كلمة تكعد هسة تبجي بنصهم..وظلت بس تستمع لحجيهم...وهي دايخة وراسها يفتر وراح تنفجر من التفكير...

ونورسين همين ساكته ولازمة مبايلها وايدها بخدها وترسل لأدريس ماكو ميرد وخايفة عليه ماطمنها وصل لو لا...

نظره صار على الي تسمه ضوء القمر والي خذت كلبه..شافها ساكته وصافنة على الشباب يضحكون...

وهو ضاج على بته اليوم مو طبيعية وراد ياخذها للطبيب ماقبلت...وباوعلها هم ساكته...وكأنها قنبلة موقوته...

نور باوع لنورسين:الاميرة بت الالمانية ليش صافنة..وين رايح بالج

نورسين دارت وجهها عنه:حتى بهاي راح تدخل..وكامت..استمتع ويه غرورك لايكين واحد عالثاني...

نور:هسة معديها الج وطولت لسانج هاي ادبج عليها....وهي ماهتمت لكلامه وصعدت وصاحت لزهراء تجي وياها تدرسها....

بس هي جذب تريد تصيحلها بس لا اكثر لأنها مو طبيعية وكاعدة وصافنه وتحرك راسها يمين ويسار يهو يحجي مثل الفاقده وعيها...
وكامت زهراء وصعدت الدرج ويه نورسين وهي ساكته وتباوع لحركة رجليها بصعدت الدرج...