قصة الشيخ نور التميمي

بارت 64

يالتناشد على الشيخ عنده غيره الماس وطيبة ذهب واخلاق فضة
ومحبس عقيق اخضر والقالب مصبوب فضة

سبحته مرجان اسود ومطرزة بفضة...
وبيوم الي طلع وفرحانين بطلعته من المستشفى...بعدهم ماداخلين جوى اجو ثنين بسيارة ونور واكف...

وكالو كلو لشيخكم يحضر نفسه اذا ابن اخونه مات ناخذ روحه..ونور ماهماه حجيهم بس كلش مقهور بسببه راح بيها ولد من امه....

شلون ماراحت منه زهراء وصارت بعيده عن عينه وراحت بوطن غربة وشلون راح تكضي حياتها بدونه وهو جان بكل خطوة وياها...

بس هو من دعم هالولد مامتعمد وجان مو بوعيه من دعمه جان هو هم راح يفقد حياته لو ما الله لطف بي جان هو هم فقد روحه...

وصار الليل واجه خبر انو الولد توفه...دارت الدنيا براسه ورجع داخ وتخربط عليهم..ورجعو خذوه للمستشفى...

وهناك تلكوهم ولدهم وصارت هوسة ويردون يهجمون عالشيخ ويكتلونه هيج بلا قانون بلا حق..مافكت لمن اجت الشرطة...

وكلهم معصبين وحاقدين شلون قتل ابنهم..ويردون روح بداله..بالرغم محمد باقر كلهم كلكم لا تدخلون وهاي يمي بس اخوانه الزعرنة وين يفهمون هالحجي....

وهسة هادئة الاوضاع وسط العزا..ونور من صار زين راح للشيخ محمد باقر ومستعد للدية الي بركبته..وصحته بهذا الوقت كلش ادهورت بسبب روحت زهراء وهاي الحادث...

لو ما الشيخ محمد باقر جان اخوانه يهجمون عالشيخ وينحرونه بكد غضبهم على ابن اخوهم..وهذا الاصغر من الجبير عمره تقريب 13 سنة...

والأم زيدتها عليهم تكلهم مابيكم خير اذا ماتخلون القتله جوى التراب..يعني تحرضهم على قتل شخص قتل ابنهم غير متعمد ومجرد حادث ومن الله مكتوب...

وحتى امهم ماقابلة بالدية الفلوس تريد قصاص روح بروح..وكلولهم عمي مالكم حق هيج اطلبون وهو مامتعمد...

صارت كعدة الفصل ومحمد باقر سكت اخوانه بوسط شيوخ وعالم وكلهم الي يحجي اطرده من العشيرة واتبرأ منه...

وانحل الفصل ونور انطه دية ابنهم وماقبل محمد وكال مالها لزمة احنه اخوان انه وياك بس نور ماقبل...وانسدت السالفة بدون عداوات ولا زهق الارواح بالباطل..بس ياترا الاحقاد الي بكلبهم راح تروح...

مثل مادائماً يصير عدنه تنتهي السالفة وتنسد بس اكو بعض الاحقاد ماتروح ويقتلون اشخاص غدر للأسف..ولا بيد احد شي وتستمر قتل بقتل وثارات قضت على اشخاص بريئة...

اول ماخلص الفصل نور اتجه للبيت هو وفارس وياه ابوه...

نور صفن شوي والتفت لفارس:فارس تاخذ النسوان كلهم لبيت عمي بهاء واليوم فهمتني اليوم وهسة بهالساعة..نزلني هنا
فارس:وين رايح وشنو ليش اوديهم لبيت عمي صاير شي مو خلصت السالفة وخلص الفصل