صغيرة وسبتني بالعشك
ومن نارها كلبي احترك
واني الرزن وبسببها كلبي خفك
يارجفة الكلب لوتمر لوتبتسم لو تخزرك
ماجني شيخ جني طارش وثلث مرات داك شبتهم....
نورسين سدت اذانها حست راح هسة يكول كلام يجرحها..ونزلت ايديها وكلتله الألمانية...Er küsste mich....
وظلت تردد الكلمة ومعناها..قبلني...بالعراقي بوسني..وقربت عليه كلش وجهها بوجهه...
نور:شترطنين مو كايلج لا تحجين وياي بالألماني..احجي عربي..وعادتها بالألماني وصيح بصوت عليها...عرربيي...
ماكالتها بس رفعت نفسها وباسته بشفته بخفيف..وردات تبعد بس ماسمحلها وباسها هو بكل لهفة وعشك....
وخر عنها ويتذكر كلامه مو زلمة اذا اقربلج حتى بوسة خد..وندم وعافها...وكعدت عالسرير وتلامس شفتها بأصابعها...
نورسين:اعرف شلون اسكتك حبيبي من يجي لزومها بس كلبي شلون وياه..وتتحسس كلبها يدك سريع وتحسه صعد لركبتها وجهها شعل نار...
طلع مغسل وهو ساكت واتجه لمكانه عالسرير ويريد ينام...كلها طفي الضوى واذا تردين تكعدين روحي يم البنات اريد انام ماريد اسمع صوت تلفون...
نورسين اتجهت للسرير يمه:ماريد اتركك لوحدك ياتلفون..اريد انام البارحة منمت زين..واقتربت منه..وحاوطته بأيديها..وهو سحبها لحظنه قوي....
نور:لا تعيدين هالحركة اعلكلج حبل بالبنكه ومن ركبتج
نورسين عرفت قصده البوسة:نور ليش اني بحظنك وانته ماتقبلتني لحد هسة
نور وخرها:مو كلشي بين الزوجين جسدياً مو الا يصير هالشي حتى نكون متقاربين....بس كال هالكلام ودار وجهه ونام...
وهي سكتت وتباوعله وهو ناطيها ظهره...
نورسين همست لنفسها:وهو هذا اليعجبني بيك قوتك والله طول هالفترة اي انسان ثاني غيرك ياخذ مرته بأحضانه بكلشي..بس انته غير شكل انته صبور وقوي...اكره الرجال الي يشوف مرته بس افراغ شهوات
غمضت عيونها تعبانة وكاعدة من وقت والبارحة مانامت كل شوي تفز وتتحسس مكان نور فارغ تحس بالغربة...تعشكه بكل كيانها ومو بيدها كلش مسيطر على كل تفكيرها...
وبغرفة العرسان...
توه جاي من يم الولد ونواف شبع كتل منه يشاقيه ومشتاق كتله على البارحة والحبوب ويكله نواف ياخاين العشرة تزوجت وعفتنه...
مشتاق شاف هاجر كاعدة عالسرير ولازمة بطنها:هجوره خير بيج شي متأذية من شي
هاجر خجلت تحجي:ماعرف بطني توجعني و...وسكتت..وماعرف شصارلي
مشتاق حضنها بيد وحدة:شكو ليش شصارلج شي يأذيج شي غير بطنج..وباوع بوجهها وشكلها موجوعة..شكو هاجر احجي..عوفي الخجل
هاجر بخجل:هو الدم مايبطل وماعرف ليش ومو موعدها حتى وقبل اسبوع جنت بيها
مشتاق:لا تكولين..وانتي فاهية ليش من قربت عليج مرة ثانية ليش ماحجيتي..وهاي تصخمت
هاجر اجت تبجي:والله ماعرف وماكو دم جان بس الفجر حسيت بي هواي
مشتاق:شوف حظي وماحجيتي من مساع الصبح..هسة اجيبلج امي لو امج..وكام طلع وصاح لأمه يستحي من عمته...
وكلتله شبيها وكلها السالفة كالت ماكو شي ان شاء الله امشي ناخذها المستشفى نشوف دكتورة شتكول...ولبست عبايتها...
بس ام كيان سألت امها وين رايحين كالت مرت مشتاق شكلها متأذية..وخذتها ام كيان بدالها مابيها امها رجليها...
هي ام نور صح جبيرة بالعمر ورجليها راحت ويمكن من كد ما جابت هيج رجليها تأذت...
بس الي يشوفها جنها كمر ضاوي تخبل الوجه ابيض مدور وخديداتها حمر ومو سمينة وامهات الكروش لا ضعيفة بس مو كلش...
وهي من النسوان المرتبة ونظيييييفة بشكل وكل بناتها طلعو مثلها وحتى نور طلع عليها تقريباً مهوسين نظافة هي علمتهم هيج....
أنت تقرأ
قصة الشيخ نور التميمي
Fiksi Umumهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
