أنت تقرأ

قصة الشيخ نور التميمي

General Fiction

هو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....

#الثاني #جزء

بارت 32

2K 102 1 
                                    

                                              
نور شبيها نورسين ليش هيج وجهها احمر..وليش تبجي..وين شفتها وجاية وياك 
نور:ماكو شي عمي مابيها شي كتلك طاحت..وضاج من الجذبة..شفتها صدفة بطريقي واجت وياي 
ابو ادريس:حتى لو اطيح هي مو طفلة وتبجي بنيتي بيها شي..نورسين ماتبجي على سبب مايسوة..وكام يروح يشوفها..ماخلاه اخوه ابو نور كله بنية انته تكول مو طفلة هي اذا بيها شي نور يكلك مايجذب... 
نور كلش مقهور ويحس حرارته ارتفعت حتى وكلهم عن اذنكم وصعد لغرفته وخطواته ثكيلة...وعبر على غرفة البنات وهو روحه تحترك الي شافه مو سهل عليه... 
وماسألهم وين نواف ضامله عقاب عسير..وكال بس خل يوصل للبيت..وهو يفور غضب من شوفته لنورسين بذاك المكان... 
ويكول لو شايف نواف ارحملي يبقه زلمة وشايل عيبه بس هي مرة..كلها محارم..هي الشررف كله والعرض..شلون هيج رخصت نفسها جنت اعتبرها محد مثلها ماعرفت بحياتي مثلها... 
تتميز بشخصية قوية على حنية ومرحة ومحبة..وتذكر من كلتله احبك..ماهمته هالكلمة وهو شافها بمكان لو قاتلها ودافنها ارحمله من هالشعور... 
وباوع لأيده الضربها بيها ويكول تمنيت المس خدج بأيدي الحنونة مو القاسية...وتنهد وكعد لازم راسه جذب على عمه خجل من نفسه ميحب يجذب موحلوة بحقه... 
شهد من شافتها هيج كامت راحت وراها حست بيها شي ونور وياها من سمعت صوت شهكات خشمها...وكاعدة بالظلمة تبجي...والبنات من شافنها هيج سالنها ماجاوبت وطلعن من يمها... 
شهد شعلت الضوى:نورسين ليش تبجين شبيج..نور وياج حجه عليج مو 
نورسين بدموعها:موقف صعب ومحرج شافني بي وتمنيت انقتل ولا هالموقف يصيرلنه 
شهد: شصار احجيلي 
نورسين:هاي صديقتي الكتلج عنها واليوم رحت اقابلها..طلعت وحدة عاهرة وباعتني ومحضرتلي مكان قذر مشروب وعاهرات وخذتني اله ونور ماعرف شيسوي هناك بس شافني اول مافتحت الباب اريد اهرب 
شهد:عزززاااا ونور شيسوي هناك 
نورسين:ماعرف والله بس فهمني غلط وضربني ويظن اني من هذن البنات الي داخل هالبيت 
شهد:ياااربي شهالسالفة منين اجت ونور شوداه هناك هو مستحيل يروح هيج مكانات..لا لا نور اعرفه سنين ظل بلا زواج بس مايرتكب الحرام مصلي صايم ويخاف الله 
نورسين:سمعته يكلي لو شايف ابني اهونلي من شوفتج هنا 
شهد:اي نويف يمكن يشك بأبنه صارله فترة يطلع يرجع متأخر ويكله وين جنت يكول يم اصدقائي..وسمعته يكل لأبوي خليت عمر صديقي يراقبلي نواف 
نورسين مسحت دموعها:بس مانتبهت نواف هناك اصلاً اول مادخلت ردت اطلع بس واحد قوي وعنده عظلات لزمني..ولزمت حلكها..ولوماجية نور جان هسة اني عاهرة صدك واخذو شرفي
قصة الشيخ نور التميمي حيث تعيش القصص. اكتشف الآن