قصة الشيخ نور التميمي

بارت42

تنزل عليها..وسمعت صوت قبضة الباب..وغمضت عيونها حيل..وتكول لا ما اجه هسة...

ورفعت نفسها بسرعة..وتكول شهالحظ العندي..هسة يظن بيه ظن السوء مثل كل مرة ومالحكت ادور جوازي...وكامت وكفت...
نورسين ببجي:وجنت اظن نور مثل بابا..بس طلع شخص قاسي وماكو شي بقاموسه اسمه حب..وكلبه صخور..للأسف حبيته من اعماق روحي...

وحطت خدها مرة ثانية عالمخدة ودموعها تنزل عليها..وسمعت صوت قبضة الباب..وغمضت عيونها حيل..وتكول لا ما اجه هسة...

ورفعت نفسها بسرعة..وتكول شهالحظ العندي..هسة يظن بيه ظن السوء مثل كل مرة ومالحكت ادور جوازي...وكامت وكفت...

ولابسة نفنوف اسود مو كلش ضيك زين..ويوصل جوى ركباتها بشوي..ورجليها طالعة من جوى ضاويات...وثلاث ارباع ردان...

اجه تقدم عليها بهدوء وهي تعرف شراح يكول...رادت تطلع لزمها من جتافها ورجعها بيده..وخر ايده عنها وقبضها حيل...

نور:شهالجرئة العندج ادخلين غرفتي ونايمة على فراشي..وقرب عليها كلش..شتقصدين بدخلتج هنا..ونتر بيها..هاااااا

نورسين رفعت راسها بوجهه بثقة:اجيت ادور جوازي..اريد اطلع من هالبلد وارجع لحياتي هناك...

ماكملت وسد حلكها بيده ودفعها عالخفيف...

نور بشوية عصبية:مو كتلج سفر ماكو..هنا مكانج وهنا حياتج ومماتج...ولبسج هذا جم مرة حذرتج منه..تردين اجبرج عالحجاب

نورسين جسمها يختض من العصبية ولازمة اعصابها:نور لتخليني اكرهك اكثر..انطيني الجواز..وخليني اروح بسلام..لا تضطرني اراسل السفارة الألمانية حذرتك

نور قرب وجهه بوجهها كلش صار حتى تحس بحرارة انفاسه على وجهها..وريحة الجكاير الممزوجة بالعطر مالته ضوجتها...

نور:تهدديني يابت ألمانيا..انه ماتهدد يبت عمي انه اهدد بس محد يجرأ يرفع وجهه بوجهي ويهددني..ونتر بيها.. سمعتي..

وهي ماهتزت ابد..كلشي خسرت ثقة نور وحبه واحترامه..وخسرت ابوها وامها سويه..خسرت مستقبلها ككاتبة...واخوها تركها وسافر...

وتريد بس ترجع لهناك وتبقه ويه ذكرياتها ويه امها وابوها....

ماعدها شي تخسره بعد..ومدت اصبعها على صدره..ونقزته حييل..وتكله انته هنا شنو حجر بين ظلوعك فهمني حجر انته...

لزم صبعها وخره وعوجه وتألمت..وحط ايدها وره ظهرها..وبيدها الثانية تقاوم ايده وتوخرها...

نور: لا ترفعين اصبعج عليه اندمج.....وسكت ولحظة بس قرب وجهه عليها وشم خدها وهي غمضت عيونها وتحس بملمس لحيته بخدها....

وخر ودفعها عنه واستغفر ربه انخرط بمشاعره ومو عوايده يلمس شي مو حلاله...كل لمسة منه الها حرام...دار وجهه عنها وأشر للباب...