الله ياعشكها سكته ولاعب بروحي لعب
وياتنهيده صبح بعد ليل مساهره وكاضي تعب
هيج وتبدل سنيني الجنت لاهي عنهن بلا سبب
شايفك بس جنت اشوفك بالعكل بس هسه اختلف
حتى العكل من دكلك كليبي لااا يادكة احسنه رجف.....
كاعد يم ناس وعالم وشيوخ واجته رسالة طلع مبايله وفتحه وشاف مقطع من شهد قبل لا يفتحه عرف هاي نورسين وشهد وسوالفهم هي وياها..وعرف جاي تركص وميكدر يفتحه يم هالعالم الكاعد يمهم....
كام اخذ مبايله استأذنهم وطلع وراح بعيد عن الهوسة طلع رقم شهد واتصل عليها وهي ردت وكلها انطيني نورسين...وهي خافت ونطته لنورسين....
نورسين راحت للمطبخ لان ماتسمع:هلا بالشيخ
نور:شهل السوالف مو عيب عليج تصورين نفسج وادزيت لتلفوني ومعرض لكلشي يضيع ينباك..هاي اخر مرة اشوفج ادزين صورج فهمتي
نورسين بهدوء:اسفة هاي اخر مرة..ونطت التلفون لشهد وعافتها وراحت وهو بعده يحجي وياها عباله بعدها عالتلفون....
شهد:نور ترا نورسين مالها علاقة انه صورتها ودزيتها الك
نور:وين راحت وعافتني احجي وياها..ومرة الخ لتعيدين هالسالفة بويه ميصير تلفوني بالله انباك لو ضاع وبت الذين مصلخة وبتلفوني
شهد:اسفة والله اخر مرة..هي زعلت يمكن وهي مالها علاقة والله انه صورتها كلتلي لتصورين ماخذيت حجيها
نور:اخر مرة الج...وسداه بوجهها وشهد ضاجت اكيد نورسين زعلت وراحت وراها شافتها متكترة وكاعدة على كرسي وحاطة ايدها جوى حنجها ومتمللة...
شهد:نورسين اسفة والله ماقصدت الصار صيح عليج مو..خوما زعلتي
نورسين:لا مصيح شي عادي..ولج مازعل منج بس كتلج لتصوريني مايقبل لتلفونه ارسل شي..مرة دزيتله صورة ولابسة فستان كصير ماعرف اجه يرعد عليه..بس محتفظ بالصورة ههههههه فتحت مبايلة مرة محتفظ حتى بمقطع عرسنه واني اركص وصورتنه سويه صباحية العرس ياخاينة انتي الدزيتيها..شكله ماكادر يمسحهن مايهون عليه هههههه
شهد ضحكت:لعد حلال عليه المقطع اليوم واكيد هسة يشوفه مثل ذنيج مايكدر يمسحهن ههههههه..اول مرة اكتشف هالسالفة بنور هههههههههههه محتفظ بصور الج بنقاله توه يكلي مايصير وليييييج شسويتي بأخوي
نورسين:هههههه ماسويت شي والله كلما بالموضوع احبه واموت بهواه..وكامت..مو مهم شما يكون المهم عيشي حياتج ويه التحبينه حتى لو شيصير ابقي تحبينه هاي حفظيها عدل يمج...
شهد:اي كاتبتنه عيني ام الاحاسيس المرهفة ههههههه عشكي شلون ماتردين وخليج عينج بعيونه هذا المهم
أنت تقرأ
قصة الشيخ نور التميمي
Ficção Geralهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
