قصة الشيخ نور التميمي

بارت 56

لم اعد اشعر بنبضات قلبي..انا لست حي انا لم اعش يوماً...ولست مدفون اذاً اين انا ولم لست تحت التراب...لقد عرفت لأني قتلت من قبل الأحباب.......

نورسين كامتله:اسمع نور اني اشرحلك...ماكملت اجاها كف قوي طيحها بالأرض وسد الباب وراه...واتجه لزهراء الي ظلت ترجف وماتكدر تحجي ولا حرف...

نور:ماحاجيتج انتي..زهراء الحجي صحيح...

ماكدرت تجاوبه وظلت ترجف وتبجي وكعدت بالارض وحضنت رجليها وتجهش بالبجي بصوت...

وصاح بغضب وباوع لنورسين.. وانتي تعرفين ماتحجين...وماردت وشافته طلع مسدس من جوى فراش السرير وكلبها وكف...

نورسين هزت راسها:مالها ذنب والله مالها ذنب..وسكتت وكلبها وكف بخوف ويه سحب القسام وصوت بجي زهراء...

نورسين:لااااء نور لتظلم بنتك هي بريئة

نور صاح:اسكتي انتي اششش ماسمع صوتج ودورج راح يجي..واتجه لزهراء ولزمها وكومها وهي ميته رعب وتلطم وجهها وتبجي...

نور بغضب:ليش بابا مو علمتج وربيتج احسن تربية علمتج الصح والغلط وبحياتي مضربتج ودللتج وشنو تردين يجيج..هيج تجازيني

زهراء ببجي هستيري:مو غلطي مالي ذنب...تريد تكمل اجاها طراك طرش ذانها ونور من غضبه ماكام يشوف كدامه..وهاي اول مرة يضرب وحدة من بناته...

نورسين وكفت كباله:نور بس اسمعني وعوف هالمسدس الله يخليك اسمعني...دفعها ولزم ايد زهراء بغضب ونورسين تدافع عنها....

زهراء كدرت تفلت من ابوها وشردت لغرفتهم وقفلت الباب..وهو راح طلع وراها وضرب قفل الباب بطلقة وهي ماتت رعب وتبجي بشكل هستيري والكل سمعو الطلقة وبداخل البيت كلبهم نخمش...

نورسين اجت ركض وصارت كباله..وتكله كافي نور انجنيت كلتلك مالها ذنب اقسم بالله مالها ذنب اخوي المذنب...

نور وخرها ودفعها وهي رجعت مرة ثانية وحضنت زهراء هل مرة..وكلها انتي بالذات تسدين حلكج وخري لا احط طلقة براسج انتي همين...وحط المسدس براسها...ويصيح وخررري...

اجو الكل على الصريخ والصياح وصوت الطلقة ونواف ركض لزهراء ويكول شصاير بويه وخالد ومشتاق لزمو ايد نور ويردون ياخذون المسدس...

ماكدرو ياخذونه منه اجه ابو نور وصارت خبصة ونور يريد يقتل نورسين اول..وابوه لزم ايده ويكله عوف المسدس خلي نفهم شصاير...
نور يصيح بكل غضب:ادريس الكلب اعتدى على شرفي وعرضي بويه بنيتي داخل بيتي وماكدرت احميها..اريد اقتلها هي واخوها وهي وياهم...ويأشر على بته...

وايناس ميته رعب وتبجي هي وشهد والولد سمعو هيج ونواف يصيح لا جذب مايسوي هيج ادريس..مايسوي هيج بينه...

ونور يريد يقتل نورسين من صدك من كثر غضبه وابوه بالكوة ماخذ المسدس منه ويكله هي مالها ذنب بويه لتسرع انته مو مجرم وتقتل بتك ومرتك....