تني اشوفها..يالله خل تجي واطيحها بحبي بس بنظره من الهيبة نواف... وميخالف اكبر مني مو مشكلة نمشيها احط جواي بلوكة
زهراء:وتحط جواك بلوكه هاي توصل للبنكه هههههه..همه كالو اكبر منك مو اطول منك
شهد:هههههه بعد عمتك ومصدك تحب من هنا هاي ألمانية جاي تكولون ألمانية واعتقد حتى عربي ماتعرف وبلبل بألألمانية
نواف بثقة:خل نشوف باجر..ولو اكو ناس اوله مني ببت العم الألمانية..ويغمز لأبوه الي باوعله عاقد حواجبه...
ايناس:هي اصلها عراقي مستحيل واحد ينكر اصله..اكيد عمي معلمها على تقاليدنه مستحيل يقبل على بته تصير ويه ذاك المجتمع
نور:كافي بسيرة البنية وكلمن يوزع بكيفه وهي ماجية تعقد صفقة زواج لسانك نواف انته بالذات وهذاك خويلد والله اكص لسانكم ثنينكم
خالد ونواف طلعو اسنانهم:صار يابه..سويه حجو..
مشتاق:خل نشوف ياشيخ ههههههه خاف تعشك بت العم انته الوحيد يتذكرها خخخخخ
هيثم ضحك: انه ماحجيت شي يابه
فارس:انته اسخف واحد بيهم ونساك ابوك..انته وعمك الماصخ مثلكم
نواف يعدل بشعره:طبعاً انه رئيسهم....
نور كلهم انتم الحلو بيكم تصلون والحمدلله وماعدكم سرسره على اعراض العالم بس هذا الطياح الحظ مالكم عام عليكم....
بقو يسولفون شوي واطشرو وبعدها كلمن راح لغرفته...
ويوم الثاني مشتاق راح للمطار يجيب عمه وعائلته اجو..وبيت الشيخ ابو نور هوسة وبيت عمامهم كلهم عدهم وحتى بناتهم...
بعد سنين ماشايفين عمهم ولا عائلته..وهسة الكل متشوقين يلتقون بيهم...وعطلة الاسبوع لذلك كلها هنا بيت الشيخ نور...
وصلو للبيت ونزل ابو ادريس وهو مامرتاح للجية بالرغم مشتاق لأخوانه..كلبه انعصر..بس برغم هالشي ابتسم الهم...
نزل ابنه ادريس هو وعطره وملابسة السودة وشعره الطويل جوى ذاناته شعره وشاده ليورى ومنزل قسم منه..بالرغم ابوه كله غير تسريحة شعرك هاي هناك مايعجبهم هيج...
بس كله ابويه هاي حرية شخصية ميهمني رأي احد هاي طبيعتي....وظل يباوع حواليه بنظارته الشمسية ورفعها....
واخوان ابو ادريس كلهم استقبلوه بالأحضان...وهو همين وظل يبجي من شافهم وهمه همين..كلهم ظلو يبجون اخوهم فاركهم سنين....
نزلت نورسين وماتحب تشوف ابوها يبجي كلشي ولا تشوف دموعه..وكفت بالجينز الازرق الابسته والبدي الطويل حد الركبة وبشعرها المفتوح ولابسة شال بأهمال على شعرها وعن الشمس.......يتبع
أنت تقرأ
قصة الشيخ نور التميمي
قصص عامةهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
