ملكتي المنتقبه

البارت العاشر ﴿10﴾

فكر فى النهاية اكثر من البدايه،«ثم»
هناك أوقات تشعر فيها أنها النهاية ثم نكتشف أنها البداية وهناك أبواب نشعر أنها مغلقة ثم نكتشف أنها المدخل الحقيقي.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فى الشركه كان الجو مشحون بطاقه سلبيه

كانت رودينا ما تزال تمسك كامل من رقبته و كانت عيونها حمراء من شدة الغضب و اريام يحاول ان يبعد رودينا عن كامل و سمير يمنع امان و سليم من التقدم فهو جاء لان سكرتير اريام اخبره بذلك الشخص و عندما دخل سمير و قبل ان يستفسر اخبره اريام بسرعة ان يمنع امان و سليم من التقدم و ذهب ليجعل رودينا تترك كامل و لكنها كلما حاول اريام ان يسحب يدها كانت تشد قبضتها اكثر لكى تخنقه و لكن استطاع اريام ان يحكم امساكها و ابعدها عن كامل الذى وقع على ركبتيه يسعل بشده مرت دقيقتين استعاد فيهما انفاسه حتى وقف مجددا و نظر لهم بخبث و من ثم اقترب من رودينا التى تقف بعدما ابتعدت عن اريام بغضب وقف كامل امام رودينا و هو يضحك بشر

كامل بخبث: متقلقيش اوى كده هو لو كان سمع الكلام و ادانا اخته من غير وجع دماغ كان زمانه معاكوا الوقتى

رودينا بغضب: كويس انه دافع عنها و احسن حاجه انه مطلعش ندل و خسيس ذيك كده و صدقنى لو حصلهم حاجه لهدفنك مكانك

نظر لها كامل بخبث و رفع يده فى نية ان يمسك خدها و لكن كان اريام اسرع منه و هو يقف امامها و يدفع كامل للخلف و ينظر له بحده

اريام بحده: المفروض تنتقم منى انا...... انا اللى كنت بدور وراك مش هما و انت عارف كده كويس

نظر له كامل بخبث و جلس بكل راحه على الكرسى و هو يضع رجل على رجل

كامل بخبث: و اللهى انا دورت وراك ملقتش ليك حد اهددك بيه بس لو كنت اعرف انها تهمك كنت خدتها بدل التانيه بس يلا ملهاش نصيب

امان بغضب و هو يحاول ان يفلت من سمير: و ربنا هقتلك يا كلب

اريام و قد عاد ل بروده: سيبهم و انا هعملك اللى انت عاوزه

كامل بخبث: تؤتؤتؤ انا مش عبيط عشان اصدق كلامك الشحنه هتمر بإذن من شركتك من غير اى تفتيش و بعدها تستلم الاتنين دول و لو منفذتش كلامى هتستلمهم جثث

انهى كلامه بشر مما جعل سليم يستشيط غضبا و قد افلت من سمير و اتجه له و قام بلكمه عدة لكمات و هو يسبه حتى قام اريام بشد سليم لكى يبعده عنه و نظر اريام ل كامل الذى ابتسم بإستفزاز

اريام ببرود: تمام الشحنه هتمر بسلام

كامل بإستفزاز: تمام و لو عملت حركه كده و لا كده هعرف و ساعتها اترحموا عليهم

قام من مكانه و خرج..... نظروا جميعهم ل اريام الذى أردف

اريام بهدوء:جمعوا العيله كلها عندى فى البيت هناك امان ليهم