حكاوي رؤى وسليم

حكاية ٨

اسكريبت ♥️
بداية تالت سلسلة من حكاوينا🙈♥️

طبعا بما اننا عارفين ان كل البنات فى الرؤيه الشرعيه بتكتشف سبحان الله شكل السجادة بتاعتهم ، بس يلا مش مهم نبدأ بقا
_ احم ازيك
_ رفعت راسها بهدوء وقالت الحمدلله
_ اعرفك بنفسى أنا سليم عندى ٢٧ سنه مهندس والحمدلله عندى شقه كويسه ومرتب كويس
_ تمام انا رؤى ٢٢ سنه محامية
_ حضرتِك عندك اى اسئله ؟!
_ ضحكت جواها على حضرتِك دى وقالت اها بتصلى !
_ الحمدلله
_بانتظام !
_ مش اوى بس بحاول
_ تمام والقرآن
_ لا مش حافظه !
استغربت انه قال كدا  مقالش حتى انه  بيحاول ولا حتى قال اذا كان ليه ورد او لأ
_ تمام خلاص انا كده معنديش اسئله تانى !
_ طب ممكن سؤال
_ اتفضل
_ كنت عايز اسألك يعنى احم عن ماضيكى
_ مش فاهمه تقصد اى
_ احم يعنى لو كان ليكى ماضى او حاجه كلمتى حد او ..
_ وقفته قبل ما يكمل وردت بقوة تليق بمحاميه بجد وقالت معتقدش ان دا يخص حضرتك فى حاجه
_ رد بزهول وقال ازاى يعنى
_ زى ما سمعت الماضى بتاعى خاص بيا لوحدى مش حد تانى انت مش ربنا عشان تحاسبنى وانا مسألتش حضرتك ان كان ليك ماضى ولا لأ ولا كلمت حد قبلى ولا لأ لان دا ميخصنيش انى اعرفه وانا لو كان فى حاجه فى حياتى قبل كدا هتأثر على علاقتى بالشخص اللى ربنا هيقدرهولى كنت قولتها من نفسى لكن غير كدا انا  مسمحش لاى حد انه يدخل فى حاجه تخصنى انا ومتخصهوش ! وكمان حتى لو كان ليا ماضى زى ما فى دماغ حضرتك حرام عليا انى اقولك لان طالما ربنا منّ عليا بنعمة ستره ارفع انا غطاء ستره عنى ليه وعشان مين !
_ بس عشان اكون صريح معاكى لو قدر الله وكملنا انا هفضل حاسس بنسبة شك ولو بسيطه
_ ضحكت باستهزاء وقالت واى اللى يجبرك اه والله اى اللى يجبرك انك تكمل مع واحده هيبقى بينكوا شك من الاول ، طلبك مرفوض يابشمهندس ونصيحه منى روح اتعالج عشان انت بجد محتاج تتعالج ، شرفت !
خرج وهى اتنهدت بقوة والم هى مش عارفه هى قالت دا كله ازاى هى كانت هترفضه من الاول اصلا لانها حست انها مش مرتاحه من إجاباته على اسألتها ، لكن هو استفزها لان مش من حق اى حد يدخل فى حياة غيرو ابدا وبعدين ربنا بيغفر وبيغيّر عباده للاحسن ، لكن البشر هيفضلوا يعايروا وبس ! هى متوقعتش ابدا سؤال زى دا ، بس فهمت ان فعلا اللى عارف ربنا صح وفاهم القرآن صح مش بس حفظه عمره ما يفكر بالطريقة المريضه دى
احنا كلنا بشر ، كلنا بنغلط ، لكن لازم منقفش عند الغلط دا ونوقف حياتنا ، علينا اننا نتوب ونصلحه ، كنت قرأت حاجه قبل كدا عن سلوك فى التعامل مع الذنب " لا تذكره ابدا ، لا تتجاوزه ابدا "
ومش معنى لا تتجاوزه ابدا هنا انك توقف حياتك عليه ، بالعكس المعنى هنا انك تتعلم منه، تطلب من ربنا العفو والمغفرة وتتوب وتندم بجد ، لكن متفضلش موقف حياتك ،لانك هتتحاسب عليها .

  باختصار اتعلم من غلطك ، لكن متوقفش حياتك عليها، نصيحه اخيره متسمحيش لاى حد يقلل منك ولا يضغط عليكى على حاجه انتى عملتيها وندمتى ايا كانت الحاجه دى اى فى شخصيات بتبقى بالمعنى الحرفى مرضى نفسيين بيبقى كل همهم يحطوكى تحت ضغط وخلاص اوعى تسمحى لدا انه يحصل ، وخليكى فخوره بنفسك وحاسبيها علطول وخلى ربنا دايما قدام عينك واعرفى دايما انك تستاهلى كل خير والاحسن علطول طالما انتى من جواكى نضيفه 💚
Roaa Atea 🖤 🍂
#حكاوي_رؤى_وسليم
كل عام وانتوا بخير وليله لطيفه على قلوبكم 💚