لبيك اللهم لبيك ، لبيك لا شريك لك لبيك ، ان الحمد والنعمة لك والملك لا شريك لك
دا كان صوت الناس فى الحرم المكى يوم عرفه ، شعور مبهج على القلب وراحه غريبه ، اول مرة ازور الكعبه ، فيها جاذبيه غريبه ومريحه ، من وقت ما حجزت التذكرة وانا بحاول اتخيل شعورى هيبقى اى اول لما اشوف الكعبه بس مش المسها ، لكن عمر ما جه فى بالى ابدا انى هبقى بعيط وبضحك فى نفس الوقت ، بجرى على الكعبه عشان المسها ، عياط هيستيرى مش بيوقف ، كأن دموعى كانت حالفه ما تنزل الا هنا.. قطع عياطى وتأملى صوت جنبى بيقول
_ مالك يبنتى بتعيطى كدا ليه
_ بصت جنبها لقت شخص فى عمر والدها تقريبا ، وشه فى هدوء وراحه غريبه ، كأن وشه بيشع نور
_ قلت تفتكر هيغفرلى !!
_ ابتسم بهدوء وقال طبعا يبنتى ، انتى جايه لحد هنا وبتسألى اذا كان هيغفرلك ولا لأ !! دا سيدنا محمد صل الله عليه وسلم قال " من حج فلم يرفث ، ولم يفسق ، رجع كيوم ولدته أمه "
متقلقيش يبنتى ربك غفور رحيم ، ارجعيله انتى بس ، هو مستنيكِ ، ربنا بيباهى الملائكه بعباده التائبين ، بيفرح بيهم أكتر من فرحتهم بنفسهم انهم رجعوله ، ربك رحيم يبنتى ، اعرفيه وانتى هترتاحى .
وفجأه اختفى من قدامها ، قعدت طول فتره الحج تدور عليه ملقتوش ، كان نفسها تشكره على كلامه اللى فوقها ، كأن ربنا بعتهولها فى الوقت دا عشان يقولها أنا معاكى ، ارجعيلى وانا هقبلك متقلقيش
... وفى يوم من الايام كنت بتمشى الصبح ، بحس ان هوا الصبح فيه سحر خاص ، قادر يهدينى ويفوقنى ،وخصوصا وقت الفجربس اليوم دا كان حلو بزيادة ، كنت صاحيه وحاسه ان فى حاجه هتحصل هتفرحنى بس اللى مكنتش اتخيله انى هقابله تانى ، كان خارج من المسجد فى وقت الضحى ، وشه بينور زى ما شوفته اول مرة ويمكن أكتر ، دمعت من فرحتى وطلعت اجرى عليه
_ عمو يا عمو
_ لفلى بهدوء مع ابتسامه تطمن وقالى نعم يبنتى اقدر اساعدك فى حاجه !!
_ حضرتك مش فاكرنى يا عمو
_ مش واخد بالى والله يبنتى سامحينى
_ انا رؤى يا عمو اللى قابلتنى من سنتين فى الحج ، البنت اللى كانت بتعيط
_ بصلى شويه وبعدين ابتسم وقال اه اه افتكرت ، طمنينى عنك يبنتى
_ انا الحمد لله بخير يا عمو ، بس حضرتك اختفيت بعدها ليه ، انا فضلت طول فترة الحج ادور عليك وملقتكش ، كنت بدعى ربنا علطول انى أقابلك تانى والحمدلله اهو ربنا استجاب ، كنت عاوزة اشكرك على كلامك اللى طمنى وكان سبب انى اتغيرت كتير عن الاول
_ كان الافضل ان امشى يبنتى ، كان احسنلك انك تراجعى حسباتك تانى واسيبك مع ربك من غير ما اقاطعك
_ شكرا بجد يا عمو ، شكرا ان ربنا بعتك ليا وشكرا على كلامك بجد شكرا
_ متشكرنيش على حاجه يبنتى أنا مجرد سبب
_ طب حضرتك رايح فين تحب اوصلك
_ لا يبنتى متتعبيش نفسك انا بيتى قريب من هنا
_ طب ممكن اتمشى معاك !!
_ طبعا يبنتى
... كنت فرحانه اوى بكلمة يبنتى دى ، كلمه اتحرمت منها بقالى سنين طويله ، كنت حاسه انى فرحانه اوى انى قابلته تانى وعماله ابتسم زى الهبله
_ وصلنا اهو يبنتى
_ هو انا ممكن اطلب من حضرتك طلب
_ طبعا يبنتى انتى تؤمرى مش تطلبى بس
_ ابتسمت وقولتله هو انا ممكن اقول لحضرتك يا بابا !!
_ بصلى بزهول وعيونه دمعت وقال وهو انا اطول يبقى عندى بنت قمر كدا
_ شكرا شكرا جدا يابابا .. صحيح هو حضرتك اسمك اى
_ ضحك جامد وقالى اسمى سليم يبنتى
_ ماشى يابابا سليم همشى انا بقى عشان شغلى وهبقى اعدى عليك علطول
_ ماشى يبنتى ربنا يوفقك ويحفظك يارب
.. تانى يوم كان الجمعه ، الساعه تمانيه الصبح روحت عند بابا سليم ، اول ما فتحلى ، دخلت شبه الاعصار
_ اى يا بابا كل دا نوم انا قولت انك هتكون صاحى من الفجر ، عملتلك فطار هيعجبك اوى ان شاء الله ، وجبت حاجات كتير عشان هنتغدى سوا انهاردة ، هدوقك اكلى بقا وعايزاك تقولى رايك ، سكت شويه وبعدين قولت بابا صحيح انت عندك طاوله !
.. انا اتكلمت دا كله وبابا واقف بيبصلى باستغراب وبعدين مرة واحدة ضحك جامد وقال
_ طب صباح الخير الاول
_ صباح الفل يا بابا
_ متخافيش يستى صحيت الفجر وصليت بس نمت شويه بعد الشروق عادى
_ طب صليت الضحى
_ اها الحمدلله
_ الحمدلله يلا عشان نفطر
أنت تقرأ
حكاوي رؤى وسليم
De Todoوكما كانت جدتي تروي لي القصص كلما ذهبتُ إليها، سأروي لك.. سأروي لك قصصي، فتعجب أنها عنك، معك، قصص تخيلتها معك قبل أن تأتي، وقبل أن أعلم بك. تنظر لي وتبتسم علي مشاكستي الدائمة لك، وتغضب عندما أصنع منك شخصًا لا علاقة لك به. سآخذ يدك في جولة عني وعنك...