عشگ اخضر

البارت الاول

سيأتي يوم تُدرك فيه إن طيّ الصفحه هوَّ أفضل شعور في العالم ، بل ستدُرك إن ما بالكتاب هوَّ أكثر بكثير من تلك الصفحه التي كُنت عالقًا بها .

***********************************
20 اكتوبر 2018

ورده : لج قدر شلون بيج انتي يمته تحسين على دمج كاضيتها نوم لج كومي فاتج الوقت ولج كومي صاحبتج راح تجي وبعدج خامده
زمن : عوفيها عمه هيه اصلا حياتها ومعبودها نوم شلون جانت داوم اربع سنين مادري
ورده : والله ياعمه من اول يوم مدرسه وهسه تخرجت هيه شالعه كلبي بهاي السالفه طالعه على ابوها الله يرحمه
زمن : الله يرحمه
قدر: شبيجن من الصبح ماتكللي
ورده : لج زماله ياصبح هذا هسه ساعه 10 ونص ادبسز
قدر : يمه ماعندي دوام رحمه الامج انه رايحه اشوف نتيجتي واجي ولو ادري بروحي ناجحه
زمن : ولا تستقر ديلا راح توصل عبير بسرعه
قدر : انتي نجبي زمونه
قدر : رحت للحمام وانه ادردم بيني وبين نفسي اهو شلون سالفه كل ما تكعدني امي هيج تسوي وضالين صارلي 16 سنه ادرس وهيه نفسه يوميه نفس الرزاله شسوي احب النوم ههههه دخلت للحمام وغسلت وجهي واسناني وشلت كوشتي وطلعت امشي على كيف
زمن : لا قدر مصخيتها لج بسرعه
قدر : ولج عليمن مستعجله شحال لو ماهاي الجامعه
زمن : اي صح هايه مو سياره تمشي ساعه يلا نوصل
قدر : تصدكين صحيح يلا رايحه ابدل دخلت ولبست عبايه وخليت مكياج خفيف كلت عليمن مبدله عابت ميته عليهم وعلى الجامعه همزين خلصت ومابقى شي واتعين مممم خليني احجيلكم عني وانه ابدل انه قدر امي سمتني هيج مادري شنو اللذه باسمي انه بالنسبه الي ماحبه عمري 23 سنه يعني مواليد 1995 اصغر ابنه لاهلي عندي اربع خوان وماعندي خوات ابدا
زمن : لج قدر بعدين شرحي الهم هسه خلي نروح
قدر : اف شكد مكروهه كملت تبديل ورحنه بالسياره صعدنه
عبير : بعد وكت ست قدر لو ضاله بعد
قدر : انه اكول سدي حلكج
عبير : شلون راح تتعاملين باجر عكبه وي المرضى
قدر : الله كريم عودً سكتت عنهم وبقيت صافنه بالطريق خلينه نرجع الموضوعنه احسن ماعندي خوات انه خريجه كليه التمريض وهسه رايحه للجامعه اخذ شهادتي وانشالله ورا كم يوم اتعين لان تعييني حكومي عندي اربع خوان امجد مواليد 1991 خريج معهد معلمين ويشتغل مدرس واكرم 1992 همين خريج كليه ادارة واقتصاد بس مامتوضف عنده محل مال تصليح سيارات وقطع غيار وعندي ثنين خوان توئم جواد وكريم وهذول اكبر مني بسنتين 1993 ثنينهم مخلصين هندسه يس جواد هندسه مدني وكريم معماري صح توئم بس مايشابهون نهائيا لا بالشكل ولا بالتصرفات احسهم جايين للدنيا غصب حتى يتعاركون عبالك رويسيه هههه وعندي عم واحد بس عنده ثلاث بنات تبارك وداد وزمن تبارك زوجه امجد عمرها 25 سنه وعدها ثنين ولد مسلم واحمد امي سمته هيج و وداد زوجه اكرم عمرها 24 سنه عدها بنيه وحده اسمها وردً على اسم امي وبعدها صغيره بنتها امي مواليد 1969 واسمها ورده وابوي متوفي من جان عمري سنه توفه بحادث كلش قوي اصلا اكثر شي بالدنيا انقهر عليه هوه ابوي جنت امنيتي احضنه انام بحضنه اسمع صوته ماعرفه بس من الصور لا اكثر ولا اقل حتى صوته ماعرفه باثناء ماتوفى ابوي محد وكف الامي غير عمي الله يطول بعمره هوه ما عنده زوجه توفت من جابت زمن نسيت احجيلكم عنها زمن حيل احبها وهيه اقرب شي الي اعتبرها صديقتي واختي وكلشي بالدنيا تربت وياي واصلا امي ربتها انه اكبر منها بشهرين وخابصتها خبص هيه تحب اخوي جواد الي ماشايفها بعينه اصلا وادري باخوي كريم يحبها ويموت عليها بس هيه معميه كلش على عينها بايام زمان حاول عمي يتزوج امي بس ماقبلت امي حيل جميله بشكل خلي ادخل بمواصفاتي انه بيضه وضعيفه شويه عيوني زرك وكبار حلكي زين وخشمي هم حلو يعني بين قوسين اشك شك هههههه بس اكو مثل يكول الحلو مايكمل انه مريضه اي نعم انه مريضه قلب اي نعم وهالشي خلاني اصمم انو اصير دكتوره قلب حتى اعالج الي عندهم نفس مشكلتي الدكاتره كلهم عجزو عن معالجتي بس كالو اهم شي الجهد والتوتر والعصبيه توخر من يمها هيه تصير تمام لان وضعي حتى عمليه ماتصير الي لان المرض ولادي مو من صدمه او حاله نفسيه واكثر من مرا اتعب واصيح بالكليه بس انبه زمن ماجيب سيره الامي واحلفها على هذا الشي جنت حيل شاطره بالمدرسه كلش شاطره لدرجه بس للاسف من وصلت للسادس اخير يوم بالامتحان تعبت ومادرست عدل يعني ماركزت جبت معدل 90 ونص لذلك نقبلت كليه تمريض بس سنه على سنه اطلع الاولى لذلك رايحه هسه بزودي ماخايفه مثل بعض الناس
زمن : ويلي على الصافنه شبيج
قدر : خايفه من النتيجه وخفيت ضحكتي
زمن : يمه شحال لو ما الاولى كل سنه
قدر : موبيدي هالشي هوايه بيبي
زمن : الله عليج وعلى هوايتج
قدر : باوعت عليها بطرف عيني
زمن : اكلج انت تحبيني
قدر : شهالسوال الغبي طبعا لا ههههههه
زمن : قدررررررررً
قدر : وجع طرشتي اذني لج انه مو احبج اموت عليج
عبير : اي عيني الحب على ناس وناس
قدر : بدن يجادلن عبالك انه نازله من السمه شبيجن ماسكتن خزيتنه كبال الناس
زمن : صحيح والله
قدر : ورا ربع ساعه من الجدال وصلنه للكليه نزلنه نمشي وصلنه للقسم وستلمنه النتيجه كالعاده انه الاولى على القسم رجعنه للبيت وامي حيل فرحت وخواني وخصوصا كريم
كريم : اي عيني مبروك الاولى
قدر : شعبالك لعد قابل نفسك كل سنه دور ثاني
كريم : لسانج متبري منج اعوذ بالله بس والله صوج امجد
ورده : عوف اختك بحالها كريم يمه جا زمن وين
قدر : راحت لبيتهم
ورده : ليش ما اجت تتغده ويانه
قدر : ماقبلت تكول اريد اشوف ابوي بعدين يمه هيه اربعه وعشرين ساعه يمنه خلي شوف ابوها
ورده : هم صح يلا كومي وياي خلي نصب غده ساعه ثلاثه متنه من الجوع من وراج
جواد : مبروح قدور
قدر : شلون اضوج من تدليعك بس ميخالف الله يبارك بيك
جواد : هديتج موجوده لعصر توصل
قدر : هلا هلا
جواد : يمه لعد امجد واكرم وين
ورده : امجد ومرته بيت عمك واكرم وي مرته راحو للسوك وكال ناكل برا
جواد : ها بس همه بيت عمي هذول عبر بيتين شعجب تروح كل يومين
ورده : معليك جواد هيه ورجلها
قدر : هوه هذا جواد يسوي مشاكل من لا شيءً ودوم يدخل بحياه غيره وعصبي حيل يعني بين قوسين مسودن الله يساعد الي تاخذه عكس كريم ينحط على الجرح يطيب
كريم : هسه انت شعليك جواد
جواد : اهو حجه
كريم : وجعو انه اخوك نوب موبس هيج لا توئمك يعني جنت وياك بطن وحده تسع شهور ثول حتى ثول واكبر منك
جواد : كلها خمس دقايق
قدر : اكلكم اذا خلصتو دهره نكدر نروح نتغده بالمطبخ
كريم : حجيج منطقي
قدر : باوعتله صفح يتعمد يضوجني مرت الايام وماكو شي جديد غير نعيش روتين نفسه يوميه لحد ما مر شهر على تخرجي واخيرا طلعت تعييناتنه وهمين طلعت بالمستشفى الي تصير قريبه على الكليه مالتي بحجه والله الاولى على الدفعه والحسن الحظ زمن وياي بس عبير طلعت بغير مستشفى وصبرنه عليها كنالها ويخالف ونتشاوف ابقي فترا وطلبي نقل بديت اداوم بس همين رجعنه لنفس الروتين مال امي وصياحهه
ورده : ولج قدر كومي ساعه سبعه يمته ترحين
قدر : سمعت ساعه سبعه وانه طفرت لبست شلون ماجان في سبيل الحك على الخط صحت يممممممه جا زمن وين
ورده : هاي جاي تتريك
قدر: بدلت وخلصت ونزلت جوه شفتها كاعده تتريك باوعت عليها كتلها ثول حتى ثول ما تعرفين تصعدين تكعديني لو همج على بطنج بس باوعتلي ماردت بس حسيت بيها شي
ورده : قدر لسانج
قدر : خوش خوش يلا كومي خلت وكامت صعدنه بالسياره ماحجت حرف وصلنه للمستشفى نزلنه رحنه نبدل كتلها زمن شبيج
زمن : مابيه شي تعبانه
قدر : هوه انه اتيه عنج لج حافضتج حفظ
زمن : جواد
قدر : شبيه صخام
زمن : مادري شبيه وياي كلما يشوفني يعيط بيه عبالك عدوته
قدر : شبيه يعني
زمن : مامسويتله شي والله بس جنت جاي اتريك
قدر : اي
زمن : اجه ضل يصيح انت ثوله ماتعرفين تنتضرين احد ماعندج ذوق الله يطح حظ الجامعات الي تلفج
قدر : صدك هيج حجه
زمن : اي
قدر : دنكت وبلشت تبجي حضنتها وكتلها يولي زمن باجر عكبه يندم على كل كلمه حجاها الج
زمن : ماريد منه شي وانه بعد ما اجيكم اصلا
قدر : زمن ياريت تفتحين عينج شويه وتحسين على دمج
زمن : بشنو بعني احس مادري
قدر : بعدين تفتهمنيني يلا كومي خلي نشوف شغلنه بلشنه يومنه المتعب واليوم انه خفر يعني ابات بالمستشفى انه وزمن هم خلينه خفارتنه سوى حتى مانضوج كل هالسنين محد دخل بينه ابدا غير عبير وهسه رجعنه سوه ضلينه نفتر منا ومنا على مود المرضى خلص اليوم وثاني يوم رجعنه لبيتنه جانت استراحه دخلت وسلمت على الكل
ورده : الله يساعدج يمه
امجد : هلا بنيتي شلونج
قدر : حبيبي خويه زينه انه جا احمد ومسلم وين
امجد : فوك جاي تبدل الهم امهم
وداد : اي عيني سالين بس حبيبين كلبج
قدر : نجبي وداد انه احبهم كلهم مافرقً بين احد واحد
ورده : روحي بدلي يلا يمه
قدر : صعدت ابدل ودخلت لغرفه امجد سلمت عليها
تبارك : هلا هلا بالماشايفينها
قدر : شسوي يا بروكه غير شغلً
تبارك : الله يساعدج
قدر : يمه يمه لا تكوليها التعب يقرا الف نوب الممرضه شغلها اصعب من الدكتور
تبارك : الحمدالله خيه ولا ماكو
قدر : يمه حمودي الحلوً
تباركً: اكلج انتي ليش تحبين احمد اكثر من مسلم
قدر : لا ليش تكولين هيج
تبارك : كلها ملاحضه هالشي
قدر : كلهم نفس المعزه بس حمودي لان صغير ومتبتب
تبارك : ادري حبيبتي اشاقه وياج
قدر : كلتها رايحه ابدل وفعلا كمت من يمها وانه اكول صحيح انه احبه اكثر واحد بين اولاد خواني حتى من يروح البيت عمي اروح وراهم واكعد ابوس بيه مادري شنو السبب المهم بدلت ونزلت وجتمعنه على الغده وامي سالت
ورده : لعد زمن ليش ما اجت وياج
قدر : يمه زمن تكول بعد ماجي لبيتكم لان احس روحي ثقلت عليكم
امجد : افا منو كلها هيج اكسر ضهره
قدر : مادري كتلها شصاير ماقبلت تحجي
جواد : تولي يطبها مرض لا تجي شنوً يعني
كريم : ولك جواد حرام عليك البنيه يتيمه
جواد : شسويلها يعني الي يجي اهلا وسهلا مايجي يطبه مرض قابل نتوسل بيهً
قدر : جاي يحجي كتله جواد. ما اسمح الك تحجي عن زمن فهمت وبعدين خواتها كاعدين عيب عليك
وداد : يمعوده تعودنه على لسان جواد وضحكت
جواد : ليش شبيه لساني ست وداد
اكرم : جواد بس كافي
ورده : ولكم بس كافي شبيكم تخبلتو حترمو النعمه
قدر : جواد خله وكام وكال شبعت الحمدالله كلت بكلبي بعد احسن فكه ضلينه نسولف ونضحك وانه احس كلبي يوجعني احس الم بيه كلش قوي بس سكتت ماحجيت ماريد اخوف امي عليه صار الليل والالم زاد عليه بقيت طول الليل كاعده مانمت بدلت ثاني يوم وانه احس جفني بده يثكل عليه بس قاومت كلت اوصل واخلي دكتور يسعفني لان اصلا دوامي مخلص وماحجيت ماريد اثقل على خواني اكثر وصلت للمستشفى حتى زمن جانت ماخذه بالها بس كتلها مابيه شي احس وجهي ضل يصب عرك بده نفسي يثكل كوه اتنفس زمن سبقتني لجوه كتلها اوقع واجيج بديت امشي امشي احس خطواتي ثكلت الالم يزيد بكلبي مايقل جاي امشي ماحسيت غير نضربت بشخص بس عيوني مغوشه اشوفه يصيح بس مافتهم شنو يكول ماحسيت غير ......