ظل خريفچ يجي
طاحت ملامح وجهي مثل الشجر
كل خطوة ريه الگاع تاخذ نفس
وانه اختنگ لو مني جدمچ عبر
***********************************
ورده : رجعت من صفنتي على دكه الباب كلت تفضل
تبارك : عمه يلا عشه
ورده : مابيه حيل اكل يمه اريد اصلي
تبارك : عمه شبيج
ورده: مابيه شي بس كلبي يوجعني شويه
تبارك : عمه ناخذج للطبيب كولي
قدر: شبيها اميً
ورده : يمه مابيه شي الله يخليكم عوفوني بحالي
قدر : اول مرا اشوف امي بهاي الحاله بعد ماطلعت من يمها الضهر وانه بالي يمها بقت بغرفتها لليل حتى ماصلت مادري شبيها وليش هيج حالتها خصوصا من اخوي فاتحها بالموضوع صار الليل وهيه ماطلعت خلينه ورحنه اول شي تبارك راحت كتلها شبيها امي نوب كتلها يمه الخاطري طلعي تعاي اكلي ويانه ترديني اتمرض
ورده : لا يمه اسم الله عليج كايمه امري لله طلعت وياهم وشفت كريم وهوه مبتسم باوعت لجواد وكتله يمه يمته نمشي على بنت عمك جنه طولنه
جواد : كيفج يمه اي يوم تردينه
ورده : وانت كريم كول للبنيه باجر جايين الهم
كريم : ابتسمت من كلتلي امي باجر نروح كبل طفرت خابرت عليها وكتلها هلو حبيبتي شلونج
زهراء : شلونك كلبي شلون صحتك
كريم : عندي الج خبر مليون دينار
زهراء : كول
كريم : حضري روحج باجر جايين نمشي عليج خبري ابوج واخوج
زهراء : صدك تحجي
كريم : والله العظيم صدك
زهراء : احس روحي طرت من الفرح من كلي من يوم الي عرفته لليوم شكد طلعنه شكد فترينه بحياته ماحاول يسيء الي لو لسمعتي حيل حبيته ويوم عن يوم الحب يزيد جذب الي يكول الحب بالوقت يبين لا الحب ماله وقت ولا زمن ولا مده الحب شعور بالكلب يجي ويكبر بدون سابق انذار ولا اي وقت المواقف هي الي تخليك تحب المقابل وتعشقه وطول هالفتره صح قصيره بس حيل حبيته واكثر من ماتتصورون صار كلً حياتي صح تصير بينه عرايك بسبب الغيره بس مع ذلك متمسكه بيه لحد اخر نفس وبالمناسبه غيرت من نفسي هواي ولبست حجاب وغيرت لبسي كله على موده وبس وبالاخير خلاني احب هالتغيير يعني بقناعتي لبست حتى ابوي واخوي تفاجئو بس ابوي يعرف بالموضوع اكتفى بابتسامه من كلي نجي باجر من الفرح سديت الخط بوجهه وصرخت وضليت اطفر نزلت اركض لابوي وكتله بابا بابا
احمد : كولي
زهراء : باجر يجون اهل كريم يخطبوني
احمد : بس ماكتيلي ابن منو
زهراء : كتله بابا اسمه كريم ال* وسولفتله كلشي عنه هوه مثل الي نصدم اول مرا بس بعدين ابتسم وعيونه لمعت وكال انه اعرفهم هذول حق المعرفه والنعم منهم خلي يجون باجر واحنه بانتظارهم انشالله وانه اكول الاخوج هسه كتله تمام رحت اتحرك وانه حايره شنو اسوي شنو اللبس طشرت الملابس كلها بالارض ونتظرت يجي بفارغ الصبر باجر مادري خايفه على متوتره مادري شنو اسوي خابرت عليه وكتله ها شنو
كريم : بعد ماسدته بوجهي متت ضحك عليها مخبله اي والله مخبله والحببني بيها طبيعها شكد تعصب شكد مزاجيه بس احبها اعرف شلون احتويها طلعت يم اهلي وانه مبتسم والكل يباوع عليه
قدر : ها كريم شو شاك الحلك
جواد : عوفيه راح ياخذ الحب
قدر : انت تدري يعني
جواد : من حاجاها كلي شكد قديمه
وداد : اي عيني صرنه كخه احنه
تبارك : دشوفي متورد
امجد : حقه خلو يفرح شلون يبطل
جواد : والله صحيح هاي قدر مخليه عينها
قدر : يا مامخليه عيني اصلا انه اموت على كريم وبعدين كافي راح يصير عدنه عرس
جواد : اي خوب انتي تكيفين تتذكرين شسويتي بعرس اكرم
وداد : لا تذكرني خبلتني بالصالون
قدر : هسه صرت موزينه مو سمعي يمه اباوع عليها صافنه يمه تسمعيني
ورده : ها قدر
قدر : شو صافنه
ورده : وياكم يمه
كريم : يمه باجر مًوعدنه
ورده : صار يمه تامر
كريم : احبج يمه
ورده : حبيبي شعندي غيركم يوم ازف قدر انشالله
قدر : اعوذ بالله شتردين مني يمه
ورده : وجع فوك ماتكول امين البكدج خلفن
قدر : جرحتي مشاعري
كريم : حتى توبين
الكل : هههههههههههه
قدر : تضحكون عليه مو الا اجيبه يخبل ويموت
كريم : اي خلينه نشوف بله جاي احجي واتصلت عليه العله الي شلعت كلبي شلع رفعت خط كالت ها كتله ها شبيج
زهراء : باجر مو
كريم : اي ساعه 4 ونص هيج يمكم
زهراء : تمام
كريم : سديت الخط والكل يباوع عليه كتلهم خير
قدر : والله كبرت وراح تتزوج
كريم : غصبا على خشمج جبير
قدر : هههههه على كيفك شكلت انه خليت وكمت رحت لغرفتي وانه صافنه احس وياي راح يصير شي راح تتغير حياتي كعدت على جربايتي اتصفح بالفيس بوك لفت انتباهي بيج ينشر بيه قصص هواي ضليت اقرا اختاريت قصه كلش حلوه بديت اقرا بيها وندمجت حيل ماحسيت غير على ساعه 2 بالليل قريت التعليقات والي يلفت النضر يكولون اكو برنامج ينشر هالقصص حصلت اسمه من بين التعليقات ونزلته جان اسمه واتباد نزلته وربطه على الفيس وكعدت انزل بيه قصص هواي قصص حسيتها جميله لدرجه تمنيت اكتب قصتي وي دحام بس للاسف قصتي ناقصه حيل لان ماراح تكمل انه صح احبه بس مستحيل يجي يوم واسامحه خليت راسي على المخده ونمت كعدت ثاني يوم ماداومت لان تعبانه شويه اخذت اجازه كم يوم ارتاح بيهن كعدت البيت مخبوص وامي عكس امس فرحانه حيل وتضحك رتاحيت من شفتها هيج خلصنه شغلنه وصعدت اختار ملابس بالبدايه ماردت اروح بس امي عندت الا اروح كعدت اطشر ملابس اخير شي استقريت على فستان احمر ردان وشكله كلوش بعني كلش حلو ولبست شال بيجي وحذاء كعب بيجي يعني طلعت حيل حلوه
أنت تقرأ
عشگ اخضر
Художественная прозаالرساله الفارغه موادع عليش مچلبة بچفي ؟! الطبقيه والعنصريه السبب الرئيسي الي تقتل اي حب بالدنيا اتركم وي القصه مثل ما عودتكم ماحرك عليكم تحياتي الكم الكاتبه زينب عقيل الموسوي
