عيناها أجمل ما رأيته في حياتي
ولن أنساها أبدًا 💕🫶🏻
***********************************
دحام : بدت تحجي الي احس روحي دخلت دوامه جبيره كتلها تحجين صدك انتي شلون هيج يصير يعني ابوي ضلمنه وضلم امنه على مود وحده ماعدها لا اصل ولافصل
مريم : اي ماجذبت بحرف وفوك هذا كله ملفي بتها وياه بالمستشفى
دحام: يابنيه هاي
مريم : المساعده مالته بنتها
دحام: قصدج قدر وكفت على حيلي وسعت عيوني من الصدمه يعني قدر بنت عشيقه ابوي الي بسببهم خربت حياتنه وابوي عاف حتى اهله وحرمنه منهم خليت وطلعت وانه الف شغله بالي رجعت للبيت وانه افكر وافكر وافكر لحد مانمت كعدت ثاني يوم نزلت ماشفت ابوي بديت افكر واخيرا توصلت لفكره والا اخذ حق امي من عيونهم
زهراء : صافن حياتي شبيك
دحام : زهراء مالي خلكج
زهراء : شبيك دحام شكو
دحام : ماكو شي انه طالع عندي شغل
زهراء : كيفك
دحام : بلشت افكر بس شلون ومنين ابدي شلون اتقرب الها وانه ما اطيقها اصلا الثوله هاي
سلوان : خير شبيك
دحام : ماكو كل خير انشالله شلون صرت
سلوان : شويه تعبان
دحام : ليش داومت
سلوان : والله مو دائره ابوي هايه
دحام : اي صح نسيت ههه
سلوان : راح نسافر لبغداد عدنه دوره
دحام: دورتيش
سلوان : شني نسيت بعد اخوك
دحام: محد طيح حضنه غير هالدورات بلا فايده
سلوان : لحد يسمعك مالنه خلك
دحام: يمته نروح
سلوان : باجر
دحام : يصير خير يلا انه طالع طلعت وتوجهت للمستشفى بحجه جرحي دخلت ماشفت ابوي كلت احسن شفتها واكفه وحدها صافنه تذكرت كلامها وياي امس رجعت عصبت كل قوتي شلون عدها جرئه وهيج صار ثنين في واحد انتقامي تقربت يمها سلمت عليها باوعتلي ودنكت ردت السلام عليه وكالت
قدر: بعد ما الدكتور كلي دخلي لامج دخلت وشفتها حضنتها حيل وبستها كل قوتي كتلها لا تخوفيني عليج بعد يمه
ورده : شسوي يمه ماشفتي خوانج شلون رادو يتذابحون
قدر : كريم غلطان يمه
ورده : بعدين نتفاهم
قدر : الدكتور طمنه عليج وانشالله مابيج شي
ورده : انشالله يمه
قدر : يلا كومي يبعد العافيه
ورده : كمت وياها وطلعنه برا ماشفت دكتور احمد باوعت لولدي كلهم واكفين بس جنت حيل زعلانه من كريم وعلى سوايته رجعنه البيت وتلكني البنات كلهن وحتى زمن وياهن
تبارك : ماشوفين شر عمه بيه ولا بيج
ورده : اسم الله عليج بنيتي العمر بعد شك اله ماتكليلي
وداد : عمه بعدج شابه اسم الله عليج
ورده : حبيبتي
زمن : اسفه عمه الصار كله من وراي
ورده : بسج ورده انتي بنيتي مقامج من مقام قدر
قدر : اكلجن بسجن حجي وطلعن خلي المرا ترتاح شويه يلا
تبارك : افا طردينه
قدر : اي
ورده : ولك قديره ماتكعدين
قدر : يمه لا تدخلين بينه رجاءا
ورده : ام لسان بس خلي اصير زينه وانه اعلمج
قدر : انتي بس كومي بالسلامه وشتردين تسوي سوي
ورده : خذتهن وطلعن كلهن بقيت كاعده وحدي رجعت بذاكرتي ليوره حيل من جنت كاعده افكر بموضوعي وي احمد ودخلت عليه امي تكول
ام عطيه: يمه شلونج
ورده: زينه يمه انتي شلونج
ام عطيه: يمه اخوج شافله وحده بصراويه ويريد يتزوجها
ورده : اي خليه يتزوج بلكي نفتك
ام عطيه: عيب يمه هذا اخوج
ورده : وشلون دريتي
ام عطيه : خابرني على الارضي ورديت عليه وكلي
ورده : يمته يجي
ام عطيه : باجر يجي ونعرف شني السالفه
ورده : بس كون بشر
ام عطيه: والله يا يمه انشالله بشر شريد انه
ورده : ياريت تاخذه وتروح للبصره
ام عطيه: شبيج يمه ورده ليش هيج تكرهين اخوج
ورده : تدرين كلش زين ليش يمه ماعنده ولا اي كلمه طيبه هوه كرهني بيه هسه شبيه سرمد مو هم اخوي كلب على كلب حتى من نجحت مثل البشر ماحجه شي
ام عطيه : ميخالف يمه يخاف عليج صدكيني
ورده : عود انشالله طلعت امي واجه ثاني يوم اخوي وطلعت لبنيه شايفها هناك وحابها ومتعلق بيها لدرجه خياليه وفعلا راحت امي وابوي يخطبونها الها وصارت القسمه وبيوم نيشانه سواله عركه شكبرها وشكدها وياي وكلي
عطيه : ماكو طلعه وماريدج تحضرين شنو كوه
ورده : وما احضر شنو يعني فد منو انته خايف على ست الحسن خاف ضوج
عطيه : ادبسز
ورده : هجم عليه وضربني وانه مادري شنو السبب ليش هيج يسوي وياي ليش يكرهني مادري كوه فكوني منه وانه ادعي عليه الله يكسر ايده انشالله وراحو وانه بقيت بالفراش نايمه وعيوني مانشفت من الدمع ومر اليوم وباتو هناك من الصبح انه نايمه ماسمع غير دكه خفيفه على الشباك كمت وخرت البرده وجان اشوفه
احمد : شتاقيتلج وينج
ورده : تعبانه
احمد : شبيه وجهج ورده
ورده : مابيه شي احمد
احمد : كولي منو مد ايده عليج
ورده : سولفت الاحمد كلشي وسبب اختفائي
احمد : لا ياساقط على هاي الطلعه الا اربيه الج من جديد العاقً
ورده : عوفه يولي
احمد : مشتاقلج حبيبتي
ورده : انه هم بده يحجي وياي من الشباك كتله احمد يلا روح صارلك شكد هنا كاعد تسولف لحد يشوفنه بسرعه روح
احمد : تمام بس انتظرج بمكانه نفسه ساعه 5
ورده : كتله تمام خله وراح وانه بقيت بالبيت خلصت شغل وطبخت لان اكيد هسه جايين اهلي وفعلا دخلو علينه ساعه 10 الصبح ماحجيت اي حرف وهوه الابتسامه شاكه حلكه شك والحلقه بايده فرحان بيها مابالي شي غير كلت الله يهديه انشالله تعده الوقت وصارت اربعه ونص بدلت ورتبت روحي واجيت اطلع شافني العله
عطيه : وين انشالله
ورده : اريد اتمشى بالبستان
عطيه : رجعي ماكو طلعه يلا رجعي
ورده : عاط عليه وضليت ابجي دخلت وانه حسره بكلبي شوكت ارتاح شوكت افتك منكم وخصوصا منك ياعطيه هسه شيسوي احمد يلعب جوله بيه لليل ضليت كاعده على قهرتي ماسمعت غير صوت امي وهيه صاحت يمه ابني ركضت اريد اشوف شنو صاير ماشوفلك غير عطيه واكفه وراسه وجهه كله دم امي عاطت كالت احجي يمه شبيك رد عليها وكال ....
رجعني صوت قدر بنتي وهيه تكول
قدر : ها يمه شلونج هسه
ورده : زينه يمه احسن
قدر : يمه صايره هواي صفنين كولي شبيج صاير شي
ورده : لا يمه ماكو شي
قدر : شلون ماكو شي صارلي ربع ساعه احجي وانتي مويمي تدرين يمه اذا صار بيج شي اموت وراج
ورده : اسم الله عليج يمه كومي يلا خليني انام نعسانه
قدر : صار يمه خليت وطلعت وانه الوم بكريم كلما اشوفه
كريم : وين ادري هيج راح يصير يا قدر
قدر : انت اصلا تحب المشاكل البنيه باذنك سمعتها تكول احب جواد عليمن بعد وانه ادري بيك ماتحبها مثل مايحبها جواد بس شخص عجبك تريده يدخل حياتك وبس
كريمً: خلاص قدر بعد ماكرر واذا على زمن الله يوفقها وي جواد
قدر : اي هيج صير عاقل لاتصير طايش ياخويه كلي كريم : انشالله بس خلي امي سامحني
قدر : ولك هيه امي ما تحقد على احد موً نوب ابنها من بطنها المهم خله وراح صعدت نمت فوك كعدت ثاني يوم امي احسن ماطول شفتها بالمطبخ يعني زينه صباح الخير وردايه
ورده : صباح النور ام لسان
قدر : شلونج اليوم
ورده : لا زينه احسن بهواي
قدر : ماطول شفتج على رجليج واكفه يعني زينه
ورده : وين زمن
قدر : اشوفها بالسياره يلا يمه تاخرت هواي باي خليت وطلعت صعدت بالسياره طول الطريق خبصتني تحجي بس بجواد خطيه الله يتمم فرحتهم وصلت للمستشفى وبديت شغلي كالعاده مريت على دكتور احمد بس شكله ماعجبني دكتور
احمد : كولي قدر
قدر : شبيك دكتور مبين ضايج
احمد : ماكو شي بس هالاسبوع كله راح اكضيه خفاره
قدر : تمام خليت وكملت شغلي للضهر شفته من بعيد اي هوه تذكرت حجيي امس ويا احس الدنيا كلها صغرت فجئه شكد عيب رجعت كلت اهم يولي شسويله تقرب سلم عليه رديت عليه كتله تفضل محتاج شي
دحام : سلامتج محتاج ربع
قدر : عفوا شنو كلت
دحام: يعني تكولين شمحتاج شنو مجدي منج تعاي شوفي جرحي ياذيني
قدر : ماشي رحت ويا وشفت جرحه وضمدته اله كلي
دحام: انتي وين بيتكم
قدر : وانت شكو
دحام : احجي عدل لا تخليني افقد اعصابي
قدر : بكلبي اكول عوزك بعد تفقد اعصابك هوه انت منا مخبل
دحام : ادري بيج جاي تحجين عليه بكلبج
قدر : شرايد مني انته
دحام : اريدج
قدر : شنو كلت
دحام : هاج هذا رقمي واي شي يصير وياج خابري عليه
قدر: نطاني رقمه وراح بقيت صافنه عليه الحمدالله والشكر عوزي مخابيل انه ضلت عيني عليه منا لمن طلع من باب المسشتفى شنو الفلم مادري كملت شغلي ورجعت للبيت وضليت هيج يوميه اشوفه يا اما يجي بحجه الجرح يا اما اشوفه برا واكف ويكلي صدفه حيل لفت انتباهي لاول مرا انتبه لشكله طوله وعيونه المرسومات رسم بديت حتى افكر بيه بيتنه مادري شنو صار الي وبيوم كاعدين واجه بالي صعدت فوك طلعت رقمه باوعت عليه كتبته ودست اتصال كبل سويت الغاء للاتصال وبديت احجي على نفسي هسه انتي ليش اتصلتي امداج قدر ماتعرفين تتصرفين هسه شيكول عليج شامره روحج عليه طاح حظج اقل الدقيقه رجع اتصل مارديت رجع اتصل مرا ثانيه رفعت خط جان يكول
أنت تقرأ
عشگ اخضر
Ficción Generalالرساله الفارغه موادع عليش مچلبة بچفي ؟! الطبقيه والعنصريه السبب الرئيسي الي تقتل اي حب بالدنيا اتركم وي القصه مثل ما عودتكم ماحرك عليكم تحياتي الكم الكاتبه زينب عقيل الموسوي
