عشگ اخضر

البارت السادس عشر

ليش ماتحقد مثلهم (انت وَحَد؟ )
من تصيرلهم نبي تحتاج غار
ومن يندهك؟ لاتنام
الدنيه موعد والفرح مطلوب ثار
***********************************
احمد: وين صرت وشلون صرت وشلون عشت وي ابتهال هالسنين الي راحت من عمري وانه بعيد عن حبيبتي اليوم قررت اسولف كلشي وانهي قصتي لحد ما وصلت يم ورده وكفت كبالها وكتلها لو يصير عمري 70 سنه اخذج رغم ضغط اهلي وخواتي عليه الي يشوفهم يكولون هذا عدو الهم مو ابنهم بيوم الي تقربت لابتهال نصدمت صدمه عمري ابتهال جانت مو بنيه وكفت على حيلي وكتلها شنو هاي انتي
ابتهال : لاتحجي شي الله يخليك هسه افهمك جنت ناويه احجيلك كلشي بس مالحكت فاجئتني بتقربك الي
احمد : قصدج ردتي تستغفليني ابتهااااااال وضربتها راشدي كل قوتي كتلها انتي تغشيني وتغشين اهلي والله اندمج
ابتهال : الله يخليك مالي ذنب بشي والله مالي ذنب وسال اهلي
احمد : شسال اهلج
ابتهال : امك تعرف بالموضوع بس ماحجت
احمد : امي تعرف بالموضوع وماحجت مو
ابتهال : اي تعرف وتعرف هم هسه انه حامل
احمد : الكلمه وكعت عليه مثل الصعقه كتلها شنو شجاي تحجين انتي
ابتهال : اسمعني احمد صدكني انه ماردت اتزوج ردت اعيش وحدي واربي ابني وحدي بس امك اجتنه وتوسلت بابوي وامي على مود اخذك
احمد : وشنو السبب بوقتها سالتها وانه كوه مسيطر على اعصابي
ابتهال : لان ابوي مرتبط بشغل وي ابوك ورادو يوطدون العلاقه بينهم والسبب انو ابوي راد ينسحب من الشغل وتدري ابوي احسن راس مال لهاي الشغله ف ماراد ابوك يخسر ابوي لان لو طلع ابوك يفلس اول شي ابوي ماقبل من اجو على مود يبقى بالشغل بس امك صديقه امي وتعرف بالي صارلي كلش زين فكالت الابوي اخلي ابني ياخذ بنتك وانت تبقى بالشغل ابوي بصراحه فرح بوقتها انه عارضت ومن قبلت جانت امك كايلتلي انت تدري بالموضوع
احمد : شتحجين انتي شتخربطين يعني انه نغشيت انه نضحك عليه انه خسرت حبيبتي وتزوجتج
ابتهال : لا تغشم روحك احمد انت تزوجتني لان امك هددتك اذا ما تقبل بيه تفضح البنيه بشرفها
احمد : حلو عصابه طلعتو مو عصابه ضحكت وردت عليه
ابتهال : بس هسه حبيتك وماراح استغنى عنك
احمد : انتي مخبله اول مايصير الصبح اطلكج
ابتهال : احمد الله يخليك اسمع قصتي وانت راح تقرر صدكني مالي ذنب باي شي
احمد : كولي
ابتهال : اسمعني احمد انه عمري 18 سنه تدري بهالشي
احمد : اي اعرف
ابتهال : قبل شهرين بالضبط جنت راجعه من المدرسه وابوي وامي طالعين ماكو احد غير الخدامه ورجلها صراحه رجلها جانت طول الوقت عينه عليه ماجنت اعرف شنو الي يدور باله لان ما افتهم هاي السوالف وبيومها امي ماخذه الخدامه وياها عدها حفله بغير منطقه وبعيده عن بيتنه دخلت من المدرسه وجان واكف بالحديقه يسقيها ماي شافني عيونه بوقتها حسيته يخترقتني انت تدري انه بغداد عايشه وهسه اجيت هنا على مودك دخلت للبيت وانه بغرفتي جاي انزع ماحسيت غير على الباب ندفر ودخل عليه ضليت اصرخ واصرخ واصرخ بس ماكو فايده بيتنه جبير حيل ومابيه غير انه وسوه عملته الوصخه وياي وخله وطلع من يمي بوقتها تهسترت ضليت اصرخ وابجي واللطم واول ما اجو اهلي كتلهم الي صار كله كام ابوي وكتله موت ورد مرته ودفنه بالزباله ابوي عنده مكانته بالدوله يعني محد يكدر يحجي ويا وقدم وراها شكوى عليه وكال انو هوه مختفي وراها بشهر قبل لا اتزوجك يعني حسيت بدوخه ولعبه نفس وللاسف طلعت حامل بحمل حرام هنا تخبلت سويت المستحيل حتى يطيح بس امي جانت حيل مودبه وجانت حيل مؤمنه وكالت ماله ذنب بالي صار ولا انتي والسبب مني طلعت وعفتج وحدج لو ادري هيج يصير ما عوفج ثانيه دخلت بحاله اكتئاب وضليت ماحجي وكلت ماتزوج ابد بس من اجت والدتك وصار الي صار قبلت على مود ابني ماريد تجي حجايه لابوي وهوه مايستاهل قبلت وكل ضني انت تعرف
احمد : شهالقصه الخياليه هاي من راسج مو
ابتهال : صدكني مو من خيالي وروح اسال امي وابوي وشوف شنو يكلولك انه مالي ذنب وماسويت اي شي
احمد : صفنت عليها وكتلها راح اسكت مو لخاطرج لا بس على مود نفسي انه ماريد يجيني العار من وراج وبقت يمي وكبرت بطنها بس بلغت الناس مني الحمل بس اهلي كلهم يعرفون مو ابني هذا جابت ابتهال وزين حياتي الولد اول ماشلته حسيت بشعور غريب يعني بين قوسين اعتبرته ابني واكثر من ابني كبرته وربيته على ايدي اخذ اطباعي وحتى شكله جان حيل حلو يشبه امه بالضبط صار عمره ست سنين وبهالسنين هاي ابتهال حيل حبابه بالمناسبه ست سنين ما متقرب منها ابد لان نفسي طابت منها بس جانت حيل هاديه ومودبه وحيل تخاف على ابنها وتحبه هالحجي احنه نتقلنه بغداد ورا سنه من صيار دحام لان اذا ابقى هناك اموت من الذكريات الي محاوطتني وبديت اشتغل بغداد وسويت الي اسم وصرت اهم واحد باختصاصي وراها ردت انطي روحي فرصه اعتبرها زوجه بس من تقربت الها للمره الثانيه بحياتي وراها حملت بزهراء بنتي هالحجي نهايه 95 وصارت بنتي وسميتها زهراء جانت تشبهني كلش عبالك انه بس ورا سنه بدت امهم تتغير يعني انه بنفسي كمت ما اعرفها وصار عمر بنتي ثلاث سنين وهنا اكتشفت الفاجعه الجبيرة الصدمه الي كسرتني فعلا يعني تخيلو تعادل كسرتي بحبيبه روحي الي مادري بيها شنو صار ماصار عليها الي دقيقه من عمري ماطلعت من بالي عمري مانسيتها ولا انساها وحبها يزيد ويزيد اضعاف سنه على سنه يزيد جنت لازم خفاره ورجعت وقت متاخر على اساس ابات بس بعدين خلصت شغل ورجعت دخلت صوت بجي بالغرفه مال المكتب فتحت الباب لكيت اولادي يبجون وناطين بجي كتلهم وي امكم
دحام : امي بالغرفه
احمد : بيني وبينكم كرصني كلبي كتله دحام بابا اخذ اختك وادخل جوه هسه اجيكم انه يلا حبيبي كلي تمام ودخل رحت للغرفه مالتي الي نايمه بيها فتحت الباب وجان اشوفها بوضع حيل مخزي باوعت بصدمه والي وياها صديقي صديقي انه الي امنته على بيتي ودخلته اله هيج يجازيني ماسويت بوقتها اي شي لان ردتها من الله على الله كتلها وانتي بمكانج لمي هدومج واخذها واطلع برا ورقتج توصلج وراج يلا بررررررا
ابتهال : الله يخليك الله يوفقك سامحني والله غلطه اولادي ماكدر ابتعد عنهم
احمد : تنسين شي اسمه اولادج برا وفعلا لمت غراضها وراحت ويا وطلكتها ثاني يوم اولادي كتلهم امكم ماتريدكم وسافرت زهراء بوقتها حيل عذبتني بس دحام جان يحبني علىً كلبي كبرو اولادي ورجعت لذي قار مدينتي مدينه عشكي وحبي الحب الي مانسيته طول هالسنين الي فاتت كبرو وصارو بالجامعه وابني تخرج عمري ما اعتبرته مو ابني انه ربيته وكبرته وسهرت عليه جنت منطي وقتي كله يمهم صرت ام واب ومافكرت اصلا اعوفهم حتى اهلي تعاركو وياي بسبب مشكله ابتهال ورغم كتلهم الي شفته بس كالو واذا عادي شنو يعني خاف حنيت عفتلهم البيت وعفتهم كلهم حتى تواصلي وياهم لغيته تعدت السنين ومن ستقرو واعتمدو على روحهم جبتلهم خدامه تنضف البيت وراحت الشهور واجت الشهور وشفت ورده كبالي واكفه بس على هيئه امها احلا يوم بحياتي حبيتها من كل كلبي هالبنيه بس حبيتها مثل بنيتي وراها عرفت امها ورده وحسيت القدر جمعنه مرا ثانيه صارت الاحداث كلها واليوم ابني اخذ قدر وابنها اخذ زهراء واكف كبالها وهيه بارده تجاهي ادري بيها تحبني وانه هم اموت عليها وعدت نفسي اخذها لو عمرها 70 سنه المهم تصير من نصيبي وتصير بحياتي ادري صعبه على انسانه بعمرها بس بعدها صغيره اتمنى تقبل بيه دعيت ربي الف مرا تصير الي وهاي قصتي بس مادري ليش اخواتي مصرات يدمرن حيات اولادي وياي مادري شنو السبب وحيل خفت من مريم ضلت تشكك بانه مو ابني حسيت بوقتها بخنكه قويه يارب ماريد منك شي بس تحفظ اولادي وبس .....