عشگ اخضر

البارت السابع عشر

يالگصيرة
ترستي العين
غيرج ماوصل جفني
وين الله واعيش هواي
اشوف وياج يمشي ابني
************************************
مريم : وشلون نخلص منها هيه وبتها
سماح : مادري والله على كلبنه قبل وهسه
مريم : لج نسيتي منو حرك احمد يم امي
سماح : ليش هيه تنسي جانت احلا لحضات بعمري من حركتهم ثنينهم عبالهم اخليه ياخذها مثل ما عارض وما اخذت سلطان
مريم : لج بعدج تتذكرين
سماح : ليش نسيت حتى اذكر وهسه عندي ثلاث اولاد بس دوم يكولون انتي مو امنه وابوهم تزوج عليه
هند: خاله سمحيلي بس انت اسلوبج حيل جاف يعني اكو احد يخلف ويشمر الخدم تربي دباعي امي
مريم : نجبي انتي
سماح : همزين سكتيها جان طيرت عينها الصلفه
مريم : دفكري شلون قبل لا يرجع المزيون من بغدادً
هند : احلا مزيون والله
سماح : شلون تريد اكوملها
هند: ولي بالها حل
مريم : اي طربينه
هند: باوعت الامي وكتلها اسمعيني .....

برايكم شنو خطه هند وامها وخالتها ....

قدر : تقرب عليه وصك اسنانه عليه حيل وكلي
دحام : لج انه كاتل روحي عليج وانتي ولا همج كل طريقه اسويها الج حتى تسامحيني بيها وانت ولا هامج ليش يعني كفرت
قدر : حتى مرا ثانيه ماتعاقبني بذنب مو ذنبي وبالنسبه الي ما اعتبرك رجال الي انه كتله هيج بس احسه تحول وحش كبالي كبل ضربني راشدي كل قوته وكلي
دحام : الضاهر انتي مو مال احترام ابد عبرتلج هواي بس اذا ما اندمج ما اطلع ابن ابوي وهالراشدي الج عربون بدايه
قدر : ضليت ابجي خله وطلع من الغرفه لملكت رجليه وبقيت ابجي على حالي بس بداخلي اكول يستاهل هوه البده هوه الي لعب بيه وبمشاعري مادري يمكن حتى زواجه مني يريد ينتقم مني عليه بقيت كاعده على حطتي انه والبدله مالتي للساعه 3 الفجر وهوه ماكو بديت اقلق عليه لان انه وحدي وهوه هم اختفى سمعت صوت حركه بالباب خفيفه نفتح الباب وجان هوه واكف بس عيونه حمر جانت كبل عبر من يمي وراح للجربايه ونام كبل حتى ماحجى حرف احس روحي مزهريه هنا ماشافني ابد ولا عبرني متت من القهر بوقتها كمت رحت للحمام ابدل باوعت لوجهي اثار اصابعه موجوده ضليت ابجي واكول شوصلني لهاي الحاله الانسان الي احبه واموت عليه واكف كبالي واكله اكرهك مرت اليومين ثلاثه وهوه مايحاجيني حتى من يجيب اكل يجيب على كدي ولا كاني موجوده يطلع من الضهر مايرجع لل2 بالليل ضليت اشك بيه وحايره شنو اسوي لحد ما كلت لازم احاجيه بعد مابيها مجال وفعلا انتظرته يجي فتح الباب بس فتحته جانت مو طبيعيه كبل كلي قدر بسرعه بدلي يلا خلي ننزل كتله شصاير رد عليه وكال
دحام : زفتي وعرسي وتسريع بيه كله جان خطه حتى اتابع الراس الجبيره بس الصدمني انو ماله اي معلومات حتى شكله محد يعرفه رحنه بالزفه وصار الي صار بيني وبين قدر بس كلت افضل حل اجاهلها واكمل شغلي وفعلا بديت اعتبرها ماموجودة وضليت اخطط واكمل شغلي وعلى اتصال مباشر بسلوان اي معلومه احتاجها الكاها وباليوم الاخير الي هنا كتشفت انو راح يروح لذي قار وكلت لازم اوصل قبله رحت بسرعه للفندق وكتلها تحضر روحها ضلت تسال وتسال عطت بيها لج يلا بسرعه وبلا سوال شكد تحجين يلا كبالي يلا
قدر : ما اتحرك اذا ماتكول شصاير
دحام : اللهم طولج ياروح لج بسرعه بدلي لا شلعين كلبي
قدر : شكو
دحام : باوعت عليها وكلت اقهرها كتلها جنت يم صاحبتي واهلها لزموني ونهزمت باوعت عليها بدون اي كلام بس بدون مقدمات دمعتها نزلت تحركت من يمي وحضرت روحها. ولبست ملابسها مادري ليش هيج حجيت بس احسن حتى تبطل تسال هواي نزلت الجنط بصوره سريعه ومشينه تقريبا طلعنه من بغداد وهيه ساكته كبل التفتت عليه وكالت ...