مـنـچ وانـتهـت للمـوت _
ياهـو الگال ع الزلمة ابـد ما تنـتـرس عـينـه..؟
************************************
قدر : مادري شصار بيه احس الدنيا كلها ضلمه احس روحي محبوسه مادري وماعرف شلون اطلع بديت اتصرف تصرفات مو طبيعيه كمت اشوف خيالات كمت اكره حتى اشوفه اباوعله احسه حيوان كبالي ماطيق حتى اسمع صوته وهالشي صار بعد شهرين من جيتي لبيت الدكتور احمد خليني احجيلكم شنو صار بهذاك اليوم من فتت للباب ودخلت للغرفه ماحسيت غير على دحام جرني وحضني كل قوته وهاي اول مرا يسويها يكلي انه احبج وضل يشم بريحتي حسيت روحي تخردلت بين اديه مادري شلون اتصرف بس الي اعرفه بادلته الحضن بوقتها ضل يحجي هواي حجي من ضمنه انه اسف اذا عليت صوتي عليج وصدكيني الي صار بغداد بيني وبينج ماجنت قاصده جنت اشاقه والله كتله شلون يعني كال
دحام : بعدين افهمج خليني هسه ناسي تعبي وهمي بين اديج احبج قدر والله احبج وعمري ماراح افكر احب شخص ثاني وراج انتي الاولى والاخيره
قدر : تحبني فهمني شنو صار وانه اسامحك ليش سويت بيه هيج
دحام : ساعه شيطان ماجنت ادري راح احبج هيج ردت انتقم منج نوب حبيتج وحبي جاي يكبر يوم عن يوم تخيلي الملابس الي لابستهن اغار عليج منهن
قدر : مو مبرر هذا
دحام : اطلب منج طلب
قدر : اطلب
دحام : اريد انام بحضنجً مثل طفل صغير وانتي امه
قدر : شتحجي انت
دحام : الله يخليج اريد انسى الي انه بيه
قدر : بده يتقرب عليه طحت على الجربايه ونام يمي ضليت ادفع بيه واكله وخر ماحبك اكرهك عوفني ماريدك انت ماتحس ماعندك احساس ماطيقك كافي الي سويته بيه عوفني وخر عني وخر باوعلي وكال بكل هدوء
دحام : انتي الخسرانه
قدر : كالي هيج وخلاني وكام دخل للحمام ورا عشر دقايق طلع وكلي كومي طلعي برا اريد انام ماريد اشوف وجهج طلعت برا كعدت وضليت ابجي لاول مرا ابجي بهيج طريقه لاول مرا دموعي تنزل بهالقوه هاي على خدي وحركه بكلبي حسيت روحي راح تطلع من جسمي مادري شنو صارلي ليش كتله هيج كلما يريد يتقرب مني اتذكر هذاك اليوم الي ضربني بيه واذاني ولو ما الله ستر جان اخذ شرفي كاعده واجتني زهراء
زهراء : قدر شبيج كاعده هنا وليش تبجين
قدر : مابيه شي راسي يوجعني
زهراء : هواي عصب من دره انتي طالعه
قدر : ادري
زهراءً: شفتي امي
قدر : اي شفتها الله يخليها الج
زهراء : صدك نسيت اكلج بعد سبوعين عرسي على كريم هوه هيج يريد
قدر: حيل فرحت بداخلي وكتله صدك الله يتمم على خير خلتني وراحت نامت بغرفتها للاربعه ونص سمعت دكه باب نزلت اشوف شنو صاير لكيت عمه دحام وبتها جايين والسلام بينهن وبين ام دحام والبوس عالك ماحسيت غير باب غرفتي نفتح وطلع دحام منه بس الغريب نزل الدرج وعبرني ولا كاني موجوده راح سلم على عمته وبتها رحت بدلت وغسلت ونزلت سلمت بس كالعاده ردن من ورا خشمهم اجه اتصال لدحام وطلع بقيت انه كاعده مادري ليش هيج تصرفت او ليش نزلت ورا بس كل الي اعرفه هسه ماريده يغيب عن نضري خصوصا من كالت هند راح يرجعلي ويريدني ويحبني شويه وحجت
ابتهال: ماتعرفين تكومين ضيفين الضيف لو اهلج ماعلموج
قدر : اسفه كايمه شتشربين عمه
مريم : عمه العماج ماريد منج شي
هند : اني اريد كهوه
قدر : ماكدرت ارد لكبر سنها مو حبا بيها يعني تربيتي هيج شسوي رحت سويت كهوه بالمطبخ واجاني دحام وكال بلا مايباوع عليه
دحام : خلصي وحضري ملابسي عندي شغل اريد اطلع لوجايبج بس اباوع لوجهج
قدر : مارديت عليه رجع جرني من ايدي كل قوته وجان تنكلب عليه الكهوه صرخت اخخخخ
دحام : سمعي لج من احاجيج تردين عليه فتهمتي
قدر : صرخت بوجهه اي فتهمت خليت وصعدت فوك غسلت ايدي وجهي باوعت على ايدي حمره حيل ضليت ابجي بحركه وانه بالحمام من الالم والحراره اخ ايدي يمه وينج تعاي شوفي بنتج شجاي يصير بيها عود ماصارلي سبوع من تزوجت سمعت حركه وسده باب طلعت بسرعه لكيت مرهم على الميز باوعت عليه وابتسمت مسوي روحه زين وحنين وهوه الي حاركني جريته وخليت منه على ايدي ومو لان هوه جايبه لا لان الالم صار اقوى مني حضرت هدومه ونزلت للمطبخ سويت قهوه وديتها لست هند كالت
هند : لو بعد باقيه اكثر لوكايلتلي انه اكوم اسوي
قدر : جاي ارد ودخل علينه دحام مبدل والعطر لاخر مكان يوصل وكال
دحام : من تحجين وي مرتي احجي عدل ماتشتغل عندج
ابتهال: على كيفك يمه شحجت وي الخاتون مالتك هسه
دحام : انتي لا تدخلين
مريم : عمه عيب هاي امك بعدين شلون راح تتحملنه واحنه جايين نبقى يمك عشر ايام سبوع
دحام : عمه على راسي اشيلج بس مال تقللون قيمه مرتي لا ماسمح بيها لان هيج راح تنقصون مني واضح
مريم : واضح يمه واضح
قدر : عافنه وراح بس حيل كبر بعيني من سوه هاي الحركه رغم مايحجي وياي بس احس رفع راسي كبل بس راح حجت امه
ابتهال: ادري شنو مسويه اله وهيج ماشي وراح مثل الاعمى
هند : عوفيها عمه مبينه مسويه سحوره لحد ماكايله بس
قدر : نرفزتني كتلها والله يا حبيبتي كلمن يرا الناس بعين طبعه خليت وطلعت بدون ماسمع صوت كبل صارت بوجهي زهراء كالت
زهراء : حبي شبيج شو معصبه
قدر : مابيه شي
زهراء : ولج هاي شصاير بيدج
قدر: ماكو شي وانه اسوي كهوه نكلبت عليه
زهراء : ماتشوفين شر
قدر : حبيبتي خليت وصعدت لغرفتي تصلت على امي ردت
ورده : اي يمه نسيتي امج
قدر : ولج يمه انسه روحي وما انساج
ورده : شخبارج
قدر : ماكو زينه
ورده : ودحام شلونه
قدر : جريت حسره وكتلها زين يمه كلش حباب
ورده : احسج ضايجه
قدر : حجيت كلشي لامي كبل شهكت وكالت
ورده: سمعي يمه لاتخلين راسج براسهن ترا هذن حيايه صدكيني اعرفهن وخصوصا الاسمها مريم
قدر : لا تخافين يمه مايصير شي اصلا ما مخليه بالي وياهن ابدا
ورده : عفيه بنيتي
قدر : شلون البنات وداد شلونها وجواد يمته يعرس
ورده : والله يمه قررو يسوون عرسهم سوه
قدر : صدك يمه احلا خبر سمعته يمته انشالله
ورده : يكولون ورا سبوعين
قدر : الله يتمم على خير
ورده : يمه قدر بيج شي
قدر : لا مابيه
ورده : كلبي حاسني بيج شي
قدر : نزلت دمعتي بس مابينت كتلها مابيه شي حبيبتي انتي سلميلي على البنات
ورده : يوصل وانشالله هاليومين اجي اشوفج وي البنات
قدر : تنورين يمه سديت الخط منها كعدت صافنه لحد ماصاح الله اكبر كمت توضيت وصليت وانه جاي اشيل مصلايتي نفتح الباب واجت هند
هند : اسمعي بابا مانكعد نخدم بحضرتج احنه صيري حبابه ونزلي سوي عشه يلا وعمتي تكول بسرعه اريدها كبالي
قدر : اخر مرا تسوين هالتصرف وتفتحين الباب بهالطريقه والا تشوفين تصرف ثاني مني
هند : تهدديني بابا انتي مو كدي
قدر : انه اكول خفي رجليج ونزلي لا اكسرهن الج
هند : والله مسويه روحج قويه ماتدرين انه شنو
قدر : شنو انتي وحده صايعه وماتخافين وكل تربيه ماعندج
هند: هيج مو
قدر : ماحسيت غير ضلت تصرخ وتبجي وكفشت شعرها وضربت على خدها وصعدن امها وام دحام وضلن يسبن ويغلطن عليه شويه وتقربت مني ام دحام وضربتني راشدي وكالت
ابتهال : انتي صدك صلفه ومحد معلمج الادب ادبسز
مريم : اذا ماندمج ماطلع بنت ابوي
قدر : كتلهن والله ماسويت شي الها والله
ابتهال: انجبي لج ساقطه يلا نزلي كبالي اصلا انتي هنا خدامه بالبيت حالج حال امج قبل
قدر : احترمي نفسج بس حجيت هيج ماشوف غير نعاط عليه باوعت لكيت دحام وهوه عيونه مشتعله نار وكال
دحام : الكل برا يلا
قدر : طلعو وقفل الباب وتقرب ناحيتي وكال
دحام : بعد ما رجعتها وعطت بيها صعدت فوك وكتلها دقيقتين الكاج وراي واكفه صعدت وحسيت العصبيه خفت شويه حسيت روحي كبرت الموضوع اول مادخلت حضنتها وردت اتقرب عليه بوقتها فعلا محتاج حضنها محتاج شخص يوكف وياي تعبان وعقلي احسه راحً يوكف وتدرون بالباقي دخلت للحمام وكلت مستحيل اتقرب يمها بعد الا اعتبرها ماموجوده شنو اخليها تذلني مثلا طلعت وكتلها كومي طلعي برا اريد انام ادوس على كلبي في سبيل ما اضعف كبالها سبحان الي غير عواطفي وحده بكد النمله تسوي هيج نمت شويه وراها حسيت الباب ندك كمت شفتها واكفه عبرتها ومشيت لكيت عمتي وبتها كعدت يمهم ورا ماسلمت شوي واجت كعدت وجانت لابسه ومبدله ادري بيها تغار عليه كلش زين اجاني اتصال وطلعت احجي برا رجعت لكيتها بالمطبخ تسوي كهوه هنا اعترف غلطت من جريتها وطاحت الكهوه على ايدها وحتركت حيل نغثيت بس مابين الها ضليت بنار خلتني وصعدت رحت دخلت مالكيتها خليت المرهم وطلعت شويه ونزلت صعدت بدلت ونزلت لان عندي شغل ضروري اريد اطلع رحت بوجهي لبيت سلوان وكعدنه نحجي انه ويا وكلي
سلوان : برايك منو هذا ابو جحيل
دحام : مادري دوخني يا سلوان
سلوان : اول تالي سيدي
دحام : اسمعي سلوان مانعرف عليه بس اسمه وهالشي لقب مبين من الاسم يعني كلشي عليه مجهول يا اخي تتوقعه منو
سلوان : والله سيدي مادري يعني اول مره ناصدف هيج شي
دحام : هذا الي مخبلني
سلوان : اخ بس لو يطيح بيدي
دحام : اي بله شتسوي
سلوان : شسوي بعد اجيبه وانطيه الك اعتبره هديه عرسك
دحام : ياعرس هذا
سلوان : ها صاير شي
دحام : بوقتها حتاجيت شخص احجيله كلشي وفعلا كلشي سولفت اله كلي
سلوان : لا يابو شهم مامتوقعه منك يعني البنيه حقها يصير عدها رده فعل السويته موشويه على شعره رادت تخسر الاول والتالي لو ما الله ستر
دحام : ليش انه ماناسي بس حاولت بكل الطرق ماجت شسوي
سلوان : مادري شكلك ارجع للبيت هسه ويصير خير باجر اشوفك بالمركز
دحام : سلمت عليه وطلعت برا دخنت طبعا كل فترا ادخن مو دائما رحت بالسياره وبالي يمها دخلت للبيت سمعت حجيهن كله بس ماقبلتها عليها من كالت الامي احترمي نفسج كبل عطت بيهن وطردتهن سديت الباب وتقربت عليها صاك سنوني وكتلها اذا مرا ثانيه عدتي الموضوع وعليتي صوتج على امي اكسر راسج
قدر : كلي هيج وضليت ابجي كتله والله ماسويت شي هنه الي يحجن عليه
دحام : ماريد نقاش وانه سمعتهن مو ماسمعتهن وانتي صوتج ماريده يطلع بعد
قدر : خليت ودخلت للحمام باوعت على المرايه وضليت ابجي بحركه وقهر مادري شنو حسيت بوقتها الي حسيته اريد امي وبس
دحام : دخلت وسمعت صوته تبجي كلبي نكسر عليها مادري يعني امي ليش هيج تسوي مادري نزلت اشوف شنو الموضوع وانه جاي ادخل للهول سمعت هند تكول ..
أنت تقرأ
عشگ اخضر
General Fictionالرساله الفارغه موادع عليش مچلبة بچفي ؟! الطبقيه والعنصريه السبب الرئيسي الي تقتل اي حب بالدنيا اتركم وي القصه مثل ما عودتكم ماحرك عليكم تحياتي الكم الكاتبه زينب عقيل الموسوي
