يمثلج احساسك نار
انا ادريك بحساسي
تعال وياي خلي انطيح
انا وياك مثل طيحة
هوى عطرك
لمن ايطيح يم خصرك
اعوف الناس لجلك
و اترك اني الكاس
و انسم بيك يا كاسي
و انت التصعد براسي
**********************************
اتنفس بصعوبه وضاق عليه المكان اباوع دخان بكل مكان والرؤيا شبه منعدمه عندي وبروده حيل قويه بالمكان اباوع انه اعرف هذا المكان بس ماكدر افرزنه احس التنفس بده ينزل عندي وفجئه شي لزمني من ايدي اباوع وجان اشوف ايد سوده وبيها اضافر طويله خفت ارتعبت اريد بس اقرا ايات ماجاي اكدر اطلع الحجي احس شي لازم حلكي مايخليني احجي كميه الرعب الي شفتها ماكدر اوصفها بالكلام احس شكو شي احجيه مايوصل هالكد للي حسيته كلبي دخل مرحله الجمود بدت الايد تمشي على معصم ايدي وصعدت على وجهي كعدت مخروعه من الحلم والعرك يصب مني فتحت عيني على ايد دحام وهوه يلعب بوجهي
دحام : صباح الخير يا حبيبه روحي
قدر : ابتسمت بوجهه وكتله صباح النور يا روحيً
دحام : هسه اكدر اكول رب العالمين رضه عليه
قدر : مممم ليش
دحام : لان ست قدر رضت عليه واخيرا
قدر : انه احبك وتدري كلش زين بس جنت اريد وقت انسه الي صار بيه وهسه مادري شنو جاي يصير بيه ضليت احبً اشوفك واحب قربك فوك ما تتصور
دحام : وشنو الي اختلف
قدر : مادري
دحام : لاتسوين بحلكج هالحراكات قدر لاتخليني اموتج
قدر : اوي دحام شبيك وخر عني خلي اكوم اسبح
دحام : تسبحني بعد وكت
قدر : صار الصبح
دحام : ولج يا صبح ساعه 5 الفجر
قدر : من كلي خمسه الفجر نصدمت يعني الي شفته مو حلم عادي جانت رويا
دحام : حبيبتي وين صفنتي
قدر : خلي اكوم اسبح واصلي حبيبي
دحام : تمام انه وراج
قدر : دخلت للحمام وفتحت الماي ودخلت جوا الماي باوعت الايدي بيها اثار ادين ابتسمت وكلت شوف دحام شمسوي بيه ههههه كملت سبح وطلعت صليت ورحت الجربايه نمت ورا شويه اجه نام يمي وحضني وغفينه ماكعدنه للصبح لكيت زهراء مخبوصه خبص
زهراء : ولج قدر شلون بيه
قدر : شبيج حبي
زهراء : هوسه ومحد عندي يساعدني
قدر : انه اساعدج
زهراء : قدر شبيه وجهج اصفر
قدر : مادري زهراء مادري
زهراء : قدر تعاي وراي شويه
قدر : وين
زهراء : اريد احجي وياج شويه
قدر : اشوف ام دحام واكفه تباوع عليه بحقد وجهه كله سمً صعدت وياها وجرتني من ايدي
زهراء : احجيلي قدر شبيج وليش هيج ايدج زركه
قدر : مابيه شي اتسمت
زهراء : ها صالحتي وي رجلج
قدر : اي
زهراء : الحمدالله بس ماكتيلي ليش هيج وجهج اصفر
قدر : صدكيني ماماكله شي مابيه شي
زهراء : خوش لعد ديري بالج على روحج وبعد شوي نروح للسوك مو تكولين ماكلت
قدر : خلي اشوف دحام
زهراء : فديت الماتطلع لمن يجي رجلها
قدر : ديلا امشي نتريك نزلت جوه سويت جاي وبيض وكعدت اريد اكل بس مادري شصار بيه احس الاكل ريحته عفنه كتلها زهراء شبيه الاكل
زهراء : مابيه شي طيب
قدر : مادري ماشتهي انه راح اكوم انضف البيت شفتيه شلون هًوسه
زهراء : ليش مو كتلج من الصبح
قدر : كمت رحت للاستقبال بديت انضف بيها ورتبتها حيل كل ما ادور وجي احس شي يخطف من وراي اسود بس اتجاهل هالشي اكول ماكو شي بس يمكن لان تعب خلصت من تنضيف الاستقبال ومن طلعت صارت بوجهي ابتهال
ابتهال : شنو شفتي جني
قدر : احس بروده دخلت جسمي من كالت جني كتلها لا عمه حشاج بس جنت صافنه
ابتهال : اي زين تعاي غسلي الماعين
قدر : بس خلي اكمل الهول واجي بس تعجبت من شي تقربت عليه وكالت
ابتهال: بعدج ماشايفه شي
قدر : كالت هيج وراحت ضليت اباوع بعيوني وراها ليش هيج تكول شصاير شنو بعدني ماشايفه شي بس تجاهلت كلامها وكلت تولي تحجي حجي مخربط خلصت اليوم عادي بس احس بتعب احس جسمي كله نحلان واريد بس انام شتاقيت لدحام وين صار مادري صعدت فوك سبحت وهمين شفت شي غريب على رجلي اليمنى شفت بقعه زركه كلش مثل دم منحصر كلت مساع الصبح ماجانت موجوده وهمين كلت يمكن نضربت بشي وانه انضف وما حاسه على روحي بدلت وطلعت صليت وتمددت غمضت عيوني وماحسيت على شي غير انه واكفه بمكان اضلم ومهجور حيل بس هالمرا مكان حار حيل بقيت واكفه وعيوني تباوع احس جسمي مايتحرك وماكدر احجي شي باوعت لرجليه مسلسله ردت اقرا ايات قرآنيه ماجاي اكدر اقرا شفت شي بده يتقرب عليه حسيت جسمي كله خدر اريد اصرخ ماكدر ماحس احد يكدر يسمعني اخير شي قاومت الخدر الي صار بجسمي كله وصرخت باعلا حس ماحسيت غير على دحام يكلي
دحام : اسم الله اسم الله شبيج حبيبتي
قدر : دحام مابيه شي بس تعبانه
دحام: عمري سلامتج ليش متعبه نفسج بالشغل
قدر : يمته رجعت وبيش الساعه
دحام : حبي رجعت من السبعه ولكيتج نايمه طلعت وهسه اجيت
قدر : ليش بيش الساعه هسه
دحام : بالعشره
قدر : اخ وهالكد نايمه جنت
دحام : قدري شبيج
قدر : مابيه شي بس مشتاقتلك اريدك
دحام : مممم صايره وكحه
قدر: غير صرت مرتك ليش ماصير وكحه
دحام : زهراء زعلت عليج تكول اجيت اكعدها عاطت بيه وطردتني
قدر : انه
دحام : اي والله مو علىً اساس تشترون ملابس مادري شنو
قدر : ماتذكر اجت كعدتني
دحام: والله اجيت لكيتها تبجي
قدر : يا دحام والله ما كعدتني شبيك تريد تخبلني
دحام : حبيبتي ماصار شي روح احجي وياها وتعاي
قدر : كمت توضيت وصليت ونزلت جوه صحت زهراء زهراء
زهراء : ها حبي
قدر : مكعدتني مساع
زهراء : اي وعطتي عليه وطردتيني
قدر : والله العظيم مادري بيج من كعدتيني اصلا ماحسيت بيج ومادري
زهراء : عادي حبيً ماصار شي
قدر : زهراء اريد اكلج شي
زهراء : كولي
قدر : جاي احجي ودخل عمي
احمد : مساء الخير
زهراء: مساء النور بابا وينك صارلك يومين
احمد : بعد وين بالمستشفى
قدر : عمو شلونك
احمد : زين بنيتي صدك اريد اكلج شي ونسيت من المشكله الي صارت اخير مرا
قدر : كول عمي
احمد : بديت احجيلها كلشي وكتلها على بنت خالها
قدر : وانت من وين تعرف هاي التفاصيل
احمد : بابا انه اعرف اهلج من سنين طويله وراح يجي يوم وتعرفون كلشي
قدر : عمي وشلونها هسه
احمد : حياه طلعت من المستشفى صارلها يومين
قدر : انشالله مابيها شي
احمد : انشالله درت على زهراء وكتلها ها وردايتي شلونج
زهراء : زينه بابا
قدر : انه رايحه انام
زهراء : اكلي شويه
قدر : ماشتهي
زهراء : شبيج ياعيني
قدر : صعدت فوك لغرفتي وفتحت الباب وماحسيت غير طكت بخشمي ريحه حيل كريهه حسيت معدتي تريد تطلع من مكانها ركضت للحمام كبل فز دحام وضل يدك بالباب شبيج قدر شبيج ضليت استفرغ شي لونه اخضر تعجبت على الشي الي استفرغه باوعت لعوست ملابسي نزعت وشمرت ملابسي وسبحت باوعت على رجليه نفس الحاله نوب رجلي اليسرى صار بيها اثر قوي بقيت بحيره المن احجي وشنو احجي وليش اشوف هيج بطني حيل توجعني احس بالم مو طبيعي طلعت من من الحمام بعد ما لفيت جسمي بالخاوليً
دحام : شبيج قدر
قدر : معدتي دحام
دحام : لازم نروح للدكتور
قدر : ليش
دحام : شنو ليش دشوفي وجهج بالمرايه حتى عيونج من جوه سود بعدين ماكله لولا
قدر : لا ماشتهي دحام
دحام : شبيج قدر حبيبتي لا تخوفيني عليج
قدر : كضيت ايده وكتله مابيه شي حبيبي حضنته حيل وشميت ريحته احس ريحته صارت ادمان بالنسبه الي
دحام : حضري روحج باجر ترحين للدكتور
قدر : خليها ورا عرس الولد لان ماشتريت شي بعدني
مامسويه شي
دحام : مثل ماتردين
قدر : جر ايدي وباسها وحضني وراها جرني عليه وصار بينه الي صار نمت وماحسيت على شي غير واكفه بنص المطبخ مال البيت والدخان بكل مكان والظلام تارس المكان باوعت على الدرج شفت مره لابسه اسود بسود وجهه شاحب حيل نزلت ومامنتبهه لوجهه مافرزنت شكلها تقربت يمي حيل وشفته جان حيل مرعب وايدها مكطوعه بقيت واكفه مكاني من الصدمه باوعت بعيوني شفت لون بوبو يونها كله اسود مابيه بياض عرفت ساعتها انه بيه شي مو تمام اريد اتحرك ما كدر حسيت بيدها نمدت على بطني حسيت بالم قوي كبل صرخت حيل فزيت لكيت دحام يكعد بيه
دحام : قدر حبيبتي شبيج كعدي
قدر : ها حبيبي بطني توجعني
دحام : صارلي عشر دقايق اكعد بيج ضروري نروح دكتور ماسكت بعد
قدر : انشالله نروح حبيبي
دحام : كومي للحمام سبحي بمي دافي
قدر : كمت امشي الم بطني قوي سبحت بماي دافي باوعت لبطني اشوف اثر زراك على بطني
دحام : ضليت بحيره من يوم الي تقربت الها وهيه حالتها مو تمام بس العجيب الي احس بيه كمت احبها اكثر من قبل بهواي يعني احس روحي بيها صارت وانه اشوفها متاذيه نسيت حتى شغلي الي شاغل بالي وانه بالقياده بالي يمها وماكدر اشيلها من تفكيري حيل وضعها مو عاجبني وخصوصا ملامحها بيوم تغيرت طلعت من الحمام واحس على وجهه حاله عصبيه بعد ما كعدتها من كابوس مادري شنو وصوت انين وجسمها حار باوعتلي بعصبيه وصاحت
قدر : انت ليش سوي بيه هيج
دحام : شمسوي
قدر : رفعت ملابسي وكتله شوف جسمي شمسوي بيه
دحام : شبيج قدر ولله موانه مادنيت يمج بعدين شنو هاي شصاير بيج شكو صاحت بصوت
قدر : مادري دحام مادري عوفني بحالي لا تتقرب الي بعد اخذت فراشي ونمت بالارض وطول الليل يحاول يحجي وياي وما خليته يحجي اي حرف احس نفسيتي بيومين دمرت باجر عرس خواني وحضرت ملابس شلون ماجان مالي خلك شي كلت اللبس نفس بدله الحنه مال زهراء وخلص اليوم هادئ كلش ثاني يوم الصبح عمي وداني لبيتنه صارلي يوم كامل ماحاجيه ويا واصلا ماشايفته احس نفسيتي حيل تعبت تسريع الاحداث
انه ادري امي حست بيه وعلى تعبي خلص العرس وتعرفت على خالي وبنته ومرته وجانن حيل حبابات
حياه : احسج تشبهيني
قدر : اي انه هم
حياه : شبيج احسج مو على بعضج
قدر : مابيه شي
حياه : كضيتها من ايدها وكتلها انت بيج شي
قدر : شبيه وابتسمت
اسمهان : لا طلعين خبالج على البنيه حياه عوفيها بحالها
حياه : يمه بس تدرين بيه مو بيدي هالشي اشوفه من صغري
قدر : ضليت متعجبه شنو شوفين
حياه : بديت احجيلها عن نفسي وكتلها انه احس واشوف كلشي بيه ضر واي مكان بيه ضر او مسكون وجاي اشوف بعيونج هسه نفس الشي
قدر : ششوفين
حياه : باعي قدر انه ماجاي اجذب عليج انه ابوي يحبني لهذا السبب ويخاف عليه لدرجه جبيره واشوف كلشي يعني اي شي سيء اشوفه ودايما مايخليني بحدي وحتى مرضي اجه من هالشي احس روحي مربطه بهذا العالم ماكدر اطلع من عنده
قدر : وانه شنو علاقتي
حياه : تقربت عليها وكتلها قدر انتي موزينه واشرت على بطنها لحكي روحج قبل لا يروح ابنج
قدر : خوفتني حيل كتلها بيه شي
حياه : اي
قدر : وسكتت خلص العرس وصعدت فوك خالي بقى عدنه هوه وابنه وبنته ومرته نامو جوه امي كضتهم لباجر المهم صعدت فوك فتحت الباب شغلت الاضويه ماكو مايشتغلن كلت اهو وكتها وطبعا دحام اجه وعمي وماطلعت اله ولا شفته احس روحي جاي اتكطع وماكدر اسوي شي احس روحي مربطه ماكدر اوصل يمه حسيت بنفس بالغرفه كلت يمه هاي انتي ماكو رد حسيت احد واكف بالغرفه صليت على محمد بس جانت ثكيله كوه طلعت من حلكي حسيت النفس قريب عليه قريب على وجهي كلبي حيل اذاني احس راح يوكف او تجيني نوبه حسيت ايد لمست بطني حسيت بالم قوي اريد اصرخ ماكو ماكدر اصرخ اصيح بس صوتي احسه مختفي الم جاي يزيد عندي وراها ماحسيت بشي ...
حياه : بعد ماطلعت من المستشفى وصرت زينه احسن ابوي اباوع عليه فرحان حيل فرحان كتله ليش هالكد فرحان
عطيه : لكيت الضاع مني
حياه : وشنو الضاع منك
عطيه : روحي وحبيبتي
حياه : عمتي ورده
عطيه : وين عرفتي
حياه : ماتعرفني شنو قابل تضم عليه
عطيه : اي هيه
حياه : ربي يديم سعادتك بابا
عطيه : حبيبتي وبنيتي صيري زينه حتى نروح لعرس الولد
حياه : ياولد
عطيه : ولد عمتج
حياه : ماروح
عطيه : ليش بابا
حياه : كتلك ماروح
اسمهان: عوفه ابو علي تخبلت
حياه : مابيه شي يمه
أسمهان: ليش ماترحين لعد
حياه : كيفي
عطيه : خليها بعد يومين على العرس
حياه : وفعلا سكتت بس قبل العرس بساعات اجاني احساس ضروري اروح مادري شنو ونسيت اكلكم وانه وصغيره تعرضت لموقف بالبستان ضليت وراها اشوف كلشي بيه شر وحتى اشوف الجن واحس بيهم موجودين احس بالي محد يحسه وبسبب هالشي تمرضت ابوي يكول هاي هبه من رب العاليمن بس انه اعتبره شر ونقمه لان تعبانه وجاي اتعب اكثر واكثر واحسه عقاب من رب العالمين وهالشي دازه الابوي مو الي وادري ابوي شنو مسوي بس عمري مافكرت اواجهه بدلت ونزلت
اسمهان: موكتلي ماروح
حياه : غيرت رايي يمه
اسمهان : خوش امشي
عطيه : فرحتيني حيل بنيتي
حياه : اي شي تحبه اسويه يبعد العافيه
عطيه : الله يرضه عليج بنيتي
حياه : وصلت للبيت مال عمتي وحيل حبيتهم حسيت بيتهم دائره مال راحه نفسيه حتى الريحه طيبه سلمت عليها وحيل حلوه باوعت الها تشبهني هواي اقصد انه اشبهه ههه ضلينه لليل عدهم واكثر انسانه حبيتها قدر وتبارك حيل حبيتهن احسهن حبابات بده العرس وشفت شي غريب بقدر حسيت بشي غريب واني نبهتني ماحجي شي بس ماكدرت واكو ثلاث نسوان بالعرس حيل ما رتاحيت الهم احس وراهن شر خلص العرس وردنه نروح وعمتي جلبت بينه نبقى ابوي ماراد يكسر خاطرها حيل احسه متندم على السواه بيها قبل وهالشي شفته بيت المزرعه الي طحت بيها ومن الالم طحت ماتحملت بعد نايمه وحلمت حلم حيل غريب حسيت بقدر بنص غرفه ضلمه وشي اسود قريب عليها وهيه ماتكدر تتحرك ابد شويه وسمعت صوت عمتي صرخت كعدنه على صوت صريخها صعدنه كلنه فوك وحتى العرسان وشفت قدر بوضع حيل ما تستاهل تكون بيه طايحه بالارض والدم تارس الكاع ترس باوعت للغرفه وشفت الشر اي شفته شي اسود ضخم واكف بالركن مال الغرفه ومبتسم تيبست بمكاني احس الهوى ماضل يدخل صدري كبل طحت مافزيت الا وانه بالمستشفى كبل صرخت يمه قدر
أسمهان: الله يعوضها بالاحسن
حياه : شبيها
اسمهان : صار عدها اسقاط
حياه : بجيت وهاي اول مرا تنزل دمعتي على شخص يكربلي لان جنت منعدمه الاحساس
أسمهان : شبيج حياه
حياه : يمه قدر بخطر والي صايبها شي جبير
اسمهان : ها بلشتني انتي وخبالج
حياه : عصبت منها كتلها انتي طول عمرج ماتصدكين بالي اكوله رغم مصدكته ميه بالميه
عطيه : شبيج تصيحين بويه
حياه : امي بابا ماتصدك بالي اكوله وانه كلش اعرف ساكته
اسمهان : وشنو تعرفين ست حياه
حياه : باوعت الابوي وكتله كلشي اعرف وشفت كلشي سويته بعمتي ورده ابوي نصدم ضل واكف مكانه كتله بابا قدر بخطر الله يخليك خلينه نساعدها
عطيه : شبيه
حياه : الي صايبها شر جبير والله شر
عطيه : كومي بالسلامه ويصير خير
حياه : خلينه نروح نشوفها
عطيه : وين ترحين رجلها وعمها هناك وخوانها وصديق رجلها
حياه : بويه خلينه نروح كتلك البنيه بيها شي خليت وكمت وصلت قريب على المكان البيه نايمه احس كلبي نعصر حيل احس شي وياها بلغرفه اخاف ادخل اي فعلا اخاف انه صح اشوف واعرف بس كلبي مايتحمل هيج مواقف كتلها عمه
ورده : من دخلت وشفت حاله قدر ضليت اصرخ بدون وعي والمكان حار يموت رغم مشتغل تبريد نقلناها للمستشفى هيه وبنت عطيه مادري شصار بيها وصلنه وتصلت على رجلها واجه هوه واهلها كلهم بس امه ماشفتها اجاني يركض
دحام : عمه شبيها
ورده: سولفت اله كلشي صار وكتله هسه هيه جوه
سلوان : على كيفك دحام
دحامً: ولك سلوان شنو على كيفي ولك تدري هاي روحي الي جوه لوماتدري
ورده : شويه وطلع لدكتور من جوه وكال
دكتور : للاسف خسرنه الجنين بس هيه هسه احسن همزين لحكتوها باخر نفس
ورده : شنو جنين جانت حامل
دحام : حامل شنو
الدكتور : اي حامل وعليها شهرين
ورده : اباوع لدحام وجهه نكلب
الدكتور : بس المريضه متعرضه لضربه قويه وطاح الجنين
ورده : ماطايحه جانت يمي وصعدت تنام سمعت صوت طكطكه وانات خفيفه فتحت الباب ولكيت هالشي صاير
دكتور : عدها العافيه
ورده : اباوع على اخوانها ورجلها كلهم صافنين
دحام : عمه هيه طايحه بيها شي
ورده : لا يمه مابيها شي لحد ماصعدت فوك جاي احجي واجت حياه وكالت ها عمه كتلها شلون صرتي انتي
حياه : طاح طفلها مو
ورده : بقيت صافنه منو كلج
حياه : مومهم الي كالي منو يمها جوه
ورده : محد
حياه: اباوع لرجلها والي وياه ثول ماشال عينه من عليه بس صراحه حيل حلو هسه انه وين وهالسوالف وين فتحت الباب عليها ومثل ماحسيت اكو شر قريب عليها تقربت عليها وخليت ايدي على راسها وغمضت عيوني بديت اشوف الي تشوفه شفتها بوضع حيل موحلو واديها مسلسله وكلها تراب وتريد تحجي ماتكدر كبل تقربت يمها وكتلها اكعدي قدر انتي اقوى من هيج كعدي كبل حسيت عليها تحركت باوعت عليها وكتلها شلون صرتي
قدر : فتحت عيني على الم قوي بطني كتلها انتي شلون دخلتي حلمي
حياه : كومي بالسلامه وراح احجيلج كلشي
قدر : احسج نقذتيني
حياه : لوباقيه جان ماكعدتي
قدر : ليش جاي يصير وياي هيج
حياه : الدنيا برا مكلوبه عليج كلاب والي راح راح تعوضينه اهم شي تكومين بالسلامه
قدر : قصدج الطفل
حياه : اي
قدر : حسيت بطني شي بس كلت يمكن وهم وبديت اهلوس
حياه : صدكيني راح تصيرين زينه كبل صحت عمه عمه تعاي قدر كعدت دخلت عمتي ورجلها وانه طلعت برا احس كلبي بده ياذيني طلعت وصار بوجهي هذا
سلوان : سبحان من خلقج
حياه : نعم
سلوان : هسه حبيت
حياه : شبيك تخبلت
سلوان : لو انطي عمري كله حتى اخذج انطيه
حياه : صدك والله
سلوان : وداعه العيون الخضر مدري الصفر
حياه : اكول احترم نفسك اريد ارزله واجه ابوي وامي
عطيه : ها شصار
حياه : صار عدها اسقاط بويه
عطيه : الى رحمه الله يلا بعدها صغيره وتعوضه
حياه : الي بقدر مو من رب العالمين بابا الي بقدر من فعل انسان وسلط عليها هالاشياء
عطيه : منين تعرفين هالشي
حياه : صدكني بابا اذا ما نساعدها راح تموت
اسمهان : جاي تخوفيني منج
حياه : موًخوف يمه بس هاي حقيقه
اسمهان : وشلون تنحل
حياه : خلي تطلع بالسلامه ويصير خير بديت احس بتعب كتله بابا اريد ارجع للبيت تعبت
عطيه : هسه يجي اخوج نتضري شويه
حياه : خليت وطلعت كعدت بالحديقه اجاني هذا
سلوان: شنو هذا الحجيتيه
حياه : شنو
سلوان : بخصوص مرت اخوي
حياه : وانت شامر اذنك يمنه شنو
سلوان :لازم تكولين
حياه : وشراح تسوي
سلوان : نساعدها
حياه : انت منو اصلا
سلوان : انه اسمي سلوان ملازم اول تاخرت بالترفيع بسبب العقوبات الي اجتلي صديق دحام الروح بالروح من جنه بالاعداديه وهسه اعتبر قدر مثل اختي واعز لان حبيبه دحام هاي
حياه : اي اهلا وسهلا
سلوان : الحجي الي سمعته شنو
حياه : مثل ماسمعت البنيه عليها شي مو من رب العالمين لا فعل انسان
سلوان : شلوون راح نتاكد
حياه : قبل لا احجي طلع كارت وكلي هذا رقمي اتصلي بيه اذا صار شي جديد كتله اًوكي خليت وكمت واجه اخوي ورجعنه البيت اول مادخلت نمت ماحسيت على اي شي ثاني غير انه بنص حلم وكبالي قدر واكفه ويمها نسوان ثلاثه شكولتهن مالوفات بس حيل قبيحات جانن تقربت عليها اريد اصيح عليه ماكدرت احس شي لازمني فزيت من النوم وانه متروسه ترس مي باوعت الساعه ب 7 الصبح كمت غسلت وبدلت وطلعت برا لكيت ابوي بالحديقه تقربت عليه وكتله .....
قدر : بعد ما كعدت واجاني دحام وامي حياه اختفت كالو راحت حيل تاثرت من دريت بروحي حامل وطاح الطفل انه جنت شاكه بس هيج هواي عليه تعبانه بشكل
دحام : سلامتج حبيبتي ماشوفين شر
ورده : ولج يمه شلعتي كلبي شلع
قدر : مابيه شي يمه بس مادري شصار الي
دحام : كليلي شبيج شصاير وياج قدر
قدر : مابيه شي حبيبي شبيك
دحام : قدر ازعل والله
قدر : خلي اطلع بالسلامه ويصير خير
كريم : تكولون مريضه وين اكو مريضه هيج حلوه
قدر : يا شطلعك وانت عريس
كريم : خاب جا شني العرس اعز منج موبس انه اجيت حتى جواد
جواد : سلامتج حبيبتي
قدر : الله يسلمكم رغم كلهم حواليه بس احس بروحي تايهه بالي مويمهم ابد مقهوره حيل على ابني الي راح وبعده ماشايف شي اصلا بعده مجرد نقطه تسريع الاحداث رجعت للبيت واحس نفسيتي صفر وجهي اصفر باوعت بالمرايه واشوف عيوني سود وضعفانه حيل ونوب التكع الزرك الي بجسمي اصر دحام ياخذني للطبيب ورحت فعلا وكالي مابيج شي مجرد نقص حديد
رجعت للبيت والدنيا كلها سوده بعيني دحام شبه ابتعدت عنه يعني احس شغفي راح وهسه عرفت ليش تعلقت بيه هذيج الفترا رغم حبي الي القوي نمت على الجربايه وتغطيت وحلمت كاعده بيت هوسه وناس تصرخ وتبجي وانه كاعده خاله راسي بين رجليه اوضاعي جاي تسوء يوم عن يوم مادري شصار بيه راحت امي الي ماعندي غيرها اليوم الثالث مالتها ولحد هسه ما مقتنعه بروحتها احسها مسافره امي الي نطفت حياتي من وراها والصار كله بسبب شخص واحد بس سمعت صوت يصيح وراي التفتت وشفت شي اسود حيل يخوف كاعد يتقرب عليه واسمع صوته باذني وهوه يكول كل الناس الي تحبينهم راح اموتهم واولهم رفع ايده واشر على دحام كبل صرخت وكعدت من الحلم احس روحي تريد تطلع جان كاعد يمي كبل حضنته وكتله انت مابيك شي انت زين صح
دحام : حبيبتي كلشي مابيه بس جاي تخوفيني عليج
قدر : اخ دحام راسي راح ينفجر لا تعوفني الله يخليك لا تعوفني
دحام : هوه انه اكدر اعوفج يابعد روحي اكعدي شوفي منو اجالج جوه
قدر : امي صح
دحام : اي وياها حياه وخالج
قدر : حياه
دحام : اي حبيبتي حياه
قدر : كمت بدلت ولبست ونزلت جوه هالحجي ورا فترا من طلعتي من المستشفى سلمت عليهم كبل كامت بوجهي حياه
حياه : اريد اروح لقدر
عطيه : شلون نروح عيب بابا
حياه : البنيه محتاجتني بابا
عطيه : الله كريم
حياه : فعلا مرت كم يوم واخذني رحنه ويانه عمتي ورده دخلنه وانتظرنه رجلها يصيح الها وفعلا صاح الها واجت بس اجت واشوف وراها هواي دخان اسود يعني شما اوصف المنضر يخوف ماكدر وجهه كله شاحب وضعفانه حيل وكفت على حيلي وهيه كعدت يم امها وحضنتها كبل كتلها اريد اشوف غرفتج قدر
قدر : اي حبيبتي صار
حياه : لا انتي ابقي هنا خويه ممكن توديني
دحام : اي صار
حياه : صعدت ويا فوك اول مافتت للغرفه نقبض كلبي غمضت عيني حيل وبديت اشوف تذكرت هاي منو شفتها شلون اجت وشمرت شي ورا الكنتور ورشت شي بالارض يم العتبه وطلعت نزلت وراها بالتخيل دخلت للهول وكالت كلشي تمام هسه كله يصير ويانه ونخلص من بنت ورده ردت عليها الكبالها يعني افتك كالت طبعا ضليت كاعده بينهم اشوفهم شيحجون وكلشي عرفت بس احس كلبي بعد مايتحمل كبل فتحت عيني وصرخت
دحام : شبيج حياه شبيج
حياه : قدر دحام قدر وراها ماحسيت بشي ابدا
دحام : كل الي صار وانشغالي بالي اسمه ابو جحيل بس مرض قدر اخذ من حيلي حيل اشوفها وهيه تعبانه وتقهر بروحها وجسمها حيل متاذي مادري شنو السبب والي كسرني اكثر الاسقاط الي تعرضت اله احس روحي طلعت بس شسوي كلشي بيد رب العالمين بيوم كاعد انه وابوي واجو بيت خال قدر وياهم ورده ام قدر ابوي احسه فرح حيل كلت يارب اذا صدك يحبها ينجمع بيها حتى لو جانو كبار بالعمر صعدت اكعد قدر وكالعاده نفس الشي تكعد بفزه كتلها اجو ونزلت وراي دخلت وفجاه حياه كالت اريد اصعد فووك صعدت ودخلت للغرفه غمضت ورا ثلاث دقايق فتحت عينها وكالت قدر قدر واغمى عليها صرخت عليهم يجون شلتها ونزلت بيها اركض لان خطيه تموت بيها قلب ابوها كبل وكف كبالها وكلها يمه حياه بنيتي كومي شبيج كتله عمي خلي ماخذها للمستشفى وفعلا راحت للمستشفى وراها بشويه وكعدت صارت احسن ابوي وياها يتابع حالتها شويه واجاني اتصال من سلوان وكلي
سلوان : سيدي تم القاء القبض على ابو جحيل
دحام : شلون ويمته ومنو طلع
سلوان : سيدي طلع طول الوقت كبال عينه بس ماشالله عليه ذكي
دحام : عاشت ايدك يابطل خليني انه احقق ويا ضمه الي
سلوان : صار وين انته
دحام : حبيبتك بالمستشفى
سلوان : يمه حيه
دحام : اي حيتك ههه
سلوان : لاتضحك بيه ولا بيها تحتاجون اجي
دحام : لا خليك مكانك سديت الخط واجه خال قدر
عطيه : ابني شبيك مبتسم
دحام : اي والله عمي مجرم صارلنه اشهر ندور عليه واخيرا كضيناه
عطيه : ابتسمت وكتله بيها لخير بس بويه حياه تريد تشوفك
دحام : رحت عليها ودخلت يمها وكالت
حياه : الحل بيك دحام الي مسوين السحر
دحام : بدت تحجيلي وتعجبت على الي كالته بس احس روحي صارت بعيوني يعني على ساعه اطك واموت ركضت بالسياره لبيت الحيه هند وامها وفلشت الباب ودخلت بعد مافتح الباب اخوها الجبير دخلت بوجهي على هند جريتها من شعرها وهيه صرخت
هند : شبيك عوفني
مريم : شبيك على بنيتي عوفها الله يكسر ايدك
دحام : ولجن الله يكسر ايدجن انت يا سحارات بس اريد افتهم بشنو اذنج ليش تريد تاذين مرتي ليش
مريم : الضاهر عرفت
دحام : اي عرفت واليوم احرك البيت عليجن
مريم : والله شوف امك هيه الي دلتنه هالمكانات مواحنه
دحام : لا جيبين طاري امي على لسانج الوصخ
مريم : والله امك الي جابتك من الحارس مال بيتهم يا ابن الحرام
دحام : بقيت مصدوم كتلها شتحجين انتي
مريم : اي روح وشوف ابوك وساله نوب احجي واذا على مرتك العوبه اخذها الك اشبع بيها وانشالله موتها قريب
دحام : نسطرت على راسي ماجاي استوعب شي خليت وطلعت بعد ماسولفت كلشي الابو هند واخوانها وهمه مايقبلون على الخطا مالت الله بوجهي للمستشفى دخلت على غرفه ابوي وكتله هسه تكلي كلشي صار من جنت صغير لحد هسه عمرك هذا رد عليه وكلي .....
أنت تقرأ
عشگ اخضر
Tiểu Thuyết Chungالرساله الفارغه موادع عليش مچلبة بچفي ؟! الطبقيه والعنصريه السبب الرئيسي الي تقتل اي حب بالدنيا اتركم وي القصه مثل ما عودتكم ماحرك عليكم تحياتي الكم الكاتبه زينب عقيل الموسوي
