عشگ اخضر

البارت الحادي عشر

يـا بَعد وجهيّ
شبعُد وجهك علية .
***********************************
قدر : صدمه عمري من شفته باوعت عليه بلهفه احس روحي ردتلي بس مع ذلك مابينت سويت روحي ما مهتمه باوع عليه وكلي
دحام : شلونج يالعافيه
قدر : زينه
دحام : مشتاقلج
قدر : رجاءا دحام بلا هلسوالف منا واكطع عوفني رحمه لربك
دحام : قدر احبج
قدر : تتوقع راح اصدك بيك لو تموت
دحام : رجعت من الموت على مودج
قدر : ردت احجي وحسيت بيه فقد توازنه كتله شبيك دحام
دحام : مابيه شي يعافيتي
قدر : يلا عن اذنك وصدك حمدالله على سلامتك
دحام : لاترحين خليني اشوفج شويه
قدر : ردت ارزله ماشوفه غير وكع من طوله كبل صرخت دحاااااااام ضليت اصرخ واجو شالو ركضت ويا للداخل وهمزين دكتور احمد بعده ماطالع ركضت لغرفته وكتله دكتور الحك دحام راح يموت
احمد : شتكولين قدر شبيه دحام
قدر : بسرعه تعال وياي ركضت وهوه وياي احس كلبي ضل يوجعني اختنكت وصدري صارت بيه خنكه لحد هسه اي جهد مايصير ابذل رحنه ونقلنا للطوارئ ومثل ماتوقعت صار عنده التهاب بالجرح وضروري نعيدله العمليه نقلنا فورا لغرفه العمليات بس وياي هالمره دكتور جودت اختصاص بهالسوالف لان دكتور احمد دكتور قلب بدينه نضف جرحه وعدنه الخياط اله وسواله تعقيم واخيرا خلصنه طلعت وصار بوجهي دكتور احمد كبل كلي
احمد : بعد ماصارت هاي الضروف كلها الي مرت وصلت لاخير مرحله وهيه ابني مادري عنه شي وتلفونه مغلق بقيت بحيره وماعندي اي حل ثاني كلت باجر اروح اسافر لصلاح الدين بعد ماعرفتها من الامر مالته لان هوه هم نقطع الاتصال بيهم كاعد بمكتبي المغرب تقريبا ونفتح الباب وشفت قدر وجهه مخطوف وكاعده تنهت كالت الحك دحام راح يموت ركضت وياها وانه مامصدك راح اشوف ابني كبل دخلنا عمليه وانه كملت اموره كعدت باب العمليات احس روحي مربط صعب تشوف ابنك وحيدك بهيج حاله خصوصا دحام وزهراء روحي من الدنيا وين رجعت للوجع القديم من رحت الامي وكتله يمه انه اريد اخطب
ام احمد : اي يمه هاي ساعه المباركه يعني قتنعت اخطبلك ابتهال
احمد : لا يمه مو ابتهال
ام احمد : منو
احمد : ورده
ام احمد : منو منو
احمد : ورده يمه رده فعل امي جانت حيل قويه بوقتها وكالت
ام احمد : شنو شنو تريد تتزوج بنت الحارس بنت الفكر هاي لك هاي حتى ماتعرف تكتب اسمها جاهله وانت دكتور تعبت عليك تاليتك تريد تتزوج هايه القذره
احمد : بدت امي تصيح وتصيح وابوي اجه وخواتي وكلهم نفس الموقف وحلفت امي تروح وتفضحها بالشارع كله بس وكفتها وكتلها سمعيني لو هيه لو ما اتزوج طول عمري لو ورده لو ما اتزوج فتهمتي يمه لولا
ام احمد : على جثتي تاخذها والله لا فضحها
احمد : انتي بس سويها وشوفي شراح اسوي بيكم تحلمون شوفونً شعره مني
ام احمد : على مود هاي ام السحورة تتبره منه صدك حرام بيك الحليب الي شربته
احمد : خليت وطلعت رحت بعيد عن البيت والبستان وانه احس حركه بكلبي حب خمس سنين يروح هيج شربه ماي اموت معناها احبها واموت عليها ماكدر اعيش من دونها خصوصا بهالوضع والضلم الي تتعرض اله شلون اخليها شلون انت لازم تلكه حل رجعت بوقتها للبيت ونصدمت بالي سمعته
ام احمد: شنو عبالك اخليه ياخذها لا والله حلفت رحت الهم وفضحتها فضيحه كبال اخوها وابوها وامها وخليت المايشتري يتفرج والله يا ابو احمد اذا مازوجوها باسبوع كلي انتي كلشي ما تفتهمين
احمد : بعد ماسمعت حجيها دخلت ثاير عليهم وضليت اصيح واصرخ احس كلبي يريد يطك بهدوء وبرود كالت
ام احمد : مو الك ومستحيل تاخذها وطك راسك بالحايط
احمد : بوقتها اجتني هواي افكار مجنونه من ضمنها اخذها واشرد بيها واتزوجها والي يصير خلي يصير بس هاي اكثر فكره اجت بالي نمت على فراشي وانه مهدود حيلي واحس ضهري مكسور من القهر ماريد غيرها احبها ولكم احبها صرخت بصوت مخنوك يا الللللللللللله
يارب خليها الي مو لغيري بقيت الوب صارت ساعه 2 بالليل ورحت لبيتهم ادري بيها كاعده هيج وقت افتريت على شباك غرفتها ودكيته مرتين يلا الثالثه فتحته نصدمت وانه اشوف وجهه مزورك كتلها ورده منو سوه بيج هيج باوعت عليه وكالت ......