عشگ اخضر

البارت العاشر

وديلي كلشي الچان من ريحتچ
مشتاگلچ مرسى وشراع وبحر
ما غسل وجهه من الضوه البي تعب
شگد انعكس بالماي وجه الگمر
عيني بگفه اليمشون صارت وشم
خطواتهم ظلمه وجزاهم گصر
_______________________
كريم : صار الي ما يخطر على البال ولا الخاطر يعني بحياتي ماجنت افكر انعجب بغير زمن شغير الموقف شغير الزمن والضروف شصارلي انه من شفتها لحد هاي اللحضه ماراضيه تطلع من راسي حاولت اغص البصر اسوي روحي ملتهي بغير اشياء بس ماكدر رجليه ضلت يوميه تاخذني لنفس لمكان على امل اشوفها انه كريم اخو قدر وتوئم جواد اكيد كلكم تعرفوني بكلشي ما اشبه اخوي حتى بتصرفاتي كبرت وتربيت على ايد امي الي هيه اعضم انسانه بالدنيا امي الي ضحت بشبابها على مودنه امي الي خسرت شبابها بسببنه وحتى ماجيب النه اب ياذينه بيوم من الايام خلصت جامعه ومنها بديت افكر بزمن بنت عمي جنت حيل معجب بيها واعجابي يوم عن يوم يزيد ماجنت ادري ولا اشك بيوم انو يطلع اخوي يحبها لو مخلي عينه عليها لان من كتله مابين الي اي شي فبيوم من الايام من سمعت يحجي وي امي شطت احس روحي فرت من جوه رحت وخطبتها من عمي وبسبب غبائي امي وصلت للموت غضيت النضر عن هالشي لان عندي اخواني وامي خط احمر ومن كعدت بيني وبين نفسي كتشفت انه ما احبها مجرد اعجاب لان خوش بنيه وبنت عمي مو غريبه مرت الايام وصارت سالفه قدر وعبرت الحمدالله وصارت زينه وبيوم من الايام جنت رايح للكليه مالتي زياره وانه جاي اعبر وجان انضرب ببنيه بس سبحان الخالق يمكن ماكو نفسها بالمحافظه مالتنه جميله بشكل مو طبيعي يعني تسحر الي يشوفها بقيت صافن بيها لحد ماعاطت بوجهي
زهراء: وجع ماتشوف اعمى انت
كريم : تعصبت وكتلها احترمي نفسج لج ماجنت منتبه
زهراء: بدال ما تعتذر يعني
كريم : مالي خلك هالسوالف وخري عني احسن الج
زهراء : كبور طمك
كريم : راحت واحس سحلتني وراها نوب مو بس قدمه لسانها اطول منها خلص اليوم عادي وانه اشوفها كاعده وتضحك وي صديقاتها اصلا انه اعرف البنيه الي وياها من جنت مرحله اخيره هيه جانت ثانيه يمكن مدري اولى المهم ماعبرتهم خليت وطلعت من الكليه مرت الايام وقدر رجعت لدوامها وانه احس كلبي ممرود احس عفته هناك بالكليه وقررت باجر اروح واشوف الوضع شنو انتظرت ورحت اشوفها دخلت للهندسه وماشفتها بس شفت البنيه الي اعرفه سالتها هلو هند
هند : هلا كريم شلونك
كريم : بخير بعد اخوج شخبارج
هند : هم تكلي اختي
كريم : هند شحجينه احنه
هند : تمام ماشي كول
كريمً: البنيه الي جانت وياج امس
هند : يابنيه ؟!
كريم : البنيه الي مالابسه حجاب
هند : زهراء
كريم : بكلبي كلت فدوه اروح لزهراء كتلها اي كالت
هند : شتريد منها
كريم : البارحه وهيه تمشي طاحت منها هويتها الجامعيه
هند : ها نطيني ياها انه اوصلها
كريم : انه اوصلها وين هيه زفرت بصوت عالي وكالت
هند : بكليه الطب داوم طب اسنان مرحله اخيره
كريم : تمام خليت ومشيت عيع شكد مكروهه ولطشه من ايام الجامعه حاولت تزحف عليه وماخليتها لان ماحب البنيه لتصير من هالنوع رحت لكليه الطب الاسنان وصلت يمها دورت عليها بعيوني مالكيتها ضليت ادور بالقسم صعدت للمرحله الاخيره واخيرا لكيتها جاي تمشي لابسه فستان اسود طويل وفاتحه شعرها خرب حضي اي والله لومرتي هاي اكصص شعرها اذا طلعت هيج اصلا اكسر رجليها لمهم شافتني وعبرتني درت عليه وصحت زهرااااء دارت مثل المصدومه عليه وكالت
زهراء : رحت للجامعه وانه جاي اعبر دعمت بواحد رفعت راسي عليه عليه جمال بكلبي كلت ثول زهراء شبيج عاد عطت بيه وهوه هم خليت ومشيت يعني شبيه هسه انه بالي يمه وراي للنادي اجه عيني كلساع تروح عليه بس بالخفيه خلصت ورجعت للبيت بالي كله يفكر باللحظه الي شفته بيها بقيت على هاي الحاله ايام وبيوم جاي امشي شفته من بعيد احس شي بداخلي ضل يركص ههههه لا تضحكون عليه اي على فكره اغلب اوقاتي بالبيت وحدي بس عمري ماسويت شي خطا ولا ختت ثقه ابوي واخويه بيه لذلك ماجيب سيرتهم هواي المهم سويت روحي ماشفته وعبرته صاح باسمي نصدمت منين عرفني درت عليه وكتله منين عرفت اسمي انت
كريم : يعني تتذكريني
زهراء : لا ما اتذكرك منو انت وشلون عرفت اسمي
كريم : اريد احجي وياج بموضوع ممكن
زهراء : شتحجي
كريم : لاتخافين انه بعمر مو مال اكعد اضحك على بنات الناس بس احجي وياج ماعجبج عادي اروح
زهراء : صفنت بوجهه وكتله اوكي
كريم : رحنه انه وياها كعدنه بالنادي وبديت احجي وياها سمعي يابنت الناس انه اول ماشفتج ضليتي معلكه براسي حاولت اتخطاج وماكدرت ف اريد منج تنطيني فرصه اتعرف عليج بيها وبعدين ادز اهلي يخطبوج
زهراء : بداخلي فرحه بس بنفس الوقت خوفه كتله وشدراني كلامك صح
كريم : اسمعي زهراء انه عندي اخت اخت وحيده وماعندي غيرها تعتقدين اكدر اضحك على عرض الناس باجر عكبه اختي هم طيح بهيج واحد وانه اخاف ربي ترا
زهراء : رتاحيت نوعا ما رجع كلي
كريم : لاتصفنين يا حلوه وهاج هذا رقمي وفكري بكلامي واذا قتنعتي اتصلي بيه بس صدكيني انه شاريج وحبيتج واول مرا احس بهذا الاحساس تجاه بنيه واذا تردين تصدكين انه راح اخلي علم يم اهلي وبس اتشوفين نفسج مستعده راح اخطبج ماريد اخذج وانتي مامقتنعه بيه وبالمناسبه حتى لبسج تغيرينه يلا مع السلامه وردتي
زهراء : عافني وكام وانه ضليت افكر بكلامه ايام مرت وصارت سبوع وعشر ايام وانه افكر بكلامه معقوله يحبني صدك شسوي هسه انه ماريد اخطي خطوه نوب اندم عليها قررت احاجي ابوي واكله السالفه كلها قبل لا اسوي اي شي وصدك نسيت اكلكم دحام سافر صارله يومين وبالنه كله يمه لان المنطقه الراح الها خطيره كلش نزلت جوه لكيت ابوي كاعد حاجيته
احمد : احجي زهراء عندج حجي صح
زهراء : حبيبي بابا تعرفني من وجهي
احمد : كولي يبعد ابوج
زهراء : بديت احجيله كلش كاله صفن ورد عليه
احمد : انتي شنو رايج
زهراء : بابا مادري رايي شنو بس الاعرفه انو مبين صادق بكلامه وجان حيل جدي لدرجه كلي حتى لبسج تغيرينه وماعاجبني وهوه يكول اريد انتي تحبيني يلا اخطبج
احمد : شنو رايج انتي بنتي
زهراء : مادري بابا محتاره
احمد : انطيه فرصه انه اكول بس لاتعبرين حدود العلاقه واذا صادق فعلا راح يجي
زهراء : سكتت ماحجيت ابوي احسن اب بالدنيا بحيث اي شي يصير وياي احجيله وماضم عليه شي احبه اكثر من روحي مثقف لدرجه كبيره ودايما اشوف بعينه حزن مادري شنو سببه وماعرف شنو تفسيره كعدت بحدي افكر شنو ممكن اسوي واخيرا قررت طلعت رقمه واتصلت مره مرتين الى ان رد كتله الو رد عليه
وكال .....
قدر : عبرت من يم الباب وسمعته يكول
دحام : يابه انه مسافر بمهمه تخص القياده واحتمال اطول ماريد اموت وانت زعلان مني واذا على السالفه الي بالك صدكني راح احلها والله بس نطيني فرصه ارجع بالسلامه
احمد : ذيل الجلب عمره ماينعدل دحام
دحام : ضحكت على كلام ابوي وكتله صدكني بويه نعدل وهالمرا راح اصلح كلشي لان صحيت على روحي صدكني ومحضرلك مفاجئه من ارجع بس كون كلبها يحن
احمد : انه شنو اريد غير الله يسعدكم
دحام : بس اكو قصه ضروري تسولفها الي
احمد : سالفه ابتهال سدها دحام
دحام : منو جاب سيره ابتهال هسه
احمد : روح بويه محروس انشالله
دحام : فدوه اروحلك بويه كمت بست راسه وكتله ادعيلي وانشالله سبوع واسافر
احمد : ترجع بالسلامه يابعد روحي
دحام : خليت وطلعت صارت بوجهي قدري اخ شلون حلوه باوعتلها كتلها شبيج
قدر : سمعت بيه يروح مهمه مادري شصار بيه احس عيوني دمعت بس قاومت لان ماريد يبين عليه حبي اله ماريد اضعف السوا بيه موشويه هواي كلش فتح الباب وصار بوجهي كلي شبيج كتله مابيه شوي من رخصتك
دحام : ليش تعامليني هيج
قدر : لان تستاهل السويته بيه مو شويه ولا اكدر انسا انت دمرتني وصلت للموت بسببك
دحام : راح اسافر ويمكن مارجع واموت هناك ماتسامحيني
قدر : كلبي نمرد من جملته بس دست عليه وكلت محد يموت ناقص عمر عن اذنك خليت ومشيت وبقى وراي واكف صاح عليه وكال
دحام : اخذج اخذج لو تصعدين للقمر
قدر : درت عليه كتله الحلم بلاش مو بفلوس خليت ومشيت دخلت لغرفه التبديل ودموعي هزمتني وطاحت على خدي دخلت عليه زمن
زمن : ها قدر رجعنه
قدر : زمن احبه صدكيني ماكدر اكرهه رغم السوا كله
زمن : شنو صار بوقتها ماسولفتي الي
قدر : قصه طويله
زمن : زين ليش تبجين
قدر : راح يروح راح يسافر بمهمه بس ماذكر وين يروح راح يسافر بله مارجع شلون شسوي
زمن : ولا يرجع يطبه طوب
قدر : لا زمن ضربيني برصاصه ولا تسوين بيه هيج
زمن : هيج تحبينه
قدر : واكثر من ماتتصورين كلشي عشته ويا حقيقي
زمن : يرجع بالسلامه وانشالله يطلع من كلبج
قدر : هزيت راسي وراحت كالت عندي شغل من طلعت كلت مو امين انشالله ماريده يطلع من كلبي اريده الي يصير ياريت يحبني مثل ماحبيته بس احنه صعب نلتقي بعد هوه مايحبني والي عرضني اله صعب ينسي بديت اتجاهل هالشي الي صار بديت اتناسه هوه راح يسافر وراها شفته مرتين راد يحجي وياي مانطيته فرصه خليت ورحت وهالشي صعب عليه هواي احس كلبي ميبس بس يدك هيج حتى يخليني عايشه بس انه ميته بالاصل مرت الايام ولحد هسه ماكو خبر من دحام لحد مابيوم سمعت بالصدفه دكتور احمد يكول
احمد : لج زهراء اخوج كال عشر ايام وارجع وهسه صاًرله 15 يوم وين صار
قدر : سكت شويه ورجع كال
احمد : لا زهراء كلبي حاسني بيه شي دحام ما يتاخر هالكد بالشغل
قدر : بديت اسمع وانه كلبي معصور عصر لحد ما سمعته يكول
احمد : الا اكلج متعرضين لاقتحام بنقطتهم ومحد يدري بيهم وين ماوين واتصل مغلق صارلي ثلاث ايام اتصل مغلق
قدر : اسمع وانه مصدومه بس ماسويت اي شي كلً الي سويته طلعت تلفوني واتصلت ويطلع مغلق فعلا اتصلت الف مرا ويطلع مغلق ضليت اللوب مادري شنو اسوي وين راح دخلت بدوامه ومليون فكره اجت براسي وكل فكره اخطر من الي قبله مابيدي شي غير ادعيله اجتني زمن حضنتها وضليت ابجي من كل كلبي ابجي بحركه الي صار بيه حيل قوي وماعتقد يطلع مني بسهوله الي صار بكلبي شعور اكبر مني والصدمه يوم عن يوم يزيد اكثر دخلت بقلق كلش لحد ما بيوم من الايام ورا ماسمعت هذا الاتصال بثلاث ايام والدكتور اعصابه تالفه طلعت متاخر من المستشفى تقريبا الدنيا مغربه لان عدنه هواي حالات خطره اجت النا جاي ادور على تلفوني بالجنطه وبديت اتوتر لان ما جاي اطيح بيه هذا طبعي اتوتر من الجنطه مالتي بيها هواي اغراض وادور على شي ما الكا جاي امشي وانضربت بشخص وقبل لا ارفع راسي كتله انت اثول ماتشوف اعمى انت اعمى رفعت راسي وانصدمت من الي شفته ضليت صافنه بيه وانه اشوفه راسه ملفوف وايده مجروحه وطالع منها دم شويه باوع عليه وكلي
دحام : بعد ما شفتها بالمستشفى ادري بيها بعدها تحبني بس تكابر رحت وحاولت وراها اشوفها مرتين بس مانطتني مجال كمر بعد ماشفتها بديت استعد لسفرتي لصلاح الدين وحضرنه كل الخطط الي نستخدمه سلوان وياي اكيد الخبل هذا حضرت ملابسي واجذب عليكم اذا اكلكم ما شلعت كلبي  شلع بتجاهلها لحد قبل ماسافر بساعتين رحت وشفتها من بعيد ودعيت الله ينطيني عمر على مود ارجع واصلح الي صار بينه كله
سلوان : ماكافي واكف امشي تاخرنه
دحام : موبيدي سلوان صدكني احبها
سلوان : تحبها وطيحت حضها ليش بله خويه متوازي
دحام : غباء مني المفروض اسال ابوي عن كلشي يلا اتصرف
سلوان : هيه هاي عمتك هم حيه تلكاها ضافت بهارات لان مبينه تكره المكروده ام قدر
دحام : يمكن يخوي
سلوان : يلا سيدي امشينه ضليت اضحك
دحام : شبيك تضحك ابن الكلب
سلوان : سيدي اضحك على موقف
دحام : شنو هذا الموقف
سلوان : اشوفك ساحل شوارب زلم والكل تحسبلك حساب وهاي الدكمه سحلتك
دحام: تمشي كبالي لو هسه اضربك براشدي الا اعدل معاني وجهك
سلوان : شبيك متكلي وي معاني وجهي شو كمر
دحام : اكل خره سلوان لو ما اعتبرك اخوي جان صكيتك بطلقه تشك الحلك
سلوان : افا يهون عليك
دحام: لو يهون جان سويتها
سلوان : سيدي امشينه تاخرنه
دحامً: اجذب عليكم اذا اكلكم ماحبه اكثر بشر احبه بالدينا هوه سلوان دوم وياي بكل مشاكلي وبكل افراحي بحيث انطويت عليه وبس ماصار عندي اي اصدقاء ثانين المهم طول الطريق وانه احس كلبي بقى يم باب المستشفى سبحان من يغير الاحوال تقربت انتقم نوب انه الطحت بالفخ وصلنه ومرت الايام ويوميه اكول اتصل عليها بس اكول لا خليها تنسه شويه بس بداخلي شعور يكول اريد اسمع صوتها خاف اموت ومالحك اشوفها يوميه عدنه هجوم على منطقه بهاي المحافضه حتى لحيتي صارت طويله وشعري هم ويوم عن يوم الخطر يوصل يمنه المنطقه بعدها مونضيفه 100‎%‎ من الارهابيين اروح اداهم وانه عقلي يكول لازم اطلع حتى ارجع لقزومتي قدري ودوم ادعي ربي يطول بعمري لان عندي هواي اغلاط لازم اصححه واولهن لازم ابدي اصلي من اليوم وفعلا بلشت بهالشي واخذت وعد على نفسي مارجع للسوالف المكسره
سلوان : شني اليوم الديانه خالي
دحام : جا تريد اضل نفسك سرسري هتلي دايح
سلوان : شسوي النسوان تمشي بدمي
دحام : يجي يوم وتنسحل يا بعد روحي
سلوان : اهم شي مو نفس سحلتك
دحام : اخ يا سلوان كلبي طاك عليها صارلي عشر ايام واتصل على اهلي وماكدر اسال عليها اف يا سلوان باجر ننزل مو
سلوان : اي والله ياخويه مشتاق لامي
دحامً: انه هم مشتاق الها
سلوان : باع الغباء اكله مشتاق لامي يكلي مشتاق الها صلي بعد اخوك صلي بلكي الله يغفرلك
دحام : كملت صلا وتجاهلت حجيه لان اذا ادخل بنقاش اذبحه هههه كاعدين ومتحضرين نرجع نريد وحيل فرحان بس صار شي ما جان على البال ابد كاعدين وماحسينه غير باطلاق نار قوي على النقطه مالتنه طلعنه حتى ندافع عن نفسه ولكينه روحنه محاصرين بدينه نتضارب واحد يطلق النار على الثاني ماحسيت غير بضربه اجت بجتفي دخت حسيت روحي دخت بس قاومت شفت سلوان هم طاح وصرخت لاااااا سلوان لاااااا رجعت اضرب عليهم بقوه وحركه كلب وانه بالي يم سلوان ماحسيت غير وكعت واحس طحت على شي حاد راسي ضل ياذيني وراها ماحسيت بشي ابدا ماكو على لساني غير كلمه يا الله يارب يارب وراها محسيت بشي ابدا غمضت وشفت روحي بمكان مثل لبيت الي مهدم وكله اضلم واباوع بكل الجهات شفت بابين واحد مكسور واحد كله ضوه ردت اروح للضوه بس باوعت رجليه مشدودات بسلسله حاولت افتحها ما نفتحت ضليت اردد بالحلم ياعلي ياعلي يارب يا الله ساعدني والله احسها وحدها نفتحت وبديت امشي للباب فتحته وطلعت ضرب بعيني ضوه كلش قوي وماسمع غير شخص يكلي حمدالله على سلامتكم يا بطل بديت اصفي الرويا عندي اشم ريحه ديتول ومغذي  باوعت لكيت دكتور على راسي كلي بطل حضره النقيب بطل بلساني اجه اسم سلوان كلي عايش مابيه شي واصلا احسن منك انت صارلك بغيبوبه ثلاث ايام واليوم رابع هوه كاعد مابيه شي
سلوان : حمدالله على سلامتك سيدي
دحام : كلب وكعت كلبي عليك
سلوان : ايبا هيج تحبني ومادري
دحام : اكل نعل دكتور شنو صار
الدكتور : والله يا حضره النقيب بعد ماصار هجوم عليكم عبالهم متو كلكم ف جانو عابرين بالصدفه رحاله وشافوكم وبساعتها نقلوكم للنقطه الطبيه الي بنفس المنطقه وحاولنه نعالجكم بس للاسف خسرنه ثلاثه من اصدقائكم الله يرحمهم
دحام : منو هذول سلوان
سلوان : سيدي ملازم حسين وعقيد احمد وملازم اول صباح
دحام : حيل نقهرت عليهم لان مثل خواني همه صفنت وكلت الله يرحمهم ابطال هذول تلفوني وين سلوان
سلوان : كلشي ضاع من عدنه ويلا كوم على حيلك خلينه نرجع
دحامً: احس انكتب الي عمر جديد حتى اصحح اخطائي واول ما ارجع امر للنجف وازور ابو الحسن علي
سلوان : سلام الله عليه
دحام : تعافيت ورجعت وبالطريق مريت على ابو الحسن دخلت وزرت وبداخل ضريحه بجيت هواي لان هواي مسوي اخطاء واريد الله يسامحني على السويته بقدر اريد اعوضها عن كلشي حبيبه كلبي الي شلعت كلبي شلع من مكانه وضليت صافن نفس السوال يتردد عليه تقربت الها  انتقم وحبيتها احس حبها نبت بكلبي مثل الشجره الخضره الي تكبر يوم عن يوم بكل نبضه تنبض بصدري تكبر سلمت عليه وستاذنت منه وبوجهي رحت للناصرية ما ردت اي شي غير اشوفها وصلت المغرب الها وكفت كبال المستشفى وكلي امل اشوفها بس كلت دوامها خلص والله بس كلت رايدها منك ياعلي تخليني اشوفها لو شويه ضليت صافن على الباب وماقصر ابو الحسن طلعت تمشي ومتنرفزه القزمه دور بجنطتها دعمت بيه وضلت تحجي رفعت راسها نصدمت باوعت عليها وكتلها ........ يتبع

حبايب لا تنسون التصويت والتعليقات اللطيفه نفسكم احبكم ....

________/////

لاتنسون تابعوني على الفيسبوك روايات زينب عقيل الموسوي

https://www.facebook.com/profile.php?id=100087899666498&mibextid=LQQJ4d

وايضا قناتي على التيليجرام
@zainabakeel9

ورابط الواتباد للي ماضايفني يضيفني

https://www.wattpad.com/user/zainabakeel_almusawi

.................////

الى هنا انتهى البارت اتمنى ينال اعجابكم
الكاتبه زينب عقيل الموسوي