عشگ اخضر

البارت التاسع عشر

مرتاح يمك واحس كل الخساير قبل
‏بيك الله عوضها.
************************************

حياه : مادري شنو صارلي بس كل الي اتذكره فجئه وانه اسولف وي امي حسيت بخنكه ونفسي نكطع اريد اتنفس ماكو حسيت كلبي يدك حيل رغم امي ما خلتني اتعب هواي كل خطوه على كيفج بس وصلت واغمى عليه فتحت عيني بالمستشفى على وجه دكتور واكف كبالي شكله حيل حلو واريحي كلي
احمد : الحمدالله على السلامه بنيتي شتحسين هسه
حياه : كوه احجي كتله بخير احسن
احمد : انتي ورده مبينه مابيج شي عندج العافيه ابويه
حياه : الله يعافيك دكتور صفن بوجهي هواي وكال
احمد : تذكريني بوحده اعرفها
حياه : منو هاي
احمد : مادري بس سبحان الخالق مادري انه ضليت اشوفها بكل وجه
حياه : مبين تحبها
احمد : هواي
حياه : الله يخليها الك
احمد : تسلمين باباتي يلا خليني اطلع اطمن اهلج عليج يكولون ابوج تعب حيل
حياه : ابوي حيل يحبني
احمد : مبين يلا بنيتي نامي نامت البنيه وخليت وطلعت برا مشيت اقرا بتقريرها وسبحان الله نفس تقرير قدر بس هالبنيه نسبه نجاح عمليتها 50‎%‎ طلعت برا وصلت يم اهلها ورفعت وجهي وجان عيني تشوفه اي هوه الي دمرني
عطيه : انت شنو تسوي هنا ها
احمد : الضاهر نسيت انه دكتور
علي : بويه اعصابك كول دكتور شنو صار
احمد : اسمعني ابني البنيه حالتها متاخره وتعبانه وضروري تسوي عمليه
عطيه : عمليه شنو
احمد : عمليه للفتحه الي بالقلب عندها الي متعبها بس ما اجذب عليكم نسبه نجاح العمليه 50 ‎%‎
اسمهان : دكتور الله يخليك يعني شنو يعني بنتي تموت
احمد : لا بعيد الشر عنها انه عندي حاله مشابهه لحالتها وباوعت على عطيه
اسمهان : اي يعني اكو امل
احمد : ومو بس حاله مو مجرد حاله البنيه الي قبلها بنت اختك ورده
عطيه : شلوووون
احمد : اي بنت ورده والحمدالله كامت بالسلامه وهسه صارت مرت ابني
عطيه : شتحجي انت تندل مكان ورده
احمد : اي
عطيه : احس الامل دخل كلبي مرا ثانيه من كلي اندل مكان ورده يعني وصلت لمرادي انطيني العنوان احمد
احمد : ماكدر
عطيه : ليشً
علي : دكتور الله يخليك انطينه العنوان ولا تعند
عطيه : دكتور احمد انطيني العنوان
احمد : وشدراني ما راح تاذيها
اسمهان : دكتور احمد ماراح ياذيها هذا اخوها
احمد : الضاهر نسيتي الي سواه
اسمهان : احمد بطل هالحجي والاهم نعالج بنتي
احمد : بنتج كتلج عمليه وتكلف 18 مليون لان اذا تنتضرون على حساب الدوله تتاخر وضعها حيل مايسمح
علي : نكدر ناخذها
احمد : اي بس اهم شي الراحه وتبعد عن الضغط
عطيه : انطيني عنوان ورده
احمد : انت الكاه بنفسك خليت ومشيت رحت لغرفتي وصفنت بالدنيا شكد صغيره لدرجه اشوفه ولا اعالج بنته بعد مادمرنه ثنينه وجان اله ايد بالي صار يعني مو بس اهلي اخ يا كلبي اخ ياورده يمته ينتهي حبج ولو متاكد حتى بالاخره انه راح احبج نفسج مستحيل هلحب ينتهي من داخلي رجعت لبيتنه بعد ما ابتعد صارلي يومين عن البيت ماريد اشوفها وما جاي افتهم ليش باقيه يمنه وليش جايه لا البيت الها ولا هيه على ذمتي وصلت للبيت وجان اسمع الصريخ مكبر بالبيت دخلت ركض وانه اشوف دحام لازم هند من شعرها وهيه تصرخ وتكله
هند: عوفني وخر عني
احمد : كبل  صرخت دحااااااام شصاير شبيك
دحام : بعد مانزلت وسمعت حجيها احس عقلي وكف شنو من بنيه هاي كبل دخلت عليها وبدون مقدمات جريتها من شعرها وضربتها وكتلها شنو من بشر انتي شنو من تفكير عليج تردين تاذين مرتي وتردين اسكت
هند : لك عوفني وخر عني يمه لحكيلي
مريم : ولك عوفها ايدك الكسر
ابتهال: عوف البنيه يمه
دحام : انتي الزعطوطه تخططين حتى اطلك مرتي لا وتاخذيني وين كاعدين بصحراء ها بصحراء
هند : اي اخذك احبك يا اخي حس
دحام : صدك عينج صلفه لج والله لو تموتين روحج كبالي ماراح اكلبج انه احب مرتي
هند : شسوتلك شنو بيها احسن مني بس كلي
دحام : بيها انو مودبه وشريفه وعفيفه مو مثل بعض ناس
مريم : شقصدك عوف بنتي عوفها
دحام : جاي احجي وبعدني لازم شعرها وصرخ ابوي كتله تعال شوف بنت اختك الزينه
احمد : شسوت شبيها
مريم : بنتي اشرف منك يا ابن الحرام
دحام : شنو كلتي
احمد : مرييييييييم شتحجين انتي
مريم : ليش يمكن دست على الجرح مالتك ها ابو زهراء
احمد : عصبتني تقدمت يمها وضربتها راشدي كتلها احترمي نفسج واخذي بنتج وطلعي برا
دحام : بقيت صافن بوجوهم كتله اوكف انتي شتكولين
مريم : هاي الحقيقه وعود خلي ست الحسن امك تحجيلك شنو صار بالتفصيل يلا هند امشينه يمه
دحام : اخذت بنتها وطلعت بقيت صافن على ابوي كتله شنو السالفه
احمد : وليدي معليك بيها هيه مسمومه اصلا تريد بس تقهرك حبيبي
دحام : يمه احجي انتي
ابتهال : مثل ما كال ابوك يمه
دحام : احجي ابو زهراء
احمد : لا حول الله يارب
زهراء : صلو على النبي شبيكم صوتكم واصل لاخر الشارع وعمتي وين
ابتهال : راحو يمه
زهراء : شبيك خويه صلي على محمد
دحام : عليه الصلاه والسلام
احمد : وين مرتك دحام
دحام : مرتي هه
احمد : شبيها وينها مرتك
قدر : نزلت بعد ماراحن كلشي سمعت وكفت كبال عمي احمد. كتله وديني الاهلي عمي
دحام : شتحجين انتي قدر
قدر : عمي وديني الاهلي
احمد : خير بويه شصاير
قدر : ما الي مكان هنا بعد وخلي يطلكني احسن
احمد : شبيج بويه تخبلتي صلي على محمد
قدر : عمي الله يخليك انه محضره ملابسي بس وديني ماريد ابقى خليت وصعت لبست عباتي وجاي اطلع صار بوجهي دحام وكلي
دحام : ثقي بمحمد يا قدر اذا طلعتي منا تنسين كريم ياخذ زهراء والله ومو بس هيج ادمرج
قدر : شتريد مني انته شتريد
دحام : احبج
قدر : اكرهك كلشي جاي تسويه يكرهني بيك اكثر من قبل شتريد مني انته
دحام : سمعي كتلج العندي
قدر : وانه ما ابقى وي واحد مورجال وما يصدك بمرته كلت هيج وماحسيت غير ضربني راشدي كل قوته وكلي
دحام : لج انه مورجال والله اليوم اعلمج الرجوله شلون تصير توجهت للباب وقفلته ورجعت اضرب بيها شكيت ملابسها وهيه تصرخ وتصيح عمي الحكلي عمي كتلها لوتموتين محد يخلصج من ايدي وتقربت الها وجانت بابشع صوره ماجنت اتمنى اول يوم بيني وبينها يصير هيج بس هيه لسانها طويل خذيت الاريده منها وضلت تنزف قوي خليت وكمت من يمها وكتلها حتى مرا ثانيه تنتبهين الكلامج ومنا ورايح ماراح اعتبرج زوجه لا انتي هنا خدامه النه وبس خليت ورحت للحمام
وصلت للباب وكالت
قدر : اصرخ ماكو فايده اخذ الي يريده مني بس حتى يثبت الي هوه رجال اخذني وبطريقه حيل وصخه حسسني بنت شوارع اتوسل بيه جواه وما رفله جفن خلاني وكام وكلي هالحجي الي كاله ضليت ابجي من كل كلبي قبل لا يوصل لباب الحمام كتله وانت منا ورايح ماتهمني وراح اعتبر رجلي ميت
دحام: درت عليها وكتله يكون افضل
قدر : عافني وراح ضليت بحيره والم وقهر احس بين رجليه متكطع احس دم ينزل عليه هواي مادري شلون يوكف ضليت ابجي اكثر واكثر وانه اتلمس حلكي الي مليان دم وحاجبي واحس زراك بعيني صار خله طلع بدل وفتح الباب وطلع كبل دخلت عليه زهراء
زهراء : سمعت صريخها بس ابوي كال عوفيهم رجال ومرته ساعه ونفتح الباب وطلع برا البيت دحام دخلت ونصدمت من الي شفته باوعتلي كتلها شبيج شصاير شكو ضلت تبجي وكالت
قدر : اخوج الحيوان سوه بيه هيج ايده الكسر
زهراء : غير افتهم شصاير
قدر : بقيت ابجي بحركه كتلها تعاي كوميني
زهراء : تقربت عليها وكفتها وماحسيت غير الارض نترست ترس دم راحت للحمام دخلت شويه وطلعت مبدله وسابحه انه بدلت الفرشه كلها ونضفت الارض بس كل الي سمعته صوت البجي والانين الي بالحمام قبل لا تطلع حيل كسرت خاطري يعني خليت روحي بمكانها شكد تاذيت وتالمت سوده عليه شمسوي بيج يا قدر
وصلت يمي وكالت
قدر : اريد انام زهراء عوفيني
زهراء : ابقى يمج شويه
قدر : اريد انام زهراء
زهراء : ماشي طلعت برا شفت ابوي كاعد وكتله كلشي شفته
احمد : شنسوي يعني تعرفين اخوج
زهراء : ادري بيه عصبي واكيد شامره حجايه
احمد : مادري يا بنيتي يعني الي يشوف قدر شلون تحب دحام قبل يكول مستحيل هيج تتصرف وياها
زهراء : شنسوي بويه هم ماندري شنو صار بينهم
احمد : ادري شنو صار اعرف
زهراء : شلون بس صدك شصعدك فوك
احمد : اجيت اشوف قدر همزين انتي يمها
زهراء : شنو تعرف
احمد : اعرف بالي سواه اخوج سمعت زمن تحجي وي اخوج قبل عمليه قدر وعرفت كلشي منها
زهراء : شمسوي بيها
احمد : اخوج الزين راد ياذي البنيه وراد ياخذ شرفها شتردين من البنيه ترجع تكله اموت عليك وفوك هذا كله مهددها اذا ماتقبل بيه مايزوجج انتي وكريم
زهراء : مستحيل مجاي اصدك
احمد : لا صدكي وفوك هذا كله مسوي روحه طيب وتبرع الها بفلوس العمليه
زهراء : شتكول انت بويه اي وحده مكانها ماراح تسامحه شوي ضليت كاعده وي ابوي مانسمع غير صوت انين جاي من غرفه قدر وصوت حيل عالي جان دخلت عليها وي ابوي تقربت عليها وصرخت بابا الحك قدر راح تموت
احمد : ولج شبيها
زهراء : جاي تنزف بابا راح تموت تقرب ابوي عليها وشالها ابوي صح جبير بالعمر بس منتبه على صحته حيل شالها وخلاها بالسياره وكبل وداها للمستشفى والحمدالله لحكو عليها
الدكتور نهاد : متعرضه لاعتداء جنسي صح
احمد : لا دكتوره شتحجين انتي
نهاد : عموما دكتور من تكعد النه حجي ثاني البنيه واصله للموت
احمد : اخ يادحام اخ
زهراء : هوه جابها لنفسه يستاهل دخلنه يمها شوي وكعدت ضلت تبجي وتكول اريد امي
احمد : ذكري ربج قدر ابني غلطان والي سواه خطا وصدكيني راح اعاقبه اشد عقاب انتي بس خليها وراي ومعليج
قدر : بعد ماطلعت زهراء حسيت الدنيا بدت تدور بيه خليت ونمت وماحسيت على شي غير بس شي حار يطيح عليه بين نايمه وكاعده مادري شنو صارلي او وين انه فتحت عيني لكيتهم كبالي بالمستشفى وعمي حجه وياي شوي واجت الدكتوره وكالت
نهاد: الحمدالله على السلامه بنيتي احجي شنو صار لاتخافين محد ياذيج
قدر : ردت اكلها بس تذكرت عمي مايستاهل يصير اله اذيه بس بسيطه انه اعلمك يا دحام كتلها ماصار شي دكتوره طحت من الدرج وماحسيت على شي غير انه هنا
نهاد : مبين متعرضه لاعتداء
قدر : لا دكتوره شتحجين انه مره متزوجه ورجلي موجود بس اصلا بطني جانت توجعني وانه جاي انزل دخت وطحت
نهاد : اتمنى يكون صح
قدر : دكتوره كتلج العندي يمته اطلعز
نهاد : من يخلص المحلول
قدر : خلت وطلعت وزهراء تكلي يولي لاتضوجين ومايصير ترحين الاهلج لان مو زينه بحقج ماصارلج عشر ايام متزوجه كتلها جان خله اعتبار الهالشي انو عروس خليت ورجعت للبيت ولكيته واكف كبالي مثل الثور الهايج وكال
دحام : بعد ماصار الي صار طلعت الهي نفسي بالشغل وابوي خابرني وكلي صحيح كلبي تكطع بس كتله يطبها مرض عساها تموت سديت الخط وسلوان كال
سلوان : شبيك دحام ليش تحجي هيج على البنيه
دحام : موتتني كلما اريد اتقرب الها تبعدني وسولفتله كلشي
سلوان : بس انت اخطائت شلون تسوي هيج
دحام : شسوي يعني يا سلوان شسوي وحده وكلي انت مورجال تريد اصفك الها يعني انه خطات بس مصختها حيل
سلوان : ميخالف يخوك الزمن كفيل ينسي بس هسه انت زدت الطين بله
دحام : عوفك منها وخلينه  بابو جحيل
سلوان : مادري شكلك اكثر قضيه مدوخنني يعني هيج شخص مايخلي عليه دليل
دحام : ومنو كلك الرجال يشتغل بهالشي من سنه 1987 بس بده صغير وكلشي يحصله يضمه ومايجمعه
وحسب التحريات يكولون جان ساكن هنا بذي قار وهسه رجع الها يعني شغلته بالنسبه الي سهله صارت
سلوان : زين نكول سهله وبعدين شلون راح نعرفه انت تدري  شكد اكو ناس بالمحافظه
دحام : خليها وراي رجعت للبيت وراها وانه مصعب حيل بدي اكسر الدنيا كلها يعني فوك ضيم الشغل ضيم ست قدر وصلت مالكيتهم بالبيت توقتهم بالمستشفى شويه وصلو وكفت وانه معصب كتلهم ليش اخذتوها
احمد : جا شنو بويه نخلي البنيه تموت
دحام : جان ماتت وخلصنه
احمد : انجب نطيتك اكبر من حجمك
دحام : جان احترمت هيه وعرفت حجمها اكو بنيه تكول الرجلها انت مو رجال وتريده يسكت خليك بمكاني
احمد : صدك هالحجي قدر باوعت عليه ودنكت كتلها لا يا بنت ورده ماجنت متوقع منج هالشي
دحام : اسمعي بويه وانتي هم زهراء وانتي يالاسمج مرتي ماريد اشوف وجهج بغرفتي بعد تبقين يم زهراء افتهمتي لو لا وشغلج هنا تخدمينه وياريت الكاج مقصره بشي راح تشوفين شغلي وياج افتهمتي
قدر : دنكت وماحجيت شي لان صحيح خطات بكلمتي بس السواه بيه ما ينطي الحق هذا مو عقاب هذا اجرام صعدت يم زهراء وكالت
زهراء : لاتضوجين منه
قدر : شلون ما اضوج زهراء
زهراء: صدكيني يحبج ويسوي هيج من ورا كلبه
قدر : يحبني وهيج يسوي بيه
زهراء : صدكيني راح يندم بس انتي بتعدي عنه
قدر : راح ابتعد عنه لاتخافين بقيت على هالحاله وزهراء ماتخليني اسوي شي الله يخليها حسيت روحي صرت زينه احسن من الايام الفاتت كمت غسلت وبدلت وطلعت برا الغرفه جاي انزل وصار بوجهي ماعبرته رغم مبين  تعبان بس كلت بكلبي يستاهل خليه ومرت الايام وصرت زينه وبديت اشتغل بالبيت ويتعمد يسوي وياي اشياء تخليني اتعب وبيوم صرخ على زهراء وكلها زهراء غرفتي وصخه خلي العينتين تنضفهن
زهراء : صار خويه
قدر : ضحكت وصعدت فوك دخلت للغرفه ولكيتها كالبها كلاب باوعت الحالي بالمرايه الي بالغرفه وكلت انه ليش اسوي هيج هوه يحبني وانه احبه صحيح الي سواه مو شويه بس احبه اي وعمري ماحبيت نفسه ليش اخسره بيدي نوب كلت اف انه شجاي  احجي تخبلت شنو عدلت الغرفه وطلعت برا نزلت للمطبخ اسوي عشه شوي واجت زهراء كالت
زهراء : كريم يكول الاسبوع الجاي العرس
قدر : اي زين الله يتمم على خير
زهراء : وجواد ويانه هم
قدر : احلا خبر سمعنه صدكيني
زهراء : حبيتي قدر الغاليه
قدر : خلت وراحت جنت اتمنى اعيش اجواء العرس هناك وقررت اكله اريد اروح وشيصير خلي يصير انتظرته لليل واجه مبين معصب وعيونه حمر وما يتحاجه كتله شلونك
دحام : زين
قدر : اريد احجي وياك
دحام : مابينه حجي
قدر : بس اريد اروح لبيت اهلي صارلي شهر هنا
دحام: شعندج
قدر : عرس اخواني دحام
دحام : ماكو روحه عود بيوم العرس روحي
قدر : دحام ليش تسوي بيه هيج
دحام : لان تستاهلين
قدر : سكتت مارديت عليه بس كتله وراها راح يجي يوم وتندم من تخسرني تقرب عليه حيل لدرجه مايفصلنه غير سانتيم واحد وكلي
دحام : اموت وما اخسرج
قدر : كلمته احسه حركت مشاعري مادري شنو صارلي بوقتها
دحام : ليش ساكته كلشي اسوي على مودج
قدر : لوتحبني ماتسوي هيج
دحام : صدكيني لو تلفين الدنيا ماتلكين شخص يحبج غيري لان ماكو واي شخص مكاني يطلكج
قدر : يطلكني ليش
دحام : اكو بنيه حلوه وحبابه وعاقله تكول الرجلها انت مو رجال
قدر : اسفه
دحام : ماتفيد بعد مكانتج تحركت بداخلي يا قدر ويراد وقت انسىً وهسه يلا روحي اريد انام
قدر : باوعت عليه بقهر وكتله ماشي دحام يصير خير مرت يومين وبشلت زهراء تكمل اشيائها وغراضها بس الغريب بالموضع صرت احب اتقرب منه صرت احب اشوفه صرت ماتخيل تمر ساعه وماشوفه ومن يطلع ادخل للغرفه مالته ابقى اشم بيها مادري شنو غيرني هنا كتشفت روحي فعلا احبه وماكدر من دونه ضليت ادوره بكل مكان ومن يجي اسوي روحي ما مهتمه وانه اباوعله من جوه لجوه وبيوم حنه زهراء كاعدين وجاي نتحضر واهلي هم اجو لان سوتها قبل حنه الولد بيومين وبيومها لبست فستان بنفسجي فوك الركبه وفتحت شعري بمكياج خفيف ولطيف وخليت عطر وسمعت كالو اجت العروس طلعت من الغرفه مالتي اركض ماحسيت غير نركعت بدحام وكلي
دحام : ثول ماتشوفين لو طايحه من الدرج
قدر : شبيك غير اللحك
دحام : وتتكسرين
قدر : ليش يهمك على اساس سكت مارد عليه وكلي
دحام : وشلابسه حضرتج ماتستحين
قدر : ترا بس بنات
دحام : واذا بنات
قدر : راح تبقى لازمني هيج
دحام : لا عيني اسفين
قدر : خليت ونزلت اضحك وصلت للهول وابتسامتي تشك حلكي بس رئسا اختفت من شفت كبالي .... يتبع

حبايب كلبي مثل كل مرا اهم شي التصويتات والتعليقات الجميله منكم احبكم

________/////

لاتنسون تابعوني على الفيسبوك روايات زينب عقيل الموسوي

https://www.facebook.com/profile.php?id=100087899666498&mibextid=LQQJ4d

وايضا قناتي على التيليجرام
@zainabakeel9

ورابط الواتباد للي ماضايفني يضيفني

https://www.wattpad.com/user/zainabakeel_almusawi

.................////

الى هنا انتهى البارت اتمنى ينال اعجابكم
الكاتبه زينب عقيل الموسوي