عشگ اخضر

البارت التاسع

الليل اذا مَا بي محَنه
شفرقه عن العَميه عينه ؟
**********************************

ورده : حسيت لمن اخوي عاط عليه وهوه يكول
عطيه : ولج ورده ويامن جاي تسولفين نص الليل
ورده : مادري شنو اكول او شلون اتصرف او شنو من حجه اكولها ماحسيت الا لمن تقرب عليه وجرني من شعري وبده يضرب بيه وهوه يكول
عطيه : ساقطه حيوانه تخونينه ادبسز صلفه
ورده : يغلط ويضرب احس جسمي كله وجعني على صوت صياحنه من الالم ضليت اصرخ واصرخ اجت امي

ام عطيه : ولك يمه عوف اختك شبيك عليه عوفها
عطيه : تولي الكلبه الحيوانه واكفه نص الليل تحاجي مادري منو من الشباك بذاني سمعت صوت رجال بذاني

ورده : حيل نصدمت من كلامه ودموعي مستمره تنزل وتنزل احس خسرت بلحضتها كلشي وهوه مستمر كاض شعري ويصرخ على امي ابوي محجه شي بس سرمد اجه
سرمد : عوفها يا اخي افتهم منها يلا تحكم عليها
عطيهً: محد طيح حضها غيركم سمعوني منا ورايح دوام ماكو واذا سمعت بيها رايحه صدكوني موتها على ايدي
ورده : شمرني بالارض وراح بديت ابجي والكل عافني بس امي بقت وكعدت يمي وكالت
ام عطيه: احجي يمه شبيج منو هذا الي تحاجينه
ورده : حضنت امي حيل وضليت ابجي ابجي على مستقبلي الي ضاع بسبب غبائي وغباء شخص مايفكر بيه ولا بسمعتي بوقتها حيل حقدت على احمد لان لويحبني صدك مايسوي هيج
ملاحضه: انه جاي احجيلكم بعمر هسه يعني وعيت اكثر وصارت عندي خبره اكثر واكثر
بديت احجي الامي كلشي نفرتني وكامت
ام عطيه: سوده بوجهج يا ورده مالكيتي غير هذا مالكيتي غير احمد تحبينه ولج لو يدرون اهله يفضحونج لج غبيه
ورده : شسوي يمه الصار صار الله يخليج ساعديني لاتخلينه يسوي بيه هيج الله يخليج لا تخلين مستقبلي يضيع وانه وصلت للنهايه
ام عطيه: مابيدي شي بعد يمه على الله بقيتي بس خلي بالج اذا ما طلعتي الاسمه احمد من راسج صدكيني راح انه اعاقبج نوب
ورده : عافتني وراحت بوقتها حسيت الدنيا صارت بكد زرف الابره تمنيت هسه اموت واخلص من كلشي تمنيت الدنيا توكف كلها لدرجه تمنيت ماعارفه احمد ولا شايفته بحياتي بس شي بداخلي ياذيني من احجي هيج حجي انه موبس احبه اموت عليه ثلاث سنوات ويا وانه مانسيته لحضه وحده مانسيته حتى لو ماشوفه شهر وانه مدنكه اجت وكفت فوك راسي
اسمهان : موكتلج ابتعدي طيحتي روحج بمشكله
ورده : امشي منا اسمهان عوفيني رتاحيتي هسه بعد معليج بيه
اسمهان : لج غبيه انه اريد مصلحتج
ورده : تقربت يمي وخلت ايدها على راسي وكالت
اسمهان : صدكيني ورده من سويت هيج لمصلحتج بس ماجنت ادري بعدج ويا انه اخاف عليج يجوز هسه تكولين هاي جذابه تكرهني بس انه العكس صدكيني احبج مثل اختي باعي من سويت هيج ردتج تبتعدين عنه لان لو تموتون ماتصيرون لبعض يجوز هوه يحبج صح بس لا تنسين ورا امه وابو وخواته الي يمشن على الهوى الي مثل اهل احمد ماينشد بيه الضهر لان متاكده راح يعوفج بنص الطريق وياخذ على ذوق اهله وانتي بكيفج بعد
ورده : كالت هالكلام وراحت مرت الايام والاسابيع وانه مايقبل ارجع للدوام وقافل بديت انسى شوي شوي مستقبلي وكلما يمر وقت احقد على احمد انه احبه بس احقد عليه شلون تفسرونها فسروها عدت الشهور ومرت اخوي جابت ولد وصار عمره اليوم سنه ومرت على علاقتي باحمد اربع سنوات ونص صارلي سنه ونص ماشايفته اسمع عنه ومرات اسمع صوته باب بيتنه يسولف وي ابوي بس مجاهله هالشي يوم عن يوم اشتياقي وحبي اله يزيد بده ابن اخوي يزحف و بيوم كاعدين وطلع برا كتلهم انه اروح اجيبه طلعت ورا اركض وشعري مفتوح بوقتها شتري واصل لركبي لان حيل اعتنيت بيه وصلت يمه وصحت عليه علاوي دار عليه رحت شلته من الارض وبوسته كتله شلون بيك ولك وانه جاي اسولف ويا نجريت من ايدي لتفتت وشفته اي هوه احمد شفته متغير حيل وكبران باوع بعيوني وكال
احمد : هيج تسوين بيه لج ورده سنه ونص وانه كاعد اتوسل الصدف تجمعني بيج يوميه اجي اوكف هنا هواي مالمح طولج ليش
ورده : هذا الي لازم يصير
احمد : شغيرج عليه
ورده : بسببك راح مستقبلي لو تحبني ماتسوي بيه هيج ماتجيني لباب بيتي ماتدمر حياتي وهسه روح منا
احمد : يلوكلج تصيرين ام وحليانه هم وانه الضيم كاتلني
ورده : احمد لهنا وبس تريدني تعال اخطبني خليت ودخلت جوه ماجنت ادري بوقتها راح تنفتح عليه ابواب جهنم كلها ماجنت ادري حياتي راح تخرب اكثر واكثر مشت الايام وبيوم جنت كاعده بالغرفه ماسمعت غير الباب تفلش طلعت اركض وشعري مفتوح باوعت وجان اشوف .....