عشگ اخضر

البارت الثاني

هواي بيه عتب عن كلشي سويته
داريت وتحملت
وحبيت حد مامتت
بس بالنهاية شفت
حبيت واحد صدك
للأسف حبيتة.
***********************************
ورده : كاعدين الصبح تقريبا ساعه 10 ونص بس كلبي مامرتاح احس راح يصير شي كلبي يوجعني بيومها الولد كلهم بالبيت ماطالعين بقيت اللوب اتصل على قدر ماترد زمن ماكو بديت اموت بنار كلبي لساعه 12 دكت علينه زمن وكالت
زمن : جاي ابدل واجت سعاد ممرضه ويانه تركض لج زمن زمن لحكي قدر طاحت ونقلوها للعنايه المركزه وحولها لدكتور احمد دكتور القلب سمعت هيج كبل شمرت البيدي وركضت عليها دخلت للعنايه وشفت حالتها وجهه اصفر احس رجليه ماتت عفت تلفوني باللوكر وهيه همين مادري اغراضها وين بقيت اللوب عليها نسيت كلشي
احمد : بنتي انتي تعودين الها
زمن : اي دكتور اختها انه
احمد : لاتخافين تعده مرحله الخطر
زمن: شلون صارت هسه
احمد : جايتها نوبه قلبيه حاده هيه اصلا اعراضها البدائيه جانت خفيفه بس لان ما اخذت علاجها صارت عدها حاده
زمن : وشنسوي
احمد : باعي بنتي خابري اهلها يجون وانشالله خير
زمن : انشالله دكتور هسه اخابر امي
احمد : تمام وخلي يجون يحجون وياي انه باقي يمها اتابع حالتها انشالله شويه وتكعد لان عبرتها سباعيه مبينه
زمن : اشكرك دكتور
احمد : بنيتي هذا واجبنه المن صرنه دكاتره
زمن : تسلم دكتور طلعت ورحت للغرفه اتصلت بيهم كبل كتلها خاله لحكي وسولفتلها كلشي ماسمعت غير صرخت ورا ربع ساعه لكيتهم كلهم بالمستشفى
ورده : لج زمن شبيها الصبح شفتها تعبانه بس سكتت كلت يجوز متوهمه ماريد اضغط عليها ولج احجي
زمن : يمه تعدت مرحله الخطر والدكتور كال انه احجي وياهم من يجونً
اكرم : وينه الدكتور زمن
زمن : هسه جوه يمها
كريم : زمن متاكده زينه
زمن : اي الي فهمته منه لان بالي جان مشوش وكال ازمه قلبيه حاده بس عبرتها كال سباعيه هيه جاي نحجي وطلع دكتور احمد مدنك صحت عليه دكتور هذول اهل قدر
احمد : رفعت عيني وشفت شي عمري ما انساه شفتها اي هيه هيه نفسها بس مابينت شي شرحت وضع البنيه واكدت عليهم الطب اطور ونكدر نسوي الها عمليه وتصير زينه هيه عدها شريان مسدود بالقلب وهالشي الي يسبب الها اختناق
امجد : يعني تصير زينه دكتور
احمد : طبعا بس هالعمليه مكلفه شويه
امجد : مايهم الفلوس مستعد ابيع بيتنه
احمد : بارك الله بيك وليدي رفعت عيني باوعت عليها وجانت مخليه عينها بعيني اي عينها نفسها الي سبت كلبي وخلتني بوقتها اروح بغير عالم شفت بعينها نضره حزن وانكسار واحس الدمعه تلمع بيهن خليت دنكت ورحت لغرفتي كعدت على كرسي مالتي رفعت راسي ليفوك وكلت بداخلي شهالدنيا الصغيره الي تخليني اشوفها لا نوب اعالج بتها عجيب امرك يا رب  تقربها الي بعد ماصارت ابعد انسانه عني بقيت صافن بالقدر لحد ما دخل عليه دحام وهوه عصبي وكال
دحام : ضليت اصيح على البنيه وهيه احسها فاقده شفايفها رغم جمالها بيض حيل ماحسيت غير طاحت وانه ركضت شلتها كبل صحت واخذوها للطوارئ الي عرفته كلها تصيح هاي الممرضه قدر بعد الفحص دزو على ابوي لان هوه دكتور بنفس المستشفى كبل حولها عنايه صراحه بالي بقه يمها حيل لان ماجنت ادري شنو علتها بالضبط المهم لتهيت وي جماعتي ومابطلت تفكير بيها لحد ما طمئنيت على الابطال كلهم زينين رحت لغرفه ابوي بس وياي مخلوط طابع العصبيه حيل متنرفز ودمي فاير دخلت عليه
احمد : خير شبيك
دحام: شخبار هاي الثوله
احمد : ليش تغلط عليها
دحام : لان ثوله دعم بالناس
احمد : بويه البنيه جانت داخله بنوبه قلبيه
دحام : شنو
احمد : اي ابني البنيه مريضه قلب وجانت ماره بازمه قلبيه حاده
دحام : صفنت وكتله الله يشافيها يلا بويه رايح للبيت انه تعبان شوف وجهي وملابسي كلها دم
احمد : الله وياك
دحام : طلعت للبيت وبالي بقى يم المستشفى وجاي اجهل السبب اذكرت وبتسمت كلت الثوله ماتعرف حتى تمشي ههههه