بيرد رامز على نور و هو بيقول بقلة حيلة
انا هحكيلك على كل حاجة ، بس قبل ما اقولك ، لازم نطلع نتغدا الاول ، و انا هقولك كل حاجة ، بس عشان خاطري متقولش قدام ماما ان دى اسمها امل ، نادمها بس منى ، و كمان متقولش انها مرشدة سياحية قول انها دكتورة .
بيبصله نور بصدمة من ألى بيسمعه و هو بيقوله
انت كل ألى بتحكيه دا عن منى صاحبتها .
ايوة انا عارف انى بحكى عن منى صاحبتها ، بس دلوقتي ألى برة دى منى مش امل تمام ، انا هشرحلك بعدين اول ما نبقى لوحدنا ، يلا بسرعة لازم نطلع نتغدى قبل ما ماما تنادم علينا ، ياريت عشان خاطري المرادى تطلع تتغدى معانا و مترفضش ارجوك ، دا لو فعلا مهتم تعرف الموضوع .
بياخد نور نفس عميق و هو مش فاهم ايه ألى عمله رامز اخوه بس بيطر يوافق على عرضه و هو بيقوله
حاضر يا رامز ، بس النهاردة لازم اعرف كل حاجة و ايه ألى مخبيه عن ماما .
و فعلاً بيخرج رامز و نور من الاوضة و بيلاقوا والدتهم و امل او زى ما بيقول رامز منى بتجهز السفرة مع والدتهم .
اول ما بتشوف امل نور خارج مع اخوه رامز من الاوضة و هيقعدوا على السفرة ، بتبص لنور بابتسامة و بتحط احدى اطباق الاكل على السفرة و هى بتقوله
اخيرا حضرة الظابط خرج من الاوضة و هيتواضع و ياكل معانا ، لا لا ، دا انا كدة هتغر .
بيبتسم نور ابتسامة خفيفة ليها و هو بيقول
لا بس ، هى ماما ألى ألحت عليا النهاردة جامد هى و رامز فا مقدرتش ارفض المرادى ، المهم انتى عاملة ايه يا ا... ( بيبصله رامز بتبريقة و هو خايف من ان نور يغلط و يقول امل ، بس نور بيلحق نفسه و هو بيقول ) يااا منى ، عاملة ايه يا منى ، و اخبار المرضى بتوعك ايه ؟
بتبص امل لنور بتوتر و بتفهم من كلامه انه عرف من رامز الكارثة ألى عملوها و بتجاريه فى الكلام و هى بتقوله قدام والدتهم ألى كانت بتجيب اخر طبق
الحمدلله انا تمام ، و المرضى بخير نشكر ربنا .
بتحاول امل تغير الموضوع و هى بتاخد الطبق من والدة نور و بتقولها
عنك يا طنط متتعبيش نفسك ، ارتاحى حضرتك .
بتبتسم والدة نور ليها و هى بتقولها
حبيبتى تسلم ايدك ، اقعدى واقفة ليه يا منى يا بنتى ، ( بتقعد و هى بتقول بألم ) ااااه .
بتمسك امل ايد والدة نور و بتقعدها و هى بتقولها بقلق
سلامتك يا طنط ، خير مالك ؟
والله يا منى يا بنتى مش عارفة ، اديلى فترة دهرى واجعنى و بيجيلى صداع كتير ، متعرفيش اخد ايه للوجع دا أكمنك دكتورة و فاهمة ؟
بتبص امل بتوتر لرامز و بتقول لوالدته بتوتر
هااا... تاخدى ....
بيحاول رامز يشتت والدته و يخرج امل من الورطة ألى حاطها فيها و هو بيقول
ايه يا ماما ، مش هتشوفى بابا فاضله قد ايه عبال ما يوصل ، لحسن انا هموت من الجوع و ممكن دلوقتي انزل اروح عند بيت عرفت توكلنى احسن ، و بعدين انجزى قبل ما ابنك يرجع فى كلامه و يدخل ياكل لوحده ، هاااا .
أنت تقرأ
حبيبى نسر و ٣ نجوم #الجزء الثانى
Roman d'amourمن وسط الضحك و الفرفشة ألى اتعودت عليها يا فوزى يا خويا هندخل فى حالة من التحول ، لانك دلوقتي أصبحت فى عالم موازى لعالم المافيا و القتل و الغموض . بس بردوا مستمرين فى الابتسامة الفظيعة و الضحكة الخليعة و الفوت عليك أنت يا ابو ربيعة . الله عليا والله...
