من وسط الضحك و الفرفشة ألى اتعودت عليها يا فوزى يا خويا هندخل فى حالة من التحول ، لانك دلوقتي أصبحت فى عالم موازى لعالم المافيا و القتل و الغموض .
بس بردوا مستمرين فى الابتسامة الفظيعة و الضحكة الخليعة و الفوت عليك أنت يا ابو ربيعة .
الله عليا والله...
بنشوف باب الاوضة بينفتح و بنسمع كريم و هو بيتكلم بغضب و بيقول هو انا سمحتلك تدخل هااا .
معلش افتكرت الاوضة فاضية زى باقى الاوض ، و انا فجأة لقيتك اختفيت تحت ، فقولت اطمن عليك انت و مريم .
بتطلع مريم و بتقف جنب كريم بعد ما مسحت وشها بسرعة من الدموع و هى بتقول بتريقة يااااه ، الدكتور اشرف جاااى بنفسه يطمن علينا ، هههه مش معقول ، من امتى واحد زيك بعد ما قتل صاحب عمره عشان الفلوس و ضحى بأرواح الناس بيحس ، دا حتى كريم بقى زيك ، انا بتقرف منكوا .
بيبصلها اشرف بصمت و بعدين بيبص لكريم و هو بيقوله الراس الكبيرة وصلت ، و اظن دى اللحظة ألى كنت منتظرها و اديك وصلتلها ، فياريت خمس دقائق و تكون تحت ، لان البوص مش بيحب ألى يتأخر عليه ، مستنيك تحت انت و المدام .
بيخرج اشرف من الاوضة و بيقفل الباب وراه ، و بنشوف مريم و هى حاطة ايديها على صدرها و بتاخد نفسها بارتياح بعد ما كانت فى حالة رعب ليكتشف أشرف وجود نور فى الاوضة .
بيطلع نور من جنب الدولاب و بيقرب من مريم و لسة هيتكلم ، بسرعة مريم بتمسكه من دراعته و هى بتقوله بقلق و خوف انت لازم تمشى من هنا حالا ، عشان خاطرى يا نور ، انا مش عايزة اخسرك بعد كل ألى عملته ، ارجوك امشى من هنا بسرعة .
بيرد عليها نور بوجع لا مش همشى ، لاااا ، مش بعد كل ده تقوليلى امشى ، انا مش عارف إذا كنت بحلم ولا دى حقيقة ، مش عارف إذا كان بيتهألى ولا انا رجعت لمرضى تانى ولا ايه بالظبط ، بس كل ألى اعرفه ان فى كل حلم و خيال و مرض بختارك انتى ، لان قلبى و عقلى مش عارفين يسامحوا نفسهم انى كنت السبب فى موتك .
بتمسك مريم ايد نور و بتحطها على قلبها و ايديها التانية على وشه و بتقوله بعياط و بعيون مليانة اشتياق و حب و خوف صدقنى انا مموتش ، كل ده مكنش حقيقة ، قلبى لسة عايش و بينبض بين ايديك ، تقدر تتأكد من ده ، بس انت لازم تمشى حالا ، و اوعدك كل حاجة هتعرف حقيقتها ، بس امشى ، امشى يا نور .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بتسمع مريم و كريم صوت صريخ أحدى الحراس من البلكونة ، و بيبصوا من ازاز البلكونة لتحت فى الجنينة بيلاقوا حارس من الحراس بيتكلم فى اللاسلكى جنب مجموعة الحراس ألى خدرها نور ، و الحارس بيستغيس بالحراس التانين و بينبههم ان فى حد اقتحم المكان .
