حبيبى نسر و ٣ نجوم #الجزء الثانى

#الفصل_السادس

الساعة 8:36pm

بتدخل بنت احدى الكافيهات ، و بتقعد على كرسى لترابيزة فيها شخصين و هى بتقول
يا اهلا يا اهلا ، والله لولاش حضرة الظابط نور بنفسه جاى ، انا مكونتش سبت المرضى بتوعى ألى كانوا هيخلعوا ألى فى رجليهم و يضربونى بيه عشان اجلت مواعيدهم لبكرة و جيتلكم .

بيبصلها رامز برفع حاجب و هو بيقول
و هو انا اخبطوط بحر قدامك .

بيرد نور بابتسامة خفيفة
والله بس عشان خاطر رامز ، اومال فين امل ؟

بترد منى باستغراب
ايه دا ؟!
هى لسة مجتش ، دى دائما بتيجى بدرى هنا ، خاصتاً ان المكان قريب مفيش خمس دقائق من الشقة بتاعتها ألى اخدتها عشان تبقى قريبة من شغلها ، دا انا قولت فى الحمام .

بيرد رامز بتعجب بردوا
والله مش عارف ، انا قولت مستنياكى عبال متخلصى شغل و تيجوا سوى .

لا انا قولتلها امبارح انى احتمال أخر فا تسبقنى هى .

غريبة ، طب استنى اتصل بيها اشوفها أخرت ليه .

و فعلاً بيتصل رامز بأمل بس كل شوية يجيله
هذا الرقم مغلق او غير متاح يمكنك الاتصال به لاحقاً.

غريبة عمال اتصل بيها، بيقولى الرقم مغلق او غير متاح .

ايه يا عم انت هتقلقنى على البنت ليه ، طب استنى ارن من عندى انا يمكن موبايلك فيه مشكلة عندك فى الشبكة ولا حاجة .

بتتصل منى بامل و بيدى جرس ....

الو ، فينك يا امل ؟
احنا كلنا مستنينك زى ما اتفقنا ، اخرتى ليه كل دا ؟ ( كل دا قدام رامز ألى كان مستغرب ليه عنده كان غير متاح ) .

بصوت مبحوح
مفيش تعبانة شوية ، فا مقدرتش اجى ، انجوى انتوا .

منى بقلق
مالك يا امل ، صوتك مش عاجبنى ، انتى كويسة ؟

اه اه كويسة ، انا بس تعبانة شوية من الشغل النهاردة كان تقيل عليا ، هبقا احكي... ( بيقاطع صوت امل صوت خبط على الباب و رن الجرس كتير ) طب ثانية يا منى خليكى معايا اشوف مين على الباب .

بتروح امل تفتح الباب ، بتبص امل باستغراب على ألى واقف قدام الباب و هى بتقول
اسامة ؟!
ايه ألى جابك هنا ، اظن ان لا دا وقت ولا مكان مناسب تجيلى فيه ، خصوصاً بعد ألى قولتهولك الصبح .

بيتحرك أسامة حركات غير متزنة ناحية امل ألى كانت بترجع لورا بقلق و هى ماسكة الباب و أسامة بيقولها بطريقة غريبة
فيه ايه هو احسن منى ، هااا ؟