ياوجد حالي على قلبًا تعلق بها

البارت الأول

ياوجد حالي على قلبًا تعلق بها

قبل سنتين بيوم من الايام قرر عزام يقدم بعثه لدراسه الطب بالخارج وشاور امه وابوهم كانو رافضين الفكره نوعا ما بس اصرار عزام وحبه لذا المجال خلاهم يوافقون

عزام : يالله هتان فيصل تعالو تعالو سريع القبول طلع تكفون شوفو وش انقبلت ولا
فيصل : يعمي ما راح تنقبل اهجد بتدرس هنا ناسي جدي انت وعاداته لو انك ما أعطيت نفسك امل افضل لك
هتان : اص لا تحطم أمله هات هات انا بشوف لك يارب مقبول ونهج معاك إيطاليا وحركات
فيصل : ياعمي ما ردكم للرياض اهجدو بس
عزام : هتان خذ ذي أرقام التسجيل بالله شوف وطمني ما ابي اشوف
هتان وسع عيونه وصدها بضيق  : ما انقبلت ي عزام فيصل كان صادق
فيصل بتصفيق وفخر انه طلع كلامه صحيح : شفت مو انا قلت لك اقول لكمم من اليوم ورايح لازم تصدقوني
صد عزام راسه ونزلت دموعه بضيق كان حلمه يدرس طب بالخارج لكن : يلا لعلها خيره
هتان بضحك وهو ينحاش: امزح عليك انقبلت انقبلت
عزام وفيصل بصدمه خذو يشوفون بنفسهم يتأكدون الا صدق انقبل صرخ عزام من الحماس وراح يبشر امه وابوه بسرعه 
ابوه كان مصدوم ما توقع انه صدق بينقبل وكان يبي يرفض بس حن عليه وهو يشوف فرحته ومبسوط لكن شال هم جده إذا درى وش بيسوي: قل والله انقبلت
عزام : ي ابوي والله والله انقبلت
امه بفرح لولدها : يارب توفقكك ياوليدي وييسر لك أمرك
عزام بفرح : عاد ها كلنا بنروح هناك غيرها ماني برايح
هتان وفيصل وغيث بصوت واحد وفيه ضحكه: مجنون انت اكيد بنروح
جت ريماس من فوق منصدمه من الصراخ تحك شعر راسها ومعها تفاح وتروح عند ابوها : بابا شفيهم ذول يصرخون كذا انهبلو
عبدالله بضحكه : بنعيش في إيطاليا خلاص
ريماس كانت تاكل وشرقت : اصبرو اصبرو يبي لها اغاني اخيرا أخيرا بنخرج نعيش برا اشكرك يا عزام اشكرك تعال احب راسك ياشيخ
وقامت ترقص ويرقصون معاها وفرحانين له

......
الجد زيد : ياويل حالي على عيالي طلعو لذا المدن وتركو البراد والديره هنا محد يدري وش صاير لهم وعبدالله ذا يبي له كلام براسه عشان يرجع لديرته مب شغله ذي كل واحد ناط لي بديره شكل
الجده لولوه : يا زيد هد الله يصلحك كل واحد مشغول مع عياله يوفر له مطالبهم و احتياجاتهم هنا تخبر ما به شي كيف بيعشون ذا الجيل هنا
الجد زيد : شوفي خالد هو وبناته عايشين ومبسوطين الله لا يضره هو الوحيد الباقي لي هنا
الجده لولوه بتأسف لبناته وهي تشوفهم يعانون وودهم لو يطلعون لكن ما ودها بموضوع جديد مع زيد : الله يستر عليهم ويحفظهم
............
ليان بكذب ودموع كذب: بابا شوف هيام تضربني من اليوم ساكته لها لكن وصلت لدرجه تخليني انزف ماهي اخت ذي
عبدالرحمن بغضب وهو يحب ليان جدا : ههيييااااااممممم
هيام بزعل كبير على حالها مع اختها وما تقدر تسوي شي غير انها تدعي لربها : هلا ابوي طلبت شي تأمرني شي
عبدالرحمن بغضب وعيونه انمسحت من الغضب وبدون تفكير ضرب هيام كف بوجها وهو يقول : الله بلاني فيك الله عاقبني فيك
هيام بصدمه ودموع حول عينها من كلامه قررت تنسحب من عند ابوها بهدوء لكن سبقتها يد امها ليلى
ليلى بغصب على عبدالرحمن وتصرفاته معاها : وش تسمي ذا لا بارك الله فيك اخر عمرك تضرب بنتك بنتك ي عبدالرحمن بنتك فرحتك الأولى
عبدالرحمن بصوت غاضب وهو يقول : فرحتي الاولى ليان هذي لا هي بنتي ولا انا اعرفها
ليلى بحزن على ملامح بنتها وما تبي تخليها هنا بتزيد الطين بله : هيا انا وهيام بنمشي عند اختي محاسن لا اشوفك جاينا الحين لا اشوفك تقرب منها وانتي ياليان شغلك عندي تفترين على اختك ما تخافين الله فيها
ليان بدلع وكذب متصنع : ماما هي سوت كذا انا ما اكذب