ياوجد حالي على قلبًا تعلق بها
........................
فجر :بنات هيا نجلس ورا نلعب ونشب لنا نار
هيام : يلا اشتقت لها
حنين : وانا اشتقت لك
جوو البنات بيطلعون ووقفه اياد وهو يقول : على وين
فجر : شدخلك بتقلط معانا !
اياد : يمكن
هيام : بنجلس وراء نشب لنا نار ونلعب ونسولف ليه
اياد : يلبى اختى ياعرب ماهي زي بعض الناس
فجر : والله نفسي ارميك بالجزمه
ذيب : بس انت وياها توم وجيري
اياد وفجر بنفس الوقت: ايه
ذيب : انا داري اذلفو عني
طلعو البنات يزبطون لهم جلسه وراشد الي يفكر كيف يهرب من ذيب لانه يدري انه غيورر جدا
...........
ذيب غمز لبندر الي عند الباب وفهم بندر وقفل الباب قام ذيب وشمر ثوبه
ذيب : امسكوا لي راشد بالله
راشد : امزح ترا مو انا سويته
ذيب : مين
راشد : اياد و اورنس
اياد : يالكذاببب
ذيب : كلكم منجلدين ولا بعد تسولفون بالقروب وتضحكون
راشد : عادي وش فيها
ذيب : قرب قرب انا اوريك العادي
مسكه ذيب وجلده خفيف وهو يضحك عليهم لانهم خايفين منه ونايف الي يصور وبندر وصقر ماسكين اياد و اورنس
تركي : الله يهبلكم عقل
راشد : والله يهبلك زوجه تشيلك عنا
تركي : قاعد على قلبك
راشد : لا بس غاثني
تركي : احسن
...................
هيام : بنات بنادي ذيب يولع لنا النار و اجيكم
حنين : اسمعي روحي للمطبخ تلاقين فوق شوكلت خبيتهم عن العيال هاتيهم معاك
هيام : من عيوني
حنين : ياحلوك وياحلو عيونك
.......
مسكت هيام الجوال ترسل لذيب يتنظرها عند باب الحوش الي وراء عشان يشب لهم النار ارسلت له ودخلت المطبخ
هيام : الله يسامحك ياحنو مالقيتي تخبينها الا فوق
ناظرت حولها واخذت الكرسي وركبته عليه
اخذت سبت الشوكلت وهي نازله حست بدوخه ومسكت راسه وتعثرت رجلها
مسكها ذيب : اسلم اسلم هيامي
هيام : نزلني ابي بندول
شالها ذيب وجلسها على رف المطبخ وقرب منها
ذيب : مصدعه ؟
هيام : ايه حسيت بدوخه وبلغلط تعثرت رجلي
ذيب : دقايق البنادول هنا
اخذه واخذ لها مويا
ذيب : سمي بالله
هيام بلعتهم وابتمست له وباست خده : ذيب تدري
ذيب ابتسم : ايش
هيام : اني احبك
قرب منها ذيب اكثر : طيب تدرين انتي اني هيام فيك
حضنته هيام ورد لها الحضن
هيام : تعال شب لنا النار
ذيب : ابشري
مشى ذيب قدامها اخذت صحن الشوكلت وركضت تمسك يده وباسها ذيب وراح يشب لهم النار
دق عليه نايف ردت هيام وحطت الجوال ب اذن ذيب : ولد وينك فيه
ذيب : عند البنات
نايف : ارفع علومك بنات مين
ذيب : ياغبي انت عند البنات مسوين جلسه وكلمتني هيام اشب لهم النار
نايف : تكي عندهم واحنا نجيك من زمان ماجلسنا الجلسه ذي
ذيب : ايه والله تم
نايف : يلا بنادي العيال وجايين
قفل ذيب
ذيب : هيامي
هيام : عيونها
ذيب : ابوسهم قولي للبنات بنجلس هنا
هيام رفعت حاجبها : وش يجلسكم معانا
ذيب : من زمان ما جلسنا مع بعض
هيام : بشوف البنات لا تناديهم
ذيب : طيب
......
دخلت هيام عند البنات فالخيمه
هيام : بنات ذيب يقول العيال بيجلسون معانا
حور : يوه فعاليات زمان
ميلا : ايه والله من زمان ماجلسنا مع بعض
هيام : يعني اقول له يناديهم
ميلا : قولي له عادي
هيام : تمام
أنت تقرأ
ياوجد حالي على قلبًا تعلق بها
General Fictionبسبب خلاف بين اب وبنته مجهول الهويه يكون سبب بكره اختها لها ومع الايام تكشف الوضع وتبدأ رحلتها وتشتتها و تبحث عن أهلها وكيف بتنسى الي عاشت معاهم ١٧ سنه الي كانت تظنهم أهلها وكيف بتتعود على حياتها الجديده
