.......
طلعوا الشباب برا والبنات قامو يساعدون هيام عشان تطلع السياره لبست العبايه البيضاء حقت العروس وسلمت على امها وعلى اخواتها ووام ذيب واخوات وقبل لا تطلع سلمت على ريماس ولينا والعنود ورهف واخذت ارقامهم الجديده وسلم على الكل وطلعو من الغرفه وبقو اهل العروسه والعريس بس طلع نايف ومسك هيام من يدها ينزلها لسياره ذيب
وركبت السياره وصاحت وضحك نايف وحضنها مره ثانيه وراح عند باب ذيب ودق القزاز حقه ونزله
ذيب : وش تبي يالخوي
نايف : ابد والله انتبه لها وهي الحين تحت مسؤليتك لا تزعلها ولا تبكيها لا اسمع منك شي انتبه لها تراها اختي وصديقتي ياويلك لو اشوفك مسوي لها شي
ذيب : ابشر على خشمي
طلع نايف جواله : اصبرو بصوركم
هيام سوت حبتين وذيب قلدها وطلع شكلهم لطيف صورهم نايف
نايف : يلا الله يستر عليكم ويحفظكم
ابتسمو له وحرك ذيب السياره متجهين للفندق
...................
اما الباقين جالسين يجمعون العفش
حور صرخت : نايفوههه
نايف : نعمم
حور : تعال شيل فيه شنط هنا كلم معاك احد انا بنزل عند امي مافيه احد بالغرفه
نايف : طيب
ناظر حوله ما شاف احد من الشباب ولا فحاله يدور عليهم راح هو لوحده ودخل الغرفه وسمع صوت احد يكلم بالحمامات توقعها اخته بس بعدين ركز بالصوت صوت ميلا وواضح انها معصبه تجاهل الموضوع واخذ الشنط وهو طالع فتحت باب الحمام بقوه وجلست بالكنبه الي قدام وهي مغمضه عيونها ماشافت الي موجود قدامها الي صنم ووقف من الصدمه واقفه قدامه بفستانها وتسريحتها وشكلها الهادي استوعب ولف وجهه للجهه الثانيه وتنحنح
انفجعت ميلا ورفعت صوتها : مين انت
نايف بكل هدوء : نايف
وقفت شوي تناظره وراحت مسكت يده بعد يده نايف ولف : انتي صاحيه ليه تمسكين يدي
ميلا : انت تحبني
نايف : يهمك جوابي الحين كم مره سالتيني
ميلا : بتحبني حتى لو تزوجت
نايف : تزوجتي الله يستر عليك ماعاد عندي شي اقوله انا اعطيتك قلبي ورفضتيه وش اسوي انا
ميلا : بس انا مج..... سكتت ثواني ونزلت دموعها ولفت دخلت الغرفه الثانيه
وبصوتها الي فيه بكيه : روح
طلع نايف وهو حاس فيه شي مو طبيعي اساسا السالفه ذي كلها ماهي طبيعيه نزل الاغراض وهو تحت شاف اعمامه واخوانه وعيالهم متجمعين راح لهم
الجد عوض : زواج الميلا بعد اسبوع زواج بسيط ومو مكلف
شرق نايف بالمويه ولف عليه : وشو كيف بعد اسبوع
الجد عوض : وانت وش عليك لو بكره مانت العريس
استوعب نايف من بعد كلمه جده وجلس هادي قرب منه صقر : حبيب القلب ماهو موجود
نايف : الله يتمم له على خير
بندر : ماش شكلنا مابنقدر ناخذ مكانه ذيب
نايف : اكيد مافيه مثل الذيب
صقر : والله غدره
وجلسو يسولفون وشويتين الكل ركب السيارات وحركو راجعين للبيت بعد يوم طويل وممتع لهم وفرحوا فيه
...................
اما عند العرسان
وصلو الفندق ونزلوا دخلو الغرفه وطلع ذيب يطلب عشاء وهيام دخلت تبدل فتحت الشنطه طلعت لها فستان ناعم حرير وردي الكتف حبل وقصير شوي مسحت الميكب الثقيل وحطت خفيف جدا وشعرها عدلته بس وتركته زي ماهو
جلست تقلب بالقنوات وطفشت طول ذيب وراحت انسدحت بالسرير على بال مايجي وهي منسدحه قررت تمقلبه وتتخبى وراء الباب طفت لمبات الغرفه لما سمعته قرب وتخبت
دخل ذيب الغرفه ماحصلها توقع انها بالحمام راح دق الباب بس مافيه صوت فك الباب مافيه احد ورفع صوته ينادي : هيياامييي هياميي وينك
وهو طالع من باب الغرفه نطت عليه وحضنته : هنا ياروح هيامك
ذيب شالها وجلسها على السرير : ذي بدايتها مقالب
هيام ابتسمت وبانت غمازاتها : مقدر لازم اضحك عليك
ذيب ابتسم لا ارادي : دام بشوف ذي الغمازتين تكفين ابتسمي دايم
هيام : حتى انت عندك غمازه احبها
ذيب : تحبين غمازاتي ولا انا
قربت هيام وباست خده قريب من شفايفه : احبكم كلكم
ذيب : اوب اوب بتضيعين علومي
هيام : شرايك نتعشى
ذيب : احسن اني غيرت راي معاد ابي عشاء
انسدحت هيام ونزلت من تحت السرير وقامت وهي تضحك : بس انا ابي عشاء
أنت تقرأ
ياوجد حالي على قلبًا تعلق بها
Narrativa generaleبسبب خلاف بين اب وبنته مجهول الهويه يكون سبب بكره اختها لها ومع الايام تكشف الوضع وتبدأ رحلتها وتشتتها و تبحث عن أهلها وكيف بتنسى الي عاشت معاهم ١٧ سنه الي كانت تظنهم أهلها وكيف بتتعود على حياتها الجديده
