ياوجد حالي على قلبًا تعلق بها

بارت 10

ياوجد حالي على قلبا تعلق بها.
طلعت هيام مع نايف لمكان اول مره تزوره بيتها واهلها لها حق بهذا البيت تجهل اطباع اهله وناسه تجهل معارفهم وطريقه عيشهم يبي لها وقت تتعود عليهم مو يوم ولا يومين شهور الين تتعود عليه وهم يتعودون عليها
.........
عند العيال
عزام : قسم بالله رافع ضغطي ذا شايفها ومكلمها غصب عنه راضي ولا ماهو راضي
فارس : طيب هدي انت اكيد مابينادي اخته لنا تقابل ٤ عيال مين العاقل الي بيسويها
عزام : لا تعصب بي انت بعد احنا مو غريبين هو الغريب فارس انت ما تحس بحرقه
لف عليهم كلهم وبدا يضرب صدره تحديد مكان قلبه
عزام : محد يحس بحرقتي انا مانمت من يوم طلعت افكر فيها مرتاحه ولا هي وين ويجي ذا بارده مبرده يقول لي ماهي موجوده ويسفهنا انتو كلكم دارين بحبي لها ليه محد وقففف معاااي ليه تاركيني لوحدييي جوفي ينحرق من كثر قهري وحزني عليهااا
نزل من سيارتهم وقبل لا يقفل الباب قال لهم : لحد يلحقني انا اعرف طريقي ولا تدقون علي
قفل باب السياره وبدا يبتعد عن انظارهم
يمشي في مكان يجهله ولا يعرف وين تقوده رجوله يدري انه بالرياض وبااراضي هو تربى فيها لكن من تشتت مخه ماهو داري وين يروح دخل البقاله واخذ له بندول ومويا وبلع له ثلاث حبات وكمل يمشي وهو باله بعييددد

........
في سياره نايف وهيام
نايف : كيف تتوقعين شكل بيتنا
هيام : بيت عادي يعني كيف بيكون شكله
ضحك نايف : الحين تشوفين البيت العادي
هيام : نايف
نايف : عيونه
هيام : تسلم عيونك عندك رصيد بجوالك
نايف طلع جواله من جيبه ومده لها بدون تردد : بتدقين على مين
هيام بهدوء : عزام
وقف نايف فرامل بقوه : امحق والله منهو ذا
انفجعت هيام : ولد عمي
نايف: ماهو ولد عمك عيال عمك تعرفينهم بعدين وش تبين فيه تدقين
هيام : ابي اتطمن عليه تكفى
نايف كان غيوررر جداااا لكن ما حب يخرب علاقتها و الواضح له انها متعوده تكلمهم وعادي سمح لها وهو قلبه يحترق غيره كيف تكلم واحد مايحل لها بس مابيده حيله لو جينا للواقع هي تعرفه اكثر من معرفتها لنايف

مسكت جواله تكتب رقمه ويدها ترجف وقفت شوي ورجعت الجوال لنايف وانسدحت تناظر الطريق وتفكر هي لسى مشتته ولا تعودت على وجود اخوان وخوات لها وماتبي تشتت تفكيرها اكثر وتكلمه تعرف انها بتضيعع

.....
ببيت الاب نادر يجهزون لجيه حور وكل منهم منفرد بعمل يسويه رغم ان عندهم خدم وسواقين لكن حبهم لها خلاهم هم يسوون كل شيء ب انفسهم وكل من اخذ له شغله الا شخص واحد كان فارش سجادته ويبكي شكر لربه لأنه فعلا حس انه مرتاح وهو دايم يحس فيها بالكبيره والصغيره لآنهم توأم مشاعرهم تكون حساسه لبعض هي تحس فيه وهو يحس مهما كان بعد المسافه يحسون ببعض

ام فهد : روان حور جهزتو غرفتها اكيد انها تعبانه وتبي تنام
روان : ايه يمه انتي ارتاحي احنا والعاملات نجهز لا تخافين
ام فهد :الله يحفظكم لي ولا يغير عليكم 
انتهو من تجهيز كل شي الباقي دخول هيام ونايف