ياوجد حالي على قلبًا تعلق بها

بارت ٢٨

في المستشفى...........

دخلوا عيال ابو فهد كلهم معادا هيام الي كانت منهاره في البيت ورجولها ماهي قادره تشيلها تطلع

ركضوا كلهم يلحقون ابوهم الي شالوه بالسرير مغمى عليه
الدكتور : المريض نادر بن عوض ال .... مريض قلب صحيح ؟
ابو ذيب لف يناظر عيال اخوه المنهارين ويدري الحين انهم بينهارون زياده تكتفت وبلع ريقه ونطق : ايه نعم
فز تركي : لا ياعم غلطان ابوي مافيه شي
فهد : إيه الحمدلله ابوي بعافيته وشفيك تتفاول عليه
مسكهم ابو صقر : سمو بالله ياعيال ابوك مريض قلب له فتره ومعانا التقارير والعلاج
نايف : انتو وش تقولون انتو نقولكم ابوي بخير ولو انه فيه شي قال لنا
ابو بندر : صلو على النبي ابوكم ماكان يبي احد يعرف بس احنا درينا وقال انا بقول لهم في الوقت المناسب
وقفو كلهم منصدمين يناظرون بعض بخوف كل واحد فيهم يبي ان هالخبر كذب لين طاحت ام فهد على ركبها تبكي ركضوا لها عيالها كلها يقومونها
...............
بعد مرور ساعتين على احر من الجمر كان ينتظرون فيها خبر يريح قلبهم طلع الدكتور ووجه مايبشر بالخير
فزوا كلهم على الدكتور ويسألونه بخير ولا
الدكتور : حاليًا هوبخير بس
فهد : بس ايش تكلم
الدكتور : يمكن تنتكس حالته للاسوء عشان كذا بنحطه تحت المراقبه اسبوع وممنوع فيها الزيارات الا من وراء القزاز
وقف ذيب وراح عند نايف يحضنه ويهون عليه
نايف : هيام وين
اشر له ذيب كانت على الكرسي جالسه وعيونها مغوره فيهم الدموع
نايف: بروح لها
ذيب : زين انا بروح اقرب السياره وخلك معاها
نايف اشر له بتمام وتوجه عند الهيام يجلس وحضن كتفها يطبطب عليها وهي كانت صامته ودموع تنزل فقط بدون اي صوت راح الكل وبقي نايف وهيام
نايف : قومي نطلع عند الباب ذيب جاء
قامت تمشي بهدوء عكس الضجيج الي داخلها والي ياكلها اكل

بعد اسبوع من الانتظار والدعاء
راح فهد وامه وتركي يتطمونون على نادر وش صار عليه
لكن صدمهم الدكتور بخبرانه داخل غيبوبه وواضح عنده انه مدتها طويله وجدًا
انهارت ام فهد دخلت عنده تمسح دموعها وهي ماسكه يده :وش صار فينا تعال وش صار لك تكفى لاتوجع قلبي عليك لاتوجع عيالك الله يخليك قوم
وصارت تنهار من البكي فهد وتركي يطلعون امهم ودموعهم بعيونها
تركي : يمه تصبري قضاء وقدر يمه مالنا الا الدعاء يمه لاتوجعني قلبي بدموعك
خذتهم ام فهد ب احضانها وكان البكاء سيد الموقف
هم الحين بيرجعون البيت كيف يعلمونهم كيف يواجهونهم
مسحت دموعها وقامت تخبط ظهورهم : قوموا ياعيالي قوموا عيال نادر مايضعفون
سلموا على راسها ومشوا طالعين من المستشفى متوجهين للبيت الي كان فيه روان وحور وهيام واياد ونايف ينتظرون منهم خبر

..........
هيام: نايف
نايف: لبيه
هيام: الله يسعدك ذيب برا جاب شنطتي دخلها معاك
نايف : عسى ماشر
هيام : مافيه شي بس انا حبيت اجلس هنا كم يوم

نايف قام وطلع لذيب الي سلم عليه واخذه بالاحضان
نايف : يولد عمي ياعضيدي  شد علي تكفى ماعاد فيني طاقه
ذيب : تصبر وانا اخوك والي انتو فيه ماهو هين تصبر تصبر كلنا معاك
نايف : اههخخ ياذيب اههخخخ
ذيب : خذ الشنطه وبالليل انتظرك بسيارتي عند الباب
نايف اشر له على خشمه ودخل
.................
رجعت ان فهد من المستشفى دخلت جلست بالصاله وتجمعوا كلهم عندها ينظرون خبر يفرحها
روان : ها يمه بشرينا شفتي ابوي بخير
ام فهد كانت تناظرهم واحد واحد تشوف نظرات الخوف بعيونهم بس ماتقدر تكذب عليهم : اول شي كلنا راضين بقدر الله والمكتوب هو الي يصير سكتت ثواني ثم نطقتها وحروفها ترجف ابوكم دخل غيبوبه ماحد يعرف كم مدتها
سكت الكل ياحول يستوعب الكلام يناظرون في بعض مصدومين من الي صار
نايف :لاحول ولا قوه الا بالله 
حور انهارت تبكي وروان وهيام عندها يصبرونها
نايف قام وطلع من البيت يستوعب الي صار
اياد مسك راسه وقام عند امه يصبرها ويصبر نفسه
تركي قام وراء نايف
وفهد كان يناظرهم وهو ماسك نفسه ويتصبر بالدعاء
......
تركي مسك يد نايف : وين رايح
نايف : مدري وين ماتوديني الدنيا بروح
تركي : انزل من السياره وسم بالله
نايف : خلني تكفى خلني انا معاد اطيق القعده في مكان فيه جدي انا تعبت منه لا شفت باب بيته اضيق خلني ابعد
تركي : ياولد اهدى اهدى  لو الحين امي لا تشل هم عليك تكفى عشان امي
طف السياره وتعوذ من الشيطان ورجع البيت يدخل غرفته يتهرب بالنوم
.......................
بالنسبه لاخوان نادر كان هالخبر صدمه كبيره بالنسبه لهم اخوهم كيف تعبته الدنيا شافو التعب بعينه شقى في حياته وكثيير انهياره فجأه ماكان سهل عليهم ك اخوان
الجده غاليه ماتحملت الي صار وبدأت تلوم جدهم عوض على كل شي صار لهم