ياوجد حالي على قلبًا تعلق بها

بارت ٢٣

بعد ما مسك خط وحس ان هالمهمه جات في وقتها عشان ماينشغل تفكيره كثير وصل لمنطقه شغله بعد خط دام ١٢ ساعه طمن اهله وقفل جواله وراح لشغه
...........
اما عند ميلا بعد ما راحو الضيوف وخلص اليوم دخلت غرفتها تبدل ملابسها وتناظر بالهدايا الي جاتها وهي تمسح الميكب حقها جاتها رساله من رقم غريب فتحت الرساله

احمد : السلام عليكم
ميلا استغربت الرقم : وعليكم السلام ، مين معاي
احمد : زوجك احمد
ميلا : اهلا
احمد : كيفك حبيبتي

ميلا استغربت كيف قال لها كذا على طول حبيبتي بدون مقدمات
واكتفت ب انها ترسل : بخير🤍

احمد : اسمعي حبيبتي ودي نسوي حفله بسيطه بعد زواج اخوك ب اسبوع مناسب
ميلا: مايمديني اجهز الصدق شرايك تأجل
احمد : ماعليك معاك ثلاث اسابيع يمديك فيهم وانا بعد الزواج اخليك تكملين براحتك بس عشان شغلي
ميلا : شاور ابوي واخواني وشوري من شورهم
احمد : تمام ، اكيد انك تعبتي اليوم نامي حبيبي
ميلا : تصبح على خير
احمد : نوم العوافي

قفلت الجوال واستغربت وش فيه ذا هي ماكانت تبي حفل كبير وكويس انها جات منه بس مو بذي السرعه تجاهلت الموضوع دام انها تركته له و لابوها لان مالها قوه حتى انها تفكر في ذا الموضوع
لبست بجامتها وانسدحت تنام بهدوء
...............
عند هيام و ذيب
هيام رسلت له صورتها بالشماغ حقه وكتبت عليه : شرايك بس
ذيب : يالبيه مين ذي الحلوه
هيام: زوجتك
ذيب : اطلق زوجه
هيام : على الطاري اخر مكالمه بيننا الحين ها ثلاث ايام ماتكلمني لين يوم الزواج
ذيب : لا خير ما اسمح
هيام : بس انا اسمح تبي دق الحين ولا بروح انام
ذيب : لا لا بدق
هيام : شطور
ذيب : هيام
هيام : عيوني
ذيب : احبك
استحت هيام وخدودها حمرت ودق على طول فيس تايم رده وضحك ذيب على وجهها : اما مستحيه
هيام : مين مستحي انت الي مستحي ياعمري
ذيب : ايه ايه انا اشوف خدودك حمر
هيام : حاطه بلاشر
ذيب : ايه بلاشر طبيعي
هيام : شعرفك انت

وجلسو يسولفون لين نامت هيام بالمكالمه ضحك وقفل وانسدح ينام وهو مرتاح ومتحمس جدا لزواجه الي بعد ثلاث ايام

- تسريع الاحداث-

يوم الزواج

هيام مسكت جوالها زعلانه والمكيب ارتست تحاول تهديها تدق على نايف مايرد وزعلت كيف يوم عرسها و اخوها مايرد ولا تدري بيحضر ولا لا دخلو عليها روان وحور وقالو لها انهم هم بيكلمونه وتركت الموضوع لهم وجلست تكمل ميكب وشعرها

وخلصو الكل وتحركو للقاعه وهيام جلست تلبس الفستان وكان شكلها ياخذ العقل فستان بسيط وناعم لكن كان مناسب لها جدا مع تسريحتها وطرحتها والمسكه والمكيب كان كل شي بيرفكت بس الي كان معكر مزاجها نايف الي ماتدري عنه شي ولا تقدر تفرح و اخوها ماهو موجود  وماهي الا دقايق ودق باب غرفتها ودخل وكان نايف
ابتسمت ابتسامه عريضه يوم شافته وتقدم لها وحصنها وسلم عليها
هيام : وينك انت خوفتني حسبتك مابتحظر جلست معصبه وزعلانه طول للوقت
نايف : والله جوالي شحنه كان طافي وجاي بسيارتي عشان كذا طولت شوي 
هيام : عوافي اهم شي شفتك انك جيت
نايف : اف كنتي بتنكدين ليله عمرك لو اني مو موجود
هيام : اكيد انت اخوي وودي انك تشوف فرحتي بذا اليوم
ابتسم نايف وسلم عليها ونزل للرجال