..................................................................
قامت هيام الصباح شافت ذيب نايم دخلت تتروش ولبست ونزلت تسوي فطور على بال مايصحى ذيب وهي طالعه بتصحيه شافته نزل
هيام : أخيرا صحيت
ذيب : ماطولت انتي صاحيه من بدري
هيام : يلا تعال افطر
وهم جالسين يفطرون وبروقان تذكرت هيام موعد زواج ميلا
هيام : الحين ليه زواج ميلا بعد اربع ايام
ذيب : والله مدري زي زيك أسألهم يقولون لي عشان عمله بجده ومدري ايش
هيام : يعني من الزواج بيريحون هنا يومين ويروحون جده
ذيب : اي
هيام : ومتى سفرتنا احنا
ذيب : بعد زواجهم ننام ونقوم نروح المطار
هيام : اف تعب
ذيب : ياعيوني اقرب حجز لقيته هو ذا وماكان ودي افوته
هيام : يلا ماعليه
..................................................................
في بيت الجد عوض
الجد عوض : ابو فهد
ابو فهد : سم يبه
الجد عوض :نايف بيحضر عرس بنت عمه
ابو فهد : نايف عنده مهمه ماظنتي انه بيقدر يحضر
الجد عوض : الا ويحضر غصب
ابو فهد : يبه دوامه مايسمح وانت تخبره دامك كنت قبل
الجد عوض : ايه اخبره وابيه يعيش نايفوه نفس الي عشته عيشه رجال
ابو فهد : يبه نايف له حياته خله يعيش زي مايبي كم مره بكلمك انا
الجد عوض مسك عصاته وضرب فخذ ولده ابو فهد : ولدد اصغر عيالك انا تكلمني كذا ، و نايف انا جده واعرف مصلحته لك
ابو فهد عصب وهو يشوفه يتحكم بحياه ولده : يبه انا ابوه ولا سويت ولا اجبرته على شي ابيه يعيش مرتاح يسوي الي يبه ليه تجبره انت ليه
الجد عوض : اقصر حسك واجلس
قام ابو فهد : انت زعلان مني لك سنين عشان خذيت الي احبها وانت رافضها ويوم شفتني مستانس ومرتاح جيت تبي تكسرني بولدي يبه كل شي الا عيالي خليه يايبه خليه يعيش مرتاح متهني
الجد عوض : اطلع برا يالعاق اطلع
ابو فهد حس الدنيا تدور فيه وهو له سنين يحاول يراضي ابوه وابوه من طبع الاولين عشانه كسر كلمته واخذ الي هو يحبها حلف وقتها انه مايخليه يتهنى وجاه من يده الي توجعه جاه بعياله يمشي فيهم على كيف ويتصرف
مسك قلبه من الالم الغريب الي داهمه وطاح بطوله قدام ابوه الي ماحرك جفن ولا كانه يشوفه حتى طلع جواله ودق على ابو ذيب يجي يشيل اخوه من قدامه
فز ابو ذيب يركض للمقلط ودخل وشاف اخوه طايح لا نفس ولا شي وابوه قدامه يناظر فيه فقط
ابو ذيب : يبه انت صاحي ماتشوفه طايح قدامك
الجد عوض : شيله وفكني عنه
دخل ابو بندر وانصعق من منظر اخوه الطايح ركض ل ابراهيم (ابو ذيب)يساعده يرفع اخوه
وطلع سعد (ابو بندر) نادر (ابو فهد) في السياره وراء و ابراهيم قدام يسوق بكل سرعته للمشفى
هالاخوان كانو اخوان بمعنى الكلمه من يوم وهم صغار كانو يشوفون المعامله السيئه الي تتوجه لنادر من ابوهم وكان يوقفون في وجهه ابوهم يدافعون عنه ويتهاوشون معه تحملوا وصبروا قالو بننسى ونكبر سهروا ايام وهم يبكون مع بعض وسهروا ايام وهم فرحانين مع بعض كان كل واحد فيهم يكمل الثاني والطرف الحنون عليهم امهم الي كبرتهم وحاولت تقوي علاقه عيالها تخاف بيوم تشوفهم متقاطعين وهم اخوان امهم الي علمتهم الحب وعلمتهم وش يعني انكم اخوان علمتهم كل صغيره وكبيره وبسببها كانوا مبسوطين وعايشين مرتاحين
......
أنت تقرأ
ياوجد حالي على قلبًا تعلق بها
General Fictionبسبب خلاف بين اب وبنته مجهول الهويه يكون سبب بكره اختها لها ومع الايام تكشف الوضع وتبدأ رحلتها وتشتتها و تبحث عن أهلها وكيف بتنسى الي عاشت معاهم ١٧ سنه الي كانت تظنهم أهلها وكيف بتتعود على حياتها الجديده
