ياوجد حالي على قلبًا تعلق بها

بارت ١٥

ياوجد حالي على قلبا تعلق بها
......
ابو فهد : اصبروا يعيال بدلو ملابسكم وتعالو وكلمو جدكم عندي علم
فهد : ابشر كل واحد يروح ينادي ابوه وتعالو للخيمه برا
العيال :تم
اما ذيب الي عرف الموضوع وهو متوتر وخايف وش بيصير هل هيام فعلا بتروحون منه ولا تكون له مايعرف وش بيصير راح يبدل ملابسه ويرجع يسمع ارائهم وردوهم ويتمنى من كل قلبه جده يرفض
......
بعد ما تجمعو كلهم اعمامها وعيالهم وجدها واخوانها
ابو فهد : والله ان عندي خبر زين هيام جاها خطيب
فزو كلهم يباركون مقدما
الجد عوض : منهو ذا
ابو فهد: واحد اسمه متعب يقول لي انه كان من جيرانهم ايام زمان وهي تحبه وهو يحيبها ويقول لو ماانتو مصدقين اسالوها عني
الجد عوض : طيب سالتها تعرفه ولا خرطي
ابو فهد : بكلمها شوي و اشوف
الجد عوض : مافيه شوي نادها الرجال اعطوك كلمه
ابو فهد : وانا اعطيتهم كلمه جايين بكرا 
ذيب الي حس انه خلاص ماهو قادر يسمع حكي اكثر وقف وقال : طلبتك ياعم لا تكسرتي
ابو فهد فز : سم ياوليدي وش بغيت
ذيب : ياعم انا طالبك لاتكسرني بالهيام ياعم تكفى
ابو فهد : بس الرجال جاي بكرا
ذيب : قول له ماحصل نصيب ماهي صعبه
الجد عوض : بس ياذيب اجلس تخرب خطوبتها وينك ماتكلمت من اول يومك تبيها
ذيب والخنقه واصله حدها : كنت انتظرها تخلص جامعتها واتقدم لها ياعم والله احبها ياعم
الجد عوض : بس ياذيب ان ماكتب ربي لهم نصيب اخطبها وان كتبها ربي وراحت خيره
ذيب صرخ : والله مايخذهااا
الجد عوض : ولدد الزم صوتك وحدودك واطلع برا ماهو انت الي ترفع صوتك وتحلف
ذيب كان يصرخ انه مايخذها مسكوه نايف وصقر يطلعونه برا يهدي وهو خلاص انتهى باقي فيه شويه امل انها ترفض هو فعلا كان ينتظرها تخلص جامعتها وماكان هذا الطلب منه كان من هيام يوم دار بينهم حوار عن الموضوع هذا ( ذيب : هيام لو اجي اتقدم لك تقبلين
هيام: شرايك بالله بس يالذيب ابيك تنتظر
ذيب: ليه انتظر ووش انتظر
هيام : ذيب ضابي اخلص جامعتي ما ابي تفكيري يتشوش
ذيب : طيب اساعدك انا بالجامعه ماهي مشكله
هيام : ذيب نأجل الموضوع لين اخلص جامعتي
ذيب سمي كم هيام عندي الله يعينني بنتظر )
......
نرجع للحدث .

طلع ذيب غرفته وشغل المكيف ودخل يتروش طلع ولبس له ملابس خفيفه ماتسد البرد الي هم فيه وغرفته البارده طلع بكت الدخان وجلس يناظر بيتهم وكان شباك غرفته يقابل شباكها جلس يتامل بالنور الي شغال يدل انها صاحيه وشويتين وطفى نور غرفتها رمى سقارته وقام يصلي ويدعي انها له ماهي لغيره وبعدها راح وانسدح وهو مو مرتاح من بكرا
........
الجد عوض : دق على هيام اسالها تعرفه ولا
ابو فهد : ابشر
..
هيام : هلا يبه امر
ابو فهد : هلابك يبيتي بسالك عن واحد جانا اليوم واضن الخبر وصلك من امك
هيام تذكرت وضاقت : ايه يبه تقصد متعب ؟
ابو فهد : ايه هو تعرفينه وتحبينه
هيام تجمعت الدموع بعينها ونطقت : اعرفه من زمان كان جار لنا واحبه ويحبني وانا موافقه والله يكتب الي فيه الخير
ابو فهد ابتسم بوسع وقال : الله يتمم لك يابيتي الله يتمم لك
وقفل الخط وبشرهم وراحو ينامون لاجل يستقبلون متعب واهله لخطوببه هيام وكتب الكتاب
......
نايف : اسمعوني زين ذيب لايدري يعيال حاولو تخبون عنه
اورنس : نهايه بيعرف يانايف مابنقدر نخبي
نايف : انا اعرفه لو شاف متعب والله يذبحه يذبحه حاولو تبعدونه قد ماتقدرون وانا معاكم
صقر : ياشيخ وش الحب المتعب هذا الله يجبر بقلبه
اورنس : امين  يلا استاذنكم بروح انام
صقر : وانا بعد
........
صباح كتب كتاب متعب لهيام 
فتحت عيونها واستوعبت انه خلاص اليوم هي رايحه بعيد عن ذيب وحبها له فتحت الستاره على جنب شافته فاتح الستاره بس انه نايم وقالت : سامحني يالذيب سامحني والله مابيدي شيي