ياوجد حالي على قلبًا تعلق بها

بارت 13

هيام : ذيب بسالك
ذيب : اسالي
هيام : انت تحبني ؟
وقف ذيب الخيل وابتسم وجلس يناظرها ثواني ونطق :

لليل احبك مابقى في السماء نور 
والى ضواني الليل للصبح احبك 

وللحظه الي كلها صد وغرور  
اشوف قبري بين عينك وقلبك 

في صدري سراجٍ من الحزنٍ مكسور
رغم المطر والريح شلته فدربك

ابتسمت بحب ونطقت له :

جيتك وانا عمري ما تجاوز العشرين
بنيت من صغري معك امنياتي

سمّ بسم الله على قلبي وضمه
انت نبضه وانت حسه وانت همه

.....
وانطلقت ب اعلى سرعتها متجهه للخيام الي بدات تشوف انوارها وتركته بهواجيسه واحلامه من كثر فرحته قام يسابقها وهو يضحك تسمع صوت ضحكه وراه هي استحت ماتبيه يشوفها وهي خدودها حمرت ودخلت قسم النساء وهو دخل قسم الرجال وتسمعه يراقص سحاب ويقوله : حييي عينكك
والفرحه واضحه من صوته

رجعوا خيولهم للاسطبل وتجهزوا للنومه بعد اول يوم ، يوم متعب وحلو بالنسبه ل ابطالنا هيام وذيب وللكل لكن هم كان يوميهم غيررر

...........
هيام : ماما ليلى ماسويت شي ليان ليان سوت كذا ، ماما ليلي ساعديني
قامت تصرخ : مامااا ليلى ويننككك 
دخلت حنان الغرفه مفجوعه وحصلت البنات عند راسها يحاولون يصحونها : شفيها بنيتي بسم الله عليها
حور : مدري تصرخ وتقول ماما ليلى ماما ليلى
حنان هنا قلبها انكسر كسره قويهه وموجعه حيللل راحت جلست عندها وقالت : امك حنان هنا امك معاك
اما عند هيام كانت تتحلم ب ان عبدالرحمن جالس يهددها يخرب عيشتها زي ماخربت حياته : ماما ليلىى عبدالرحمن عبدالرحم.... وصرخت وفتحت عيونها وهي تشهق تبي الجهاز حق الربو انكتمت
وسرعان مافزت روان تعطيه لها وبخو لها لين رجعت تتنفس طبيعي وعطوها مويا وهي ترجف وتبكي
طلعو البنات كلهم وخلوها مع امها حنان
حنان ام فهد : يمه بينتي علميني وش فيك
هيام : شفته شفته يهددني
ام فهد : من شفتي علميني
هيام ببكي : والله شفته يهدد يايمه يهددني يخرب حياتييي
ام فهد حاوطتها حضنتها وجلست تقراء عليها لين هدت ورجعت تنام وطلعت من الخيمه حقتهم ودقت على نايف ورد عليها
نايف : سمي وامري وش بغيتي
ام فهد : يمه تعال ابيك بكلام بيني وبينك
نايف :جايك الحين
بعد دقيقتين
نايف سلم على راسها وجلس قدامها : هلا وش فيه
ام فهد : منهو عبدالرحمن ذا
نايف : مين عبدالرحمن
ام فهد : مدري عن هيام قامت من النوم تبكي تقول عبدالرحمن يهددني يهددني وبحلمها تنادي ماما ليلى ماما ليلى
نايف فز : امر القبض عليهم اليوم كنت ناوي اروح بدونها لكن واضح عبدالرحمن ذا ماهو ناوي خير وينها هي بخير
ام فهد : ايه داخل دوب هديت ورجعت تنام بس اعتقد صحيت لان واضح انها خايفه
نايف : بكلم منصور وذيب وكم عسكري نحقق معاه بكلمها تجهز
ام فهد : الله يستر بروح معاك يوليدي
نايف : يمه تروحين ليه
ام فهد : ابي اشوف منهي ليلى الي حرمتني من بنتي حرمتني من قطعه من كبدي حرمتني من طفولتها وتعبها منهي ذي
نايف باس راس امه ومايحب يرفض لها طلب ابد : جهزي ساعه لين يجتمعون العساكر ونمشي
ام فهد : ادخل كلم هيام ما اقوى اشوفها مكسوره
نايف : ابشري وينها هي ب ايت خيمه
ام فهد اشرت له : ذيك ادخل بشويش 
باس راسها وراح يدخل