ياوجد حالي على قلبًا تعلق بها

بارت ١٦

ياوجد حالي على قلبًا تعلق بها
...............
صباح اليوم الثاني

عند ذيب
هو صحى باالليل لكنه رجع نام من التعب والحين الصبح صحى مره ثانيه وشاف نايف وصقر وبندر نايمين نايف جنبه على السرير وصقر على الكنب وبندر فارش له سجاده تحت ومنسدح عليها
ذيب بصوت مرتفع : لا اله الا الله انا المريض ولا انتو

فز نايف من السرير وكان بيجلس بس طاح على بندر الي نايم تحت وقامو يصرخون كلهم
فز صقر من نومته بعد صريخهم : وش فيه ذيب مات
ذيب : حي حي الله ياخذكم وش المناوبه ذي مالقو الا انتو يخلونكم عندي
بندر : اجل من تبي حبيبه القلب
ذيب ابتسم وانسدح على السرير : اخخخ يعيال الرصاصه الي دخلت هي الي خلتني مبسوط جعلني فداها
نايف : لا والله اشوفك بخير قم خل نرجع القصور نرتاح زي الخلق
صقر : الدكتور يقول لازمك ثلاث ايام خايفين تحصل مضاعفات او حاجه
ذيب : يرجال وانت تصدقونه شرايكم تهربوني ونرتاح كلنا
بندر : ذيب اهجد وخلك ثلاث ايام ترا ماهي شهر
نايف لف على صقر وابتسموا
صقر : قم يالبندر قم جيب لنا عربيه واحلى تهريببب
ذيب : حييي عينيكم يعيال عمي بس اقدر امشي للمعلوميه
صقر : بالله اسكت وبندر قوم جيب عربيه احسن لك
بندر قام : شكواي لله ان شاءالله تنقفطون
وراح يدور له كرسي فاضي عشان يجيبه لذيب الي اساسا هو يقدر يمشي لكن جاه امر من صقر
نايف : الحين دور ذيب قوم واقف وانتظر العربيه
ذيب : والله اننا مقفوطين انا داري
نايف : ماتثق فينا انت استنى
ذيب : نشوف نهايه الثقه فيكم

بعد ما جاب بندر العربيه وجلس ذيب الي ميت ضحك ونايف يسكته وصقر يدف وبندر يراقب الممرات طلع لهم دكتور من غرفه من الغرف
الدكتور: على وين ذيب باقي لك ثلاث ايام
ذيب حك راسه وحس انهم تورطو
نايف بترقيع : رايحين ناخذ له عصير ونرجعه
صقر هز راسه : اي اي رايحين ناخذ له بس عصير ونرجع
ضحك الدكتور : رجعون عشان صحته مو عشان لعب وكلام فاضي
صقر : معليش يادكتور بس مانقدر نطلعه قبل ثلاث ايام
الدكتور : شوي بجي اكشف عليه واشوف يمكن يقدر يطلع بكرا
نايف : الله يسعدك ومشكور
ضحك الدكتور وراح
ولفو العيال ورجعو ذيب الغرفه وهو كان يصور مقطع وميت ضحك  وكان مقصوده من هذا المقطع انه يوريه هيام وقت مايرجع
..........
عند هيام
صحت الصباح وحصلت نفسها بغرفه جدتها نايمه وتذكرت الي صار وقامت تجري تاخذ جوالها تدق على نايف تبي تعرف هو حي ولا مات
هيام : نايف ذيب حييي ولا طمن قلبي
ضحك نايف يوم شاف ذيب ياكل ومحوس الدنيا بسبب انه منسدح
نايف : طمني قلبك حي حي
هيام : الحمدالله الحمدالله
قام نايف وطلع من الغرفه وهو حاط الجوال على اذنه
نايف : هيام
هيام : لبيه ينايف لبيه
نايف : لبيتي حاج ليه يالهيام ماقلتي لي ليه كنتي بتضيعين نفسك وتحرقين قلبنا عليك انتي تدرين انهم مجرمين تدرين
هيام : ادري ينايف ادري بس كان يههدني فيكم ينايف ماقدرت اتكلم خفت عليكم
نايف : هيام بالعقل لو قلتي لي كيف هو بيدري انا اخوك بكون واقف معاك وما اسمحه له يهددك فينا حتى انتي تدرين الي اسمها ليلى لو انك ماحصلتينا كان انتي متزوجته غصبًا عنك عشان هي تنبسط بشويه فلوس هيام اسمعيني كويس كل ما صار لك شي تعالي قولي لي تدرين اني احبك وغلاتك بقلبي غير والله بكيت وانا نايف الي مايبكي لاتكسرين قلبي وظهري فيك يالهيام
هيام بكت بعد كلامه : نايف آسفه
نايف : لاتتاسفين يابعد حيي وابشرك اني خذيتهم واحد واحد حتى ليلى مسكتها الحين ارتاحي وانبسطي وجهزي بجي اشيلك بس انتي لو سمحتي ما ابي مداخلات
هيام ابتسمت : الحين اجهز وانزل تحت بعد
نايف : يلا جاي
قفلت الخط وهي مبتسمه وراضيه ومرتاحه انها تخلصت من مشاكلها خلاص تقدر تروح وتجي براحتها  قامت وراحت غرفتها طلعت لها بنطلون باللون البنكي مع توب ابيض وسوت لنفسها ميكب خفيف ولبست عبايتها البيضاء ونزلت تحت تنتظر نايف الي ماطول دقيقه وهو واصل
....
نايف : ياحلوهم الحلوين
هيام ركبت السياره وحضنت نايف على طول وهي تردد عند اذنه بكلامات : نايف انت مو بس اخ لي انت صديقي نايف ما اقدر اوفيك حقك غريبه كلمه اول واحد عرفته من اهلي لكن فعلا انت اول واحد نايف انت بقلبي غير عنهم
شدت عليه بالحضن وهو بادلها الحضن وهو مبتسم ابتسامه عريضهه وطالعه من قلب فعلا
رجعت هيام مكانها وهي مبتسمه وقبل يطلعون لفت عليه : خلينا ناخذ اياد معانا
نايف ضحك: توام قسم بالله توام يلا دقي عليه خليه يجي
مسكت هيام جوالها ودقت على اياد الي رد عليها على طول
هيام : اياد انزل تحت نايف بياخذنا مشوار على حسابه
اياد : ايه شفتكم من فوق ونازل الحقكم والله ماتروحون بدوني خير
هيام ضحكت: مراقب الرايح والجاي انت يلا ننتظرك تحت
ودقايق ونزل اياد الي كان لابس وجاهز لانه شافهم من فوق وحلف مايروحون بدونه
........
ام الذيب : ياعمه بنروح للذيب بتروحين معانا
الجده غاليه: يلا كلنا نروح له ذيب غالي علينا كلنا وحتى انتو يالبنات قومو
حنين : جده ليش احنا نروح مو لازم
الجده غاليه : قومي قومي قالت ماهو لازم لا اشوف وحده فيكم تتعذر
(عندهم البنات عادي يتحجبون فكانو كلهم متحجبين وعادي يجلسون مع بعض لكن بمسافات اكيد )
حنين : ابشري يجده ابشري 
وفعلا تجهزو كلهم وطلعو وكل عائله مرت تشتري بوكيه ورد وهديه خارجيه وتنوعت الهدايا وكلها لعيون ذيب الي الكل يحبه ويغليه
.......
وصلو كلهم بنفس الوقت ونزلت الجده وراحت تمشي لغرفه الذيب ودخلت اول وحده وسلمت عليه السلام الحار وتتحمد له بالسلامه ومن بعدها اعمامه وحريم اعمامهم والبنات دخلو بعدهم وكانو يتحمدون له بالسلام من بعيد وهو يدور بعيونه معشوقته الي خذت قلبه اخذ وعبس يوم ماشافها معاهم وهي لو تدري دخلت عليه قبلهم كلهم من خوفها عليه لكن ماتدري ولا نايف يدري كان ودها معاهم
ذيب : ياعمه وين بنتك هيام ماهي معاكم
ضحكت ام فهد : تدورها اجل
ذيب انحرج وحك راسه
ام فهد : والله مدري وين راحت بس نايف شالها هي و اياد
ذيب : وانا اقول وينه نايف بعد طلع ولا عاد رجع
ابو فهد : عاداته يمشي سكاتي ولا يعلم احد
ابو بندر : كيفك يالذيب عساك طيب وبشر متى خروجك
ذيب : بخيرر بخير والله مدري الدكتور كشف علي ولا حدد لي متى اطلع قال لي بعد ساعه اجيك واشوف
ابو بندر : ايه زين ان شاءالله مايخليك تطول دام مافيك الا العافيه