ياوجد حالي على قلبًا تعلق بها

البارت 9

ياوجد حالي على قلبًا تعلق بها

َ.........
راح نايف راكب سيارته وراح لاقرب مشتسفى عطاهم عينات شعره وشعرها وهو يدعي ربه تطلع هي اخته
تطلع هي اخته الي الا الان يدور عليها ودخل هالمجال عشان هو يلاقيها بنفسه اللحظه الي ينتظرها نايف الان لو تقتله ما يطلع منه دم من كثر توتره وخوفه يخاف يفرح ويبشر اهله وتطلع ماهي اخته لازم يتأكد وجالس بممرات المستشفى يدور يدور حوالي 6 ساعات طلع الدكتور واعطاه نتايج التحاليل وقراها وكانت متطابقه واتضح انهم فعلا اخوان طاح مغمى عليه بالأرض

السستتر : هنا فيه مريض هات عربيه
ركضو الممرضات شالوه وركبوا له مغذي وكلمو اهله
تجمعوا اهله حواليه

عند الجهه الثانيه
طلعت هيام من دورات المياه : بسم الله وين راح ذا
منصور : انتي عندك احد هنا ارجعك له
هيام نزلت راسها : لا بس فيه الفندق ودني له
منصور : مقدر نايف بالمستشفى تجين معاي
هيام : امشي وش تستنى
وراحو المستشفى

دخلو الاستقبال
منصور : وين غرفه المريض نايف نادر فهد ال.....
الموظفه : غرفه رقم 317 ادخلو بهدوء المريض مرهق
طلعو يدورون الغرفه

ودخلو وحصلو اهله نايف موجودين ونايف يبكي
حنان تضمه : يمه ولدي شفيك انت
نادر : بسم الله عليك ولد شفيك تبكي
دخل منصور وركض له : عسى ما شر شفيك
نايف رفع عيونه له : وينهااا منصور وينهااا
حنان : يمه ولدي مين الي وينها
منصور أشر له على الباب
نايف مسك المغذي وطلعه من يده وراح للباب وشافها جالسه على الكراسي ركض لها وحضنها تحت صدمه الكل من منصور وأمه و ابوه
حنان : ولد اترك البنت ما تحل لك
هيام كانت مصدومه منه ما تحركت اما نايف حضنها ويبكي يبكي كأنها يعاتبها بالبكاء الي يطلع منه
سحبه نادر منها : ولد ارفع علومك
نايف صرخ : هياامم يبه ذي هيامم اختيي هيام بنتك الي تدورها سنين شوفها هذي هي يمه هذي بنتك الي ضاعت منك وخذوها منك يمه شوفيها رجعت لك

صفقته كف حنان من الصدمه : وش تقول انت هيام بنتي ضايعه مالها أثر
جلس نايف وطلع جوالها وووراهم الملفات و التحليل ويوم ركزو بملامحها شافو التشابه بينها وبين نايف ركضت حنان لها تضمها وهيام مصدومه للحين من الصدمه طاح مغمى عليها بالأرض فز نايف شايلها بين يديه شافوه اخوانه الي كانو جايين
.....
اعرفكم على عائله نايف وهيام
ابو نايف ( نادر) عمره ٦٦ انسان حنون بدأ يقضي عليه الشيب راح عمره وهو يدور بنته هيام انسان مقتدر ماديا ومعروف عند الناس

ام نايف ( حنان) عمرها ٥٤ حنونه على عيالها وتخاف عليهم من بعد ما فقدت بنتها هيام خافت تفقد عيالها الثانين
....
فهد : عمره ٣٤ كان فعلا الأخ الكبير لكل اخوانه ولا يرضى عليهم غلط ولا يسمح احد يضرهم بشعره متزوج عنده بنت اسمها ايلاف عمرها ٩ سنوات وولد اسمه انس عمره ٧ سنوات