Burmese Translation of "Doomed to be Cannon Fodder".
Translator - NC
(၁၉၅) ဇာတ်လိုက်မင်းသမီးအဖြစ် လျှောက်ရတဲ့ ခရီးလမ်းက ပန်းခင်းလမ်း ဟုတ်မနေဘူး'မဖြစ်ဘူး...! ငါ အဲ့သလိုမျိုး အဖြစ်မခံနိုင်ဘူး...!' ပိုင်ရှန်းရှို့ တွေဝေတုံ့ဆိုင်းမနေဘဲ နိုးသွားတော့တယ်။ သူမ မော်ဒန်ခေတ်ကို ပြန်မသွားဖို့ ဆုံးဖြတ်မိလိုက်တာမို့ ဝမ်းနည်းသွားပြီး ခုံပေါ်မှာ မှေက်ငိုမိလေတယ်။ သူမ တော်တော်လေး ရင်ကွဲနာကျနေတာ။
ရှောင်ရှီနှင့် ကျန်တဲ့ လူတွေ သူမကို ရှာတွေ့တဲ့ အခါမှာ သူမရဲ့ မျက်လုံးနှစ်လုံးစလုံး ငိုလွန်းလို့ မို့အစ်ပြီး နီနေပြီ။ သူမ ဝမ်းနည်းလွန်းလို့ မုးမေ့လဲတော့ မလိုပုံစံဖြစ်နေတာ။ သူမပုံစံကို မြင်တဲ့ သူတိုင်း ရင်နာသွားရလေတယ်။ ရှို့ သခင်မက အရှင်မင်းသားကို သတိရမိတာနေမယ်။ မဟုတ်ရင် ဘယ်သူမှ မမြင်နိုင်တဲ့ နေရာကို လာပြီး တစ်ယောက်တည်း ငိုနေမှာ မဟုတ်ဘူး။ သူမ ငိုနေတာကို သူများတွေ မတွေ့စေချင်တာပဲ ဖြစ်လိမ့်မယ်။
အခုချိန်မှာတော့ သူမရဲ့ အခန်းကဏ္ဍက အမျိုးသမီး အရံဇာတ်ကောင်ဆိုတာလောက် မရိုးရှင်းတော့ဘူးဆိုတာ ပိုင်ရှန်းရှို့ သိလိုက်လေပြီ။ တကယ်တမ်းဆို လုံဟန့် စစ်မထွက်ခင်ကတည်းက သူမ အသတ်ခံလိုက်ရမှာ။ အနာဂတ်အတွက် ကြိုတွေးထားဖို့ အချိန်ကျပြီလို့ သူမ ဆုံးဖြတ်လိုက်တယ်။ အခုချိန်ကစပြီး ဇာတ်ကြောင်းက ဘယ်လိုပုံစံနဲ့ ဆက်ဖြစ်မယ်ဆိုတာကို သူမလဲ သေချာ မသိနိုင်တော့ဘူး။ သူမမှာ ဝတ္ထုကို ဟိုကျော် ဒီခွ ကြိုဖတ်ထားသမျှလေးထဲက အကြောင်းအရာတွေနဲ့ ဆက်စပ်ပြီး ယေဘူယျလောက်ပဲ ခန့်မှန်းနိုင်တော့မှာ။
ဇာတ်ကွက်တစ်ခုမှာ ဖော်ပြထားတာကတော့ လုံဟန့်ဟာ စစ်မြေပြင်မှာ အင်အားကြီးတဲ့ ရန်သူနဲ့ ရင်ဆိုင်ရတာပါတယ်။ အချိန်တော်တော်ကြာအောင် သူ ပိတ်မိနေခဲ့ပြီး ဇာတ်လိုက်မင်းသမီးရဲ့ အကူအညီနဲ့မှ လွတ်သွားတာတဲ့။ လင်ချန်းဇီ သူ့ကို ဘယ်လို ကူလိုက်သလဲဆိုတာကိုတော့ အသေးစိတ် ရေးမပြထားဘူး။ ဒါပေမဲ့ လုံဟန့်နဲ့ လင်ချန်းဇီ မညားနိုင်တော့တဲ့ အခြေအနေထိကို ဇာတ်ကြောင်းက သွေဖီသွားပြီဆိုတော့ လုံဟန့် ဒုက္ခမရောက်ဘူးဆိုတာမျိုးလဲ ဖြစ်လာနိုင်တာပဲ။
YOU ARE READING
ဗီလိန်ဖြစ်ရန် ကြမ္မာဖန် [Book 2]
Romanceဗီလိန်ဖြစ်ရန် ကြမ္မာဖန် (ဒု- တွဲ) အမျိုးသမီးဇာတ်ရံအဖြစ် သူမ ဝတ္ထုတစ်အုပ်ထဲ ရောက်သွားခဲ့တယ်။ အဓိကဇာတ်လိုက်မင်းသားကို တစ်ဖက်သတ်စွဲမက်နေခဲ့တဲ့ ဇာတ်ကောင်ပေါ့။ သူမမှာ သူ့လက်ကိုတောင် ဆုပ်ကိုင်ခွင့်မရလိုက်ဘဲ အရှင်လတ်လတ်ရိုက်သတ်ခံရမယ့် ကြမ္မာရှိနေတယ်လား...