Burmese Translation of "Doomed to be Cannon Fodder".
Translator - ဂွေ့စ်
(၂၁၈) ကွာရှင်းစာချုပ်
ကျီကျန်းရှုက သူမနဲ့ထပ်ပြီးညှိနှိုင်းဖို့မကြိုးစားတော့ဘူး။ လုံဟန့်နဲ့ပိုင်ရှန်းရှို့ဆီကနေ အကြောင်းစုံသိပြီးသွားပြီ။ အဲ့ဒါကြောင့်မြို့တော်ကိုပြန်လာတဲ့လမ်းက တိတိဆိတ်နေတော့တာပေါ့။လင်ချန်းဇီကတော့ အခြေအနေကြီးကို ထူးဆန်းတယ်လို့ထင်နေတယ်။ ပုံမှန်ဆို သူမနဲ့အိပ်ယာပေါ်လူးလှိမ့်ဖို့တောင်းဆိုနေရမှာလေ။ အခုတော့ အိမ်ပြန်တဲ့လမ်းမှတင် သူမက စပြီးဆွဲဆောင်တာကိုပဲ မရတော့ဘူးဖြစ်နေတာ။ သူမကို ထိတောင်မထိချင်တော့တာမို့ ကျီကျန်းရှုက အေးစက်စက်ပဲတုန့်ပြန်လေတယ်။
'ဟိုကောင်မ လီဆယ်လိုက်ပြန်ပြီထင်တယ်။ သေချာတယ်' ဘာဖြစ်နေတာလဲဆိုတာကို သူမအတင်းမေးတော့ သူပြန်ဖြေတာက
"ပိုင်ရှန်းရှို့က အမှန်တရားတွေပဲပြောပြလိုက်တာပါ။ မင်းမဟုတ်တာလုပ်မထားဘူးဆိုရင် ဘာလို့စိတ်ပူနေတာလဲ?"လင်ချန်းဇီမျက်မှာကြီးဖြူဖျော့သွားတယ်။ သူက ကျီကျန်းရှုရဲ့လက်မောင်းကိုကိုင်ပြီး ငိုတော့တာပဲ။
"မဟုတ်ပါဘူး...မဟုတ်ပါဘူးနော်။ ကျွန်မဘာအမှားမှမလုပ်ခဲ့ပါဘူး။ သူတို့အလိမ်အညာတွေကို နားမထောင်လိုက်ပါနဲ့"ကျီကျန်းရှုကတော့သူမရဲ့လက်မောင်းကိုဆွဲခွာလိုက်ပြီး အခန်းထဲကနေ ဘာမှမပြောဘဲထွက်သွားတော့တယ်။ တစ်လမ်းလုံးလည်းလင်မယားနှစ်ယောက်ခွဲအိပ်ကြတယ်။ ပြန်ရောက်တာနဲ့ လင်မိန်းကလေးကို သူ့အိမ်တော်ခေါ်သွားရမယ့်အစား လင်အိမ်တော်ကိုပဲ ခေါ်သွားတော့တယ်။အားလုံးအံ့သြသွားကြတာက သူက ကွာရှင်းစာချုပ်ကိုပါ တစ်ခါတည်းယူလာပြီး လင်အမတ်ချုပ်ဆီတစ်ခါတည်းကိုထိုးပေးတော့တာပဲ။
လင်အမတ်ချုပ်ကတော့ အတော်စိတ်တိုသွားတယ်။
"ဒါ ဘာအဓိပ္ပါယ်လဲ?""လင်မိန်းကလေးက ရန်သူတပ်နဲ့ဆက်သွယ်ပြီး သူလျှိုရဲ့ကလေးကိုပါမွေးခဲ့သေးတယ်။ ကျီအိမ်တော်က သူ့ကိုလက်မခံနိုင်တော့ဘူး။ ဒီကို လာတာကလည်း သူနဲ့ပတ်သတ်မှုကို အဆက်ဖြတ်ဖို့ပဲ။"
ကျီကျန်းရှုက အတော်လေးခံစားနေရတာ။ သူ့ငယ်ချစ်ဟောင်းကိုး။
YOU ARE READING
ဗီလိန်ဖြစ်ရန် ကြမ္မာဖန် [Book 2]
Romanceဗီလိန်ဖြစ်ရန် ကြမ္မာဖန် (ဒု- တွဲ) အမျိုးသမီးဇာတ်ရံအဖြစ် သူမ ဝတ္ထုတစ်အုပ်ထဲ ရောက်သွားခဲ့တယ်။ အဓိကဇာတ်လိုက်မင်းသားကို တစ်ဖက်သတ်စွဲမက်နေခဲ့တဲ့ ဇာတ်ကောင်ပေါ့။ သူမမှာ သူ့လက်ကိုတောင် ဆုပ်ကိုင်ခွင့်မရလိုက်ဘဲ အရှင်လတ်လတ်ရိုက်သတ်ခံရမယ့် ကြမ္မာရှိနေတယ်လား...