Burmese Translation of "Doomed to be Cannon Fodder".
Translator - ဂွေ့စ်
(၂၁၆) အိပ်ယာကိုမီးရှို့
ယွီခွမ်းရဲ့ ကျန်းဟူစရိုက်ကတော့ စကားထဲမှာကိုထင်းနေတာပဲ။ အရမ်းတဲ့တိုးဆန်တယ်။ "အဲ့ကောင်မကြောင့်သာမဟုတ်ရင် ခင်ဗျား ဖျားစရာအကြောင်းကိုမရှိဘူး။ ကျုပ်သူ့ကိုသွားသတ်မယ်"
ပိုင်ရှန်းရှို့တားမယ်ဆိုရင်တောင် လင်ချန်းဇီကိုပညာရအောင်ပေးမယ်လို့ ယွီခွမ်းဆုံးဖြတ်ထားပြီးသား ။ လင်ချန်းဇီကတကယ်အမြင်ကပ်စရာကောင်းတယ်။ ယွီခွမ်းရဲ့စကားအဓိပ္ပါယ်ကို လူတိုင်းနားလည်ကြတယ်။ မိန်းမဖြစ်တယ်ဆိုတာကို အဖော်ခံလိုက်ရတာတောင် ပိုင်ရှန်းရှို့ကိုအားလုံးက စစ်ဗျူဟာရှင်လူငယ်လေးအနေနဲ့ပဲ တွေးထားခဲ့ကြတာလေ။ အဲ့ဒါကြောင့် တခြားစိတ်တွေနဲ့ မတွေးကြဘူး။
"မလုပ်ပါနဲ့ ၀ူးလင်ဂိုဏ်းချုပ်ယွီရယ်။ ဘာနေနေ သူကမိန်းမသားလေ" ပိုင်ရှန်းရှို့က သူ့ဘေးမှာရှိတဲ့လုံဟန့်ကို ပြောတဲ့ပုံစံနဲ့ဆက်ပြောလေတယ်။ "ကျွန်မကို မနက်ဖြန် မြို့တော်သာပြန်ပို့ပေးပါတော့ရှင်"
"ဒီပုံစံနဲ့မင်းက ဘယ်လိုခရီးသွားမှာလဲ" လုံဟန့်က သူမကုတင်ပေါ်ကဆင်းမှာကို အသာအယာပဲတားလိုက်တယ်။ဒီမိန်းကလေး အသည်းမာချင်ယောင်ဆောင်နေရှာတာကိုမြင်ရတာ သူတို့ရင်နာလိုက်တာ။ မိန်းမစေမလေးဆီ ပိုင်ရှန်းရှို့ကိုစောင့်ရှောင့်ဖို့ မှာပြီး သူလည်းကျန်တ့ဲသူတွေနဲ့အတူအပြင်ကိုထွက်လာလိုက်တယ်။ ပြီးတော့ မင်းသားရုံဆီသွားပြီး သူ့ကိုမျက်နှာသာလေးနည်းနည်းပေးပြီး ကူညီဖို့တောင်းဆိုတာပေါ့။ ညလယ်ခေါင်ကြီးဖြစ်နေတာတောင် သူ့ကိုတောင်းဆိုချက်ကို မင်းသားရုံကလည်း ကူညီပေးဖို့ သဘောတူပါတယ်။
ဒါပေမယ့် ယွီခွမ်းကတော့ လင်ချန်းဇီကို ပညာပေးရမှကိုကျေနပ်မယ်လို့တေးထားတဲ့သူကိုး။ မှတ်လောက်သားလောက်ဖြစ်သွားအောင်ကိုဆုံးမချင်တာ။ အားနွဲ့တဲ့မိန်းမသားကိုရိုက်တာမသင့်တော်ဘူးဆိုတာ သိပေမယ့် အဲ့တစ်ယောက် တခြားဟာတွေလျောက်မလုပ်ချင် ပညာပြပေးချင်တဲ့စိတ်က တဖွားဖွားနဲ့။ ဒါပေမယ့် သူသွားကြည့်တော့ အဲ့မိန်းမက အခန်းထဲမှာမရှိဘူး။ ညကြီးသန်းခေါင်ဘယ်သွားနေတာလဲ? ယွီခွမ်းက တဲ့တိုးဆန်တယ်ဆိုပေမယ့် ပိန်းဥတော့မဟုတ်ဘူး။ သူက ၀ူးလင်ဂိုဏ်းချုပ်ပဲလေ။ မြို့စောင့်တပ်မင်းချန်ထောက်ဆီရောက်နေမယ်ဆိုတာ ခံစားမိနေတယ်။
YOU ARE READING
ဗီလိန်ဖြစ်ရန် ကြမ္မာဖန် [Book 2]
Romanceဗီလိန်ဖြစ်ရန် ကြမ္မာဖန် (ဒု- တွဲ) အမျိုးသမီးဇာတ်ရံအဖြစ် သူမ ဝတ္ထုတစ်အုပ်ထဲ ရောက်သွားခဲ့တယ်။ အဓိကဇာတ်လိုက်မင်းသားကို တစ်ဖက်သတ်စွဲမက်နေခဲ့တဲ့ ဇာတ်ကောင်ပေါ့။ သူမမှာ သူ့လက်ကိုတောင် ဆုပ်ကိုင်ခွင့်မရလိုက်ဘဲ အရှင်လတ်လတ်ရိုက်သတ်ခံရမယ့် ကြမ္မာရှိနေတယ်လား...