فزيت ع صوت ابويه.. گووووووم بسرعه تأخرنه ، گمت سريع بدلت لمينه الامور وطلعنه.. توجهنه للمطار وطرنه رجعنه لارض الوطن... هيج بس اريد اوصل لغرفتي اريد غراضي اموري.. احس سجواء منتظرتني بالغرفه او بالبيت.. هيج احساس حلوووووو ...
طبيت للبيت ورحت طلعت الغراض وخابرت ع سايق يودي الغراض وتواصلت ويه الشخص الي يستلمهن.. ثاني يوم يجي السايق ياخذ الغراض.. ضفت عليهن ورقة زغيره.. كتبت عليها.. احبج يا كل دنيتي واهلي.. خليتها ويه الغراض وحظرتهن.. فتحت الحاسبه.. كاتبتلي.. سولفنه هواااايه السوالف صارت كلش احله... وصرنه نحجي بالمستقبل شلون من نكون سويه.. شلون تطبخ شنو تسوي شلون نرتب حياتنه.. مو مجرد كلام.... لا.. جنه نتفق ع كلشي ... وطبعا مننسه انه بكل يوم تكتب رقمي الحافظته... دزيت الغراض استلمهن الشخص يمكن وره يومين هيج شي.. اجتني رساله عالماسنجر بالموبايل ملف مديفتح هيه دازته وماكو اي كتابه او شي.. فتحت الحاسبه.. فتحت الملف.. صووووور... الله اكبرررررر.... لابسه التيشيرت مالتي... والتراجي وبيدها الورقه وجاره التيشيرت دتشمه... تخبلللللللت... ماكو هيج صوووور.. تعابير وجها متنوصف من فرح وشوق.. ومن كل عقلي صرت ابوس بالصور من الشاشه مال حاسبه... ودموعي تنزل واشهگ.. طبعا التيشيرت جبير عليها.. كتبتلها تخبلين ياحياتي وبالعافيه عليج واو بيدي ادزلج روحي هم... وره نص ساعه وطول النص ساعه بس اتمعن بالصور.. بس اكو شي جذب نظري... منو ماخذلها الصور..
كتبتلي.. احله شي اجاني بحياتي.. واغله شي عندي بالدنيه هالهديه.. كلتلها اريد اسمع صوتج.. تخابرنه.. بس تبجي تكولي ممصدكة الي اني بي.. ممصدكة كل هذا السويته ع مودي... مجنت متخيله لهالدرجة تحبني وتريدني. تبجي وابجي .. ابجي ع عفويتها وعالسويته.. شي مو قليل.. وتكول الله ليحرمني منك ولا من حنانك وگلبك.. كلتلها خلص ماريد اي شي من الدنيه بس انتي... اني صرت احتاجج بكلشي ويايه... ومدا اكدر اتخيل بدونج شنو وضعي.. اريدج الي وبسسسس...
سولفتلي شلون اول موصلت الغراض.. امها موصيتها.. اخذي الغراض لغرفتج وفتحيهن انتي ...تكول اخذتهن وبديت طلعت العلاكة مالتك خليتها ع صفحة لان مبينه ملابس.. كملت الغراض الموجوده رجعت للعلاكة.. فتحتها ممتخيله ولا متوقعه ولا ابدددد.. تكول من لزمت التيشيرت اجاني حسيت اخساس كلش غرييييب وريحة عطر قويه كلش.. تكول من طلعته ع لفته من الچيس وصار بيدي حسيتك انته يمي... تكول حضنته كللللللللللش قووووووي وابوس بي واشمه... وامسح علي ومدا اسيطر ع نفسي من البچي وچان توگع القوطيه الزغيره شفت التراجي صرت ابوس بالحافظة اتهسترت من البچي...وكلش تعبت وكمت حضنت التيشيرت ونمت ومن كعدت غسلت ولبستهن واخذتلك صور... طبعا من هيه تسولفلي ولا كلمه دا اگد احچي.. بس اسمع وغااااص... وهيه تحجي وتبچي...
كلتلها ومنو اخذلج الصور.. گالت اخويه الزغير.. الي هوه ازغر منها ب٥ سنوات.. كلتلها خو ما بينتيله شي لو حته زغير.. كالت سالني كتله ماما دزتهن الي... كايللها وشبيها ماما دازتلج بلوس قديم وچبير عليج (بصراحة هذا التيشيرت حته عماله مشتغل بي.. بس احبه كلش ما اعرف ليش🥺) كالتله مو عجبني...
صارت يوميه تلبسه وتنزعه ومن تنام تخلي يمها.. تكولي اشمك بي وارتاح وكلش احس بامان من يكون يمي...
اجتني وره كم يوم كالتلي سالم.. اكو موقع جديد انفتح وكلش ديكولون علي حلو اسمه فيس بوك بي ناس هوايه وصور وشغلات حلوه.. شتكول لو نسوي.. كلتلها شلون كالت عالايميل.. كلتلها وبعدين كالت هيج حلو وصديقاتي مسوي... كلتلها لا بويه لا فيس ولا صخام.. لا اسوي ولا تسوين.. گالت الله عليك خلي اسوي.. واذا شفته مو حلو احذفه.. كلتلها لا.. كالت ضوجتني.. كلتلها وضوجتهم.. مستسوي وانسي الموضوع.. كالت خلص.. طبعا بيومها من دا انام.. حسيت اكو اشكال صار بيناتنه....ضليت اراجع نفسي وعقلي.... اريد اتذكر طول ذيج الفتره صار اي خلاف!!!!!!!! ماكو....اي مشكله!!!!!! ماكو.... نمت واني منزعج...
كعدت ثاني يوم.. كتبتلها سجواء اذا عاجبج تسوين سوي.. اني مراح اسوي.. بس البارحة نمت واني ضايج واول مره هيج يصير.. وماريد يصير هالشي خلااااص..
اجتني رساله وراها فتحتها..گالتلي سالم اني مراح اسوي.. بس اني بجيت ونمت.. حسيت نفسي كلش اتضايقت وخفت لا تقل ثقتك بيه واني حجولي عن البرنامج وكلت راح تفرح انته ( هيه من حجتلي عالفيس.. گالت انه تشوف كل صديقاتي الي ويايه ومن واحد لواحد وهيج كلشي واضح.. وممكن حته تلكه ناس تعرفهم من زمان لان هوايه ديسوو) بس متخيلت هيج راح ترفض الفكره وهيه فكرته احله من الدردشه الي ندخللها...
رجعت كلتلها ياحبيبتي مدا اكدر افكر ابعد من الحب البيناتنه.. كلتلها اني مفصول عن كل الدنيه.. خصوصا بالبيت وبالبيت كامو يتحسسون مني مدا ادخل باي شي واني والماكو سوه... حته جنت اطلب من امي تسوي فلان طبخة هم هذا الشي ماكو.. ع كل حال سوي انتي ويصير خير.. گالت لو سويه لو ما اسوي.. سدينه الموضوع مشت الايام حلوه بدون اي مشاكل... يوم من الايام ويه الفجر وچنت نايم... دگ موبايلي(سجواء) ويه الفجر ومخابرتني؟؟؟؟؟؟؟؟؟؟؟#يتبع
