شفت الاتصال انعصرت عصر والله العظيم ومدا اعرف لييييييش...ودا اتردد اجاوب.. لزمت الموبايل.... ايدي ترجف جسمي يرجف انهزيت ... فتحت خط كالتلي سالم... ابد لدزلي شي ولتخابرني الع اني اكتبلك.. شكووو.. سدته.... اااااااااااخ گلبي.. انمردت... دخت... اريد افتهم شصاير.. فتحت الايميل ماكو شي... اكتب لو لا؟؟ لا ما اكتب اخاف عدها مشكله... ارجع ادور بالكلام.. ماكو شي... اسد الايميل فتحت الحاسبه.. كلش انسطرت.. شراح اسوي؟؟؟ اخابر امها؟؟؟؟؟؟ لا لا مو مال اخابرها من الصباحيات.. شغلتين ماشلت عيني منهن الساعه والموبايل.. اطب عالرسائل اقره بيهن.. ادخل ع رقمها اضل صافن... شراح يصير؟؟؟؟ انشال وانطب
طلعت بالشارع امشي وصلت لراس الشارع رجعت ركض... اخاف ادزلي عالايميل... طبيت للبيت بقيت بالمطبخ صعدت نزلت كعدت بالهول.. صعدت لغرفتي.. ضجت من غرفتي... طلعت كعدت عالرصيف... طبيت امي شافتني شبيك... ليش متجاوب.. اكولها ما اعرف.. شكووو ما ادري... تعال اكل.... شاكل؟؟ اسويلك ريوك... ياريوك؟؟ ما اكدر اكل انتظر تخابر... انهاريت هذا الحچي لل١٠ الصبح تقريبا... بعد متحملت
صعدت للغرفه انفجرت من البچي.. ابجي ابجي ابجي نمت.. كعدت لكيت اخوتي بالغرفه وامي وابويه... فزيت جريت الموبايل اباع ماكو شي امي تكولي شبيك لخاطر الله... يمه ع كيفك.. اكولها موبايلي دك؟؟ جاوبتو؟؟ تكولي لا هسه صعدنه ع صياحك .. اباع الساعه بحدود ال٥ عبالي فجر.. كلتلهم وايش كاعدين ليهسه.. كالت ع كيفك حبيبي سالم جتي يمي.. كلتلهم بس طلعوووووو طلعوووووووووو بچيت وصيحت.. ابويه ضل يغط عليه ىيريد يضربني امي كالت لاخوتي ثنيناتهم انزلو انتو وابوكم.. خلوني يمه... طلعو كلتلها روحي.. بس اطلعي اريد انام.. طلعت قفلت الباب.. ابجي ومدا اعرف شسوي... فتحت الحاسبه دخلت عالايميل اوف لاين.. ضربت الحاسبه.. اباع عالساعه.. امي تحجي من وره الباب وتبجي... اكولها يمه راحت راحت.. تكولي بس افتح الباب راح اموت... فتحت الباب.. شبكتني ونبچي.. وياها بطل مي بس اشرب... شويه اهدئ.. شربت مي هلكد ما ارجف تنگعت بالمي.. جابتلي حبايه شربتها... رخيت... بجيت نمت....
كعدت بالليل... امي يمي.... الموبايل بيدي ونايم... باوعت ماكو شي.. يمه محد خابر كالت لا والله منتظره يدك حته اكعدك... كلتلها يمه لحكيلي.. كالت بس كولي شكو... كلتلها خابرتني وكالت لتخابر ولا ادز شي لحد ما اني ادزلك... كالت يمعود عبالي ماتت.. يمعود ماكو شي.. يجوز عدهم مشكله بالبيت صاير شي.. انطيها مجال للبنيه واكيد بس يصيرلها مجال اطمنك.. ما اعرف شلون مشه الليل وكعدت ثاني يوم.... اباوع عالموبايل ماكو شي... تخبلت... بعد ما اتحمل خابرت ع امها دولي... جاوبتني الو كمت ابجي كلتلها خاله بس كوليلي سجواء شلونها.. كالت بعد لتخابرني وسدته بوجهي.. دكيت مره ثانيه يفصل ادك يفصل.. دزيتلها رساله.. خاله بس كوليلي عايشه وهاهيه... ماكو كلشي... ادك يفصل... عشت بالجحيم... اريد اموت وما خابرتها... ولا دزيتلها لان كالتلي اله اني اكتبلك... اريد اتذكر كلمه ثانيه منها ما اتذكر شي... يجي صوتها ابالي... صعدت للسطح كلت خلص اذب نفسي (والله العظيم هذا الي دا احچي مابي اي مبالغه.. يمكن دا اختصر بعض الامور... ) وگفت عالسياج اريد اذب نفسي.. حسيتها داحجي ويايه صوتها اجاني كالتلي راح اراسلك اذا مو اليوم باجر انزل ارتاح ماكو اي شي.... هدأت نزلت طبيت للغرفه... امي عبالها اني بالحمام... حاطتلي لفه.. وره نص ساعه صعدتلي كالت اكل لخاطري.. وجي اصفررر تكولي راح تدمر بس اكل شويه.. عضيت متنبلع.. شربت مي ذبيت من راسي..كلتلها خلص راح انام شويه ارتاحيت.. نطتني حبايه... عيوني تحرگني منفخات حته دموع ماكو... اني وصافن.. اجتي ابالي الدردشه.. احنه من زمان مداخلين.. خابرت علاء.. علاء دخيلك الحكلي... شبيك شبي صوتك.. كتله سجواء راحت.. گال وين كتله ما اعرف الله يخليك ادخل للدردشة.. اسأل عليها شوفها يمكن موجوده.. كال اخاف موجوده وتعرفني وتطلع ليش مو انته تدخل.. كمت ابجي.. خطيه تخبل... كال انته بس ادخل واني احاول اسوي شي.. كمت عدلت الحاسبه.. شغلتها وارجف فتحت الايميل.. رجعت بالمحادثه اقره وابجي.. دخلت عالدردشه... اسمي مخزون بيها.. الادمنيه يسلمون هاي وين الغيبه... مدا اجاوب احد.. زغرفو اسمي... نفس الزغرفه الجنن نسويها سويه... انعصرت... ادخل عالاسماء الموجودين ادور بلكت الكاها.. چان عيب الواحد يدخل خاص ع بنيه.. اكول يمكن مغيره اسمها... صرت ادخل عالبنات اكتبلها الله عليج انتي سجواء بس جاوبيني.. طبعا محد يعرف اسمها سجواء.... الي تكولي لا والله والي تكولي شبيك والي تحضرني... متت موووووت.. اندكت باب الغرفه منو صوت علاء.. سالم اني علاء افتح الباب.. فتحت الباب حضنته وابچيييييي وهوه هم بجه ع وضعي... غرفتي كلش مخربطه وهوه يعرف بيه شكد احب الترتيب... ضل يهدء بيه.. كتله بس ساعدني مدا اتحمل... رجعت عالحاسبه هوه كعد بصفي.. واحد من الادمنيه دخلي يكولي شبيك شصاير؟؟ كتله ليش شتعرف انته؟؟ دخلتلك فلانه؟؟ كال لا كتله ليش تسألني.. گال مو اجتي شكوه من بنيه... ع مود الخاص.. كتله الله يخليك فلانه شوكت دخلت اخر مره... كال والله من زمااااان من جنتو تزخلون سوه.. كتله اخاف بغير اسم... گال ما اعرف بعد... رجعنه حلولنه... ماكووو... بات يمي علاء.. كلش سوالي فارق من بقه يمي.. بس تصرفاتي مو طبيعيه... كتله خابر ع امها كال مو هسه باجر.. نطلع نغير جووو واني اعرف شلون احجي ويه امها صدكني الموضوع سهل.. كتله علاء شنو السهل... عايشه ويايه وهسه كلشي مدا اعرف... ( اني من النوع المتوم خصوصا بموضوع العلاقات... ابد لا اسولف لاحد ولا احچي كلش عندي خصوصية بهالموضوع) فتحت الحاسبه واقره لعلاء اكوله علاء اسمع هيج تكولي وهيج تبجي تخاف لا وحده تاخذني منها... صدك يعني ممكن تروح هيج؟؟؟؟؟؟ يكولي بابا بس موميته ومستخيل تموت قابل تعرف بنفسها حتموت وتكولك لدزلي شي... كال اصلا اني اعرف شگد تحبك.. حته حاجيه ويايه بالدردشه وتوصيني عليك.. تخبلت... مهمني ليش مكايلتلي... الي همني ردت اعرف شنو نوع شحاجية عني... سولفلي شلون من يضل بالها تسأل علاء عليه وتوصي عليه.. يكول حته مره كلتلها اخذتي منه لا يطلع لا يطب ويانه... كتله اوكف اوكف قبل شكد... كال قبل هوااايه... كتله اخاف بسببك راحت... كالي يمعود شدتحجي شبيك كلش تحبك البنيه.... هوه اني منو حته من وره حچايه مني تروح.. ( طبعا اني مو بوعيي وهيچ احچي...)
نمنه طلعنه ثاني يوم للسوگ... واني مختنگ.. كعدنه بمكان دنشرب عصير... طبعا سوالي واهس اكلت ويا... كتله يالله خابر... خابر امها.. جاوبته نعم.. كاللها مرحبه ست مرام.. كالت تفضل.. گاللها ست مرام تره سالم حالته كلش صعبه....... انسد التلفون وانحظررررر... گمنه.. كال سهله... هاي انلگفت.. گال لو اكو شي مچان امها تبقه خارج العراق اصلا لو شي جبير جان رجعت صار ٣ ايام.. كمنه دنمشي افترت بيه الدنيه وحسيت دينكعون وجهي وحاضني علاء واني بالكاع بالسوك وديكعدون بيه العالم... شكو ضغطي نازل.. دخلونه لمحل رفعو رجلي.. كتله جاوبتك صار عصبي كلش.. كال انعل ابوهم يابو ابوهم.. كتله علاء انعل ابوك انته.. سكت.. شويه ستعدلت .. كمت رجعنه للبيت.. كتله انته خلص روح.. كال ما اروح باقي يمك.. شعندك انته.. كتله راح تحاچيني.. كال بس تحاجيك اروح.. خليني مالي واهس بالبيت..بقه يمي.. طبعا اخوتي بغير عالم.. وابويه ما اتحمل اشوفه لان يخجي عليه وميهمه لو حته اموت... بس امي... صعدنه ماكو كلشي منها اطب اطلع لو ابقه صافن عالاوفلاين بلكت يتحرك يصير شي... وهم ماكو...
كلت خلص اخر حل.. امي تحجي ويه امها.. نزلت ع امي.. يمه فدوه اروحلج خابري امها... احجي وياها.. انتي جبيره وهيه تعرف عنج.. خابرت امي عليها.. جاوبتها مرحبا مرحبا.. كالتلها ام سجواء.. اني ام سالم...واي شي ممكن يكون اني حاظره من الالف للياء.. شنو الي تريدو يجرالكم.. بس....... انسد بوجه امي!!!!!!!!!!!!! حسيت نعال وانضربت بي ع راسي... وكفت عندي الدنيه... هنت نفسي وهنت صديقي... وامي نهانت... ما اعرف شكول لامي....ضليت صافن... حظنتني وگالت ميخالف حبيبي بس هاي امها موخوش ام... لتهتم مصار شي... حسيتها داست ع نفسها وحچت هالحچايه.. طگيت من البچي ع هالحاله...وما اعرف ابجي عليها ع نفسي ع امي؟؟؟؟؟؟؟ كعدنه اني وعلاء ما احجي ولا كلمه ولا اسمعه شنو يحجي... بغير عالم.. صافن عالموبايل مالتي.... كرهت الدنيه كلها...
ثاني يوم رجع علاء... وخلص مابيدي شي غير انتظر... وكلشي مراح يفيد... شوف حالتي وين وصلت... رجعت بالمحادثات للرقم مالتي اول مدزيتلهيا... اتأكد منه اخاف غلط اني كاتبه..... طلع صحيح ...
اسأل نفسي شصار واجاوب نفسي.. احجي ويه نفسي.. ضعفت اندمرت تمشي الايام.. واني اتذكر وابجي واكلب بالصور والمحادثه .. فكرت اسافر ادور مترهم ابدددد محافضتهم بس سامع باسمها... لا الي احد هناك ولا اعرف...
ياشباب يامتابعين تعبت كلش... يمكن وره شهر او اكثر اول مره اشوف نفسي بالمراية.. عيوني جواهن اسود لحيتي طويله.. اباوع لحيتي بيها شيب.. كم شعرايه براسي بيضة!!!!!! كبرت هواااااااايه... وهم محافظ عالوعد... مادزلها ولا اخابرها اله هيه ادزلي... وتمشي الايام وعيني متفارگ الموبايل... عزله تامه.. يجون يمي الولد ما اطلع وياهم... يكعدون ويملون ويرحون.. لا اسولف لا اضحك.. ما اعرف شنو الضحكة اصلا....خلص ماكو بجي... بس اكو گلب ينزف وجع من الداخل وبايىقي ينتظررررر.... وهم ماكو
شويه شويه رجت لحياتي لان ماكو غير هالشي.. وانتظرر.. بس اني شخص ناقصني شي... شخص موجوع...شخص عايش ع امل مشت اشهر وماكو اي شي.... صار اي احد يريد يحلفني يحلفني بسجواء... وهنا بقه بس اسمها... بين فتره وفتره افتح المحادثات.. الاغاني الدازتهن الي...وحده منهن ماجد المهندس.. انه احب غيرك شبيه انجنيت... اتألم وانعصر.. ما اريد اطوللكم بالتفاصيل...
اجه عيد ميلادها بتاريح واحد بشهر الثاني... تخيلت شلون اعايدها شلون اوصل هديه الها واسويلها مفاجئة... بجيت وجبت شموع وشعاتهن بغرفتي وشغلت اغنيه مال عيد ميلاد.. بجيت ونفخت الشموع وتمنيت ان تكون بخير وما متأذايه واذا ماتت الله يرحمها وكلتلها اني عالوعد انتظرج..
بس المواقف القويه تنزل دموعي... اجه ابالي الشخص الي وصللهم الغراض اخابره واسأله عنهم.. خابرته سلمت علي كتله بله زحمه عندي غراض اريد اوصلهن لبيت ابو محمد (اخوها) بفلان محافظة مره دزيت وياك غراض من والدتها بعمان .. كال اي صح تذكرت بس ما اعرف عنهم اي شي ومن مده طويله مموصليلي شي.. كتله شلون اذا اريد اروحلهم... يمكن هز بايده.. كال اعذرني اخويه ما اعرف كلشي.. مع السلامه مع السلامه... هم انقهرت.. وره سنه تقريبا.. وبوحده من الليالي السود.. واني دا افكر.. كلت من حجت عالفيس وكالت ينربط بالايميل.... كمت طياره سويت فيس وفعلته وسويت عليها بحث طلعلي حساب طبعا لحد الان حافظ اسم الحساب.. اووووووف وطبيت عالحساب.. كلشي ماكو لا منشور لا اصدقاء ولا اي شي.... كمت اربط... هذا الحساب من كالتلي عالفيس جانت مسويته هيه وصديقاتها.. ومن رفضته يمكن معرفت تحذفه غيرت اسم الحساب وعافته... ومشت الايام وتمشي واني اتوجع وانتظر تلفوني يدگ... من اتعرف ع احد شخص جديد شي.. صرت اسأله بلكت يعرف شي عنهم من كل عقلي... توقيعي بي اسمها.. مفارگتني ابد ومشت الايام ومريت بقصص كلش هوايه واكيد راح اكتب اهم القصص المريت بيها......... وانتو تخيلوووووو ٢٠١٧ يعني بعد ٨-٩ سنوات........ #يتبع
طعا واني اكتب هذا الپارت نفس الوجع مر بيه ونفس الدموع ونفس الالم... الوفه صعب.. والوعد وعد ما اعرف شنو ممكن احچي بس البارت الجاي راح يكون النهايه وهم يتبع... اسف اذا لحليت بشرح المعاناة بس صدكوني القلم هوه ديكتب واحاول قدر الامكان اقلل من الاعاده بس شسوي هذا الواقع وهذا الي مريت بي... اريد اعتذر منكم وهم ما اعرف ليش بس سامحوني كلش تأذيت.. 💔
