ياليت صواديف الايام تجمع كل الولايف

part1

في نجد تحديدا بيت ابو هيام
هيام: يبه يلا نروح ابي اتدرب المسابقه باقي عليها كم يوم
ابو هيام: يا هيام و انا ابوك اصبري انا مشغول شوفي اميره خليها توديك هي و حمد ولا اصبري يعيوني
هيام: متى بتخلص
ابو هيام: ساعه ساعتين و اخلص
هيام: مالي الا اقول الجود توديني و نروح سوا
ابو هيام: روحي معها
هيام دقت على الجود
هيام: جوديي
الجود: هلا هياميي
هيام: شرايك نروح الاسطبل ابي اتدرب
الجود: قداام
هيام: يلا بلبس اغراض وبجي
الجود: تمام
.
.
في مكان تدريب العساكر
الفريق مهَاب: يلاا يلاا انت وياه تدريبب
قامو العساكر و دقو له تحيه
الفريق مهَاب: استريحو استراحو العساكر بعد ما اعطاهم الاذن
الفريق اول هذَام دق تحيه ل مهَاب
مهَاب: استريح
الفريق اول هذَام: كيفك يالاخ
مهَاب: زي ما انت شايف
الفريق اول هذَام: فيه مسابقه قريب للخيول بتشارك
مهَاب: ما اقول لا
هذَام: موفق حبيبي
مهَاب ابتسم له
.
.
في الاسطبل المشهور اسطبل الاسنكدريه اللي راح تصر فيه المسابقه
هيام نادت خيلها من بعيد: ي االعاصصف
جا العاصف يجري من بعيد وحاوطته هيام بأشتياق وقالت: ارحب يدهر قلبي يالعاصف
الجود نادت خيلها: ي المياااسه جات المياسه تركض لعند الجود والجود حاوطتها مثل هيام
هيام بتحدي: شرايك نتسابق
الجود: تمم
ركبت هيام العاصف و الجود ركبت المياسه
في نفس الوقت جو هذَام و مهَاب
هذَام: شكلهم بيتسابقون
مهَاب: شكلهم
هيام: 1،2،3
وانطلقو الجود و هيام بسرعه خياليه وكانت هيام متقدمه على الجود
مهَاب بتعجب: يوهه مشاءالله
وشوي توقف هيام على خيله وهو يسرع بسرعه خياليه
هذَام: مشاءالله ماشاءالله شوف كيف وقفت
مهَاب: ذي ابي اتسابق معها
هذَام: اتحداك
مهَاب: تم
وشوي وقفو هيام و الجود
الجود: عشتي يالهيام
هيام: عاشت ايامك يالجود
مهَاب: سلام عليكم
هيام: وعليكم السلام
مهَاب: شفت اللي صار قبل شوي وحبيت ثقتك بخيلك
هيام: مشكور
مهَاب: معك مهَاب ال سلطان
هيام: معك هيام الفيصل
هذَام: يوهه لحضه هيام الفيصل ذيك الخياله
هيام: وصلت
مهَاب: شرايك نتسابق
هيام: تم مع اني بفوز بس يلا وش نسوي
مهَاب بحده: ماهو انا اللي تفوز علي بنت
هيام بتحدي: نشوف يا ولد السلطان
مهَاب: ي الرعدد
جا الرعد يركض ل مهَاب بسرعه خياليه
مهَاب: يلا يا بنت الفيصل
هيام: يلا
وبدو يستعدون
هذَام 1،2،3
وانطلقو هيام و مهَاب بسرعه جنونيه كان مهَاب متقدم اكثر من هيام
هيام حاولت تسرع اكثر للكن مهَاب متقدم ووصل من خط النهايه
مهَاب بسخريه: ايه ي بنت الفيصل وين الهياط اللي قبل شوي هيام حقدت عليه و نزلت من العاصف
هيام بحده: بكرا تشوف بفوز بالمسابقه قدام عيونك
مهَاب بتحدي: نشوف يابنت الفيصل
الجود: هيامي يلا نرجع الوقت تأخر
مشو هيام و الجود و هذَام و مهَاب
.
.
اليوم الثاني في بيت ابو راشد
ابو راشد: مهَاب
مهَاب: سم
ابو راشد: عندك اليوم دوره
مهَاب: ايه يبه
ابو راشد: اجل بكلم نواف و لا راشد
مهَاب: ليه
ابو راشد: لابغيت اقول تودي اختك و امك السوق
مهَاب: اها
نواف: السلام عليكم
مهَاب: وعليكم السلام وين كنت
نواف ببرود: مع سطام
مهَاب: وين كنتو
نواف: نتمشى ليه تحقيق هو
مهَاب بحده: اسال بس
نواف: شكرا ما احتاج
ابو راشد: نواف مهَاب وش فيكم ترا لسى موجود
مهَاب: انا استأذن
ابو راشد: روح
طلع مهاب المسعكر و قابل اللواء هادي
مهَاب دق له تحيه
اللواء هادي: استريح
استراح مهَاب وكمل طريقه ل المكتب
في المكتب
هذَام: يا هلا بدهر قلبي ي مهَاب
مهَاب: ارحب
هذَام: في دوره بعد اربع خمس ايام انت مسجل فيها
مهَاب: تمام
هذَام: بتروح بكرا المسابقه
مهَاب بحده: اكييد
هذَام: تمام بروح معك
مهَاب: تمام
.
.
في بيت ابو هيام
هيام: جيلان
جيلان: هلا
هيام: بتروحين معايا اليوم الاسبطل انا و جودي
جيلان: ايه ملل
ابو هيام: بنات اختكم جت
هيام: لا يبه باقي
ابو هيام: اذا جت قولولي
جيلان: ابشر
.
.
في بيت ابو راشد
ابو راشد: يا تهاني
ام راشد: سم
ابو راشد: جهزي القهوه بيجوني رجاجيل
ام راشد: ابشر
رشا: يبه
ابو راشد: سمي
رشا: مين بيجيك
نواف بحده: وش تبينن قال رجاجيل يعني مالك دخل
رشا بدموع: طيب سألت بس
ابو راشد بعصبيه: نواف خير تراني موجود
نواف سفهم وراح
.
.
في المعسكر
مهَاب: يلاا تدريب
قامو العساكر يتدربون و مهَاب مشرف عليهم
العقيد منصور دق تحيه ل مهَاب
مهَاب: استريح
العقيد منصور: اللواء هادي يبيك في المكتب
مهَاب توجه ل مكتب اللواء هادي ودق له تحيه
اللواء هادي: استريح
مهَاب: سم طال عمرك
اللواء هادي: انت بتروح لمهمه بعد ثلاث اسابيع في الحد موافق
مهَاب: موافق طال عمرك بس كم المده
اللواء هادي: شهرين ونص
مهَاب: النص كم
اللواء هادي: ثلاث ايام
مهَاب: تمام ودق له تحيه
و عطاه الاذن و طلع
هذَام: وش به اللواء هادي يبيك
مهَاب: يبيني اروح ل الحد بعد ثلاث اسابيع ووافقت
هذَام: اف شكله بروح معك طالبني بس كم مدتها
مهَاب: شهرين و نص
هذَام: تم
ودخل هذَام و قال له اللواء هادي ووافق انه يروح
.
.
في اسطبل الاسكندريه
هيام: جودي
الجود: عيوني
هيام: قبل كم يوم عرضو علي مسابقه خيول في حايل و متردده اروح
الجود: متى
هيام: بعد بكرا
الجود: بس مسابقتك بكرا
هيام: يعني ما اروح
الجود ابتسمت: اي
هيام: تمام
الجود: يلا نتدرب
هيام: يلا
جيلان: بنات انا بروح الكوفي وانتو تدربو
هيام: تمام
.
.
في الكوفي عند سطام و نواف
نواف: سطام
سطام: هلا
نواف: افكر اقدم على العسكريه مثلك
سطام: قدم وش تنتظر
نواف: ما انتظر شي المهم بروح اطلب وش تبي
سطام: اي شي
نواف: تمام