ياليت صواديف الايام تجمع كل الولايف

Bart7

سحر بقهر : وش اللي جبرك تمعنينا و تحرمين ابوي اللي مات وهو ما درا عن حفيده وهو يتمنى الحفيد
هيام سكتت
سحر بقهر و عتاب : تكملي وش فيك سكتي تكلمي قولي ليه منعتينا منه ولا ما عندك جواب عرفت لانك وحده كذابه و ماتسلتاهلين محبه بدر و ابوي لك
هيام : خفت من اخوك تدري وش قال لي تدرين قال لي باخذه و بحرمك منه تعرفين شلون بحرمك منه انا خفت يا سحر خفت ليش ما تفهميني
غاليه بقهر : ليه يا هيام ليه تحرميني من حفيدي ليه
هيام : اسفه بس وليد اجبرني
شوق : هي انتي لا تتهمين اخوي فاهمه انتي من كرهك لنا حرمتينا منه
الوليد : شووق
شروق : خلها قاعده تقول الصدق هي تكرهكم و حرمتكم منه ليه تدافع عنها موب هي زوجتك انا زوجتك ي وليد
الوليد : ياخي هي قاعده تقول الصدق انا هددتها انو بحرمها منه
شروق بقهر : لا تدافعع عنهاا ي وليد لا تدافع انا زوجتك للحين انا زوجتك مب هي
غاليه : اطلعي من بيتي مابيك تقعدين قدام وجهي
هيام : على اساس جايه برضاي تراني مخطوفه من ولدك هو اللي جابني مب انا
((في الرياض تحديدا قسم الشرطه))
مهَاب : ابدو الخطه مقدر اتحمل اكثر و زوجتي بين يدين مجرم
هذَام : اهدى ي مهَاب و هيام و ذياب بنلقاهم
مهَاب : ابدو الخطه
سعود : رفعت القضيه و موعد الجلسه ان شاءلله بكرا
مهَاب بنفسه : تحملي يهيامي تحملي بكرا باخذك منه و غصب عليه
سهيل : نبدا الخطه
هذَام : اي و لا تنسون الاستخبارات معنا انتبهو
وريف دخلت
وريف : نبدا الخطه بس قبلها احتاج اتمنى ما اكون البنت الوحيده
هذَام : لا معليك البنات شوي و يجيون
دخلو البنات
الجود: جينا
هذَام : تمام الحين بوزعكم
الجود؛ سهيل / جيلان؛ اوس /الهنوف؛ انا / مساعد؛ اميره /رشا؛ مهَاب /سيف؛ انوار؛ دالين و معانا الاستخبارات
مهَاب : متى نبدا
هذَام : اليوم
مهَاب : انا ابي اروح الدمام ابي اشوفها انا ابي احميها منه
هذَام : ابشر انت ورشا وجهتكم لدمام
دالين : ليه رشا انا ابي الدمام يمكن يعرفون رشا
هذَام : لانها اخته
دالين : واذا اخته انا مو مع اخوي
اوس : دالين اهجدي
دالين : مابي اكون ثالثه بين اثنين
هذَام : خلاص روحي مع اي احد غير مهَاب مهَاب محد معه غير رشا
الهنوف : اجل ما تحتاجوني بقعد مع الباقين دالين حبيبتيروحي مع هذَام
انوار : لا انتي مهمه روحي مع هذَام و دالين تروح مع مساعد و اميره حامل ليه تحطونها
هذَام : معليش اميره ما دريت بعفيك من الخطه
اميره : تسوون خير تعبانه و مالي حيل
جيلان : ليش مو بنات مع بعض و العيال مع بعض
هذَام : اذا تبين الخطه تنجح لازم نسوي كذا
جيلان : على اساس ما نعرف نسوي شي
هذَام : طيب خلاص اسمعو دالين و مساعده انتو ما نحتاجكم بس بنخليكم اذا احتجناكم بقولكم تمام
مساعد : تمام اصلا عندي عمل مقدر اجي معكم
دالين : تمام
جيلان : اظن اني تكلمت
هذَام طنشها
اميره سحبت جيلان بعيد عنهم : جيلان تكفين مالي حيل بطلي مشاكل وسوي اللي يقولونه اذا تبين هيام
جيلان تكتفت بزعل : انتي ماتفهميني ولا راح تفهميني
الهنوف : جيلان حبيبيتي شفيك فيك شي
جيلان : ياي يالحنونه انتي مالك دخل فيني كفايه متحملتك وساكته عشان بابا لاكن الحين بابا مات وانا بس نلقى هيام و نطلعها انا بدرب و انتي بدرب
الهنوف : ياقو قلبك ياقوه كيف قدرتي تقولي لي كذا انا اختك الكبيره و محترمتك
جيلان صدت عنها
اميره : جيلان خلاص عاد
جيلان : مالكم دخل فيني لوسمحتو خواتي على عيني و راسي بس لا تتدخلون فيني اقول اللي ابي واسوي اللي ابي محد له كلمه علي
الهنوف : تمام ابشري يا اختي الغاليه ما راح نتدخل فيك وانا ما طلبت منك تتحمليني مشكوره على كلامك
قالت كلامها و مشت
اميره : ارتحتي برد قلبك انتي طول عمرك كذا و مابتتغيرين طول عمرك مغروره و شايفه نفسك وترمين كلامك و ماتحسبين حساب وش بيصير بسبب كلامك
جيلان صدت 
اميره قالت كلامها و من شافت منها الصد صدت و طلعت لحمد اللي برا
((بيت ابو بدر))
جالسه بالغرفه محبوسه وضايق صدرها بسبب بعد ذياب عنها وخايفه يسوون فيه شي برغم انهم عماته و جدته الا انها ما ارتاحت لشوق و شروق وهي تدري انهم اكثر ثنتين يكرهونها تمنت وجود مهَاب معها يحميها منهم و من عذابهم دخلت العامله و بيدها اكل
هيام : وين مدام سحر
العامله : مدام سحر مع بيبي ذياب يلعب في الحديقه
هيام : عادي تنادينها
العامله : حاضر مدام
طلعت العامله وقفلت بالمفتاح مثل ما طلب وليد
هيام : شذنبي انا يحبسوني هنا
((سياره هذَام))
هذَام : الحين بوصلك بيت عمك وحاولي قدر المستطاع تعرفين معلومات عن هيام طيب
الهنوف : اوكيه بس كيف حعرف المعلومات
هذَام : عن طريق ناصر
الهنوف : اوكي
نزلت الهنوف بيت عمها وهي متوتره
((سياره سهيل))
سهيل : احنا بنراقب ناصر اذا طلع من بيته اشر ل هذَام بمعنى متى بتطلع
هذَام اشر له بمعنى توها دخلت اصبر
الجود : سهيل
سهيل : هلا
الجود : ابي مويا
سهيل : ابشري ؛ طلع لها العلبه من الثلاجه
الجود : شكرا
سهيل : عفوا
(( بيت ابو ناصر))
الهنوف : السلام عليكم يا عم
ابو ناصر : هلا وعليكم السلام ارحبي منوره يالغاليه
الهنوف ابتسمت : بنورك يا عم
ابو ناصر : كيفك عساك مرتاحه عند عمك ابو هيام
الهنوف بحزن : يا عم عمي وافي يطلبك الحل
ابو ناصر بصدمه : هاا صادقه يبنت
الهنوف بأسى : ايوا يعم له ثلاث ايام من توفى
ابو ناصر : الله يرحمه ويغفر له
الهنوف : امين ؛ ياعم ابي الحمام وينه
ابو ناصر : جنب المطبخ تلاقينه
الهنوف ابتسمت : تمام
الهنوف استغلت الفرصه وطلعت الغرفه تتمنى عدم وجوده وفعلا ما خاب املها الغرفه خاليه من وجوده تفحصت الغرفه و طاحت عينها على الاوراق وتقدمت لها ومسكته تقرا المكتوب فيها لكن حست بشي يسحب يدها بقوه
((بيت ابو بدر))
دخلت شوق بحده : نعم خير شتبين مناديه سحر مراح تجيك
هيام بنفس حدتها : شوق لا ترفعين صوتك علي فاهمه
شوق ضحكت بسخريه : وش بتسوين اذا رفعت صوتي عليك بتضربيني مثلا
هيام بصراخ : شوق!!
شوق مسكتها من شعرها وشدته : هيام صوتك لا ترفعينه علي فاهمه ترا انا مب سحر اللي مسكينه و طبيه ما اسوي شي لا حبيبتي غلطانه انا شوق سامعه شوق مب سحر الحنونه الطيوبه ؛ وبدت تضرب فيها ضرب خلتها تعض الارض
هيام بوجع : شوق اتركيني يشوق
شوق بأبتسامه : ذا مجرد تهديد يهيام لسى ماشفتي شي
هيام صدت بألم و بنفسها : وينك ي مهَاب وينك قاعدين يعذبوني تعال معد اتحمل
شوق طلعت و قفلت الباب
((سياره مهَاب))
مهَاب : رشا بنت الحين فاهمه ولا لا
رشا : معليك والله فاهمه
مهَاب : ما احس فمهتي بعيد ؛ تنزلين و تدقين الباب على اساس ضايعه و تبين مكان تجلسين فيها لانك تعبانه و اول ما يدخلونك تقولين ابي مويا تشربين بلهفه عشان يبين انك عطشانه و تطلبين غرفه ترتاحين فيها ولمى يتركونك لحالك وتتأكدين محد حولك تشوفين هيام اذا عندهم او لا واذا مب موجوده تراقبين وليد و تحاولين تعرفين عنه شي فاهمه
رشا بملل : وربي فاهمه فهمتك كم مره عدت كلامك
مهَاب : مدري مدري يلا انزلي
رشا تجهزت : تمام
نزلت رشا و دقت الباب بتوتر ومن حسن حظها فتحت سحر
سحر بأستغراب : هلا اختي امريني
رشا : ممكن تدخلني يختي انا ضايعه ومدري وين اروح ممكن تسضيفوني عندكم
سحر : اي تفضلي حبيبتي ادخلي حياك
رشا كتمت ابتسامتها : مشكوره حبيبتي بس ابي مويا اذا ممكن
سحر : ابشري من عيوني ارتاحي اكيد تعبانه من المشي نادت العامله تجيب لها مويا وفعلا جت العامله و مها مويا و اعطتها لرشا و سوت مثل ما قال لها مهَاب
رشا : تعبانه ابي انام
سحر : ابشري من عيوني الحين اكلمهم يجهزون لك غرفه ترتاحين فيها
رشا : مشكوره يروحي اتعبتك معي بس تعرفين ضايعه و مالي قرايب هنا
سحر : لا يحياتي مافيها تعب بلعكس المهم ترتاحين
رشا : حياتي والله
سحر : يلا تعالي معي اوديك غرفتك ترتاحين
رشا : تمام
ودتها سحر الغرفه القريبه من غرفه هيام
عند هيام /
كانت جالسه على الارض و متألمه من ضرب شوق لها وهي تدري بكره و حقد شوق لها سمعت صوت سحر ترحب بوحده وواضح انها ضيفه تمنت لو تقدر تقوم و تفضحهم بس ما تقدر بسبب ضرب شوق المبرح بها
((بيت ابو ناصر))
الهنوف استغلت الفرصه وطلعت الغرفه تتمنى عدم وجوده وفعلا ما خاب املها الغرفه خاليه من وجوده تفحصت الغرفه و طاحت عينها على الاوراق وتقدمت لها ومسكته تقرا المكتوب فيها لكن حست بشي يسحب يدها بقوه ويطيح الاورق اللي بيدها لفت عليه وكان ناصر
ناصر بحده :وش تسوين بغرفتي هاا !!
الهنوف بخوف : ماا كنت  ادري انها  غرفتك
ناصر بغضب : ليش دخلتي غرفتي وشفتي الاوراق هاا تكلمي
الهنوف برعب شديد : اتركني تكفى والله معد بدخل غرفتك
ناصر ضغط على يدها بقوه و سحبها دفها برا غرفته وقفل الباب
الهنوف تألمت من دفته وحبست دموعها قامت وهي تتألم من يدها اللي طاحت عليها نفس اليد اللي شدها ناصر نزلت ل ابو ناصر اللي استغرب منها
ابو ناصر بأستغراب : هنوف فيك شي
الهنوف مسحت دموعها : لا يعم مافيني شي المهم انا بطلع تأخرت على خواتي
ابو ناصر : مع السلامه انتبهي لنفسك وانا عمك
الهنوف : ابشر مع السلامه طلعت من البيت وهي ماسكه دموعها
هذَام بأستغراب : شفيك احد سوا لك شي ناصر سوا لك شي ؟
الهنوف : شافني وانا بغرفته وماسكه الاوراق عصب علي و شد على يدي و دفني برا الغرفه وطحت على يدي و تعورني بس
هذَام : جعله بالكسر تبين نمر المستشفى نشوف وش فيك
الهنوف هزت راسها برفض : مايحتاج
هذَام : الا يحتاج
الهنوف سكتت و هذَام ارسل ل سهيل بمعنى هو بالبيت راقبوه اذا طلع انا بروح ارسل ل سهيل و مشى متوجه للمستشفى
((سياره سيف))
انوار : متى حيطلع ذا
سيف : اصبري يا مره خلي مهَاب يرد هو موجود في بيته ولا لا
انوار : تمام
سيف : انتي تعرفين ليش انتي موجوده معانا صح
انوار : اي كم مره قلت لي
سيف بحنان : انوار انا اخوك الكبير وانا خايف عليك ما كنت ابي تدخلين المهمه لاني خايف يصير فيك شي انتي اختي الصغيره وانا خايف عليك
انوار : والله عارفه سيوف و عارفه خوفك علي بس انا ابي اساعد هيام ما راح ارتاح وهي خايفه ومرعوبه وانا مقدر اساعدها
سيف : انتبهي لنفسك يعيون سيف
انوار : من عيوني
سيف : صح نسيت اقولك
انوار : وش
سيف : ترا عرفت انو دحوم (عبدالرحمن) يحبك وكلمني يبي يخطبك
انوار بخجل : هاا وش دحوم يبي يخطبني
سيف : انوار ترا ادري انك تحبينه وهو يحبك وكلمني اذا رجعنا من المهمه خطبك من ابوي
انوار سكتت بفرحه و خجل و اخيرا حب الطفوله انتصر
((بيت ابو عمر))
عمر جالس بغرفته وزعلان و مهوم وشلون بيتزوج وحده ثانيه غير رندا وامه تدري انه يحبها مهوم حس بغبنه امه تدري بحبه لرندا وشلون تخطب له رشا وهي تدري بحبه لرندا . وانه مايشوف غيرها
ام عمر دخلت : عمر يمه قوم تعشى
عمر قال بغبنه وضيق :مابي عشاك كلي مع ابوي ابعدي عني
ام عمر بغضب وقهر : عمرر انسى رندا انساها فاهم ذيك ما تصلح لك افهم وش يدريك دامها كلمت بالجوال بكرا تكلم غيرك مو صعبه عليها دامها كلمتك من دون علم اهلها بكرا تكلم غيرك
عمر : يمه طيب وش ذنب رشا تخطبينها لي وانتي تدرين بحبي لرندا  وش ذنبها
ام عمر : اسكتت يا عمر فاهم اسكت رندا ماهي لك رشا زوجتك وبس غيره مافيه و رندا انساها فاهم . قالت كلامها و طلعت و تركت عمر  المغبون من امه
(( بيت ابو ريان تحديدا غرفه بطلتنا الثانيه صدف))
جالسه بغرفتها وهي حابسه دموعها من حياتها اللي تغيرت بيوم و ليله تمنت ابوها ما تزوج تمنت امها ما تركتها مع ابوها وقسوته وراحت مع اللي تحبه تمنت امها خذتها معها  . دق باب الغرفه و ما ردت دخلت العامله ومعها اكل
العامله : آنسه صدف حان وققت الوجبه السيد ارسلني لكي تأكلي
صدف بغصه : أليسا مابي اكل اطلعي
أليسا : لكن آنستي السيد امرني بأن اجعلك تأكلي
صدف : أليسا مابي تكفين اطلعي
أليسا بحزن : حسنا سأترك لحالك لكن عندما اعود ستكونين قد اكلتي الطعام
صدف ماردت تهندت أليسا و طلعت
ريان شاف أليسا طالعه من غرفه صدف : أليسا أليسا
أليسا لفت : تفضل سيد ريان
ريان : صدف اكلت
أليسا بحزن : رفضت الاكل ماذا افعل
ريان : خليها علي
مشت أليسا و ريان توجه لغرفه صدف دق الباب ما تكلمت دخل و شافها ضامه رجولها لصدرها ولفه يدها على رجولها و تبكي
ريان : صدف خلاص بكي
صدف ماردت
ريان راح لها وحضنها صدف بادلته الحضن
ريان بحنان ل اخته الوحيده : صودفي خلاص بكي انا مصدقك معليك من ابوي و زوجته
صدف : ريان كيف تتهمني بشي انا ما سويته كيف كيف
ريان : لا تزعلين ياروح ريان دام ريان مصدقك والباقي مو مهم
صدف : متى جيت من ألمانيا
ريان : امس جيت وانتو نايمين
صدف : اشتقت لك
ريان : حتى انا اشتقت لك كثير
صدف :شدت عليه و نامت بحضنه
ريان حس فيها تنام وحطها على السرير وطلع
تعريف بسيط لبطلتنا و بطلنا /
صدف : تبلغ من العمر 24 عاما انسانه حنونه و طيوبه و تحب الكل وبسبب حنانها و طيبتها زوجه ابوها كانت تكرها و بقوه لدرجه شوهت سمعتها عند ابوها و ظلمتها من غيرتها منها و من اهتمام ابوها و اخوها لها
ريان : يبلغ من العمر 28 عاما انسان حنون و محبوب يحب اخته الوحيده صدف و مايشوف غيرها بس انه مايقدر يشوفها كثير بسبب عمله بألمانيا يسافر يجلس بالشهور بالمانيا
.
.
((بيت اسَرار بطلتنا الثالثه))
جالسه بالصاله لحالها بعد موت والدتها اصبحت وحيده خوالها مايبونها و عمامها من مات ابوها وهم مايبونها هي و امها و الان ماتت امها و بقت وحيده
تعريف لبطلتنا الثالثه  /
اسَرار : وحيده امها و ابوها تبلغ من العمر 24 اصبحت يتيمها بعد موت امها خوالها و عمامها مايبونها صديقتها صدف الوحيده وانقطعت اخبارها صارت لحالها طلعاتها اصحبت كثيره و كلها لكوفي او مطعم او سوق اصبحت وحيده ورث مليارات من ابوها بعد موت والدتها قال لها المحامي انو ابوها طلب منه كذا
العامله : آنسه اسَرار ماذا تريدين من وجبه للطعام
اسَرار : صوفي هل يمكنك صنع برجر من يديدك لا اثق الا بك
صوفي : امرك آنستي هل من اوامر اخرا
اسَرار : لا شكرا صوفي
صوفي : لا شكر على واجب آنستي
((بيت ابو بدر))
رشا استغلت وقت نوم العائله و بدت تدور في الغرف يمكن تكون موجوده بأي مكان دورت بكل مكان اتجهت لغرفه اللي بجانب غرفتها حاولت تفتح الباب ما انفتح شاف المفتاح وفتحت الباب وانصدمت بوجود هيام طايحه على الارض توجهت لها بخوف
رشا : هيام هيام فيك شي اصحي تكفين
هيام ضنت انه حلم : رشا تكفين تعالي لا تطلعين بأحلامي تكفين تعالي عذبوني يا رشا مقدرت اتحمل
رشا ارسلت ل مهَاب بأنها لقتها
((سيارة مهَاب))
وصلته رساله من رشا انها لقتها صارخ من الفرحه وارسل ل الباقي بألنهم لقوها
فرحو كلهم لكن الاستخبارات قالت انو لازم يداهمونهم الحين وفعلا ما مرت كم دقيقه والاستخبارات و رجال الشرطه داهمو بيت ابو بدر و بيت ابو ناصر
وحاصرو البيتين
صحو بيت ابو بدر بفجعه من الاصوات
طلعو و شافو الاستخبارات و رجال الشرطه بكل مكان
الشرطي : سلم نفسك حالا يا وليد عليك قضايا واجد ومنها الخطف و التجاره بالمخدرات
الوليد بأنكار : خطفت مين يالطيب من جت جت قضيه الخطف
الشرطي : خطف هيام بنت وافي ال فيصل وولدها ذي ثاني اكبر قضيه عليك بعد تجاره المخدرات
وعلى كلام الشرطي طلعو هيام و رشا
هيام بتعب : بأخذ حقي منك يا شوق على الضرب
شوق انرعبت
الشرطي :  امسكو المدعوه شوق
توجهو رجال الشرطه لشوق اللي ماتت من الخوف و كلبشوها مع الوليد طلعو هيام و رشا وابتسم مهَاب وراح لها و ضمها
مهَاب : اشتقت لك يا كل مهَاب و روحه
هيام ابتسمت
توجهت لها انوار
انوار : هياممي اشتقت لك وخفت عليك  وضمتها
هيام بادلتها الحضن
سيف اشر لها من بعيد : الحمدلله على السلامه يا زوجه ولد العمه
هيام : الله يسلمك
((بيت ابو ناصر))
داهمو البيت رجال الشرطه و الاستخبارات وفتشو البيت يدورون على ناصر
نزل ناصر على الازعاج وشافوه رجال الشرطه وراحو له و كلبشوه
ناصر : شسالفه
الشرطي : انت عليك قضايا واجد ومنها المساعده بالخطف و تجاره المخدرات
ناصر خاف وعرف انهم انها نهايتهم هو و خويه الوليد
.
.
.
ذا البارت عيديه مني لكم توني خلصت كتابته ومقدرت انتظر لبكرا الجمعه ونزلت حاولت اخليه اطول من كذا بس ماقدرت تعبت ذي عيديتكم واعذروني على القصور 😭🤍🤍🫶🏻