ياليت صواديف الايام تجمع كل الولايف

the end

« بعد مرور ساعه ونص »
نزلت وابتسم مهَاب من شافهم
مهَاب ببتسامه : هلا هلا بالحلوين
هيام ابتسمت بخجل
هيام /
لابسه فستان وردي ماسك شوي من فوق ومن تحت شوي منفوش و مسويه بشعرها ويفي و تاركته مفتوح
مهَاب ناظرها بأعجاب من شكلها
هيام استحت من نظراته : اا مهَاب يلا نروح تأخرنا
مهَاب ابتسم بخفوت : يلا امشي
شال همَام وطلعو متوجهين لـ الزواج
« قصور وافي ال فيصل »
غرفه جيلان حوسه بسبب البنات اللي قررو يتجهزون عند جيلان
امال : بنات ابي البلشر سريع
ملاذ : واي امال شوفيه وين مشغولين ما تشوفين
الهنوف : مب وقتكم اخلصو تتجهزو تسريع مرا تأخرنا ترا
جيلان : دقيقه بابا خذ العاملات كلهم عند عمي ثامر محد في البيت الا حنا مين حيسوي بخور !!
سُلا : انا جاهزه خلاص بنزل اسوي بس مافيه احد من اخوانك في البيت
جيلان : لا محد هنا كلهم طلعو
غلا : طيب حنا كثير مين حيودينا الزواج
الهنوف : بتكفينا سياره السواق كبيره مره
سحايب : بس حنا 11 بنت
الهنوف : سياره السواق كبيره اصغر وحده قدام عنده والباقين بالمرتبين الاخيره
ميلان : دقيقه مايحتاج انتي روحي مع زوجك وحنا بسياره السواق خمسه بالمرتبه الاولى و خمسه بالمرتبه الثانيه
« الدور الارضي ل قصور وافي ال فيصل »
نزلت تسوي بخور ومو لابسه شي يغطيها لان فستانها بدون اكمام وماسك من فوق ومن تحت فيه نفشه بسيطه ولونه ازرق
دخل منيف وهو كان جاي ياخذ بخور
منيف بسرعه : جيلان وين مكان البخور بسرعه مستعجل
صنمت سُلا من عرفت انه منيف والادهى انها مب لابسه شي سترها وفستانها ابد مو مناسب
منيف استغرب من سكوتها : جيلان !
سُلا توترت : اا انا سُلا مب جيلان
منيف : معليش حسبتك جيلان المهم تكفين روحي جيبي بخور متأخر على العيال
سُلا : طيب تمام روح خليني اعدي ماينفع تشوفني وانا مب محرم لك
منيف ضحك بخفه : ترا عادي خطيبك انا وبنملك بعد 5 ايام
سُلا ابتسمت بخفوت : بروح اجيب بخور وانت انتبه ل الجمره اللي على النار
منيف : ابشري
جابت البخور وعطته وطلع وطلعت للبنات وهي مستحيه شوي من الموقف
جيلان : الحمدلله بدري كان نمتي هناك
سُلا ضحكت : معليش الجمره غصب اشتغلت
ابتهاج دخلت : بنات مين جاهزه تروح معاي
الهنوف : مع مين بتروحي
ابتهاج : تو يسُر كلمني يقول كلم منيف يجيلي
سُلا : انا جاهزه بجي معاك
الهنوف شالت نوف ببتسامه : وه يزينو الكشوخي، انا بجي معاكم
مير : وانا بعد عشان سياره السواق بتكون زحمه
ابتهاج : تمام فيه احد جاهز بيجي معاي
مُنى : ايه انا
طلعو البنات اللي بيروحون مع منيف وبقو اللي بيروحون مع السواق
« سياره منيف »
جالس ينتظر ابتهاج و الهنوف وهو مو داري ان سُلا بتجي معهم ناظر البوابه تنفتح ويطلعو منها خمس بنات
منيف بصدمه : اعوذ بالله ذولي كلهم معاي
طاحت انظاره على سُلا اللي كانت تسوي طرحتها وابتسم من تذكر لقائهم بالمطبخ
ركبو البنات والهنوف استغلت تأخر سُلا وركب قبلها ورا عشان تركب قدام مع منيف
جات بتركب ورا سُلا بس انصدمت من شافتهم كلهم ورا انقهرت وهي تحس مستحيه شوي فتحت الباب الامامي وركبت بجانبه بتوتر و خجل شافت نظرات البنات وعرفت انهم مستقصدين انهم يخلونها تركب قدام
« بعد عد دقايق وصلو القصر و نزلو البنات كلهم الا سُلا مسكها منيف
منيف : دقيقه خليك
سُلا استغربت بس ما قالت شي، نزل منيف وفتح لها الباب ببتسامه واسعه على ثغره، استحت سُلا ونزلت بهدوء وراحت للبنات اللي غمزو لها من شافو اللي صار
مير بطقطقه : اخس اخس من الحين يا سوسو
سُلا بخجل : ميرر !
مُنى : الله ابي واحد منيف بليز
سُلا ضحك بغرور : زوجي مافيه منه اثنين
الهنوف بمزح : ترا للحين ما ملكتو
مير بطفش : يوهه امش ندخل بس
دخلو القاعه واستقبلتهم هيام ببتسامه وهي شايله همَام
هيام : توكم تجون وين الباقين
ابتهاج نزلت نوف تعلب : واه للحين ما خلصو
مير : احس بتعب هذا وتونا واصلين
هيام : يوهه باقي زواج نسّيم و زين بعد ثلاث ايام و بعدهم بيومين ملكه سُلا و منيف و جيلان و نواف
ابتهاج : الحمدلله انهم خلو ملكه جيلان و منيف بنفس اليوم لن صراحه مالي خلق تعب زياده
مير : منجد افضل شي نريح يومين وبعدها تنجهز لـ ملكه سُلا و منيف و جيلان و نواف
مُنى : بنات شوفو ذولا مو جيلان و البنات اللي داخلين
لفو البنات و شافو جيلان و البنات داخلين، انتبهو لهم وجو عندهم
سحايب بتوتر : يبنات توترت شوفو كيف المعازيم كثار ماشاءالله
امال : يوه منك وترتيني
جيلان : امشو ندخل بس دخلو البنات و سلمو على ام راشد و ام امثال اللي واقفين عند الاستقبال
« بعد مرور ساعه و نص »
الزفه /
نزلت جيهان على انغام موسيقى هاديه واثارت انبهار المعازيم بجمالها نزلت مع الدرج بخطوات هادئه واستقبلوها امثال و امها واكملو المسيره بجانبها لحتى وصلت الكوشه و تجمعو عليها المعازيم يرقصون و البنات ماسكين يدها و يرقصون معها
« بعد مرور ثلاث ايام »
زواج :
نسّيم بن وافي & الزين بنت علي
قاعه النساء /
دخلت القاعه و معها الجود وتمشى بخطوات واثقه وبغرور مبهر
صُدف شالت تـيّم من الجود لجل تفسخ عباتها
صُدف : اسمعي عذاري و هيام شوي و جاين فسخي عباتك بسرعه عشان علطول نروح معهم و ما ننتظر
الجود بتوتر : تكفين متوتره من كثر المعازيم ما اقدر
صُدف : مب وقتك قسم فوق كفايه متأخرين بسبب اسَراروه الزفته
الجود حطت عباتها بجانب عبايه صُدف وعدلت شكلها على السريع وشالت تـيّم من صُدف شافو هيام و عذاري جاين وتوجهو لهم
عذاري : اسمعو بنات ترا المعازيم كثار عمتي دعت ناس كثير مرا
هيام : ايوه بالقوه طلعنا من الزحمه
الجود : واي تكفين حدي متوتره
صُدف : اسمعي هيام جيبي بنت ابتهاج عذاري عشان اذا جو بيخطبوني اقول متزوجه وذي بنتي
هيام ضحكت : اما انا همَام مافكيته عشان لا يخطبوني وانا متزوجه اساسا
الجود : على كذا مابعطي احد تـيّم
عذاري : الحمدلله يعرفوني ان زوجه اخو العروس من عزوف و حاتم
هيام : امشو امشو ندخل بس
« قاعه الرجال »
تمجعو الفرقه بالنص حول نسّيم اللي بجانبه مصعب و زايد يرقصون جنبه /
قلب بُو سُليمان وقادي
من هُمومِه ذاب أجاء كُله
يابعد حُيي والاجدادي
أرحم إلي صابتة علة
لو ذبحني يا عوض عادي
من يُحاسب ياعوض خله
ياعوض هُو غايت مُرادي
ياتبسم والشعر فله
عزتي لمن مثلي يدادي
وسط بقعاء ساكنً خله
ليتني وياة فِي وادي
والغيوم من فوقنا مظله
انتهت العرضه و جلسو بأماكنهم وكلمو مراسم الزواج و الاشياء اللي يسونها الرجال بـ اعراسهم
« قاعه النساء »
الزين/
توترت من جتها امها و ابتهاج يبلغونها تتجهز الزفه باقي عليها دقيقتين وتبدا، وقفت امام الباب وهي لسى ما تظهر لل المعازيم بدت الاغنيه ومشت بخطوات هادئه و العاملات يساعدونها بالفستان لجل ما تطيح وقفت بنص المسيره و جت الهنوف بما انها اكبر خواتها وهاذي عاده من عاداتهم ان الكبيره بعد الام تروح بنص المسيره تحط عقد من الورد على اكتاف العروس وتمشي معها لين الكرسي اللي تجلس فيه وصلو الكوشه و جلست زين شويه و اشتغلت اغنيه و تجمعو عليها المعازيم ويرقصون معاها ويسلمون عليها و يباركون لها
« عند صُدف »
راحت صاله الاكل لجل تكلم بجوالها اللي يدق و مو منتبه لـ عزام اللي يناظرها من بعيد و مبتسم، خلصت مكالمتها و شهقت من شافته يناظرها بهدوء جت بتطلع بس مسكها
عزام : دقيقه صُدف
صُدف بتوتر : هلا عزام
عزام : صُدف انا قد وعدي وبخطبك بكرا من جدك صُدف ابتسمت بهدوء : اثبت لي انك قد كلامك و ان حبك صادق و اخطبني قول و فعل يا عزام
عزام : حبي صادق يا صُدف !
تركته صُدف و رجعت عند البنات وبداخلها فرحانه
هيام : وين كنتي اختفيتي فجأه
صُدف : كنت اكلم. بصاله الاكل
هيام شهقت : يحماره هناك فيه رجال ليه رحتي
صُدف : لا معليك كانت فاضيه
هيام : المهم ترا امك تناديك بترجعون البيت
صُدف : يوهه نسيت
« اليوم الثاني »
قصور عماد ال سعد/
جناح صُدف /
دخلت سماح و شافتها نايمه فتحت الستاره و اتهجهت لها تصحيها تتجهز
سماح : صُدف امي قومي تجهزي فيه ناس جايين يخطبونك
صُدف فزت : يوهه مين جاي يخطبني
سماح : مدري جدك قالي صحيها تتجهز بسرعه
طلعت سماح و صُدف تحاول تستوعب وش قاعد يصير، سرعان ما تذكرت لقائها بعزام امس وابتسمت بفرحه و قامت تتجهز بسرعه
بعد مرور ساعه و نص /
انفتح الباب بقوه ودخلت اسَرار وحطت إيلا على السرير واتجهت لـ صُدف تقيم شكلها
صُدف بضحكه : وي اسَرار بشويش ادخلي كأنك داخله حرب
اسَرار : توني واصله الضيوف جو ترا
صُدف : مين تكفين
اسَرار ببتسامه : لا نزلتي عرفتي مين يلا تو خالتي قالت خليها تنزل
صُدف تعطرت بسرعه ونزلت بتوتر وابتسمت بفرحه من شافت الجازي و ام رشاد و الهنوف و اميره و هيام و جيلان و سحايب و غلا
ام رشاد ببتسامه : يازينها عروستنا تهبل ماشاءالله عليها
ابتسمت صُدف و سلمت عليهم كلهم وجلست بجانب جدتها و امها
« عند الرجال »
جالسين جميعهم ال فيصل جاين مع عزام و ماتركوه لحاله
ابو نسّيم : سبب جيتنا اليوم يابو ريان معروفه جينا نطلب يد بنتك لولدنا عزام على سنه الله ورسوله
ابو ريان : ونعم بـ عزام لكن شور بنتي اولى يبو نسّيم
ابو نسّيم : ابد خذو راحتكم بالرد
استاذنو ال فيصل و طلعو راجعين لـ بيوتهم
« بيت ابو سهيل »
جلست الجود عند ام سهيل و ابو سهيل وهي قررت تقولهم بقرارها
الجود : ياعمه
ام سهيل : هلا يا امي
الجود : انا قررت اسافر واكمل دراستي كمان بالخارج
ابو سهيل : انا ماعندي مشكله بس تـيّم وش بيصير عليه
ام سهيل : وانا بعد يا امي ماعندي مشكله
الجود : تـيّم باخذه معي بس ما بحرمكم منه بنزل بالويكند واجلس عندكم لين نهايته و ارجع
ابو سهيل : كويس وين تبين تروحين
الجود : انا سجلت بالجامعه خلاص بـ ألمانيا
ابو سهيل : تمام يابوك والله يوفقك وين ماكنتي
الجود ببتسامه : سامحوني على كل اللي سويته
ام سهيل : مسامحينك يا امي
ابو سهيل : الا متى رحلتك
الجود : بكرا الفجر الساعه ثنتين
ابو سهيل : استودعتك الله
طلعت الجود غرفتها و رتبت اغراضها كلها بالشناط و طلعت فستان الملكه و الاغراض اللي تحتاجها و نامت
« اليوم الثاني »
ملكه /
منيف بن وافي & سُلا بنت باسم
نواف بن ثامر & جيلان بنت وافي
« قصور وافي ال فيصل »
القصور مزحومه من الضيوف الكثار و خاصه قسم النساء متتلى من الحضور
رشا : بنات احس اني تعبانه ابي اروح انسدح ب اي غرفه
الهنوف : روحي غرفتي معزوله ما تسمعين ولا صوت
رشا : شكرا انا بطلع فوق
جيلان : انتبهي لنفسك حبيبي
رشا : اوكي
طلعت رشا ترتاح و الهنوف طلعت لـ هذَام اللي اصر عليها تجي برا
الهنوف ببتسامه : هلا هذَام
هذَام ببتسامه : اشتقت لكم
الهنوف : تونا قبل ساعه كنا ببيتنا و جينا بنفس السياره
هذَام : انا اشتاق لك بالثواني ترا !
الهنوف بخجل : هذَامم !
هذَام : الا ما اتفقنا وش بنسمي بنتنا ترا باقي لك ثلاث شهور و تولدين
الهنوف ببتسامه : نسميها هناي؟
هذَام : « هناي بنت هذَام » تم ابو هناي وام هناي
الهنوف : يلا انا بدخل
هذَام : انتبهي لنفسك
الهنوف : اوكي
دخلت الهنوف عند البنات و راح هذَام عند الرجال
« بعد مرور ساعه و نص »
زفه البنات /
انزفو جيلان و سُلا بنفس الوقت وجلسو بمكانهم المخصص وبعد دقايق دخلو امال و هيام و معاهم الدفاتر لجل يوقعون، وفعلا وقعو واعتلت الاصوات بالزغاريط و المباركه
الجود : يلا بنات بتأخر على الطياره
عذاري : ما كانو بدري
الجود : لا وين بدري الساعه 12 و طيارتي 2 لازم اروح بدري
هيام : لا تقطعنيا جودي
الجود ابتسمت بهدوء : بنزل كل ويكند معليك
صُدف ضمتها بدموع : تعالي زواجي بشتاق لكك
الجود بادلتها : اكيد يعيوني اول الحاضرين انا
اسَرار : بعدي بعدي، ضمتها وبكت
الجود : اسَرار ليه تبكين يعيوني
اسَرار ببكى : بشتاق لكك كثير
الجود : خلاص بنات لا تبكون بنكلم بعض و بنزل كل ويكند مابخلي للشوق مجال ترا
هيام : ولو بنشتاق لك ترا
الجود : يلا باي بنات
تركوها البنات بصعوبه وهي طلعت ودموعها اربع اربع وبحضنها تـيّم اللي غطا بنوم عميق اول ما حطته بمقعده
« المطار »
وصلت المطار و كانت الساعه وحده خلاص شوي و تجي 2 ظلت تتأمل المكان لـ اخر مره وتنتظر وصول الطياره بضيق، هي اخذت ذا القرار ولازم تتحمله اخذت القرار لجل تعبد عن ذكريات الماضي وتأسس حياه جديده مع تـيّم طفلها و وحيدها، سمعت النداء الاول لـ طيارتها و شالت تـيّم واغراضها لفت تشوف المطار ل اخر مرا لكن سرعان ما توسعت ابتسامها من شافت ام سهيل و ابو سهيل و تالين و هيام و اسَرار و صُدف و عذاري و حمد لوحت لهم من بعيد ومن شافت اجاباتهم ابتسمت وراحت الطياره، ناظرت مع الشباك تتامل الرياض و تودع من فيها
الجود ببتسامه : انتبهي له يالرياض ترا بين ترابك
« بعد مرور ثلاث شهور »
زواج & ملكه « ليلة خميس »
عزام بن سالم & صُدف بنت عبدالله
« قاعه الرجال »
دخلو الفرقه وهم يغنون و المعازيم اجتمعو حول بعض يعرضون تقدم عزام ووقف بالنص و بجانبه ريان و مهَاب /
قلب بُو سُليمان وقادي