ياليت صواديف الايام تجمع كل الولايف

Bart10

الدكتور : خلص المغذي تقدرون تطلعون
الجود : مافيه شي خطير صح
الدكتور : اي نعم بس لانك ما اخذتي جهاز التنفس معاك فعشان كذا انكتمتي
طلعو البنات  لسياره اسَرار و هيام قالت ل مهَاب انها بتروح معاهم الاسطبل يرجع البيت قالت كلامها راحت مع البنات و مشو متوجهين ل الاسطبل
مهَاب ابتسم على خبالها وكيف ما انتظرت رده
«الصباح»
((قصر مهَاب و هيام))
صحت من نومها مفجوعه من الالم الشديدد في بطنها كتمت شهقاتها من فرط الالم صحت مهَاب النايم بعمق
مهَاب بنوم : خمس دقايق بس
هيام بألم : مهَاب مب وقتك قوم بطني يعورني
حست بغثيان وقمت للحمام تجري
مهَاب خاف وقام وراها
مهَاب بخوف : هيام بنت شفيك فيك شي يعورك
هيام : مدريي قمت من مفجوعه بطني يعورني
مهَاب : قومي اوديك المستشفى وضعك مو عاجبني
هيام : يمكن مغص خفيف وبيروح
مهَاب بتردد : قومي اوديك يكشفون عليك يمكن حامل
هيام : مستحيل اكون حامل اكيد الدوره نزلت او مغص بسيط
مهَاب :هيام شوفي كيف وجهك شاحب يلا البسي عبايتك بدون حرف واحد
هيام : بس ..
مهَاب : بدون بس ويلا
هيام : تمام يلا
مهَاب ابتسم ومسك يدها : نروح نشوف وش فيها هيامي
هيام ضحكت : نروح نشوف وش فيها هيامك
((قصور اسَرار ال عماد))
اسَرار جالسه بملل بالصاله تناظر السقف بفراغ جاتها رساله على جوالها استغربت مين راح يرسل لها الحين دخلت الواتس وفزت من شافت رقم ريان مرسل لها ابتسمت بفرحه وهي تتمنى يقول لها شي يفرحها ما اهتمت وش الطاري 
ريان : سلام اسَرار؟
اسَرار سوت نفسها ما تعرف مين : هلا اي مين؟
ريان : انا ريان اخو صدف صديقتك
اسَرار : اوه هلا ريان كيف جبت رقمي؟
ريان ابتسم بورطه : هي عطتني او انا اخذته منها بدون ما تدري
اسَرار : هههههه هلا امرني
ريان بجديه : شوفي اسَرار انا بصارحك بموضوع من زمان متردد فيه
اسَرار : تفضل
ريان : شوفي انا ماعندي حركات المراهقين حقت العب عليك واستغلك لا انا احبك يا اسَرار وابيك بالحلال وان شاءلله بجي واخطبك من خالك  بس ابي اعرف جوابك
اسَرار : تبي الصدق حتى انا احبك وردي بتعرفه ان شاءلله اذا خطبتني والحين ببلك ورقم خالي عندك
ارسلت الرساله وبكلته وقلبها يدق بقوه حست بشعور جميل اجتاحها واخيرا الدنيا ضحكت بوجها والشخص اللي تحبه بيخطبها وطلع يحبها
(الكوفي عند صدف)
صدف جالسه بملل الزباين مو كثيرين ومافي طلبات كثير وجالسه على جوالها تراسل الجود
دخل سياف
سياف : السلام عليكم
صدف فزت : هلا وعليكم السلام وش حاب تطلب
سياف سهى فيها من عرفها اللي شافها بعزيمه خالته هي نفسها اللي حبها
صدف استغربت : اخوي وش حاب تطلب
سياف وعى على نفسه : هلا ابي V60 و براونيز
صدف : تمام شي ثاني
سياف : لا شكرا
راح وجلس على اقرب طاوله و صدف مستغربه منه جهزت طلبه وجت بتاخذه دخل ريان وهو يرحب بنفسه وراح عندها وهو يضحك
ريان : اصادفي وش تسوين
سياف استغرب من خويه وكيف يمون على ذي الموظفه حس بغيره خفيفه
صدف ضحكت : شعندك جاي
ريان : ابد اشتقت لك وجيت
سياف انصدم يحسبها زوجته حس بغصه بحلقه
صدف : شتبي ما كأننا عايشين بنفس البيت المهم انا اودي الطلبيه
ريان لف : وين
صدف اشرت على سياف : هناك يلا باي باي
ريان شافها رايحه لعند سياف ركز فيه وعرفه وراح له
ريان : سيوف وش تسوي لحالك
سياف : ابد طفشان وجيت اتقهوى 
ريان : اها زين جيت كنت مار عليكم بس مريت ل اختي تشتغل هنا
سياف حس انه ارتاح : ذي هي كنت تسولف معاها
ريان : ايوا اختي تشتغل هنا
سياف : اها
ريان اشر لصدف تجي
صدف : خير وشتبي
ريان ضحك : كذا تعاملين زباينك
صدف : طيب اخلص شتبي
ريان : ابي زيه
صدف ابتسمت بنذاله : وش زيه قول اسم الطلب
ريان توهق مايدري اسم الطلب ونفسه يجربه
سياف ضحك على وجه المتوهق : V60 و براونيز
صدف ضحكت : تمام شي ثاني
ريان ابتسم : لا دزي
صدف : انت المفروض اقولهم معد يدخلونك عندي الكوفي صدق ما تستحي
ريان : عن الغلط
«المستشفى عند ابطالنا»
مهَاب : وش فيها يدكتوره زوجتي
الدكتور ابتسمت : مبروك زوجتتك حامل
مهَاب يحاول يستوعب : يدكتوره زوجتي هيام وافي تأكدي ليكون ملخبطه
هيام ضحكت على وجه : مهَابب انا حامل شفيك
مهَاب واخيرا استوعب : احلفييي
هيام دمعت عيونها بفرحه : والله يا مهَاب والله
مهَاب دمعت عيونه من دموعها : بصير اب يا هيامم جاني الظنا جاني البكر
الدكتوره ابتسمت لفرحتهم وكأنهم متزوجين من سنين مو شهور
مهَاب : وعلى ذي الفرحه حاب اقدم لك هديه زواجنا بسوي لنا عرس وتاريخه قرب الاسبوع الجاي ياليهام
هيام انجلطت : مهَاااب لسى ما جهزت شي
مهَاب ابتسم : كل شي جاهز ياليهام
هيام ابتسمت : الله لايحرمني منك
مهَاب : ولا منك
لبست هيام عبايتها بعد من اعطتهم الدكتوره بس الارشادات وارسلو في القروبات انو لازم يتجمعون عندهم خبر بيفرحهم لازم يتجمعون بقصرهم
«الليل»
«قصر ابطالي هيام و مهَاب»
هيام وقفت عند الحريم و بنفس الوقت وقف مهَاب عند الرجال من بلغته انها وقفت بتقول
هيام : السلام عليكم
الكل : وعليكم السلام
هيام ابتسمت : عندي لكم خبر بيفرحكم كثير و خاصه خالتي تهاني و خواتي
ام راشد ابتسمت : تحمست قولي
هيام بفرحه : انا حااملل
صرخو الموجودين بفرحه
الهنوف : مبرووك يروح اختك
جيلان : هياميي بصير خاله للمره الثالثهه
اميره : بنتي لسى ماجت ترا
جيلان : عادي عادي
ام راشد بكت من الفرحه : مبروك مبروك الله يسعدك فرحتيني يالهيام
هيام ابتسمت وضمتها : بتصيري جده وانا ام حفيدك محظوظه فيك
ام راشد بادلتها : ويا يزينك وافضل كنه لي
رشا : غررت
هيام ضحكت عليها و قعدت تقهرها
«عند الرجال»
وقف مهَاب وسلم و عليهم و ردو السلام
مهَاب : حاب ابلغكم بخبر جميل و بيفرح ابوي
ابو راشد : الله يجعله خير وش الخبر
مهَاب : يبه بصير اب
ابو راشد فز : احلف
مهَاب : والله يبه
دمعت عيون ابو راشد من الفرحه
وقامو العيال يباركون له
وبنفس اللحظه دخل ابو هيام وعياله و حفيده ذياب و نسيم و يسر و منيف
ابو نسيم(ابو هيام): السلام عليكم
انصدمو الموجودين معدا ابو راشد اللي يرحب و يهلي فيه
ابو راشد :  ارحب ارحب يا هلا با ابو نسيم
ابو نسيم ابتسم : هلابك المهم انا ابيكم بموضوع
مهَاب : ارحب يعم
ابو نسيم : مهَاب
مهَاب : سم
ابو نسيم : بنتي
مهَاب : وش فيها يعم
نسيم تدخل وبحده : تطلقها
مهَاب انصدم : مين انت عشان تقولي اطلقها
نسيم بجمود : اخوها
ابو نسيم : مشكور ي مهَاب بس بنتي ابيها خلاص وليد و انسجن
يسر : وحنا وجينا واختنا تطلقها
مهَاب انصدم : بس يعم ...
ابو نسيم : بدون بس، منيف كلم اختك قولها احنا برا خلها تطلع هي و خواتها
منيف : ابشر
مهَاب انفجر وبدموع : لاا يعمم تكفى تكفى الا هياام لاتفرقني عنها
نسيم بجمود : انا اسف بس ابي اختي قريبه مني
هذَام بحده : اختك ما بتطير عند زوجها
ابو نسيم : انتهى النقاش منيف كلمت اختك
منيف : ايوا كلمتها
نسيم : يلا مشينا
يسر واقف بجمود و ناظر مهَاب مكتفينه عيال خالاته و اخوانه بطلب من ابوه
«عند البنات»
هيام شهقت
اسَرار فزت : شفيكك
هيام : منيف كلمني يقول اطلعي انتي و البنات جينا برا
اميره فزت : منيف اخويي
هيام : ايي
جيلان خذت عبايتها و اغراضها : واخيرا طولو يلا بنات
صدف : شسالفه
الهنوف : اخواني جو
اميره : جودي حمد هنا ارجعي معه لا يرجع لحاله
الجود : ابشري
طلعو البنات
نسيم فتح يده واشر ل هيام
هيام ركضت له وحضنته بدالها نسيم
جيلان انتبهت ل ذياب : ذياابيي
الهنوف : منيف
منيف : عيوني
الهنوف بكت : اشتقت لك
نيف حضنها ومسح دمعتها : لا تبكين يعيون اخوك
اميره : يسر جيت
يسر بفرحه : جيت يا عيونه
اميره ضمته : اشتقت لك كثير
يسر : حتى انا يعيوني مشتاق لك و ل البنات
اميره ضحكت : بتصير خال للمره الثانيه
يسر : احلفيي
اميره ضحكت : والله
طلع ابو نسيم من المجلس وانصدمو البنات
جيلان بصدمه : باابا
ابو نسيم ضحك : عيونه
جيلان تركت ذياب وركضت له تضمه
وهيام انصدمت وكانت تظنه خيال وبكت بحضن نسيم
نسيم توهق : هيام هي بنت شفيك تبكين
هيام تبكي : نسيمم ذا بابا منجد ولا اتخيل
نسيم ضحك : لا يعيون نسيم ذا ابوي ارتاحي
هيام : بس انا شفته مليان دم في الصوره
نسيم بكره لطاري الصوره : حتى احنا لعب علينا وليد
هيام ابتسمت : يعني وليد هو اللي مكذب علينا
نسيم : ايوا
بينما مهَاب اللي يناظرهم و متأكد انها ما تدري انهم بيتطلقون
هيام : ذياب جيت يعيوني
ذياب ابتسم : ماما
هيام حضنته : اشتقت لك
ذياب : ماما لا تخليني عند ذيك العجوز دايم تعصب علي وتقولي انت ولد الشارع
هيام تنرفزت : انت مو ولد الشارع انت ولد هيام
نسيم : هيام مين قاله كذا
هيام بعصبيه : عجوز قريح
نسيم ماسك ضحكته : ام بدر
هيام : وفي غيرها
نسيم ماقدر يمسك ضحكت وضحك
هيام استوعبت انو يضحك على عصبيتها وضحكت معها : نسييم 
نسيم بضحكه : عيونه
هيام : لا تضحك عليا
نسيم سكت : ابشري
هيام حضنته وضحكت : يزين المؤدب
نسيم بادله ورفع نظراته لمَهاب اللي يناظرهم بحزن حس بتأنيب ضمير على اللي بيسويه وبيفرقهم بس لمى يتذكر كيف تزوجو يحس ان اللي يسويه صح وهي بألاساس مجبوره عليه عشان يحميها من وليد بس الحين هو موجود وبيحطها بعيونه وماتحتاج ل مهَاب صح انه تعلق فيها بس ابوه وعمه غلطو و اجبرهم على بعض عشان يحميها
هيام : نسيمي
نسيم ابتسم : امري
هيام : اشتقت للخيول و لسباقاتنا
نسيم : ودك انتي
هيام : ودي بس فيه حاجه تمنعني
نسيم : مهَاب وماهو فيه مين
مهَاب تدخل و بأبتسامه : مهَاب ماهو فيه بس همَام فيه
نسيم بأستغراب : من هو همَام؟
مهَاب بأبتسامه انتصار : همَام بن مهَاب ال سلطان بكر المهَاب و نور الهيام
نسيم بصدمه : تمزحوون لا مو من جدكم ابوي لو يدري ماراح يخليك
هيام بملل : نسيم انا بروح مع ذياب بلغ ابوي
نسيم : هيام و راحت والطلاق بيتم يعني بيتم
مهَاب براحه : اذا سمح الهمَام وقتها قولو بنطلقكم
نسيم : اختي ماراح تظل معاك حط ذي الجمله بعقلك و انساها اختي مب زوجتك من بعد اليوم ورايح حطها بعقلك
مهَاب بأبتسامه : يصير خير
هيام رجعت وشافتهم متشادين بالكلام
هيام : مهَاب
مهَاب لف عليها : هلا
هيام : بروح مع اهلي للبيت
مهَاب : لا ويلا السياره قدامي
هيام : مهَاب اهلي بروح معاهم
مهَاب يمسك اعصابه بصعوبه : هيام لا افصل عليك امشي قدامي
هيام بغصه : بس اشتقت ل اهلي ي مهَاب
مهَاب بحده وصرخ : هيااام
نسيم لف و مسك ياقته وبعصبيه : هوب هوب انت مين عشان ترفع صوتك عليهااا هاا؟؟
مهَاب بحده : نسيم ابعد عني زوجتي و كيفي
جو منيف و يسر وحاولون يبعدون نسيم عن مهَاب
منيف : نسيم نسيم ولد خلاص فكه بتذبحه
يسر سحب نسيم بقوه وكتفه : خلااص فكه بتذبحه
نسيم بعصبيه : يستاهل من هو عشان يرفع صوته على هيام مين هو
منيف لف على مهَاب ونطق بحده : رفعت صوتك عليها ولا لا
مهَاب ضحك بسخريه : شتبي انت فكني لا اتوطاك
منيف بحده : انا سألتك رفعت صوتك عليهاا ولا لا
مهَاب : اي رفعت صوتي وش بتسوي بزر معندك سالفه وبعدين زوجتي و ماراح تحرموني منها ووصل كلامي لبوك فاهم
سحب يده بقوه من قبضه منيف وراح لهيام و سحبها مع يدها وتوجه للسياره
بس وقفوهم يسر و نسيم وهم يقفون قدام السياره
مهَاب : ابعدو عن السياره افضل لكم
يسر ببتسامه مستفزه : وش بتسوي اذا ما بعدنا
مهَاب تقدم بيضربه بس منعته يد هيام
هيام : اخوي يا مهَاب لا تنسى
مهَاب : اخوك ذا يبي يطلقنا اذا مو عارفه
هيام تركت يده بصدمه وناظرت اخوانها الواقفين بهدوء وساكتين يناظرونها
جو ابو نسيم و منيف ابو نسيم : مهَاااب
مهَاب لف عليه : سم
ابو نسيم بحده : الكلام اللي قاله منيف صح ولا لاا؟
مهَاب : وش قال
ابو نسيم : انت رفعت صوتك على هيام صدق كلامه
مهَاب : كنت معصب اعذرني يعم
ابو نسيم بحنيه : مهَاب انا زوجتك هيام عشان تحميها و ماقصرت حميتها بس ليش رفعت صوتك عليها انا مارفعت صوتي عليها و اخوانها ما رفعو صوتهم عليها وانت المفروض كمان ما ترفع صوتك عليها مهَاب هيام اغلا شي املك بعد اخوانها و خواتها هيام غير عندي ذي قطعه من روحي و بنتي الغاليه شبيهت الغاليه
مهَاب حس بنتأنيب ضمير : انا اسف يعم ما كان قصدي بس نسيم نرفزني وعصبت عليها
ابو نسيم : اعتذر منها مو مني
مهَاب التفت ل هيام : انا اسف وحقك علي طانت لحظه غضب اعذريني
هيام ابتسمت وحضنته : لا تعتذر
مهَاب ابتسم وبادلها : مايقدرون يبعدوني عنك مايدرون انك صرتي قطعه من روحي
نسيم تنرفز : لا انا اقدر ابعدها عنك ولو فيه بزر
هيام : انا اللي احدد اروح مع مين ذي حياتي مب حياتكم
منيف : احنا اخوانك يا هيام ونعرف كيف الطريقه اللي تزوجتي فيها و السبب واللي تزوجتي عشانه خلاص انسجن وش تبين معاه
هيام : صح وليد انسجن بس ذا مو يعني انو اسنجن يعني خلاص ماراح يطلع لا هو يقدر يهرب ترا ولسى ما صدر الحكم عليه ترا
ابو نسيم وجه نظره لمَهاب  : لو تبيها زفها بالابيض مثلها مثل اي بنت
مهَاب ابتسم : من عيوني
يسر : اجل ماراح تشوفها الا بيوم العرس يلا هيام
هيام ابتسمت : يلا
مهَاب : طيب عادي اشوفها في اي وقت عشان اتطمن عليها وعلى ولدي
نسيم بتكشيره : مره بالاسبوع
مهَاب ابتسم : على الاقل مو مره بالشهر
نسيم كشر بوجه وراح
مهَاب ضحك بأنتصار
منيف ابتسم : لا تفرح لنو ماراح يخليك اكثر من خمس دقايق
مهَاب : معليك عنديي الموضوع
منيف : انتبه يبو ....
مهَاب : همَام
منيف ابتسم : يبو همَام

* تعريف بسيط ل عيال وافي ال فيصل  *
نسيم /يبلغ من العمر 35 سنه واكبر عيال وافي
يسر /يبلغ من العمر 27 سنه تؤام الهنوف وسكن مع امه والهنوف خذاها ابوه
منيف /يبلغ من العمر 26 سنه اصغرهم
كانو مسافرين للخارج من ثلاث سنوات عشان شركه ابوهم وصفقاته