ياليت صواديف الايام تجمع كل الولايف

part2

*تجاهلو الاخطاء الاملائيه*
.
.
في المستشفى كانو موجوعين  خوفا يفقدونها اما ابو هيام انهار خوفا على ابنته و شبيه معشوقته و مهَاب اللي من شافهم دق على امه و اخته رشا: الو يمه
ام راشد: هلا
مهَاب: يمه تعالي انتي و رشا ل المستشفى *** تعالو قسم العمليات
ام راشد بخوف: ليه مهَاب يمه شفيك
مهَاب: يمه تعالي انتي و رشا بس
أم راشد: ابشر جايه
مهَاب راح ل ابو هيام: لا تخاف يعم بنتك قويه اكيد بتصحى
ابو هيام ببكى: وشلون ما اخاف وبنتي تصارع الموت في غرفه العمليات
مهَاب : ياعم بنتك بتصحى ادعي لها
ابو هيام قام وهو يمسح دموعه وراح يفرش سجادته وقبل يروح قال ل مهَاب: بناتي في امانتك 
مهَاب: في عيوني يا عم
وشوي جو ام راشد و رشا
رشا راحت لجيلان و الجود وقعدت تهديهم 
الجود ببكى: جيلان تكفين خليك قويه هيام بتقوم
رشا حست ان عيون جيلان مو غريب عليها: لحضه انتي جيلان بنت وافي الفيصل؟
جيلان هدت: ايه مين انتي
رشا بفرحه: جيلانيي انا رشا راشد السلطان ماعرفيتني انا صاحبتك
جيلان استوعبت انها رشا صاحبتها و صديقه عمرها اللي اختفت اخبارها من بعد الجامعه وحست ردت روحها
جيلان: رشوو اشتقت لك وين اختفيتي
رشا: والله ابوي طلب ننقل و نقلنا كم سنه و بعدين رجعنا والحين صرنا مستقلين بنجد العذيه
جيلان: والله اشتقت لك
رشا: ايه وش فيك زعلانه
جيلان تذكرت: هيام بالعنايه
رشا: صبر هيام اختك اللي طاحت من الخيل في المسابقة
جيلان: ايه
رشا: والله اني كنت شاكه من قريت الاسم 
جيلان: تعالي نروح للجود اكيد منهاره
راحو لها يهدونها
وشوي طلع الدكتور
الدكتور: نحتاج متبرعين بالدم
مهَاب: وش فصيله دمها
الدكتور: A+
مهَاب: انا فصيله دمي A+
الدكتور: تفضل معنا
جيلان: صبر وين ابوي
رشا: يمكن راح يصلي ركعتين
جيلان: انا بروح لبوي وانتو خلوكم هنا اذا جا خبر عن هيام قول لي
الجود: ابشري وين اميره و ذياب
جيلان:  مدري
في المصلى
ابو هيام طلع ولقى جيلان واقفه تنتظره
ابو هيام: هلا
جيلان: طلع الدكتور وطلب متبرعين بالدم
ابو هيام: لقيتو
جيلان: ايه اخو رشا
ابو هيام: مين رشا
جيلان: رشا بنت ثامر السلطان
ابو هيام فز: ث.. ثامر السلطان
جيلان استغربت: ايه
ابو هيام: ابوها جا معها
جيلان: لا هي بس جت مع اخوها و امها رجعت بيتهم
ابو هيام: وينها وينها
جيلان: عند بوابه العمليات عند الجود
راح ابو هيام
ابو هيام بفرحه: بنت ثامر السلطان هنا
رشا: هلا عمي
ابو هيام: وينه ابوك ليه ما جا معك
رشا: ابوي كان مشغول و ما جا
ابو هيام: اذا رحتي بيتكم قولي له وافي الفيصل يسلم عليك ويقول لك وينك طولت الغيبه
رشا: ابشر
طلع الدكتور
الدكتور: نجحت العمليه ابشركم
ابو هيام: الحمدلله يارب
مهَاب طلع
الدكتور: الحمدلله على سلامتها 
ابو هيام: الله يسلمك
مهَاب: وش صار
ابو هيام: نجحت العمليه
مهَاب : الحمدلله على سلامتها
ابو هيام:الله يسلمك
وشوي طلعت هيام من غرفه العمليات وودوها الغرفه
الدكتور: مين يرافق معها
جيلان: انا برافق
رشا: بجلس معك
جيلان: تمام
ابو هيام: اجل انا برجع تعبان ولا تنسين تقولين لي و ل اختك اميره اكيد قلقانه على هيام
جيلان: ابشر
رجعو ابو هيام و الجود بقى رشا و جيلان و مهَاب
.
.
عدى اليوم بسلام اليوم الثاني الصباح
رشا: جيلان يلا نروح نفطر بالكفتريا
جيلان برفض: لا واختي
رشا: جيلانن مهَاب موجود
جيلان: طيب تبين انتي انزلي
رشا حاولت في جيلان لين وافقت
رشا: صبر جيلان والله انك لا تروحين معانا نواف بيجي و نروح سوا
جيلان استسلمت لها: تمام يلا
اما مهَاب اللي تورط لانه ما يحب يجلس عند احد ويكون انثى
..
..
في المطعم
رشا: جيلان وش فيك كلي
جيلان: اخوك ذا ما يستحي
رشا: يمه وش سوا
جيلان قالت لها اللي صار بالكوفي قبل ثلاث ايام
رشا: ههههههههه الهوشه تافه
جيلان: بس يستاهل التسفيل اللي جاه
رشا ابتسمت: تدرين انو بنفس اليوم هاوشني قبل يطلع
جيلان: اخذت حقي و حقك يعني
رشا: بضبط
..
..
في مكان اول مره نزوره في بيت ابو الهنوف
الهنوف بوجع: يبه تكفى والله معد اعيدها واللهما ارفع صوتي عليها
ابو الهنوف بعصبيه: ليهه ترفعين صوتك على زوجتي على خالتك ذي بس هين انا اوريك يابنت صباح
الهنوف: يبه خلاص تعبت ودني عند امي راضيه اعيش مع زوجها و بناتها تكفى يبه تعبت من العيشه هنا
ابو الهنوف: امك ماتت افهمي ماتت تبين تعيشين مع زوجها و بناتها ما عندي مشكله اهم شي ما تقعدين عاله على قلبي انتي يا بنت صباح
بنت صباح اخت بطلتنا هيام من الام 
الهنوف: انسانه حنون و تحب الكل لاكن ضعيفه و ماتعرف تدافع عن نفسها عمرها 27
و طلعها من المخزن تلم اغراضها
غاده زوجه ابو الهنوف: اخيرا بتقلعين من البيت
الهنوف ابتسمت: برتاح منك انتي و زوجك
غاده: فكه يا بنت صباح
الهنوف: صباح تاج راسك يا عجوز قريح
غاده: تقلعي عني بس
الهنوف بفرحه: اليوم يوم حريتي بروح ل خواتي
غاده قلبت عيونها و مشت
الهنوف: جعلها بالحول 
..
..
في المستشفى
جيلان: مهَاب صحت هيام ولا لا
مهَاب: لا والله
جيلان بدت توتر: يمه ليكون دخلت بغيبوبه
مهَاب: ما اظن 
رشا: مهَاب يلا نرجع البيت باي جيلو
جيلان ضحكت: باي رشو
ضحكت رشا و طلعت هي و مهَاب اللي وصلها و بدل و راح دوامه
..
..
عند الهنوف و ابوها بالسياره
ابو الهنوف: خذي وثيقه الزواج عشان ما تتفشلين و ترجعين لي كفايه بتنقلعين عني
الهنوف بسخريه: احتاج الوثيقه بس لو ما صدقوني اموت ولا ارجع لك يالظالم
ابو الهنوف تجاهل اللي قالته و كمل الطريق
..
..
في المستشفى
هيام صحت
هيام: انا وين
جيلان فزت: بالمستشفى
هيام: يعني مو حلم
جيلان بضيق: ايوا
وشوي دخلو ذياب و اميره و ابو هيام
ذياب جرى لهيام يحضنها هيام حست عليه و بادلته الحضن
ذياب: خاله هيام اشتقت لك كثير
هيام ابتسمت: حتى انا يعيون خالتك
اميره: هيام كيفك
هيام: بخير
اميره: ماتشوفين شر
هيام اكتفت بالابتسامه
..
..
في المركز عند بطلنا مهَاب اللي يفكر بهيام
مهَاب استوعب على نفسه و تعوذ من الشيطان
دخل هذَام: مهَاب ولد وش تفكر فيه
مهَاب: ولا شي
هذَام بشك: متأكد
مهَاب بحده: ولد
هذَام ضحك: خلاص شفيك عصبت
مهَاب: هذَام قم قم تقلع من عندي
هذَام قام: طيب طيب اللي ماخذ تفكيرك يتهنى به
مهَاب حذف عليه المنديل: اقول انقلع بس
..
..
في بيت ابو راشد
رشا: يبه
ابو راشد: سمي يعيوني
رشا: تعرف وافي الفيصل
ابو راشد بشوق له: ايه يابوك والله انه صديقه و عزيز و غالي على قلبي والله اني مشتاق له
رشا بفرحه: يبه كلمني يقولك يسلم عليك  ويقول لك وينك طولت الغيبه
ابو راشد بفرحه: والله انه يبشر ب الذبيحه و العزيمه
رشا: عشان سلامه بنته صح
ابو راشد بأستغراب: اشبها بنته
رشا: يبه شفت مسابفه الخيول صح
ابو راشد: ايه
رشا: البنت اللي طااحت من الخيل بنته هيام
ابو راشد انفجع: وهي كيفها الحين
رشا: بخير بس باقي ما صحت بروح اشوفها
ابو راشد: يلا يلا البسي عبياتك و يلا مشينا لهم
رشا: صح نسيت اقولك مهَاب تبرع لها بالدم
ابو راشد: مشا الله متى صار ذا كله
رشا: والله صار له يوم
ابو راشد: يلا انا انتظرك بالسياره
رشا: تمام
..
..
في المستشفى
ابو هيام: ياعيون ابوك تبين شي جوعانه
هيام: لا بابا مشكور
جيلان: بابا رشا و ابوها جاين يزورن هيام
ابو هيام: حياهم الله
وشوي دق الباب
ابو هيام بشوق: يا هلا يا هلا ب الغالي يا هلا ب ابو مهَاب
ابو راشد ابتسمت لان ابو هيام الوحيد اللي ينادينه ابو مهَاب: هلا فيك
رشا و جيلان: الله و اخيرا اجتمعتو
وشوي جا راشد طلب من ابوه
راشد: سم يبه طلبتني
ابو راشد: ايه
وشوي دخلت الجود وهي تسلم على ابو هيام
الجود: سلام عمي
ابو هيام: هلا بالجود
الجود ابتسمت لعمها و راشد ابتسم بداخله من ابتسامتها *ملاحظه الجود محجبه *
الجود سلمت على ووصلت عند هيام: هيامي كيفك
هيام: بخير و ابتسمت من تحت النقاب
ابو راشد: اسمع يا راشد رح انت و نواف ولا مهَاب وضبطو المزرعه بسوي عزيمه عشان ابو هيام و اعزف كل اللي نعرفهم و رح بيت حمد نسيب عمك وافي ابو هيام و اعزمه لاتنسى
راشد: ابشر و بعدين حمد خويي
ابو راشد: عارف عشان كذا اعزمه لازم نسيب عمك ذا
راشد: ابشر تأمر على شي ثاني
ابو راشد: لا رح يابوك
الجود ابتسمت من احترامه لبوه
وشوي دق جوال ابو هيام
ابو هيام: شتبي داق
استغربو البنات و ابو راشد
ابو الهنوف: وينك جايك اسلمك امانته زوجتك خله تعيش بين خواتها
ابو هيام: حياها الله بس انت ضف وجهك تسمع
ابو الهنوف: وينك اخلص علي
ابو هيام: بمستشفى ***
ابو الهنوف: جاي
ابو هيام: يويلك لو طلعت مسوي لها شي
ابو الهنوف: حتى لو بنتي مو بنتك
ابو هيام همس: بنت زوجتي  وقفل بوجه ابو الهنوف
ابو هيام: يا بنات انا طالع شوي و جاي
هيام:بابا وين بتروح.
ابو هيام: رايح و جاي بجيب امانه
ابو راشد همس: الهنوف
ابو هيام هز راسه بأيه  و طلع رايح يجيب امانه زوجته
ابو الهنوف: شوفي ذا زوج امك ذلفي له
الهنوف: الحمدلله افتكيت منك و من عجوز قريح
ابو هيام فتح يدينه لها و جرت الهنوف تضمه: سوا لك شي يا بنت صباح
الهنوف بعتاب: ليه ما اخذتوني معكم ليه
ابو هيام: اسف يعيوني بس ابوك رفض و امك سوت المستحيل عشانك
الهنوف: وينها اشتقت لها
ابو هيام بحزن: تركتنا و راحت لربي يالهنوف
الهنوف بكت بحسره على حالها: وديني لخواتي يمكن يتذكروني هيام و اميره
ابو هيام: ابشري ووداها عند البنات و انصدمو
هيام: بابا ذي مين
ابو هيام: ما عرفتيها
هيام: لا
ابو هيام: يمكن اميره تذكرها ذي اختكم الكبيره من امكم
هيام و جيلان انصدمو
الهنوف راحت لهيام و قربت منها: هيام ما عرفتيني ان الهنوف عادي اضمك لاني مت الشوق لك
هيام تذكرت الماضي
لمحه من الماضي/
صباح: يا اميره يا الهنوف يا هيام يا بنات تعالو كلو
كانو البنات صغيرات بالسن
الهنوف 6 سنوات
اميره 5 سنوات
هيام  3 سنوات
..
..
جلسو البنات
الهنوف كانت جالسه بين اميره و هيام و ياكلون
و كانو يلعبون مع بعض و كل شي يسونه مع بعض
..
نرجع ل الحاضر
هيام بشوق: هنوفيي اشتقت لك تعالي ضميني
الهنوف بكت بحضن هيام
جيلان كانت منصدمه هي الوحيده اللي ما عاشت مع الهنوف مثل هيام و اميره
وشوي جت اميره
اميره انصدمت من الهنوف و قالت: ال.. الهنوف
الهنوف هزت راسها بأيه و ركضت تضمها اميره بادلتها الحضن بشوق و حب
جا الدكتور و قال: تقدرون تطلعون المريض واضح تعافت
هيام: اي بخير ما احتاج مستشفى
ابو هيام: يلا لمو اغراضكم و نطلع
ابو راشد نادا رشا اللي كانت تسولف مع جيلان و الجود و الهنوف
رشا: هلا يبه
ابو راشد: يلا بنرجع و انت يبو هيام لاتنسى تجي اليوم المزرعه انت و بناتك و بنت ناصر  *بنت ناصر الجود * 
ابو هيام: ابشر
و طلع ابو هيام والبنات من المستشفى متوجهين الى البيت يرتاحون و يتهجزون
الهنوف: بنات البيت تغير ولا عشاني تركته من سنين
هيام: لا ما تغير يعيوني ويلا نروح نتجهز عشان العزيمه
راحو البنات يتجهزون
..
..
في المزرعه
رشا كانت تبخر المكان: يمه متى بيجون المعزومين
ام راشد: والله ما ادري يمك
رشا/
لابسه فستان وردي ماسك على جسمها و اكامه خيط و مخليه شعرها البني الطويل على راحته و مزله غرتها
وشوي جو البنات
هيام /
لابسه فستان عودي غامق و ماسك على جسمها و مبين تفاصيله و اكمامه خيط و تاركه شعرها الاسعود على راحته و حاطه ميكب خفيف
الجود/
لابسه فستان اسود بدون اكمام و ماسك على جسمها و طويل مسويه ويفي بشعرها الاسود القصير و حاطه ميكب خفيف
جيلان /
لابسه فستان اصفر مريح للعين و ماسك شوي على جسمها و اكمامه طويل و تاركه شعرها البني اللي يوصل لكتفها على راحه و حاطه ميكب خفيف
الهنوف/
لابسه فستان احمر شو غامق تفاصيله مثل تفاصيل فستان هيام و تاركه شعرها الاسود الطويل على راحته و حاطه ميكب خفيف
..
..
رشا رحب فيهم
هيام: رشو وين الحمام
رشا شرحت لها بس هيام ما فهمتها و دخلت غرفه مهَاب و عجبتها شكلها و مشت فيها شوي
مهَاب اللي طلع من الحمام وشاف بنت معطيته ظهرها و ظنها رشا و حاوطها من الخلف و قال: رشا وش تسوين هنا
هيام فزت برعب و قالت بصعوبه: انا مو رشا
مهَاب انصدم و تركها و لفت عليه و كانت جميله بالحيل و انعجب بجمالها و جمال جسمها اللي مبين تفاصيل الفستان  هيام: انا اسفه و طلعت من الغرفه
..
..
عند البنات شافو هيام نازله لهم و و جهها محمر من الحيا
الجود: هيامي وش فيك
هيام بتوتر: ما فيني شي
الجود: متأكده
هيام: ايهه شفيك
وشوي سمعو صوت مهَاب
مهَاب بحده: ياولد طريق
رشا فزت له: مهَاب اصبر البنات فيه
مهَاب: اعجلو بطلع للرجال
رشا: طيب دقيقه بس
راحت ل البنات و رجعت بعد دقايق
رشا: خلاص تعال
وفعلا طلع مهَاب لهذَام
هذَام: ولد وش فيك طولت
مهَاب: كنت اتروش
هذَام: سنه تتروش
مهَاب حك راس: طولت
هذَام: كثير
مهَاب: مادريت والله
هذَام جاه اتصال و طلع لحديقه المزرعه
..
..
عند البنات
الهنوف ملت وقالت: رشو بطلع الحديقه عادي
رشا: اي عادي حبيبتي
ابتسمت الهنوف و طلعت و جلست على اقرب كرسي و بدت تتذكر الماضي  في نفس الوقت عند هذَام كان يكلم واحد و سمع صوت احد يبكي و راح يشوف و لقى انثى جالسه على الكرسي و تبكي راح لها بتردد
هذَام بتوتر: وش فيك تبكين
الهنوف ببكى وهي مو مستوعبه اللي قدامها: اشتقت لشخص ميت
هذَام بلع ريقه بتوتر: ترحمي عليه
الهنوف طاحت بحضنه باكيه على فقدان والدتها
هذَام ارتبك ومد يد بصعوبه يحتويها و يهديها
الهنوف: تعبت من اذى ابوي اللي لاحقني تعبت منه و تعبت من زوجته اللي حتى بأحلامي لاحقيني حتى و انا عند خواتي و زوج امي اللي كان لي الاب 
هذَام اكتفى بالسكوت من اجل تأخذ راحتها وهي تفضفض له لاكنه كان مرتبك من قربها الشديد و محاوطتها له
.
.
.
.
الكاتبه : هتّان عبدالعزيز
حسابي تيك : xzciio
.
.
.
ارحبو رجعت لكم ببارت جميل يبه قلبكم و اعتذر اذا كان البارت قصير المهم حطو لي نجمة عشان يجيكم اذا نزلت بارت ولا تنسون تعطوني رايكم بالبارت