ياليت صواديف الايام تجمع كل الولايف

Bart6

وليد : الحين متى الطياره
ناصر : باقي عليها ثلاث ساعات ارتاح
وليد : كويس والله اني تعبان
ناصر : يلا ما اطول عليك ارتاح وانا بصحيك
وليد :لا لا هي تصحيني
ناصر ضحك عليه : ههههه خاطفها و تبيها تصحيك يبوي ذي حتى بالافلام ما صارت
وليد : نويصر لا تطقطق لا اجي افرشك
ناصر وهو يضحك : هذا اذا قدرت
وليد ضحك من ضحك ناصر : اقول دز بس وفقل بوجه
عند مهَاب جن جنونه وهو يشوف وليد كيف يشيلها وقال بغضب شديد و حار : والله لا اندمك يبن ال**" والله لا اندمك و ماكون ولد ثامر لو ماخلتيك تترجاني يبن ال**"
دخل هذَام : ولد شفيك عرفت مين اللي خطفها
مهَاب بغضب : اي و بخليه يندم انه قرب منها
هذَام توسعت عيونه بصدمه مهَاب ادرك انه فهم غلط : مو اللي ببالك هد
هذَام : ارفع بلاغ
مهَاب وهو لا زال غاضب : رفعت رفعت
هذَام : قم وش تنتظر
قام مهَاب وهو يحاول يهدى من غضبه الشديد
هذَام لف عليه : هد نفسك يويلك تطلع وانت معصب
مهَاب : طيب
هذَام : الحين بروح انادي العيال خلك هادي
مهَاب : طيب
وبعد دقايق دخلو العيال مع هذَام
وقال لهم مهَاب اللي صار
سهيل : يعني انت الحين زوجتك انخطفت وتبي تعرف وين مكانها
مهَاب بحده : وانا وش اقول من ساعه
سيف : وش المطلوب منا
هذَام :ايوا وقف لهنا المطلوب من سهيل و سيف و جهاد انتو مهمين مرا نبي واحد منكم يمسك القضيه و مهَا بيوكله محامي ل زوجته عشان نرفع قضيه على وليد بن جاسم
سهيل : انا بمسك القضيه
هذَام : المحامي و لقيناه تمام الحين باقي العيال ابيكم تدورن في الرياض شبر شبر عن وليد بن جاسم او ناصر بن صالح
مساعد : بما اني شرطي بفيدكم كثير برفع بلاغ اختطاف من قبل وليد بن جاسم بس ابي دليل
مهَاب : الدليل و موجود
اوس : اجل ارفع بلاغ ونخلي المحامي سعود بن جلال ال عبدالعزيز يمسكها لان اذا احد مسكها منا ماراح يقبل القاضي اي احد يكون قريب من اهل اللي رافع القضيه بيظن انو متفقين
جهاد : صادق
هذَام :اجل بكلمه و نادو البنات بنحاتجهم
دق مهَاب على رشا و قالها تنادي يتغطون ويجون الحوش الخلفي
وبعد دقايق دخلو البنات
هذَام : بنات عمي وافي انتو مهمين كثير بنحتاجكم عشان نلقى اختكم احتاج معلومات تعرفونها
اميره : انا عندي شي يمكن يفيدكم
هذَام : نسمعك
اميره : هيام كانت متزوجه واحد اسمه بدر بن جاسم بس مات وجابت منه ولد اللي هو ذياب يوم مات كانت حامل ب ذياب وبعدها ابوي اخذها و سافرنا وعنده عم اسمه الوليد من بعد ما اخذها ابوي و سافرنا عرف انها حامل و كان يرسل ل هيام انو بياخذ ولد اخوه و كان يقولها باخذه و بحرمك منه و يهددها وهيام خافت ان يحرمها من ذياب وقالت لي بولد و انتي خذيه ربيه و فعلا اخذته و ربيته وصار ولدي و هيام اول ما ولدت سافرت بريطانيا و رجعت و عمر ذياب سنتين و لما رجعت ذياب كان يظنها خالته و بقوه اقتنع انها امه و لما كبر شويا اتفقنا يناديها خاله عند الناس و بالبيت ماما
مهَاب : طيب متى تزوجت وش الشي اللي يثبت انها كانت متزوجه واصلا عمر ذياب خمس سنوات
اميره : تزوجت و عمرها 18 و قعدو سنه و بعدين مات و هي طلعت حامل و عندي اثبات وثيقه الزواج كمان موجوده
جيهان : عانت وهي صغيره
تالين : فعلا
مهَاب بنفسه : عانت وهي صغيره تزوجت و حملت و انجبرت تترك ولدها ومع ذالك قويه و حققت حلمها
جيلان : الحين اختي وش بيصير فيها
اوس : ان شاءلله بنلقى الوليد بن جاسم و ناصر بن صالح ونعرف اختك وينها
الجود بتوتر : معايا دليل كافي يثبت ان الوليد يهددها
هذَام : ياليت تعطينا
الجود عطته التسجيل
التسجيل/
الوليد : وش صار على بنت عمي وولد اخوي
الجود بخوف : انت وش تبي فيها كفايه سواتك فيها
الوليد : ابيها ابي ولد اخوي اللي حرمتني منه
الجود : وانت تظن بتروح تراها تزوجت و ماراح يخليك زوجها تاخذها
الوليد : عادي مو مشكله اطلقها و اخذها غصب عنه
الجود : ماتقدر
الوليد : جودد لاتعصبيني والله ترا انهيك و محد درا عنك
مهَاب بعصبيه : قال ايش قال ابيها يخسى ال**"
سيف : دليل كافي انو يثبت شكرا اختي الحين باقي نرفع قضيه بس نبي اسمه الكامل
الجود : الوليد بن جاسم ال طايق و مساعده ناصر بن صالح ال محسن
الهنوف بخوف : ذ..ذا و..ولد عمي
سيف : الله جابك اجل ابيك تروحين تسوين نفسك تبين تزورينهم و تراقبين تحركات ناصر
الهنوف : تم
هذَام : وانا بوديها عشان لا شفنا نحلقه
مهَاب : وكذا تمت الخطه
هذَام : لا يحبيبي اصبر باقي ما خلصنا
مهَاب : وش باقي المحامي و لقيناه و الهنوف بتروح عند عمها و تراقبون تحركات ناصر
هذَام ضحك : لا نصير اغبياء دام الوليد قال بيخذها غصب عنك ف يعني بيرفع قضيه طلاق عشان يتزوجها
مهَاب : سهله ما راح اطلقها
هذَام : مو بكيفك اذا انت ماتبي تطلق هو بيطلع عليك شي و بيخلك تطلقها غصب
مهَاب سكت و كمل هذَام : و اذا رفع من هنا تبدا الخطه
جيلان : اهم شي اختي تطلع سالمه
نواف : دام سعود ال عبدالعزيز بيسمك القضيه ف ان اختك بتطلع سالمه
دالين : حسستني ان ال عبدالعزيز امراء
ضحكو على جملتها
دالين بضحكه : وانا صادقه
سهيل : المهم ما علينا من ذا كلو المهم متى بنبدا و كيف بنبدا
الجود : انا راح اقولكمدتى بنبدا
هذَام : نسمعك
الجود : متى راح تبدا تبدا الخطه من عند ال عبدالعزيز بيمسكون القضيه هم
و بعدين من عند الهنوف و هذَام و بعدين انا بكلم الوليد انو بقابله عندي موضوع مهم و كذا و نكمل الخطه
مساعد : تمام اهم شي ضامنين ان الخطه راح تنجح
هذَام : انا الحين بدق على سعود
سيف : تمام
مكالمه هذَام و سعود /
هذَام : السلام عليكم سعود
سعود : هلا هذَام و عليكم السلام
هذَام : كيفك يالقاطع
سعود بضحك : الحمدلله بخير
هذَام : موجود بالرياض
سعود : اي تبي شي
هذَام : عندي قضيه و ابيك تمسكها
سعود : تم تم وش هي
هذَام : هي تعتبر قضيتين
سعود : وش هي طيب
هذَام : خطف و تهديد
سعود : تمام عطني اسم المتهم
هذَام : الوليد بن جاسم ال طايق و ناصر بن صالح ال محسن
سعود : قلتو قضيه اختطاف و تهديد
هذَام : بضبط
سعود : الشخص اللي تتهمونهم انهم خاطفنيه و مهددينه
هذَام : هيام بنت وافي ال فيصل
سعود : ارسل لي الادله و اسماء الشهود و ان شاءالله بحل القضيه
هذَام : ان شاءالله يلا لا اطول عليك
سعود : مع السلامه
هذَام سكر المكالمه ولف عليهم : الحين القضيه و مسكها سعود و الباقي ابدو فيه بس خذو حذركم لان الاستخبارات بتكون من ضمن الخطه يعني بتشتغلون مع الاستخبارات
مهَاب : مين اللي موجود من الخطه من العيال و البنات
هذَام :
الهنوف . الجود . رشا . دالين . انوار . سهيل . سيف . اوس . مساعد . انا و انت