ياليت صواديف الايام تجمع كل الولايف

part19

ركبو السياره وتكلمت صُدف : هيام اسَرار ترد عليك؟
هيام بهدوء : لا
صُدف دمعت : خايفه صاير فيها شي والجود حالها انقلب من وفاه سهيل و عذاري وش ابقي و اقول يا هيام تغيرو البنات من بعد الحادث لينتي ما جبت الفكره
عزام وقف السياره لانها انهارت ونزلت هيام وركبت ورا تهديها
صُدف ببكى : انا السبب انا لينتي ماجبت الفكره كان ريان بخير و يتحرك مثل اول و سهيل ما مات و مهَاب صاحي وماهو بغيبوبه وذياب حي كله بسببي
هيام دمعت : لا يا صُدف انتي مالك ذنب هذا قضاء الله وقدره لا تلومي نفسك بشي انتي ماسويتيه
صُدف هدت شوي وتذكرت شي صار قبل يومين : سياف
هيام : شفيه سياف
صُدف : جا الكوفي امس يقول لي ولدي مات وكان يبكي يا هيام سياف تغير و بلحيل ماعاد سياف الاولي اللي مايشوف غير صُدف شاكه ابوي هدده بشي ولا انا عارفه سياف مايتغير الا وفيه شي صاير سياف كان يموت فيني وماتصدقين فرحته يوم وافقت انه يخطبني بس بسبب ابوي رفضه تغير تدرين وش سوا يوم ابوي رفضه حلف ان بنات ادم تحرم عليه من بعدي بس الظهر كفر عن حلفه وتزوج غيري بس ما اقول غير الله يوفقه، شد عزام على الدركسون يعبر عن غيرته و قهره من كلامها وقف امام قصور ابو سماح و نزلت صُدف بعد ما ودعت هيام
« الجود »
حالها متغير ماعاد هي جود الاوليه طول وقتها تبكي فاقده سهيل و بالحيل ماتعرف وش تسوي بحياتها من طلعت من المستشفى وهي بغرفتهم ما طلعت منها و تبكي وتاكل لجل سلامه البيبي ولا هي شهيتها مسدوده
تالين دخلت وشافتها تبكي : جودي خلاص يعمري تذكري سهيل ما كان يحب شوفك تبكين و متألمه خلاص تكفين
الجود : تمام بنام
تالين وقفت : لا مافيه نووم قومي اكلي و رفهي عن نفسك مب انتي اول وحده يموت زوجها ولا انا اول وحده يموت اخوها تذكري سهيل مايحب يشوفنا مبوزين ابد وشوفي ماما و بابا و جهاد رغم انهم حزينين ل فراق سهيل الا انهم يعرفون انه مايحب يشوف احد زعلان عليه  والحين قومي تجهزي بنطلع انا وانتي
الجود وقفت وهي تحسن انها ارتاحت شوي من كلام تالين
« بعد مرور شهر و اسبوع »
جرو الطاقم الطبي لـ غرفه مهَاب متوترين كلهم تجمعو عنده
هيام خافت من شافت الطاقم الطبي كله يجرون لـ غرفه مهَاب شافت الممرضه تنزل الستاره وخافت وفتحت الباب و دخلت ودموعها على خذها
الدكتور : طلعوها لوسمحتو ممنوع تدخل
عزام سحب هيام اللي تبكي : هيام تعالي ممنوع
هيام فكت يد عزام و مسكت يد مهَاب و تبكي
الدكتور بحده :  لوسمحتي اطلعي خليني اشوف وش فيه
شالها عزام من شاف انها مصره ما تترك يد مهَاب وطلعها
هيام ببكى : خليني عنده يا عزام ليه طلعتني
عزام : ما خليتيهم يشوفون وش صار له
هيام جلست بالزوايه وتبكي
طلع الدكتور بعد مرور عده دقيق و جرو له
هيام : شفيه مهَاب يدكتور
الدكتور بأبتسامه : الحمدلله صحى من غيبوبته
هيام صارخت بفرحه ودخلت عنده تجري
مهَاب ابتسم من شافها تجري داخله عنده ومتجاهله الممرضه اللي تصارخ عليها ترجع وضمته بشّوق
مهَاب ابتسم : انتي بخير ماجاك شي من الحادث
هيام ابتسمت : بس رجلي انكسرت واعالجها للحين بس شكلها طابت
مهَاب بتذكر : الباقين وش صار لهم وانا وش صار لي من الاساس
هيام بضيق : انت دخلت بغيبوبه ولك شهر نايم و سهيل و ذياب ماتو و ريان و صار مشلول و صُدف يدها انكسرت و اسَرار و الجود بخير
مهَاب بضيق : ذياب مات !
هيام : ايوه مات قبل يوم ميلاده ب اسبوع
« قصور وافي ال فيصل »
مخيم الحزن في قصور ال فيصل بموت ذياب راحت بهجه قصور ال فيصل بموته ماهم مستوعبين انه مر شهر على وفاه اكبر احفاد وافي ال فيصل
دق بوابه القصر الاساسي وفتحت العامله ودخلو
سحر بضيق : ليه ما قلتو لنا انه مات تراه ولد اخونا مثل ماهو ولد بنتكم !!
جيلان : توك تجين تسألين عنه؟ بعد ما مات تجين و تقولين ولد اخوي ! وينك يوم كان حي
سحر : وانتو مخلينا نشوفه عشان تقولون ويني يوم كان حي
منيف بحده : احنا ما منعاك انتو اللي مارضيتو فيه وامك ماسابته بحاله لا هو ولا امه
ام بدر : الا منعتونا منه وسجنتو ولدي
اميره : ودته عندكم شهر وماسبتوه بحاله اذيتوه و ذليتوه كانه مو حفيدكم ذياب كان يخاف منك يالغاليه
ام بدر : انا ماسويت له شي لا تكذبون امه هي اللي لاعبه بعقله ومخليته يخاف مني
ابو نسّيم وقف بعصبيه : غاليه !!
ام بدر : شتبي انت
ابو نسّيم بحده : تحسبين مادريت عنك و عن افعالك بـ هيام يوم كانت ببيتكم عروس لولدكم تحسبين مادريت عن تعذيب بنتك يوم دريتو انه ولد بدر
ام بدر بتمثيل : لا تظلمني يا وافي وانت ماشفت شي بعيونك
منيف سحب سحر مع يدها ودفها لـ برا : شتبون جايين
ام بدر : هيي انت سيب بنتي
منيف سحبها وهو يدفها مع سحر لـ برا : يلا لا عاد عيني تشوفكم سامعين القصور ذي ماعاد تعدونها
سحر : اكرهكم دمرتو حياتي
نسّيم طلع : لا تتهمينا بشي حنا ما سويناه يا سحر وبعدين انا ساكت عشان عمي الله يرحمه ولا انتو مين يسكت عن افعالكم
دخلت القصور سياره نسّاب و وقفت قدام سحر و ام بدر
ام بدر ناظرت السياره بأنبهار بس سرعان ما كشرت من شافت نسّاب و جواهر نزلو
نسّاب بغرور : مين انتو منيف نسّيم مين ذول؟
جواهر نزلت نظارتها : شكلهم شحاتين امشو ندخل
سحر صرخت : هي انتي الشحاته مب انا و امي سمعين
جواهر : عفوا؟ مين انتو اساسا
سحر : انا سحر بنت جاسم ال فيصل
نسّاب : اها انتي بنت جاسم
جواهر زفرت : نسّاب امشي ندخل احتريت
نسّاب : اي امشي ندخل بشرتي ما تتحمل
سحر : مراهقه متاخره عندهم ذولا
كتمو ضحاكتهم نسّيم و منيف لان كلامها صدق
ام بدر : امشي يا سحر نرجع
منيف بحده : روحه بلا رده
نسّيم سحبه : امش امش سيبهم
ابو نسّيم : ها وش صار طردتوها
منيف : ايوا ارتاح
جواهر : ذي وش جابها القصور ليكون تطالب بحق زوجها اللي مو اخونا من الام
ابو نسّيم هز راسه بالنفي : لا بنتها جايه تقول ليه ما علمتونا انه مات
جواهر كشرت : يع عساس يحبونه
نسّاب : المهم معلينا هيام و اميره و الهنوف وينهم مالهم طاري
ابو نسّيم : هيام ببيت عزام و اميره ببيتها رولا تعبانه و الهنوف في بيتها ماجت من امس
جيلان وقفت بهدوء : انا بطلع انام
جواهر ناظرت نسّاب و غمزت : لا لاتنامي روحي تجهزي بنطلع جينا عشانك
جيلان : ماله داعي اطلع
نسّاب وقفت : لا مافيه قومي تجهزي بنطلع
جيلان جت بترفض بس ماسمحو لها و استسلمت وراحت تتجهز
ابو نسّيم ببتسامه : مشكورين بتغيرون نفسيتها شوي
جواهر : ماله داعي الشكر ترا
منيف : شدعوه ترا حتى انا ولد اخوكم مب بس جيلان
نسّاب : طلعه بنات انت شتبي
نسّيم : يغار منها ترا
جواهر غمزت لـ منيف : تغار من اختك يالورع
منيف : لا لا من قال
نسّاب : اييه معليك محد قال
« المستشفى »
غرفه رقم 307
جالسين بجانب بعض ويناظرون مهَاب
مهَاب : شفيكم انتو تطالعوني كذا
عزام : لابس نتأكد انك حقيقي صحيت
مهَاب : انا للحين مو عارف وش صله القاربه بينكم انتو اخوان بالرضاعه ولا عيال عم او خاله
هيام : لا هذا ولا هذا
مهَاب : اجل كيف تجلسون مع بعض وتكشفين عليه دامه مايقرب لك
عزام : خالها انا
مهَاب بصدمه : كيف خالها؟
عزام ضحك : امها صباح تكون اختي
مهَاب ضحك : خلاص ارتحت، المهم اكتبو لي خروج بخير مافيني شي
هيام بسرعه هزت راسها بالنفي : لا لا خله يرتاح
مهَاب : ياخي مافني شي، عزام اكتب لي خروج
عزام : انا مالي دخل
قاطع حديثهم دخول رشا و نواف، شهقت هيام من دخل نواف وتخبت ورا عزام ورجع نواف برا
هيام : راح؟
عزام ضحك : اي اي البسي طرحتك و نقابك
رشا : واخيرا صحيت خفت افقدك
مهَاب بمزح : عادي عندك نواف و راشد يكفون
رشا ضربته على راسه بخفيف : ولو انت غيير عنهم
وقفت هيام بهدوء : انا برجع مع عزام خلو نواف يدخلو وخذو راحتكم
مهَاب : لا تطولين
هيام ابتسمت : ان شاءلله
طلعو عزام و هيام و رشا راحت تجيب امها و ابوها من البيت و دخل نواف بعدهم بدقايق
نواف انسدح على الكنبه
مهَاب : ولد
نواف : خير
مهَاب : اكتب لي خروج و طلعي
نواف : ليش توك صحيت بعدين تبي ابوي يجلدني
مهَاب : طلعني وبس
نواف : تم بس خل يجون و يروحون اامي و ابوي و رشا و نفاجئهم
مهَاب : خلاص تم
« قصور عماد ال سعد »
دخلت سماح جناح ريان وابتسمت بضيق
سماح : ريان
ريان ناظرها بهدوء : هلا يمه شبغيتي
سماح : اسَرار
ريان قاطعها : لا تجيبين طاريها عندي يمه
سماح : روحتها عنا لها سبب ترا
ريان : ايوا سببها ان رجلي انشلت ومابقدر احركها وهي مب فاضيه تتحملني
سماح : لا مو زي ما انت فاكر
ريان : يمه تكفين قفلي على الموضوع واضح سبب روحتها
صُدف دخلت : ماما بطلع اتمشى تجين معايا؟
سماح هزت راسها بالنفي : لا ماودي
ريان بمزح : اعزميني ولا عشاني صرت ما امشي ما تعزميني
صُدف : لا لا توقعت انك ماتبي و بترفض بس اذا تبي تعال بطلع لحالي ترا
ريان : اخاويك يعني
صُدف هزت راسها : ايوا يلا
« بيت عزام »
دخلت غرفتها و شافت الجازي نايمه و بجانبها ولايف نايمين و همَام يتأمل السقف بهدوء حبت المنظر و صورتهم و ارسلتها في القروب شالت همَام وخفضت الاضاءه و تركتها تنام براحه
عزام ناظرها بأستغراب : شعندك مبتسمه ووين الجازي
هيام : نايمه فوق
عزام : تعبناها المهم شرايك نطلع مطعم ونمر جيلان و الهنوف و غلا و سحايب وكمان واهم شخص الجازي و بنتها ولايف احس ودي اطلع معكم
هيام : ونسحب على العيال تم
عزام : خلاص بلغيهم يتجهزون
هيام : اوكي، وطلعت تجهز همَام و تتجهز وتصحي الجازي تتجهز
« بعد مرور ساعه »
نزلو الجازي و هيام و ولايف و همَام
عزام ابتسم : جاهزين نطلع
ولايف صرخت بحماس : جاهزيين خالو عزام
عزام شالها : ياحلو خالو عزام منك بس
الجازي : يلا يلا طلعنا
« قصور وافي ال فيصل »
ابتسمت من شافت رساله هيام وهي حاسه بأن عزام و نسّاب و جواهر متفقين يغيرون من نفسياتهم شوي  راحت تتجهز على السريع، دق الباب
جيلان : ادخل
دخل نسّيم : فاضيه؟
جيلان جلست : ايوا ليه
نسّيم : نواف كلمني قبل يومين و خطبك مني ويبغى ردك قبل يخطبون رسمي
جيلان انصدمت و بنفس الوقت فرحت : مدري احس بستخير و اشوف
نسّيم : تمام يلا انا طالع تبين شي ولا طالعه مكان
جيلان ابتسمت : لا رايحه مع هيام و عزام
نسّيم ابتسم : استودعتكم الله
طلع  نسّيم و بعد دقايق معدوده طلعت جيلان بعد ما جتها رساله من هيام تبلغها انهم تحت
« المطعم »
وصلو بعد ما مرهم كلهم و خذو اكبر طاوله
سحايب : الله واخيرا عزام قرر يجمعنا و يطلعنا
عزام ابتسم بهدوء : ليه ما تتجمعون انتو مع بعض
سحايب : الا نتجمع بس في البيوت
الجازي ناظرتهم كلهم : مو ناقصنا الا اميره
غلا : ياليت جابت رولا معها عادي
هيام : بنتها تعبانه ماتبيها تعدينا عشان كذا
الهنوف : غريبه قررتو نطلع مع بعض
عزام : اشتقت لكم وطلعتكم كلكم
ناظرو البنات جهه الباب من سمعو الاصوات وشافو العيال داخلين
عزام ضحك على نظراتهم : وش اسوي ياخي حبيت اجمعكم كلكم
منيف سحب الكرسي وجلس : اييه طلعتو مخططين تطلعون وتسحبون علينا
جيلان : ياربي على ذي النشبه
جمال : شوفي حتى احنا عزمنا عزام
غلا : نشبه
جابر : زيك
عزام : بس خلاص اخلصو وش تبوون اكل
هيام : اي شي على ذوقك
عزام : خلاص تم على ذوقي كلكم
جابر : هيام هاتي همَام
هيام : لا دز ولدي
جابر : يع من زينه الاشقر
هيام : يعني شعره لا صار بني صار اشقر
جابر : ايه خايس كنه اجنبي
جيلان  : شقصدك
جابر : ولا شي وش قصدي
جيلان شقمت : تعرف قصدك
الجازي : ياربي شبلاكم انتو مناقره
سحايب بهدوء : بزران يخاله معليك منهم
رشاد : الحين ولايف كم عمرها يخاله
الجازي ابتسمت : عمرها سنه ونص
رشاد : وكبرت اخر احفاد سالم ال فيصل
هيام : حتى همَام يعتبر حفيد سالم ال فيصل
جابر : ليه خالتنا وحنا مندري
جمال بهمس لـ سحايب اللي كانت جالسه جنبه : سحايب
سحايب : هلا
جمال : وش ردك على الخطوبه دام عزام جمعنا
سحايب توترت : ها
جمال ابتسم بهدوء : وش ردك على الخطوبه موافقه ولا مب موافقه
سحايب بخجل : موافقه
جمال جا بصيرخ بس سكتته سحايب : جمال تكفى لا تصارخ
جمال بفرحه : معلييك عندي
« أيطاليا بعد مرور 8 شهور »
دخلت التاسع و اليوم ولادتها حست بتعب شديد خصوصا انها لحالها بالغرب ومحد يعرف مكانها الا عايض و عاليه صرخت بصوت عالي من شده الالم، دق الباب وصارخت بتعب دخلت جارتها الاجنبيه وانصدمت شكلها ودقت على الاسعاف
اسَرار باللغه الانقليزيه : جيبي طرحتي قبل يجون
هزت راسها الجاره وراحت تدور على طرحتها
جو الاسعاف و طلعوها المستشفى علطول
بعد مرور عده ساعات /
ولدت اسَرار وجابت بنت وسمتها إيلا، دخلت الممرضه الغرفه
اسَرار : اريد هاتفي
الممرضه : حسنا
عطتها الممرضه جوالها ودقت على عايض
اسَرار : عايض
عايض : هلا اسَرار بغيتي شي
اسَرار ببكى : ولدت يا عايض و جبت بنت ومحد حولي
عايض بهدوء : انتي بتغيتي ذا الشي و نفذته لك
اسَرار : عايض تكفى تعال خايفه اموت و بنتي تضيع ولا يصير فيها شي لا سمح الله وهي مو في ديارها
عايض فز بخوف : بسم الله عليك الحين احجز لي و لـ عاليه ونجي عندك
اسَرار : تكفى لا تطول
عايض تهند : ابشري
« الرياض قصور فهد ال عماد »
عاليه : عايض فيك شي؟
عايض : اسَرار ولدت
عاليه ابتسمت بفرحه : واذا ولدت شفيك مكشر صرت خال
عايض : تبينا نجي عندها تقول خايفه تموت وبنتها تضيع ولا يصير فيها شي لا سمح الله
عاليه : طيب عادي خلينا نروح لها مو هي اختك الصغيره
عايض : بس هي اللي قالت تبي تبعد عنا
عاليه : اسَرار صغيره يا عايض واكيد تهورت بالقرار
عايض : هي كبيره يا عاليه وصارت ام ماعاد هي اسَرار الصغيره
عاليه : ولو هي لسى صغيره
عايض : 24 سنه يعني صغيره؟
عاليه : لا مب صغيره بس انا اشوفها صغيره مره
عايض : خلاص قفلي على الموضوع بحجز لنا وانتي جهزي الشناط بطلع شوي وجاي
عاليه : تمام لا تطول
« بيت ابو سهيل »
ولدت الجود من شهرين وجابت ولد و سمته تـيّم
تالين بحب : وه يزينه تـيّمي
الجود ابتسمت : احسه يشبه سهيل
تالين : واحلا من يشبه ابوه
ام سهيل ببتسامه : هاتي حفيدي بس
تالين : يلا يلا نروح عند جده
ام سهيل : تـيّمي الحلو حبيب جدته
تالين بمزح : حتى الورع خذا مكاني
ام سهيل ابتسمت : لانه ولد سهيل طبيعي
الجود : ياعمه شكل جوعان شوفي كيف وجهه قلب
ام سهيل ناظرته وشافت وجهه اللي مستعد للبكى : خذيه لايبكي
« قصور ثامر ال سلطان »
دخلو القصر الاساسي وهو قصر اللي يسكنون فيه ال سلطان
رشا ابتسمت من شافت هيام وشايله همَام اللي صار عمره 10 شهور : هلا بالهمَام
مهَاب : امي و ابوي موجودين؟
رشا : ايوه ماما بالصاله اللي فيها الشاشه و ابوي يتجهز معزوم
مهَاب : امي عندها احد
رشا : لا تتابع مسلسلها
مهَاب : تمام
هيام شالت همَام وراحت ورا مهَاب، دخلو الصاله وابتسمت ام راشد من شافتهم
ام راشد بفرحه : هلا بالغوالي تو ما نور المكان
هيام ابتسمت : بوجودك يعمه
ام راشد شالت همَام بـ حنيه وباسته : يعمري انا الحلويين يناس
مهَاب ضحك بمزح : اشوف ولدي خذا مكاني
ام راشد : ويستاهل حفيدي ذا
مهَاب : الا متى حددتو زواج راشد؟
ام راشد : حددناه امس انا و ابوك و راشد
هيام : متى؟
ام راشد : شفنا ان العروس جاهزه خلاص وقلنا بعد اربع ايام بما ان الكل جاهز
هيام : كويس والله خفت امتن وفستاني مايدخل ويطلع خايس علي
مهَاب : انتي كل شي حلو عليك
هيام بخجل همست : مهَاب مب وقته ترا !
ام راشد ابتسمت : اييه رايحين مكان ولا وش
مهَاب : ايوه طاعلين نتمشى وقلنا نلسم عليك و نطلع
ام راشد : استودعتكم الله
شالت همَام من ام راشد و طلعو
« قصور وافي ال فيصل »
ابو نسّيم : البنت وافقت يا منيف ترا بس باقي تحدد موعد الملكه وخلصنا
منيف بهدوء : ابيه بعد زواج نسّيم بيومين
ابو نسّيم : يعني بعد اسبوع ويومين
منيف : ايوه
ابو نسّيم : خلاص بكلم عمك و اشوف
نسّيم : الا جيلان و خطبتها رديتو عليهم ولا باقي
ابو نسّيم : لا باقي توهم الاسبوع اللي فات خطبوها
منيف : شوفو رايي نواف رجال و يستاهل جيلان بس هي اللى تحدد تبيه ولا لا
يسُر : صادق نواف مافيه منه اثنين واشوف انه مناسب لـ جيلان
نسّيم : وانا بعد اشوفه مناسب لها لكن الشور شورها ومحنا بغاصبينها عليه اذا ماتبيه
كانت وافقه ورا الباب وابتسمت بفرحه من كلامهم وهي اساسا كانت جايه تعطيهم موافقتها
ابو نسّيم : كلنا نشوفه مناسب لها
دق الباب وسمحو لها بالدخول
ابو نسّيم ابتسم : هلا هلا بالغاليه
جيلان ابتسمت وجلست بجانب ابوها
ابو نسّيم : الا يابوك وش قلتي عن خطوبه نواف لك؟
جيلان بهدوء : موافقه
ابو نسّيم : الحمدلله وترا نواف مناسب لك وشاهدين على رجولته وكرمه وكل شي ودامك موافقه ف حنا موافقين
« قصور عماد ال سعد »
مجلس الرجال /
انصدم ريان من كلام عايض وبلغه بكل شي وانها ماراحت بأرادتها راحت خوفا من عمامها اللي يحاولون يدمرونها
ريان بصدمه : هي انجبرت تبعد عني يعني مو مستقصده ابد
عايض : ايوا يا ريان عمامي اجبروها
ريان : وينها بأي دوله هي
عايض : بـ إيطاليا 
طلع عايض بعد ما عطاه كل المعلومات وقاله كل شي وحجز ريان طياره لـ إيطاليا وجهز اغراضه ومشى من دون مايقول لـ احد حتى
« إيطاليا اليوم الثاني »
صحت من نومها وشافت الغرفه خاليه من الوجود تاظرت السقف بضيق وهي تظن بأن عايض سحب عليها و ماحيجي ماتدري بأنه بلغ ريان بكل شي وقاله عن السالفه كلها غمضت عيونها لـ ثواني لكن سرعان مافزت من فتح الباب بقوه
ريان بخوف : اسَراري فيك شي
اسَرار بصدمه : رياان؟
ريان : اي انا ريان يا اسَرار تحسين بشي يوجعك؟
اسَرار نزلت دموعها : ليه جيت وانت كارهني لني تركتك وانت تحتاجني
ريان : عرفت سبب روحتك بعدين ما بعمري كرهتك
اسَرار :  جات بنتنا يا ريان انا حامل ببنت وسميتها إيلا
ريان ابتسم بدموع : مبروك لنا
اسَرار ابتسمت وغمضت عيونها بتعب تبي تنام
« بعد مرور اربع ايام »
زواج ال سلطان  /
راشد ال سلطان & جيهان ال سلطان
« قاعه النساء »
اصوات الموسيقى العاليه في جميع انحاء القصر ولعب الاطفال الصغار حول النساء
رشا : ماما هيام و مهَاب بيتأخرون شوي قاعدين يدورون ثوب همَام ويقولك مهَاب اخرو الزفه شوي يبي يكون مع راشد
ام راشد : تمام بس قولي لهم لايطولون مرا مابقدر اخليهم يأخرونها مرا
رشا : اوكي
دق جوالها وابتسمت من شاف عمر اللي يدق
رشا ببتسامه : هلا عمر
عمر : اشتقت لك شرايك امرك
رشا بخجل : لا تكفى توهم ما زفوها ترا
عمر ضحك : طيب اسمعي كلي زين عشان صحه ولدي
رشا : تمام انت وش تسوي؟
عمر : اساعدهم
رشا : اها اجل بقفل ونت كمل ساعد اخواني
عمر ابتسم : من عيوني
« قصور ثامر ال سلطان »
قسم مهَاب و هيام /
هيام تأففت : اوف ياخي ثوبه وين راح مومقعوله اختفى
مهَاب : دوري خلي الحلطمه ترانا متأخرين
هيام : دقيقه همَام ماله حس ليكون نام
مهَاب : لقييت الثووب
هيام صرخت بفرحه : واخييرا
مهَاب ناظر ارجاء الغرفه ومالقى همَام : دقيقه همَام وينه
هيام : يوهه شكله طلع الصاله امش ندوره
طلعو يدورون همَام في القصر كامل ومالقوه
هيام : يمه ذا وين اختفى
مهَاب جته فكره : دقيقه و يطلع
شغلو اغنيته المفضله ومارت دقيقه الا ويشوفونه طالع من ورا الكنبه ضحكو من شافوه جاي يركض ويضحك لهم
هيام شالته وباسته من خده : حبيبي انت يلا نروح نتجهز عشان زواج عمو راشد
مهَاب ابتسم بمزح : وانا مالي بوسه زي الورع
هيام ضخكت : لا مافيه
مهَاب ضحك بصوت عالي : خلاص روحو تجهزو تأخرنا
طلعت هيام تجهز همَام لجل يحضرون الزواج لانهم تأخرو مرا
« بعد مرور ساعه ونص »
نزل

اعتذر عن الاخطاء الاملائيه فهي ليست مقصوده 🤎

انستا «7iel_4»🤎