ياليت صواديف الايام تجمع كل الولايف

part 17

صُدف تجاهلتها وفجأءه فتحو الابواب وضحكت صُدف : شوفو حتى من ما اسوي شي، دخلت سيارتها وما مرت دقايق الا ويشوفون هيام طالعه من القصور ومتوجه لهم مبتسمه
صُدف نزلت الشباك : تعالي قدام يروحي متحاشرين كلهم ورا
هيام : جيت جيت
في هذي الاثناء كان سياف بالحوش ينتظر راشد وابتسم بضيق من شاف سياره صُدف تدخل القصور وتوقف قدام سيارته
« غرفه مهَاب و هيام »
استغرب من جاه اتصال من المستشفى اللي ولدت فيه هيام بـ غيم و سحاب رد بأستغراب
المستشفى : معي مهَاب بن ثامر ال سلطان؟
مهَاب : أي تفضل
المستشفى : ظروري تجي المستشفى انت و زوجتك و البنات
مهَاب : ليه
المستشفى : اعذرني موضوع مهم مقدر اقوله على الجوال
مهَاب : حاضر جايكم
المستشفى : نتمنى انك تستعجل
مهَاب : ابشرو، قفل بأستغراب و دق على هيام
هيام : هلا مهَاب
مهَاب : مري المستشفى اللي ولدتي بـ غيم و سحاب فيه يبونا وانا بروح اجيب البنات وجاي
هيام : ليه
مهَاب : مدري بس دقو علي وطلبونا نجي مع البنات
هيام : تمام
« سياره صُدف »
ناظروها بأستغراب ويبون يعرفون السالفه
هيام : صُدوفي مري المستشفى اللي ولدت فيه بـ غيم و سحاب يبيونا
صُدف : شسالفه
هيام : مدري دقو على مهَاب وقالو له يجي ويجيبني انا و البنات معه
الجود : خلاص روحي ومره وحده نتأكد من هناك
صُدف : اوك
بعد مرور دقايق وصلو البنات و سياره مهَاب معاهم توها توصل
هيام خذت سحاب : ما قالو لك السبب
مهَاب : لا بس قالو تعال مكتب المدير
هيام : الله يستر
دخلو المستشفى و توجوه لـ مكتب المدير
مكتب المدير /
دخلو استغربو من الزوجين اللي جالسين ومعاهم ولد صغير الواضح انه بعمر البنات
مهَاب : معليش بس انتو طلبتونا ندخل ولا ننتظر برا
مدير المستشفى : لا لا ادخلو
جلسو وهم مستغربين
المدير : اول شي انا اعتذر للخطأ اللي صار واتمنى انكم تسامحونا لولا الله ثم الكاميرات كان الحين الاطفال اللي معكم  كبرو وعاشو مع ناس مو اهلهم
مهَاب بأستغراب : عطني زبده الموضوع
المدير بحزن : صار خطأ وتبدلو الاطفال واساسا يا اخ مهَاب جاك ولد مو بنات
هيام شقهت بصدمه وناظرها مهَاب بحده
هيام : دقيقه الحين البنات مو بناتي
المدير : لا بنات الانسه اللي قدامك
هيام قامت بخوف وراحت لـ الولد اللي كان بحضن البنت وشالته و الرجال راح لـ البنات وشالهم
مهَاب : دقيقه بس قبل اي احد يروح وروني التسجيلات حقت الكاميرا
المدير : تفضل
شاف الكاميرات وعصّب ونطق بحده : الحيوانه هذي اللي بدلت بالاطفال عطوني اسمها الكامل
المدير : من حقك اسمها *********
مهَاب راح لـ هيام اللي ضامه الولد وتبكي وقعد يهديها
البنت توجهت لـ هيام و تكلمت بهدوء : مشكوره انك اهتميتي ببناتي انا اسمي هاجر
هيام ناظرتها ببتسامه باكيه : وانا بعد اشكرك انك اهتميتي بولدي اسمي هيام
هاجر ضحكت : وش سميتيهم؟
هيام : سحاب و غيم
هاجر ابتسمت : سبحان الله سميتهم الاسم اللي كنت ابيه
هيام  ابتسمت : وش سميتي ولدي
هاجر : همَام
هيام : الله الاسم اللي ابيه
هاجر : سبحان الله يالصدف سميتي بناتي بـ الاسامي اللي ابيها و سميت ولدك بـ الاسم تبينه
هيام : اي والله سبحان الله
مهَاب بهدوء : يلا مشينا نسجل الولد بأسمي
هيام : باي هاجر
هاجر ابتسمت : باي
« بنفس المستشفى عند البنات »
جالسين ينتظرون التحاليل ومتوترين اكثر من اسَرار
دق جوال اسَرار و فزت من شافت ريان قاعد يدق عليها وانتبهو لها البنات
صُدف : شفيك؟؟
اسَرار بتوتر : ريان قاعد يدق
عذاري : لا تقولين له قبل ما تطلعع النتائج عشان لا يتحمس وتطلعين مب حامل
اسَرار : اوكي 
اسَرار بتوتر : هلا ريان
ريان بهدوء : وينك مو بلبيت؟
اسَرار : طالعه مع البنات اتغدا
ريان : ليش ما قلتي لي؟
اسَرار : نسيت اقولك
ريان : طيب تمام لا رجعتي لي تفّاهم معك، وقفل الخط
الجود : وش يبغى
اسَرار : يسأل ويني
الجود : اها
شافو هيام جايتهم وشايله ولد معاها
عذاري بأستغراب : مين ذا؟
هيام جلست ببتسامه : همَام
صُدف بطقطقه : اسرع حمل و ولاده بالتاريخ
هيام ضحكت : لا تخيلو، وبدت تسرد لهم كل اللي صار
اسَرار : يويلي يعني ذوليك البنات مو بناتك
هيام : وش اقول من ساعه انا
عذاري : وه الحمدلله انهم راجعو الكاميرات و علموكم قبل يكبرون
هيام : اي والله الحمدلله ولا كان كبر همَام بعيد عني
صُدف : وايي باكله النونو النايم
الجود : هات النونو هاته
هيام : ها وش صار
اسَرار : باقي الدكتوره ما قالت لنا شي
« بعد مرور نص ساعه »
طلعت الدكتوره ونادت البنات
الدكتوره : تبين تقرين التحاليل لحالك ولا اقراها لجل يسمعونها خواتك، ركزو للحظه على كلمه خواتك لامست قلوبهم رغم ان الكلمه عاديه وبسيطه الا انهم انبسطو
اسَرار بتوتر : يسمعونها معي عادي
الدكتوره ابتسمت : مبروك انتي حامل
صرخو البنات بفرحه و اسَرار للحينها تحاول تستوعب الدكتوره وش قالت
صُدف : واخييراا بصير عمه و خاله بنفس الوقت
عذاري : احس بفرحهه مو طبيعيه
اسَرار : بنات بقول لـ ريان بس بطريقه حلوه
هيام : عندي بس ابعدو ريان عن البيت لحد ما نخلص
صُدف : موضوع ريان عندي
هيام : خلاص يلا
« بعد مرور خمس ساعات ونصف »
هيام : الحمدلله الفيديو و خلصت منه
عذاري : والغرفه جاهزه و الاكل كمان
هيام : في اي غرفه حطيتهم
عذاري : بغرفه فيها كنب و شاشه كبيره
هيام : كويس
الجود : همَام نام ودامكم خلصتو يلا
شالت هيام ولدها و طلعو هي و عذاري و الجود بعد ما ظبطو المكان
هيام : كويس اني قلت لـ منيف يجيب سيارته
عذاري : من متى وانتي معد صرتي تسوقين
هيام : بعد حادث الخيل
الجود بضيق : كان يوم حزين
هيام : اشتركت بمسابقه بس لسى ما صارحت مهَاب و بابا و اخواني
عذاري : مالومهم لو رفضو كنتي راح تموتي بسبب مسابقاتك
هيام : لا بس وقتها ارهقت العاصف بـ التدريب
الجود : انتبهي لـ نفسك متى وقت المسابقه
هيام : بعد اربع ايام
« قصور ثامر ال سلطان »
دخلت وهي شايله همَام النايم بحضنها وابتسمت من شافت مهَاب جالس بالصاله وراحت له
مهَاب : ارحبي
ابتسمت بهدوء و جلست بجانبه : عندي شي مهم بقوله
مهَاب : اسمعك
هيام : انا شاركت بـ مسابقه خيول وقريب بعد اربع ايام
مهَاب بحده : مافيه انسي الخيول سامعه
هيام وقفت : ماهو على كيفك
مهَاب : هيام !!
هيام بزعل : دايم انت ضد قرارتي وتكرهني
وشالت همَام وراحت الغرفه و قفلت الباب وبكت، اما مهَاب اللي لا زال واقف مكانه ومصدوم من كلامها
« عند ريان و اسَرار »
دخل ريان البيت بعد ما فرفر مع صُدف شوي و راح لمه وقعد معاها استقبلته اسَرار ببتسامه وهي متزينه ، انبهر ريان من جمالها
اسَرار : يلا عندي فلم جهزته حلو اكيد بيعجبك
ريان ببتسامه : انتِ كل شي حلو منك
ابتسمت اسَرار بخجل : يلا تعال
جلسو امام الشاشه وشغلت اسَرار الفلم وفجأءه بنص الفلم طلع جهاز حمل وفيه خطين وملابس نونو وصوره اسَرار و ريان يوم الزواج و مكتوب « انا حامل بأول ثمره حبنا يا ريان »
صرخ ريان بفرحه بعد ما استوعب اللي شافه ونطق بفرحه : اسَراري انتي حامل؟
اسَرار هزت راسها بأيه وعيونه مدمعه ضمها ريان بفرحه وقعد يشكر ربه
« قصور ثامر ال سلطان »
دخل الغرفه وعوره قلبه من شافها نايمه و دموعها على خدها و همَام جنبها يتأمل السقف شاله وهو ضايق
مهَاب بضيق : انا اسف يابوك اني تركتك مع ناس ما نعرفهم، باسه و وجلس يلاعبه شوي و حطه بجانب هيام ودخل غرفه تبديل الملابس لجل يبدل و ينام
« صباح اليوم الثاني بـ قصور وافي ال فيصل »
جالسين يفطرون جميعهم على طاوله الطعام من كبيرهم لـ صغيرهم
ابو نسّيم : جهزو انفسكم الاسبوع الجاي طالعين مخيم
منيف : حنا بس ولا عمامي و خوالي معانا؟
ابو نسّيم : كلنا حتى عمامك و خوالك و ابو راشد
جيلان : احس مرا كثار
ابو نسّيم : شي حلو، ايه يا ابتهاج لا ننسين تبلغين اهلك و اللزمي عليهم يجون تراهم نسايبنا وكمان زوجه اخوك صحبه بنتي اعزميها
ابتهاج : ابشر
ابو نسّيم : وانت يا يسُر لا تنسى تكلم ابو سماح وتعزمه و تكلم سهيل يجيب زوجته دامها صحبه هيام وتكلم ريان كمان يجيب زوجته و اخته
يسُر : ابشر ياعم
« قصور ثامر ال سلطان »
جالسين جميعهم على طاوله الطعام وينتظرون هيام و مهَاب يجون لجل يفطرون
نواف : رشو كلمتيهم يجون ولا نسيتي
رشا : كلمتهم وقالو شوي وجاين
ام راشد : زواج جيهان وراشد قرب ما بقى عليه الا ثلاث اسابيع
رشا : الحمدلله مخلصه اغراضي من بدري بس بقى الفستان وبيطلع بعد اسبوعين
ام راشد : وانا بعد اغراضي جاهزه ومدري عن هيام
راشد : القاعه و الاشياء اللي علينا كلها تمت بس باقي يوم العرس وخلاص
نواف : و الدعوات جهزت وخلاص
ابو راشد : الحمدلله زوجتكم كلكم وما بقى الا نواف وهذا عاد قريب ونخطب له
دخلو هيام و مهَاب وناصدمو الموجودين من الطفل اللي معاهم
ام راشد : يويلي ذا ولد مين
مهَاب : يمه ذا همَام
ام راشد شهقت : همَام من ماعندك الا غيم و سحاب
مهَاب ضحك : اوهو سالفه طويله بعلمكم اياها بس اجلسو، جلسو بدا يسرد لهم الاحداث من بدايتها لـ نهايتها
ابو راشد : وش صار على الممرضه اللي بدلت بينهم
مهَاب : اما ذي عاد شغلي معها طويل بس بلغت عنها والحين هي بالتحقيق ما عطوني خبر للحين
ام راشد : الحمدلله انهم راجعو الكاميرات وبلغوكم
نواف : يعني ذوليك البنات مو بناتكم
هيام : لا بس يعتبرون اخوات همَام بالرضاعه ترا
رشا : شي حلو انه يكونو عنده اخوان بالرضاعه
هيام : اي والله
« بعد مرور  يومين »
قصور ثامر ال سلطان /
طلعت وهي لابسه عبايتها و متجهزه شالت همَام وخذت اغراضه وطلعت من البيت رايحه لـ مواقف القصور وركب سيارتها وحطت همَام بمكانه ورا وشغلت سيارتها وطلعت من القصور متوجه لـ بيت عذاري لجل تمرها و تمر الجود و صُدف و اسَرار، مرتهم كلهم و جو السياره كان توتر لانها طالعه غصب عن اخوانها و ابوها و زوجها اللي رافضين بسبب اصابها اخر مره
الجود : هيام متاكده انك بتتسابقين
هيام بتوتر : اي تكفين حدي متوتره
صُدف : احس اللي تسوينه غلط يا هيام
اسَرار : لا تحسين تاكدي بس ترا هي عنيده ومستحيل يمشي رايهم عليها بس ذا مو شي جديد عليها
عذاري : هيام ترا ماله داعي تشاركين هم رافضين لانهم عارفين مصلحتك
هيام : بنات تكفون اسكتو حدي متوتره
عذاري تهندت : طيب همَام اخاف يبكي
هيام : معليك اغراضه بالشنطه
صُدف : توترت احس
وصلو بعد مده و راحو البنات مع بعض و هيام راحت غرفه التبديل تبدل و تتدرب للمسابقه، وبعد دقايق معدوده طلعو المتسابقين جمعيهم وانصفو بجانب بعض، انصدم مهَاب من شافها توقف بجانب الحدايد اللي عند رجال الاعمال و الشخصيات المهمه وكان هو جالس معاهم هو وابو نسّيم و نسّيم و منيف و يسُر و نواف و ابو راشد و راشد وانصدمو يوم شافوها وهم اساسا ماكانو متوقعين انها راح تكون بالسباق اساسا ، سمعو صوت اطلاق النار اللي يعلن عن بدايه السباق وبدو  المتسابقين يجرون ومسرعين وكانت هيام بالمرتبه الثالثه لكنها تقدمت وصارت بالمرتبه الثانيه واسرع العاصف وسّارت بجانب المرتبه الاولى لحد ما تقدمت وسّارت متقدمه بالامام و فازت بالاول فرحت اول ما قطعت الحبل وفازت بالمركز الاول وقفت تلوح لـ الجماهير اللي صارخو من فازت بالمركز الاول، وقف المتسابق اللي خذا المركز الثاني وكان ولد وقف قدام هيام
المتسابق : قوتك ابهرتني كيف تعديتيني وخذيتي المركز الاول
هيام ضحكت : محد قلك تصير بطيى صراحه
المتسابق ضحك : انصدمت من تعديتيني بلعاده دايم اكون بالمركز الاول
هيام : هذي المره انا خذيت المركز الاول بالشوط الاول الشوط الثاني اكيد انا باخذه واخذ المركز الاول بجميع الاشواط
المتسابق : يالثقه اللي بمحلها عموما مبروك الفوز معك عايض
هيام : الله يبارك فيك وعقبالك
« عند مهَاب »
فار دمه من شاف واحد من المتسابقين العيال واقف مع هيام ويسولف معها عصب وغار لدرجه كان بيقوم بس مسكه نواف وهمس له
نواف : اهجد ماراح يخلونك تروح لها اكبت غيرتك واهجد
مهَاب بغيره : شوفه كيف مقرب منها
نواف : خلك هاجد و اذا انتهت المسابقه سّوي اللي تبيه
مهَاب بحده : يارب صبرك
راشد : شفيكم انتو
نواف : اخووك بيتهور لو ما بعد ذا المتسابق عنها
راشد : مهَاب اهجد ابوي بيعصب عليك خلك هاجد
ابو نسّيم ببتسامه : بنت ابوها واثق فيها بتجيب المركز الاول
نسّيم : انتبهو لها لاتطيح المغروره ذي
منيف : دامها اخت منيف يحق لها الغرور
يسُر : ما كانهم طولو على بدايه الشوط الثاني
نسّيم ناظر ساعته : خلاص دقيقه ويبدون
وفعلا مرت الدقيقه وصفو هيام و عايض مع بعض لانهم هم اللي بيستابقون ويشوفون مين اللي ياخذ المركز الاول فيهم
عايض ببتسامه : ذي المره انا باخذ المركز الاول بدالك
هيام : نشوف
وانطلقو على صوت اطلاق النار اللي مُعلن بدايه السباق وكان عايض بالمتقدمه ووراه بمسافه بسيطه هيام، ومامرت ثواني الا وهيام تقدمت واصبح عايض وراها اسرع عايض وصار بجانبها واسرع العاصف سرعه جنونيه لدرجه هيام كانت راح تطيح بس تعلقت فيه ورجولها اصبحت على الارض، خاف مهَاب من شافها متمسكه في العاصف ورجولها على الارض وسرعان ما تذكر اللي صار في اخر مره دخلت سباق وخاف اكثر يصير لها مره ثانيه اللي صار ، اما هيام اللي من حست انها بتطيح وتمسكت بالعاصف بـ أقوى ما عندها ورفعت نفسها وحاولت تهدي العاصف وتلتقط انفاسها لفت وراها وشافت عايض صار بعيد وابتسمت من اقتربت من خط النهايه وصرخت بفرحه من تكلم المعلق بـ « فازت البطله هيام بنت وافي ال فيصل بالمركز الاول، مبروك يالبطله هيام الفيصل » وسرعان ما تعالت اصوت الجماهير بفوزها وطاحت عينها من كل الجماهير على ابوها و اخوانها الواقفين بجانب بعض و يعززون لها و طاحت انظارها لـ مهَاب المبتسم و بلعت ريقها من تذكرت انها عاندتهم و حضرت المسابقه وفازت بالمركز الاول
عايض : مبروك تستاهلين الاول وبجداره
هيام ابتسمت : شكراً
عايض ابتسم : العفو اتمنى نتقابل مره ثانيه لجل افوز عليك
هيام : نشوف وقتها
جت وحده وهي مبتسمه
عاليه : سلام
هيام : هلا وعليكم السلام
عاليه : مبروك وتستاهلين الاول
هيام : الله يبارك فيك الا مين انتي
عايض ابتسم : زوجتي عاليه
هيام : اسمائكم متناسقه وحلوه
عاليه ابتسمت : شكرا وعقبال نسمع بخبر زواج
مهَاب جا على كلامها ومعه همَام : متزوجه وعندها ولد
عاليه : ماشاء الله مبروك الولد
هيام : الله يبارك فيك يروحي و عقبالك
عاليه : امين يروحي الا وش اسمه النونو الكيوت
هيام ابتسمت : همَام
عايض ابتسم : ولد الخيال مهَاب بن ثامر السلطان؟
مهَاب ابتسم : اي نعم ولدي وذي زوجتي
عايض : معك عايض ال عماد 
مهَاب : والنعم فيك انت من احفاد رياض ال عماد
عايض : اي نعم ولد فهد ال عماد
هيام انصدمت : اخو اسَرار ال عماد
عايض : تعرفينها؟
هيام : ايي اكيد اقرب صحباتي وهي هنا مع البنات اناديها
عايض ابتسم بشوق : اذا مافيها تعب
هيام : دقيقه، رجعت بعد دقايق، جايه كلمتها
عايض ابتسم
منيف ضم هيام : مبروك يا اخت منيف
هيام ابتسمت : الله يسلمك
نسّيم : بس بس دوري، مبروك يعيون نسّيم
هيام : الله يبارك فيك
جت اسَرار وراحت لـ هيام وهي مستغربه ومو منتبهه لـ عايض ابد
اسَرار : هيوم
هيام ببتسامه :انتي عندك اخو تدورينه صح اختفىبعد وفاه امك و ابوك صح
اسَرارابتسمت بضيق : ايوه عايض
هيام : لو قلت لك انه وراك وش بتكون رده فعلك؟
اسَرار : رده فعلي بتكون، واستوعبت كلامها ولفت وراها وصرخت بشّوق من شافت عايض واقف وراها ومبتسم
عايض ضحك : اسَراري يعيوني ليه البكى
اسَرار بدموع : اشتقت لك ليش غبت وابعدت عني يا عايض
عايض تهند وهو ماوده يصارحها بالسبب
« بعد مرور اسبوع »
المخيم /
مقسومين قسم حريم و قسم  رجال /
الاطفال يجرون بكل مكان و الحوامل جالسين بزوايه واللي ولدها ولا بنتها رضيع جالسين لحالهم و العازبات لحالهم و الامهات لحالهم، تجمعو البنات عند ابتهاج و هيام
سحايب : بنات نسيت اقولكم
جيلان : وش
سحايب : تخيلو جمال خطبني قبل كم يوم واحس استخرت و موافقه بس للحين ما عطيتهم الموافقه او قلت شي
هيام : اخس اخس وخذاك جمال
سُلا : يعني نقدر نقول انتصر الحب
ملاذ : نقول وانتصر حب الطفوله
جيلان : جمال اخو شادي و جابر ولا وش؟
الهنوف : معليش بنات اختي غبيه شوي، ايه يا حماره اخوهم عيال خالتي شيخه
جيلان : حب الطفوله سحايب وجمال احس كيوت اوشي
سحايب : شفيكم انتو وش ذي الاسئله الغريبه
امال : معليك مصدومين
ميان : وش بتسمين عيالكم
غلا : احس البنت سجى و الولد جاسم
مير بطقطقه : جاسم طلجني
ملك كملت بطقطقه : لا ما بطلج
الهنوف : شوضعكم بنات اهجدو
سُلا : يالمتزوجات انتو انقلعو عند ازواجكم مانبيكم
جيلان : اي اي مانبيكم
اميره : من زينكم عاد شلتب تعالو نجلس
امال : مشينا يا شلتي
زين : خلونا نجلس لحالنا بعيد عن الورعات
سحايب : دقيقه باخذ عفشي
مير : انتظروني يهو
زين : تعالي كان
عذاري : صحباتي الاحباء اسَرار، صُدف، الجود، هيام تعالو نجلس هناك
هيام : اجيب همَام ولا اوديه عند ابوه
صُدف : وديه منبيه
هيام : بوديه لاني ابيه عند ابوه مو عشانك ما تبينه
اسَرار : روحي وديه كان
« عند مهَاب »
كان جالس مع العيال و يسولفون وجاته رساله بان هيام تبيه وفعلا قام وراح لها
هيام ابتسمت من شافته جاي : مهَاب
مهَاب : هلا يعيون مهَاب
هيام : تكفى خذ همَام معك
مهَاب ابتسم : خليه معك و تعالي معي نبعد عنهم شوي
هيام ابتسمت : تمام
وراحو بعيد عنهم وجلسو هناك، تمددت هيام لجل تحط همَام النايم بحضنها وانسدح مهَاب على رجولها وهمَام بجانبه نايم
هيام ضحكت : بزر سادح على رجولي
مهَاب ابتسم : مشتاق لك
هيام ابتسمت : تونا كنا بالسياره مع بعض
مهَاب : بتصدقين لو قلت لك اني اشتاق لك حتى ولو بعدتي عني دقيقه
هيام ابتسمت بخجل
بعد مرور بضع دقايق من السكوت اردف مهَاب بهدوء
مهَاب : اسمعي يلا نرجع الجو برد وخايف عليك و على همَام
هيام : اي صح همَام بيمرض صار الجو بارد وهو صغير و مايتحمل
مهَاب مسك يدها ومشو راجعين لـ المخيمات
« عند صُدف »
جالسه لحالها وتتأمل البدر ونوره ابتسمت بضيق من مرت عليها ذكريات سياف واردفت بهدوء :  انا مو مسامحتك على كسرك لي يا سياف صرت اكرهك واكره طاريك بسببك تدمرت حياتي وتدمرت نفسيتي تعبت منك يا سياف
اما عزام اللي كان واقف وراها ومتلثم ولابس فروته انصدم من كلامها وحس انها مجروحه من ذالسياف، جلس بجانبها بهدوء وهي فزت منه
عزام : ضايق صدرك يابنت عبدالله
صُدف باستغراب : تعرفني؟ مين انت؟
عزام : مو مهم تعرفيني المهم اني اعرفك
صُدف : انت مين؟
عزام بتجاهل لـ اسألتها عنه : اشكي همومك يابنت عبدالله ترا القلب يسمعك قبل العقل
صُدف سكتت وكمل عزام : اشكي همومك ترا مو زين الكتمان يا بنت عبدالله
صُدف : ولو شكيت لك همي بتفهمني؟
عزام : مايصعب علي شي و اكيد بفهمك
صُدف : اهمك يالغريب لجل اتشكى لك؟
عزام بهدوء عامض : يمكن تهمين القلب
صُدف انصدمت من اعترافه الواضح، قامت وهي متوتره وراحت للجلسه
عند نسّيم و زين /
جالسين بعيد عنهم ويسولفون بهدوء
زين : كيف عرفتني وخطبتني
نسّيم : تقدرين تقولين صدفه
زين : انت ما كنت تعىفني يوم تصادمنا ذاك اليوم بالمستشفى
نسّيم : ماعرفتك الا وقت الشوفه ترا
زين ضحكت : حتى انا
نسّيم : جهزتي اغراض العرس؟
زين : خلصت كل شي بس باقي الفستان للحين مارحت اخترته
نسّيم : كويس شرايك نروح مع بعض ونختار
زين : تم
نسّيم : ترا ماغيرت الموعد بعد زواج راشد بـ اسبوعين
زين توترت : يعني باقي شهر احس

اعذروني عن الاخطاء الاملائيه 🤎
للتشبيهات انستا «7iel_4»🤎